影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
相關文章
午市燒味好食，尤其燒鵝，價錢都算合理，但早餐就連最基本既煎蛋都做唔好，叫太陽蛋永遠都系得1隻系太陽蛋，搭另一隻爆晒既蛋（仲要煎定左，明顯系唔熱既）俾客，都唔知D師傅唔識煎蛋定專登咁做，一D都唔專業
繼續閱讀
平日午市時段，榕哥門口總是人龍不斷，人氣之高可見一斑。不過店內冷氣略嫌不足，炎炎夏日用餐略感悶熱，建議避開高峰時段或自備涼意。這次點了兩款雙併飯配飲品：乳豬燒鵝飯、文昌雞叉燒飯。朋友間互相交換餸菜，瞬間升級為自製「四寶飯」，一碟滿滿，視覺與味覺雙重滿足。乳豬皮很脆，底層肥膏入口即化，香甜不膩，是整碟中最驚艷的一味。燒鵝皮香油潤，炙燒香氣迷人，但鵝肉略顯乾柴，口感一般，稍嫌可惜。文昌雞肉質嫩滑，雞味濃郁，不需多餘調味已經相當出色，是清爽派的首選。叉燒甜味適中，但肉質偏瘦，整體表現中規中矩，屬於安全但不驚喜的一款。侍應沒有其他評論寫的那般差，基本需求都能妥善處理，在繁忙時段已屬不錯。總結來說，榕哥的乳豬與文昌雞值得一試，若能改善冷氣環境與肉質細節，整體體驗將更上一層樓。
繼續閱讀
呢間燒味餐廳喺灣仔，下晝兩點零鐘下午茶時間，同朋友點咗一個陳皮燒鵝叉燒雙拼飯， 開頭見佢寫陳皮燒鵝，以為佢啲燒鵝係用陳皮嚟醃，所以有陳皮味，但係食落發現其實係個醬汁有陳皮味，淋上碗飯度所以食嘅時候都食到有陳皮既香味，而啲燒鵝都好新鮮，啲皮都好香同脆，肉都係滑。👍🏻👍🏻因為個燒鵝汁其實林落啲飯度都己經夠味，所以個酸梅醬其實都可以唔使點。另外啲叉燒睇係瘦叉燒，未食之前以為係好鞋同好硬個種，但原來其實都好夠林，因為佢係瘦叉燒，所以感覺都冇咁肥，同埋健康啲。環境方面就比較嘈，因為啲枱 set得好密，同埋間舖長期都要開住個門，搞到出面啲熱氣走曬入間舖度，同埋個燒爐唔知係唔係喺廚房入面，所以成間舖都感覺好似冇冷氣咁，食到有d熱。🥵
繼續閱讀
天時暑熱🔥，今日偷懶叫外賣，食返試咗幾次嘅榕哥燒鵝！12 點半前電話落單，行到鋪頭剛好拎，避開人潮果然明智 —— 呢度一到飯市就人龍長到顛，想快食到記得要預先打電話落單！點嘅瘦叉燒少飯少汁單拼飯，打開盒蓋已經香到鼻頭癮🤤！叉燒油亮，瘦而不柴，咬落去軟嫩帶蜜香，連肉紋都滲透住醬汁精華😋。少汁版鹹甜平衡，撈飯剛好唔會濕笠笠，份量對女生嚟講啱啱好，食完午覺都唔怕滯～加配嘅熱奶茶茶味濃郁，奶滑順喉🥛，成個餐「茶餐廳靈魂」直接拉滿！呢度絕對係「懶人救星」+「飯堂級選擇」！
繼續閱讀
今日臨出門口睇電視，見到好似好吸引咁又近公司附近，滿心歡喜就走去試吓！😍下午茶時間唔係太多人，價錢還可以有埋嘢飲都只係50幾蚊於是叫咗個叉燒燒鵝飯加凍檸茶結果：凍檸茶只係得一片檸檬🍋甜度就好似無糖一樣🫣唯獨好彩就唔係好澀，如果唔係就真係好難飲🥲叉燒味唔錯，肉質夠腍心，可惜比左瘦叉燒，本人就比較喜歡吃肥叉陳皮燒鵝皮脆，但肉質太乾身，味道一般飯太濕整體嚟講食到一半，已經唔想食感覺太乾，再加上個飯實在太濕感覺不太良好至於收銀姨姨，好有禮貌，亦都好有笑容👍🏻
繼續閱讀
您可能會有興趣的...