極尚大瀛喜日本料理

營業中

休息中

今日同屋企人打住八號風球去食日式放題 之前嚟過呢間記得印象唔錯 ，今次 再翻兜一次! 我哋七點鐘入嚟， 之後就馬上叫不同嘅食物：例如身壽司火焰壽司定食， 串燒 ，種類都幾多 。。。外面仲有雪糕 ，水果，都幾多嘢食。。 我地好鍾意食壽司 刺身 ，當然 要食餐飽 !叫咗刺身之後，大概15分鐘就上枱了，上餐速度頗快的! 幾份量方面亦都跟足質素方面不算是頂級刺身但是這個價錢任食絕對收貨， 感覺新鮮 ，食落味道 也鮮甜。我哋叫咗好多好多甜蝦， 味道鮮甜 ，三文魚肥美 ，希靈魚出奇地新鮮， 吞拿魚他他也不錯 !唯一覺得冇咁好食嘅就係海膽手捲 ，口感麻麻地，味道也不是太好。叫咗好多其他 壽司例如火焰三文魚壽司， 花之戀也不錯。 飲品選擇繁多有熱茶凍茶 芒果汁 甘蔗汁 忌廉溝鮮奶 菊花茶 朱古力奶。。。等等。。。只是$258 加一，下次想食壽司都會再過嚟!

有一斷時間無食日式放題，忽然想食，早兩日訂定位去食早場17:30只係$190+10%。17:20到場已發現唔少人食緊，唔洗等安排入場，坐位有D迫，但可接受。開波叫一輪魚生，壽司，燒物等。上菜速度快，擺盤唔錯，份量合理。食物質素唔差:魚生: 質素幾好，夠大片，唔小家，味道算新鮮。燒物: 銀雪魚好味，牛舌一般，但有牛味，叫左5串，只一串軟硬適中。壽司: 總體可以。天婦羅: 好食。最估唔到有一樣中式野食--醉鮑魚，好好食，一定要食，食左好多隻。還有呢度D飲品好多選擇，比其他放題多好多，茶啤酒汽水乜都有。要讚呢度D侍應，收碟好快。態度唔差。有時間會和家人再黎。

今日中秋預約同屋企人食中秋飯，預訂咗5:30，食兩個鐘，suppose係7:30離座，可能因為今日多人預約同Walk in，職員六點十幾分就有同我哋講七點last order，都冇咩問題，但係去到7:19嗰陣，我行出位去攞最後一次食物，返埋位個職員走過來同我講「等緊你張枱」屋企人同埋我都傻咗，大佬我7:30先要走，其實你行埋嚟提我仲有10分鐘要離座冇乜問題，但係佢係同我講等緊你張枱，成餐飯本來食得開開心心，我亦都諗住食埋個甜品杯就走，結果佢咁樣同我講一講啲心情即刻衰晒。我當然有眼睇到門口有超級多人等walk in，我亦都知道大概係約咗7:30食飯嘅人已經到咗，但係我嘅離座時間就係7:30，憑咩要我早啲走？另外，每一次叫食物比到嘅數量都唔係根據我落單嘅數目去俾⋯我叫咗十隻帶子，佢剩係俾咗三隻我十隻蝦又係俾得五六隻我都唔係一次過叫超級多，而係分次分次咁樣去叫，可能你覺得我咁樣叫好容易浪費食物，但係我叫得就知自己食得落。上一次食仲覺得好好地，唔好意思我唔會再有下一次。

幾年前呢間野還算係新開嘅時候，曾經都係我食放題嘅首選，當時因為佢哋環境乾淨、有禮貌、唔會漏單、啲食物又好食～我仲介紹咗好多屋企人同朋友嚟食！前兩年同屋企人嚟食過，都已經話過佢明明未夠鐘就已經執晒你枱面所有嘢，包括餐具食物同紙餐墊，趕你走趕到出晒面🤬🤬今次去仲衰‼️如果我唔係去到食緊媽咪講先知～我應該唔會再幫襯‼️原來早喺我媽電話訂位時，佢講咗日期📅人數之後問個男職員：晚餐有咩時段揀？🗣：早場5:30pm，之後就6:30pm，再之後就8:30pm👩🏻：咁6:30pm啦🗣：6:30 full咗啦！好full呀！不如你食早場啦！👩🏻：咁5:30pm😥😥請問可唔可以安排遠少少比較靜嘅位🗣：其實我哋好full 㗎！滿晒㗎啦！冇得揀位呀！得啦！我會安排個老人位俾你！你full咗～咁你做咩人哋問你有咩時間可以揀嘅時候你又要答人full咗嘅時段？第一☝🏻第二，request靜啲遠啲 你唔俾人request你咪講唔好意思都係到時編位架咋⋯咩叫俾個老人位你呀？！？！時段係5:30pm食到7:30pm7點截單之後，有個應該係店長/經理級嘅人不停來來回回大大聲咁話走時記得拎齊野（講一次半次咩都夠同埋佢係每張枱講一

太久沒吃過放題了說起放題我最喜歡去極尚大喜屋因為食物新鮮而且上菜速度快加上有很多間分店就算在哪區吃都很方便店員把我們帶到座位就正式計時兩小時放題門口位置是自助吧有炸物、熱食、湯品、水果、冷盤等還有最期待的雪糕🍦、甜品櫃一坐下就可以用qr code點餐有我最愛的柚子左口魚壽司、象拔蚌刺身、榴槤炸彈、吉列炸蠔、燒菠蘿、花之戀等意想不到的是這裡居然有一品花膠！🔴刺身類不用多說總類雖無不算多但勝在夠新鮮而且每片刺身都是厚切的點的數量和上菜的數量一樣加上温度夠冰凍可見保存得好🟠炸物類我們點了好幾轉榴槤炸彈因為榴槤炸得很脆入面温度夠榴槤內餡炸到流心吃得很滿足🟡燒物類燒牛舌有兩片切很很厚身加上肉嫩彈牙有咬勁燒得剛好不會太乾🟢粥品類叫了蟹粥粥底用了紅蘿蔔絲和粟米去熬煮所以特別清甜粟米粒和紅蘿蔔絲份量都很多所以每一口粥都很豐富有層次一次是兩人份其實三至四人都夠食蟹有半隻雖然煮過粥但蟹味仍然濃郁🔵熱食類熱食吧上有章魚小丸子裡面的章魚很彈牙加上柴魚好香和出面做的很似高質的熱食🟣壽司類左口魚壽司必食！加上柚子的清香帶出左口魚的鮮味每次去吃日本料理都必食！📍 極尚大瀛喜日本料理 (觀塘)觀塘觀塘道414號1亞太

其實觀塘都幾多嘢食，位於亞太中心5樓嘅極尚大瀛喜日本料理不嬲質素都唔差，之前都有食佢嘅放題，今次食佢嘅lunch set，六十幾七十蚊意識到日式定食，出邊沙律吧可以任食，嘢飲任飲，今次叫極尚三色丼定食，有三文魚刺身、帶子刺身、同埋吞拿魚碎，刺身都幾新鮮，帶子鮮甜。出邊熱食吧仲有炸雞件、蟲草花雞湯。至於沙律吧都係啲基本嘢食，例如泡菜、中華沙律、蜆肉等等。講真呢個價錢食到咁多嘢食都算幾抵，如果胃口冇咁大嘅朋友又想食刺身飯可以試吓呢間。

三個月無食過放題喇，前兩日見朋友喺社交平台 post刺身相，個心囉囉攣，第二日就忍唔住訂枱。今次係第二次嚟，book咗最早嘅優惠時段。餐廳食物質素，上菜速度，職員禮貌都唔錯，所以出去拎嘢食時見到已經坐滿客人。自助區有沙律，前菜，甜品，凍蝦，青口，八爪魚小丸子，甜品，飲品，等。最令我意外係有豉汁蒸白鱔，成本都好貴，雖然唔係啱啱蒸好熱辣辣，不過食得出新鮮。刺身好新鮮，種類多，蝦都有三款，好滿足。壽司都幾多款，細細件，手卷都好迷你，不過飯多餡少，紫菜唔脆。蒸扇貝，焗蝦，比目魚。魚乾好好味，好耐無食過。天婦羅炸物選擇比較少。迷你烏冬細細個。串燒都係款式少，仲有湯都好足料，好好飲，不過無影到。醉鮑魚，黃金蝦，炆鮑魚花膠。好多款飲品，仲有梅酒，啤酒等。

極上大瀛喜四個嘈到癲嘅人，閒日可以一齊休息，午餐梗係揀日式放題啦，份量叫多叫少都得，種類多，生熟食物都有，煎炒煮炸樣樣齊😙😙。於是我哋即刻用電話book位，有位即上。餐廳都算位於港鐵站附近，整幢大廈都係食店，我哋一上到去，完全估唔到餐廳大到咁，目測至少有三、四百個位，因為book左位，所以排隊等派位，一個跟一個，待應安排有序又快手，坐低就可以即刻掃QR code點野食！😋😋刺身刺身乃必點項目，佢哋都有差唔多十款刺身，一定要叫連頭嘅蝦同赤貝！超鮮甜！羊架小編至愛！雖然size不大，但勝在肉質鮮嫩鬆軟，不會像坊間一些餐廳的偏鞋同乾！炸生蠔熱騰騰的，小心一口咬落去會比入邊嘅 juicy 燙親口丫！杞子飽魚仔我哋喺出邊食放題，很少見到有飽魚仔，而且吾係超級迷你形，炆得都算淋身同夠入味。蟹粥很少地方做放題會有綿綿嘅鍋粥食，小編朋友係粥怪，盛讚佢d粥夠味夠綿滑。熟食飲品自取區除咗用QR code點餐之外，自取區還有十幾款不同嘅熱食、前菜、雪櫃罐裝凍飲、咖啡、茶、雪糕等，款式比出邊一般放題餐廳為多，不過小編私心最愛嘅係佢嘅熱中湯！一開始已經有很多人排定隊取湯，湯料多又夠濃。

為左同公司同事慶祝，早一個星期前就book左位食極尚大瀛喜慶祝，所以一去入到就有位入，不過現場好快就滿座，所以都係建議返要Book位。咁黎到放題店一定要食刺身啦，一般既刺身都有，比較特別既係北寄貝，比較小用。芝麻雞翼、紫芋丸、炸榴槤都係必選既野，係大瀛喜依到都非常出色。鹽燒牛舌都係其中一樣係咁點既野，非常惹味。羊架我覺得係咁多野之中性格比最高，一黎出面食都貴，二黎大瀛喜都整得好味，所以每次都叫好多件。炸鮮奶好特別，第一次食估唔到幾好味。蝦多士拎黎打卡真係一流。而大瀛喜依到最特別仲有鮑魚食，一班同事都忍唔住叫左好多件黎食。極尚大瀛喜真係比同區既放題既性價比高好多，所以我諗如果下次係觀塘再食放題都會再黎。

今日生日，朋友請食放題。咁啱見飯糰有個生日半價優惠咁就揀咗依間。前一日book枱已經同店員講話有生日優惠,佢仲話畀我聽你聽日到出示返就得啦!今日去到同個經理枱號之後話有個生日優惠,經理亦都係同我講話你入個QRcode 我哋就會見到啦!到臨尾last order前職員嚟收錢見到張單冇扣數同佢講,個職員仲惡過老細，喺度不斷話冇呢個優惠，你用咗啦！我同佢講係你哋話要QR code我先入,問題係而家你張單冇幫我扣，佢仲要不斷大聲過你話你用咗就用咗，跟住我谷鬼氣同佢講我話你同你經理講，轉個頭死死氣返嚟話幫你扣咗數，之後每次經過我個位都不斷用眼神睥我，極之不滿咁 。呢間嘢本來以為啲態度最麻麻嘅都係銅鑼灣，點知原來有過之而無不及！呢間唔係唔止麻麻咁簡單，係極不知所謂！本人最鍾意食放題，但依間沒有下一次，永世不入！

本人成日都幫襯呢個分店嘅放題，但係今次行過，晏晝呢個定食套餐超級 價錢合理😁😁茶餐廳嘅價錢，可以食到一啲嘅新鮮嘅魚生，新鮮嘅熱吃！ 仲可以自助攞生果🍉🍈🍊， 甜品🍕🧇🥞熱盤🍳🍲🍱簡直係放題 選擇

兩條友星期六想食放題、即刻諗到亞太中心5樓，不過如果兩個人多數貼住隔離一張細枱咁大把 ⋯ 坐就唔多舒服但係嘢就非常抵食！⬇️只要你唔介意食咁早、5-7pm食兩個鐘頭只係$200加一，即係埋單$220一位仲可以俾 Tap n Go 用埋消費卷。上個月食咗鱷魚恤中心嗰間真係好一般、今次發現呢邊多咗嘢食 Menu 好似有少少唔同。⬇️嘢飲同埋部份小食自己出去拎、除左蟲草花湯之外小食仲有鹽酥雞/章魚燒/同埋蒸魚等。凍海鮮就有青口同埋蝦、仲有鴨胸沙律等等任攞。⬇️呢度用QR code落單都冇乜漏單，全場滿座上菜速度都幾快、如果你一早狂落單張枱可能冇乜位剩。不過收碟嘅速度係超級快、今晚不停有架車來回狂收 ⋯ 簡直趕唔上佢車速 😂 但係因為收得密、張枱先會夠位食！⬇️以前食開嗰啲刺身壽司手卷都正常。今次出現咗一啲未見過既包括蒜蓉蒸扇貝、上面嗰Pat醬好咸扇貝冇乜味，但係見到呢一個就幾驚喜。⬇️下一個係白酒煮蜆、最搞笑係上枱一陣青咖喱味 ⋯ 我以為係泰式青咖喱炒蜆！仲有一個古早味牛丸湯、又係泰式嘅金邊粉味 ⋯ 全部都 crossover 出第二種味！⬇️而家多咗醉鮑魚幾好味、反而花膠冇以前咁好味而佢地乜都鍾意加隻

超抵食放題！！！！！食最早時段（好似係5點半），200蚊一位，連埋加一都係220蚊。食物種類都算多，基本上放題應有既野佢都有，仲有好大個區畀你自己拎野食！漏單情況都無乜，食物都上得齊！會再幫襯！

亞太中心就係apm 隔離，都幾方便，但因為唔可以直接喺apm穿過去，如果落雨 或者好曬就 有啲麻煩，因為lunch time都會多人排隊等𨋢，我哋都係室外曬咗 五分鐘太陽先可以 入到室內🥵用電話落單，快捷方便 餐牌一目了然 唔漏單👍店員服務好， 好勤換碟👍落單後 等嘢食嘅時候，可以先出去 自助吧 攞啲冷盤 同 少量熟食，飲品選擇好多，幾個大 飲品櫃，仲有暖飲櫃多到好似去左便利店咁🤣當我 喺自助餐攞咗 少量食物 返到座位時頭先落單嘅嘢已經到咗👍咁多嘢食真係唔知食咩先好😅幸好用餐時間12:00－3:00，有好充足嘅時間慢慢 享用👍鮑魚花膠 好足料， 有三塊大大塊 又厚嘅花膠，花膠有啲腥蒲燒鰻魚😍好肥美😍正👍叫左3次🤣燒菠蘿 又甜又多汁😍榴槤炸彈， 皮薄， 唔會太漏👍

值得推介即高質放題同地鐵站距離，步行不超過5分鐘（APM附近）；坐位舒適 ；食物選擇多、魚生新鮮分量充足；有生日優惠（生日日期的+/-7日內去食，有哈根大師雪糕食，一人一杯）。最後係有提供自助Bar飲品唔係cheap野，至少有Somersby Apple Cider同解茶（有普通一般嘅飲品：即係咖啡奶茶檸茶），維他雪糕 、軟蛋糕 同 水果，仲有本人至愛嘅章魚八爪魚丸食物落單之後，平均5分鐘就到。（可以唔需要一次過叫定好多。）