極尚大喜屋 (鱷魚恤中心)

營業中

休息中

最近和朋友在這家任食放題的餐廳用餐，整體而言，餐廳給我的體驗非常好🥳首先，我要特別稱讚員工的服務態度。他們不僅熱情友善，還能夠提供實際的幫助，給人一種貼心和溫暖的感覺。在這樣的服務氛圍下，用餐時間更加愉快😝👏🏻除了員工的服務外，餐廳的地方也非常寬敞，讓人有足夠的空間享受用餐。用餐區域的布置也很整潔，能夠讓人放心用餐😍此外，餐廳的環境氛圍也非常舒適，讓人從心理上也能夠放鬆☕️接下來談到放題的食物，種類非常多元，從常見的花膠、各類刺身、蜆，到魚類等等，讓人有很多選擇。而且，食物的味道也非常出色，配料的選擇和調配都很到位，讓人對食物的味道十分滿意。餐廳的廚師和服務人員也會不時更新菜單，讓顧客有更多的選擇🤩💓綜合以上，我對這家餐廳的食物和服務都非常滿意。如果您對任食放題的餐廳有興趣，我強烈推薦這家餐廳。這裡提供了最好的服務和食物，讓您在用餐時享受到最佳的體驗😎👌🏻

今日同個朋友過咗嚟觀塘行街，實在好耐冇食過放題，於是同朋友上網搵咗依間好高人氣嘅放題任食餐廳，係位於觀塘鱷魚恤中心3樓嘅極尚🤩👏🏻首先一嚟到環境好闊落，餐廳亦都10分乾淨衛生，食得安心又放心🫡 而且我哋過到嚟都好快有得入座，加上食物種類好多元化，無論係前菜、煮食、小食，定係甜品同埋嘢飲，都好多選擇🥳有幾樣嘢特別推介各位食，必點推介：-沖繩黑糖牛仔肉好香嘅牛肉味！鮮嫩多汁👍🏻-蒜蓉粉絲蒸扇貝估唔到放題都有海鮮食！ 而且仲要好高質，就算係中菜都做得好出色🥳 粉絲同埋扇貝簡直係perfect match👏🏻 味道好夾，而且扇貝大大粒，非常新鮮😜-王牌燒乳鴿乳鴿都一啲都唔馬虎，啖啖肉💓👏🏻

呢幾日暖返少少，壽司癮起，又係時候去極尚大喜屋擦返餐放題啦😋APM最就腳，皆因有the point嘅泊車優惠以為星期一會冇咁多人，點知上到去都係好多人排緊waitlist。好彩訂咗枱，原來waitlist嘅話只有1.5小時食，預早book可以食足2個鐘.😊正價時段$288加一，清酒梅酒啤酒無限任飲入到去即時睇睇今日嘅雪糕櫃有咩選擇，有haagen-dazs😍士多啤梨、朱古力仲有西瓜味🙉海量罐裝飲品選擇，呢到只係3分1。熟食除咗海鮮冷盤，炸物，仲有豬手、酒煮黃金螺🐚黃金螺好軟淋入味，特別推薦🤌🏼泰式虎蝦 即叫即到 點啲酸辣汁夾埋塊蒜片寶石鮑魚拖羅蓉杯當前菜沙律唔錯係人都叫嘅刺身等咗一陣 太好生意油甘魚同甜蝦都好正 可惜後尾冇肚encore海膽山多款唔同嘅壽司 我係一個唔會浪費醋飯嘅人 醋飯有驚喜魚料件件都大片厚肉 賣相靚最中意係三文魚腩、黑松露油甘魚、柚子胡椒左口魚邊同埋火炙鰻魚七味芝士蒜蓉大蝦最後黎番個鮑魚雞粥暖吓個肚🐣

好耐冇食放題，估唔到今次呢間放題又幾啱我喎！價錢方面我哋食平日 $288 加一，依家出去食餐好既晚餐都差唔多呢個價。環境都幾光猛坐得幾舒服。佢出要有少量自助美食，仲有飲品可以拎。最重要一定係甜品同雪糕。甜品正常啦，但雪糕有我最愛既haagen dazs 士多啤梨西瓜味，超開心！款式方面同平時食既差唔多，刺身同壽司選擇都多，亦冇咩漏單情況出現，以下呢幾樣個人比較中意食：1. 黑椒蜜汁一口牛2. 鹽燒雞翼3. 西京燒比目魚4. 黃金焗開邊蝦5. 金蒜蓉粉絲帆立貝 (大推，大大粒，好好食！)6. 各式天婦羅 (夠熱夠脆)睇返網上啲圖，佢好似都會轉下menu咁，我自己呢一餐幾滿意既，價錢都合理，有機會會再去。

對上一次嚟係四個月前食lunch🍴今日試埋佢夜晚嘅放題，上到嚟都同上次下晝一樣依然人山人海🫣好多人喺門口等緊安排入座，今日食七點至九點呢段時間，$288/120分鐘另加一，120分鐘真係好夠，自己用電話嘟QR code 落單，上菜速度都好快，大約食到90分鐘其實已經飽晒🫠🍺另外出邊可以自己拎嘢飲，個飲品櫃好大好多種類，啤酒都有幾款，比較少見嘅飲品嘅例如椰汁都有🥥 , 最正嘅就係啱晒酒鬼系列，佢有一個corner 位係放咗桶sake🍶同埋啲梅酒喺到任你飲🤭 可惜自己揸咗車就無福消受🥲，但係聽到隔籬枱係咁讚佢個梅酒好飲🤔 另外仲有好多甜品，一啲小食，冷盤，湯類，炸物，糖水都係晒出面自取，🍨最欣賞嘅係個雪糕櫃，因為有好多Häagen-Dazs任你拎😍 仲要有四個味俾你揀，介紹大家一定要試呢個西瓜士多啤梨味🍉我都係第一次見，拎嘅時候仲驚會好伏，點知食完一個又攞多一個🙈 因為真係好好食🥹 🐟刺身嚟講都好新鮮，最鍾意係油甘魚，唔係腩位但油脂都分佈得好好魚脂味濃，甜蝦同埋赤蝦都好鮮甜🍣壽司主要叫咗鵝肝，海膽，拖羅魚蓉三文魚子杯，油甘魚腩，燒左口魚，蟹肉帶子，🦞龍蝦沙律塔，馬刀貝象拔蚌呢d 比較貴嘅食

❣︎ 食物種類多到食飽都未食得哂menu所有食物🙈位於鱷魚恤中心，地理位置夠方便👍🏻地方超大，裝潢精緻，座位以卡位為主上到去勁多人排哂長龍，記得早啲上去避開人流呀💕其他大部份食物以QR code落單，上菜速度算幾快另外設有自助區可自取飲品🧃·沙津🥗·凍海鮮🦞·甜品🍮·熟食同炸物飲品有凍飲櫃同暖飲櫃，估唔到有酒🥴仲有清酒🍶同梅酒😋😋😋凍海鮮會擺兩款，不過都見款式會keep住轉♡⋯⋯食評⋯⋯♡ ☻ 4.4/5 🐟刺身十幾款刺身，當中推薦吞拿魚同三文魚超肥美好新鮮😋 吞拿魚有雪花添🍤炸物天婦羅必點，最鐘意係日本小紫薯同埋蝦🍤炸到黃金色咁，正👍🏻🥩熟食羊架真係👍🏻肉質厚而唔靭，無羊臊味粉絲蒸扇貝同芝士焗開邊蝦都係必點各款串燒都相當值得一試蔬菜類唔會燒到乾哂，菠蘿🍍多汁清甜燒雞翼同豬頸肉都好正🥴🍻飲品推介梅酒💕同埋自家製冷泡茶🍬 甜品有蛋糕·乳酪·雪糕等等雪糕有雪糕機同杯裝重點係有哈根大師😋.

📌大喜屋 晚市放題$288一位，食物種類真心多❣️刺身 壽司🍣冷盤 炸物 串燒 🍖料理 主食 湯🍲飲品🥤甜品🍦樣樣有齊🤭每個種類食少少都好易回本環境寬敞坐得舒服，而且食物質素唔錯✴️刺身種類齊全又新鮮🍣有三文魚 油甘魚 拖羅 希靈魚 北海道帶子 象拔蚌 赤貝 赤蝦等等推介拖羅、赤蝦同三文魚腩😙味道鮮甜色澤又靚，三文魚腩係厚切㗎🍣食得超滿足😚芝士鰻魚玉子燒 黑松露象拔蚌 北海道帶子都係必食之選 🍣芝士鰻魚玉子燒食到蛋香，上面有燒好嘅鰻魚同芝士，味道有層次✴️燒物必食嘅有芝麻雞翼 鹽燒牛舌 燒菠蘿 羊架等等，樣樣都吸引🍖蒲燒鰻魚好肥美，食落軟綿綿羊架厚身，以香草醃製，內層粉嫩多汁燒菠蘿、脆肉瓜口感juicy，解膩一流✴️料理黃金焗開邊蝦肉質彈牙鮮甜✨上面鋪滿沙律醬同芝士，十分惹味🥹比目魚西京燒口感嫩滑，配上甜甜哋嘅燒汁同蛋黃醬，味道唔錯蒜蓉粉絲蒸扇貝鋪上金黃炸蒜，賣相靚得嚟食落又有蒜香，連粉絲都好入味😚花雕醉鮑魚有淡淡嘅酒香，夠彈牙花膠煮得軟腍，大大片食得滿足✴️炸物炸蝦 蟹棒 南瓜 蕃薯🍠天婦羅🍤外層炸得酥脆，放耐咗依然香口✨✨脆皮炸鮮奶要趁熱食，有外脆內軟嘅效果榴槤炸彈都係必食，內裡嘅榴槤餡係流

今次又同我媽黎呢間餐廳，非常好！花之戀、帶子吞拿魚塔：非常美味，三文魚親子軍艦的三文魚子非常鮮甜，花之戀易入口，帶子吞拿魚塔口感豐富，魚子醬和真鯛味道非常美味，大多數都很正！麻辣牛魔王：我媽喜歡呢度牛肉和香料非常麻辣。西京燒比目魚和風味一流：非常適合搭配日本清酒，味道很正，有日本醬油的獨特甜味。中式野例如蒜蓉粉絲蒸扇貝等都似酒樓水平，扇貝和蝦可能比中式餐館更新鮮。甜品：真的數不勝數，最令人印象深刻嘅係擺滿各式甜品嘅凍櫃同雪糕櫃，甜品迷你size唔會太甜，價格實惠，滿足我媽的胃非常值得一試！

✨晚市放題用餐時間有120分鐘 可以慢慢食自己用手機QR code落單夠方便選擇種類都唔少 除咗有刺身 壽司 串燒 燒物 天婦羅 炸物同煮物等之外仲可以出去自助區攞前菜 海鮮 甜品雪糕等 重點係竟然仲有提供Häagen-Dazs雪糕即刻食多幾杯 飲品亦有十多款選擇 相當豐富以下係個人比較推介嘅食物西京燒比目魚 蜜椒薯仔牛柳粒皇牌燒乳鴿王 甜番薯天婦羅鹽燒雞翼 鹽燒牛舌 燒溫室菠蘿總結：食物可以 選擇夠多環境服務正常價錢合理 性價比算唔錯 幾抵食

抵食又高質的日式放題店😍 餐廳裝潢華麗，空間非常闊落，環境乾淨企理，自取區整齊衛生，座位寬敞舒適，晚市時間人流多，大受歡迎🥰食物質素很不錯，款式豐富，價格中等，性價比高👍🏻 QR Code下單，上菜速度快，店員服務態度很好🥰 餐廳氣氛好熱鬧，適合家庭或一班朋友聚會🍻平日晚市三人消費（成人）：$950.4 🫧包括加一服務費🫧═ ═ ═ ═ ═ ═ ═ ═💖💖💖食評💖💖💖🍽️兩小時晚市放題 ($288/位)刺身✨甜蝦、油甘魚、三文魚、仿鮑片、吞拿魚、北海道帶子、大赤蝦、希靈魚、榮螺片、泰式生蝦、赤貝、北寄貝等等擺盤精緻，好新鮮 質素高🤤👍🏻 特別推薦 鯛魚、赤貝、大赤蝦、榮螺片、泰式生蝦😋😋壽司 火炙壽司 卷物 手卷 軍艦✨款式豐富又好味，仲有好多創新配搭！特別推薦 海膽山、手卷、花之戀、芝士鰻魚玉子、黑松露象拔蚌、飛魚籽手卷熟食✨串燒、一品料理、炸物、天婦羅、煮物、燒物款式應有盡有😍 特別推薦 黃金焗開邊蝦、西京燒比目魚、蜜椒薯仔牛柳粒、皇牌燒乳鴿王 甜番薯天婦羅、芝麻雞翼、鹽燒牛舌、燒溫室菠蘿、蒲燒鰻魚、蒜蓉粉絲蒸扇貝、榴槤炸彈 自取區✨多款餐前小食、海鮮冷盤、炸物、熟食、湯、生果、飲

呢間放題好高質素，好值得去！雖然環境好大都全場爆滿！壽司刺身熟食係電話掃QR ，夠哂環保又清晰，好方便喎！刺身選擇都多，有三文魚帶子油甘魚赤蝦甜蝦吞拿魚等等。三文魚🍣新鮮肥美！油甘魚甘香鮮甜。仲有花芝戀，鵝肝壽司同海膽壽司🍣夠哂抵食，放題好少有！一定要食返夠本😋酒煮鮑魚大大隻，幾惹味又煙韌！仲有另一款寶石鮑魚拖蘿蓉杯，都不可以錯過！呢間啲熟食都唔差架，全部黎度都係熱辣辣！一口牛柳粒又整得幾嫩口 ！羊架牛舌好有韌口惹味👍😋一啲都唔鞋。牛油酒煮大蜆食落好解油膩又開胃。仲有乳鴿，花膠食，真係夠哂誠意呀！除左電話點餐，出面仲有啲自助海鮮熟食，沙律吧🥗糖水，老火湯，雪糕，甜品蛋糕，多款飲品清酒啤酒仼飲！花多眼亂🤩食到最後真係飽到好滿足呀！

難得有me time 時間 🎊決定去食大餐。話說好耐都無食過放題，朋友推薦我去呢間食，話質素好好，有好多款野食。食完真係幾滿意☺️食到超飽肚。環境夠大夠舒服，落單經QR code 點餐，有相睇，夠方便又環保♻️食放題當然唔少得叫叫大大盤刺身！刺身選擇多，三文魚，油甘魚，赤蝦，甜蝦，帶子，吞拿魚…等等，夠哂新鮮！壽司🍣都好好味，尤其係花之戀，柚子左口魚邊，醬燒比目魚，芝士蒜蓉大蝦🍤，鵝肝壽司，海膽山:質素都唔差，夠哂creamy ！寶石鮑魚拖蘿蓉杯，夠哂特別又幾好味！燒物炸物方面,真係食過咁多間放題，食過最好既，而且上菜都幾快同無漏單，啲野仲熱辣辣上：鹽燒牛舌，西京燒目魚，薑蔥爆鱔球，蒲燒鰻魚，炸榴槤球，香芋丸，牛奶卷，蒜蓉粉絲蒸扇貝 等等，最令人驚喜係竟然有燒乳鴿食，個皮仲係好脆卜卜，好惹味！食完又再食🤣另外出邊既自選食物，飲品，甜品雪糕雪條🍮款式都好多，仲有冷熱清酒🍶！我就特別鐘意飲：蟲草花烏雞湯，好解膩又好濃雞湯味！🤭食完真係大滿足呀！

餐廳環境佳，佔地很大，大卡位坐得舒適。落單後食物很快送上，全程密密食，大滿足！剌身壽司款式比預期多，三文魚、池魚王、油甘魚、左口魚、比目魚、拖羅蓉、赤貝、赤蝦、帶子均夠新鮮。最正係連海膽都有，味道鮮甜又creamy，不停encore！更有我最愛的鵝肝，油香豐滿又不會好油膩。熱食都大有驚喜，王牌燒乳鴿王超高水準，上枱時還熱辣辣，外皮好香脆，肉質好嫩滑多汁，比大酒樓質素有過之而無不及，不能錯過！西京燒比目魚亦是高質，燒得恰到好處，肉質嫩滑無比。薑蔥爆鱔球富有大排檔風味，炸得香口啖啖肉。醉鮑魚也不欺場，大大件之餘口感又夠順滑，酒味濃厚。

星期六按姐要求，從OPM大瀛喜移至鱷魚恤大喜屋吃放題，3優評 1環境坐得很舒服，2清潔度高3看到人家叫的牛肉麵，牛肉很大片，食物質好。但結果強差人意，估計短時期唔會再去。3差評 1 一家人11:40已到，排隊到12點還未完成進場，其實早一點放人已可解決 2漏單利害，除了開始叫第一節的剌身和壽司來得快，之後全程漏單，牛舌追單再追單也不來，叫了烏冬湯麵，半小時才到，結果是涼涼了，全程一半時間在追單過程，3單來得慢，吉碗吉碟，十分鐘沒人收，結果又係全程自助式。唉，同一集團點解差咁追，到2:15分離坐向門口返映情況，原全被忽略了，以後還是去極尚大瀛喜算了

對於這類放題，我本來抱不大的希望。我覺得種類多，每人可滿足自己的喜好便不錯。 說真的，這次真的有點給驚喜到。因為食材不俗，選擇很多，調味亦很到位。有比較特別的烷乳鴿，不用再另外調味已很夠味，也不會死鹹。又有味道濃郁的炆花膠，，其實是魚肚也很不錯。壽喜燒牛肉的質素很好，味道濃，比得上高級日本餐廳所出品。醉鮑魚不過不失，但如果可以放題任叫，餐廳也很大氣！串燒不錯，尤其是牛舌及波羅。今次冇試過外面buffet, 都很豐富。刺身質素不俗，很新鮮，尤其是吞拿魚刺身，有中拖的品質，很甜。飲品種類很多，啤酒已經有數款，也有梅， 清酒有冷熱選擇。有haagen dazs雪糕，甜品種類亦繁多，總體而言非常滿意！