椰小盅燉湯專門店 (白楊街)

營業中

休息中

一起身喉嚨乾到爆，諗起最近米芝蓮湯舖個鮑魚湯好想飲，來openrice發現原來有得送上門，真係求之不得😋試左鮑魚湯同烏雞竹笙湯，兩個味道其實差唔多，椰水燉湯好鮮甜，好足料。餃子就普通，本來想試甜品但無得賣，下次再試😌

今日抱著奇望去試下，叫了一個蟲草花鮑魚湯飯餐，多謝$8x。湯來到只是微溫，結果要換過，算了，一看湯裏落料，簡直驚為天人一粒很少的鮑魚+兩粒豬肉+不夠十條的蟲草花，湯的味道只可説清淡，完全跟我預期有很大的落差，至於飽肚就不用説了。老實未試過的可以免了。

今晚同大學莊友食飯，聽講有間養生湯水店係太子左近，所以就去試下。呢間野出名用椰子🥥做湯盅，本來想叫個人參雞湯試下，點知賣曬，唯有試下蟲草花干貝土雞燉鮮鮑（$77）套餐。再叫左個餃子兩個人share。餃子既皮薄餡靚，肉質都算鮮個燉湯用椰子盅燉，入面有蟲草花既甜味搭配椰子和土雞既豐富滋味，至於個紫薯飯都幾特別，口感清新。食到底會見到隻鮑魚，鮑魚都幾彈牙，好抵食。而且湯入面有啖啖椰子肉，色、春、味俱全。下次要試人參雞！套餐價錢我同朋友叫左兩人份餃子

喺旺角太子食晚餐真係好多選擇，所以經常都會留意附近有冇一啲特別值得一試嘅食店今次經過太子見到有椰子燉湯而且價錢仲要合理，諗都唔諗就衝入去試一試啦今次分別點左纖金竹笙烏雞同蟲草花干貝土雞燉鮮鮑 織金竹笙烏雞椰小盅 + 椰小飯無論甜品蛋白燉椰皇定係椰皇燉湯都非常之喜愛打開椰子蓋濃郁嘅椰香味傳出來，而且非常足料再加上標明了沒有添加味精由於叫套餐就包埋椰小飯睇返個成份大米，黑米，小米，糙米，椰小薯....呢個食落飯好香，係一個喺屋企唔會煮既飯值得一試另外叫咗蟲草花干貝土雞燉鮮鮑相比烏雞土雞比較冇咁出色不過亦都唔錯都係非常足料

.如果你係鍾意飲湯，或者追求健康養生嘅朋友，就一定要睇一篇食評啦！位於太子嘅小店主打只有一樣，就係椰盅燉湯 🥥 ，仲要寫明無味精自家製。.蟲草花干貝土雞燉鮮鮑 + 椰小飯 • 呢個套餐嘅燉湯以椰子殼為容器，一打開個椰蓋，香味即刻爆發。個湯非常足料，仲有隻細細嘅鮑魚，飲落椰子味幾重，不過無蓋過蟲草花同雞肉味。舖頭仲聲稱飲得多可以提升免疲力！💪🏻.套餐配埋嘅椰小飯，係用咗四款穀物加椰子水煮成，仲鋪左啲南瓜子同芝麻面頭，可謂非常之健康😍.餐名：蟲草花干貝土雞燉鮮鮑 + 椰小飯價錢：$83評分：7/10餐廳：椰小盅燉湯專門店 (太子)地址：太子荔枝角道130號白楊街地下2A號舖

知道男朋友經常冇啖湯飲，而且又吾係話太餓就帶佢黎依間小店飲下湯，我個人好鐘意食烏雞，所以就嗌左纖金竹苼烏雞椰小盅+椰小飯;而男朋友就嗌左節瓜眉豆子排椰小盅+椰小飯。食物好快就到左，聞到啲湯好香，飲一啖果然好清甜，真係有加埋椰子水一齊煲，男朋友都飲左我果個，然後話好飲但再飲佢果個就變到冇咩味，哈哈😂😂但兩者都係清甜，而且佢配送既小食都好入味望落分量好似吾係好多，但食落都夠哂飽，無論係男定女都夠的，而且見到餐牌仲有唔同既小食可以嗌但入面既座位唔係話好多，假日可能要排隊。

This is not my first time here! They serve lovely soup in an actual coconut shell with flesh insideI love drinking their soup, it’s delectable.Other than their lovely soups they also serve some snacks like siu mai and shrimps. And also a coconut pudding. Staff are very nice too

我冇阿媽靚湯，都會去鴻xx或者健康xx買吓現成湯包飲，最近愛上燉湯真係一試難忘😎椰盅燉湯，未聽燉湯材料就想去試😋我揀左蟲草花干貝土雞燉鮮鮑，平肝固腎提升免疫力，椰盅清甜燉湯夠火喉，好啱夜訓又久唔久喉嚨乾涸嘅我，呢個價錢就飲到燉湯真係良心小店

話說早前睇到網上既片，知道太子呢度有間特色嘅湯鋪，於是前日下午的時候就黎到。因為係下午時間，所以店內唔算太多客，見到佢門口大招牌個竹笙烏雞，就點左呢個湯。5分鐘左右就有得食，餐廳有提供自家紙巾，都幾有心思👍👍。個椰小飯會配上芝麻和南瓜籽，十分之健康。講翻個湯，椰子水燉出黎的湯飲上去好清甜，湯料都比得好足，飲得出係無味精，呢個價錢絕對係實惠。最近夏天，希望小店出翻個夏季的湯，遲d再過黎試其他湯啦☺️☺️

咁經常經過呢間小店都好多人排隊知道係新開既都會想試下支持下佢地位置其實都係太子地鐵站行5分鐘左右呢間店舖都幾細下，堂食都唔係太舒服佢都有頗多款既湯俾你選擇但我太約晚上八時半去到已經沒乜有得選擇最後叫左個鮑魚蟲草湯，買完先到佢原來將啲燉湯放入湯包袋再放係個煲加熱住佢之後先將個湯倒入去佢地個椰子燉湯碗度，見到呢下都幾失望，原來隻椰子係沒椰子肉食嫁然後飲湯既感覺同自己買既蟲草湯包沒乜分別，係多左隻鮑魚，但咁就$88抵唔抵飲見人見置，但我就唔會再翻啃呢間小店啦

🥂椰小盅燉湯專門店荔枝角道130號白楊街地下2A舖😋😋10/10尋日出開太子，向深水埗方向行行下，比我發現佢...燉湯專門店！我馬上入左去坐😅餐牌款式不多，共7款燉湯，可點套餐配椰小飯及配菜我叫左蟲草花干貝土雞燉鮮鮑+椰小飯套餐燉湯打開椰子蓋后，椰子嘅香氣馬上撲出黎湯清得黎好重椰子味🤤材料蠻多，湯及湯料放滿了整個椰子椰小飯亦都分健康，有紫薯及四款穀物煮成，店主指椰小飯也添加椰子水煮成店主提到好味，特點除了用原隻椰子及靚食材放入原整椰子燉外，還用椰子內的純椰子水代替水，燉湯時完全不加一滴水，所以湯才那麼清甜另一細心位是店主會先刮出部份的椰子肉，再放回椰子內一同燉，方便客人吃到椰肉

這是睇完Facebook 推介，立即來試的。雖然未至於驚為天人，但$70-80有燉湯套餐，絕對合格有餘同值得encore.首先個湯好足料，所以加少少菜蒲再配個蕃薯飯，絕對係又健康又美味既組合。至於個湯，係好香椰子味，同好甜。但就少左D肉味。可能因為個椰子size限制左，放得雞就放唔到肉，而且D湯太少，如果同樣用椰子煲，但改用燉盅上，咁既可以放少少肉，又可以多D湯，同會食得再方便D。整體來說，一定再有下次，尤其係冬天，一定要來補一補。

利用某送餐服務訂餐，同一款叫了3份，送到只有一份，要求其店員立即送黎，就跟我說店裡只有1人，做不到，亦話自己餐廳早前經常發生此問題，但都需要等送餐公司再送，現時要聯絡到公司才能解決，明明是自己睇錯單，卻聲稱是送貨員的問題，亦要我不停無限期等待，自己出現問題不能解決，最後亦切我線，服務差，原本稱聲等候時間為35-45分鐘，我1:15分落單，2點09才送到，還要送錯，致電解決問題，但於2:45分才收到回覆，說現時可補送，最後取消，難道還會再等60分鐘補送嗎，自己應付不到客量，卻參加三間送餐服務，根本應付不了，等候亦比宣稱的時間多。

Queuing for Nothing特登過海去食呢間嘢，7 點前已到，就跟住人龍排隊，排嘅時候睇過，門口無仼何指示要點排，反正見人排又無人招待，就跟住排啦，都明白，小店唔夠人手，都無預佢會岀嚟問我哋幾位咁。嗰日落雨中，唔算大雨，毛毛雨咁，都要開遮，不過為咗支持小店，就堅持下去吧。一路等咗半小時，接近45分鐘，排到前面得返一枱客，理應一張枱後，就到我哋，點知，就嚟排到我哋，個店員問，你有無拿攞籌呀！？？？我同朋友頓時，吓，要攞籌架咩？！無人講過，又無人提過，亦見唔到前面有人咁做。問佢拿籌嘅話要等幾耐，佢話，起碼要多兩三枱，姐係另外要再排多30分鐘啦。其實真係有啲嬲，我哋特登過海嚟食，等咗45分鐘，你叫我再等多30分鐘。真心不了。如果你要拿籌既，點解唔係門口標記好？！又或者你時不時行岀嚟同人講聲啦，落梗雨，我地都照排45分鐘，其實你真係好難怪啲人唔支持小店，連鎖餐廳有質素，起碼排隊會有rule 寫岀嚟比你跟，小店既話，要拿籌又唔講聲，唔開又唔講低，想打電話去又無人聽（唔係講呢間，只係對小店一肚氣想呻埋）。今次我特登打成500個字，希望餐廳見到會正視個問題，同時如果你有寫低拿籌嘅，唔該寫係

之係睇網上睇左條短片，想黎試好耐，我係飲湯愛好者，平時自己都好鐘意煲湯。首先呢，地鐵太子站一出行6分鐘左右啦。舖頭細細，只有一張4人枱，一張2人枱，幾個吧枱位。今日晏就時間黎到，大枱剛好有人離開，坐得算舒服。我自己本身就咩口味既湯都鐘意，就係唔鐘意太“膠”同“杰”既口感，而老公就本身好憎食椰子🤣🤣，講好左佢真係唔岩飲的話由我包底。我地嗌左兩個燉湯，B織金竹笙子排椰小盅同埋F蟲草花干貝土雞燉鮮鮑。首先，兩個聞落去都好香，嗅覺很滿足，個湯一打開~嘩~好足料，鮑魚都有兩隻，視角都很滿足，每個湯加5蚊有個飯，變左套餐，相對係扺飲嫁，鴻%堂一個湯包冇湯料都60蚊啦。但係呢，好老實講，中式湯既味道理應係好多元化，呢到既燉湯其實太重椰味，飲唔到本身既湯味，我個B湯有啲“杰”，好甜，但唔係清甜。老公個F湯稍稍冇咁甜，但係佢同覺得太甜，同埋冇左鮑魚瑤柱果啲鮮味，兩個湯既味基本係一樣，只係湯料唔一樣。我諗超鐘意椰味既人會好鐘意，但我都係鐘意唔同味道既湯呢。兩人埋單$136。