影片
更多
2019-05-09
602 瀏覽
Queuing for Nothing特登過海去食呢間嘢，7 點前已到，就跟住人龍排隊，排嘅時候睇過，門口無仼何指示要點排，反正見人排又無人招待，就跟住排啦，都明白，小店唔夠人手，都無預佢會岀嚟問我哋幾位咁。嗰日落雨中，唔算大雨，毛毛雨咁，都要開遮，不過為咗支持小店，就堅持下去吧。一路等咗半小時，接近45分鐘，排到前面得返一枱客，理應一張枱後，就到我哋，點知，就嚟排到我哋，個店員問，你有無拿攞籌呀！？？？我同朋友頓時，吓，要攞籌架咩？！無人講過，又無人提過，亦見唔到前面有人咁做。問佢拿籌嘅話要等幾耐，佢話，起碼要多兩三枱，姐係另外要再排多30分鐘啦。其實真係有啲嬲，我哋特登過海嚟食，等咗45分鐘，你叫我再等多30分鐘。真心不了。如果你要拿籌既，點解唔係門口標記好？！又或者你時不時行岀嚟同人講聲啦，落梗雨，我地都照排45分鐘，其實你真係好難怪啲人唔支持小店，連鎖餐廳有質素，起碼排隊會有rule 寫岀嚟比你跟，小店既話，要拿籌又唔講聲，唔開又唔講低，想打電話去又無人聽（唔係講呢間，只係對小店一肚氣想呻埋）。今次我特登打成500個字，希望餐廳見到會正視個問題，同時如果你有寫低拿籌嘅，唔該寫係
特登過海去食呢間嘢，7 點前已到，就跟住人龍排隊，排嘅時候睇過，門口無仼何指示要點排，反正見人排又無人招待，就跟住排啦，都明白，小店唔夠人手，都無預佢會岀嚟問我哋幾位咁。
嗰日落雨中，唔算大雨，毛毛雨咁，都要開遮，不過為咗支持小店，就堅持下去吧。一路等咗半小時，接近45分鐘，排到前面得返一枱客，理應一張枱後，就到我哋，點知，就嚟排到我哋，個店員問，你有無拿攞籌呀！？？？我同朋友頓時，吓，要攞籌架咩？！無人講過，又無人提過，亦見唔到前面有人咁做。問佢拿籌嘅話要等幾耐，佢話，起碼要多兩三枱，姐係另外要再排多30分鐘啦。其實真係有啲嬲，我哋特登過海嚟食，等咗45分鐘，你叫我再等多30分鐘。真心不了。
如果你要拿籌既，點解唔係門口標記好？！又或者你時不時行岀嚟同人講聲啦，落梗雨，我地都照排45分鐘，其實你真係好難怪啲人唔支持小店，連鎖餐廳有質素，起碼排隊會有rule 寫岀嚟比你跟，小店既話，要拿籌又唔講聲，唔開又唔講低，想打電話去又無人聽（唔係講呢間，只係對小店一肚氣想呻埋）。
今次我特登打成500個字，希望餐廳見到會正視個問題，同時如果你有寫低拿籌嘅，唔該寫係啲當眼位，入夜嗰條街又黑又落雨嘅，好難睇到，不過我嗰日去真係無見仼何位置有標明要拿籌。
我都想支持小店，但係呢個體驗真係食到一肚氣。唉。
張貼