森．湯咖哩 (已結業)

🔸慢煮炙燒雞叉燒湯咖哩 $108🔸慢煮嫩滑雞脾肉湯咖哩 $98🔸北海道帆立貝湯咖哩 $138🔸鳳梨檸檬梳打 $28🔸西柚梳打 $28-收工約左2個姊妹lady’s talk，行過日升見到寫住新開試業中，所以我地就去會一會佢🤣我地一人叫左一款，我叫左炙燒雞叉燒，好似日式叉燒咁整，咬落肉質比較結實，又少少燒烤香味；兩個朋友叫左北海道帆立貝& 雞脾肉，帆立貝煮完都大粒厚肉，而雞髀肉係大塊到要share食。至於湯咖哩夠濃味又唔會太辣，餸埋珍珠米飯撈汁一流，食得辣既朋友可以試下小辣比較惹味。同埋會跟埋煎過既十種蔬菜，香口又不失健康🥦🌽最後叫左兩杯野飲，水果味梳打岩晒夏天消暑☀️大家去開/附近可試下，依家試業做緊優惠有8折！

星期六本黎就好應該訓到自然醒然後再去食個brunch~但係！星期六我竟然早起身返公司做野😒做完野已經兩點，係時候去食個晏，諗住求其係附近食個晏就算🤔點知咁岩見到一間新開既湯咖哩，唔洗諗即試😏.北海道帆立貝湯咖喱 $138本身想試和牛漢堡扒，但可能太晏已經賣哂，最後試左帆立貝，帆立貝鮮甜，咖喱可以選擇辣度，我就揀左微辣，咖喱好岩送飯。咖哩入面有好多配菜，有薯仔，南瓜，蓮藕，秋葵，茄子等等，勁豐富！而且全部都煎過，所以香口又惹味.日本帶子湯咖喱 $138帶子鮮甜，配菜係一樣甘豐富，整係食配菜都已經夠飽😂😂😂.巨峰梳打 $28夏日炎炎最岩飲返杯凍野，梳打唔會過甜幾好.水蜜桃梳打 $28甜度適中，岩我~.新張期內仲有八折優惠，行過不妨去試下

觀塘區又有新餐廳，森 • 湯咖哩，位於觀塘駿業街56號中海日升中心2樓C號舖。 餐廳以日式湯咖哩為主，午餐 ～ 日本帶子湯咖哩$138、 慢煮炙燒雞叉燒湯咖哩$108、 蜂蜜柚子梳打$28、 鳳梨檸檬梳打$28。 ◾日本帶子湯咖哩🍱 ～ 湯底入口香香的帶甜， 帶子有三粒， 大粒爽口， 配菜有紅椒、南瓜、秋葵、薯仔、西蘭花、粟米和蕃茄仔， 夠健康拌飯又好吃。 ◾慢煮炙燒雞叉燒湯咖哩🍱 ～ 雞叉燒都一樣好味， 雞扒與咖哩湯的味道很夾。 ◾蜂蜜柚子梳打🥤 ～ 飲品清爽。 ◾鳳梨檸檬梳打🥤 ～ 味道甜甜的，鳳梨香清甜美味。 多一間湯咖哩，打工仔中午時段又多一個食午飯的選擇了😊。 🏷️溫馨提示～ 整個用餐體驗均屬個人分享意見， 只作參考😊。

點咗雞腿肉同雞叉燒湯咖哩，本身係想點和牛漢堡湯咖哩，但可能因為夜晚食所以已經賣晒😣蔬菜特別出色，多種類，有秋葵、南瓜、薯仔、茄子、蓮藕等等，煎過惹味又吸汁！🥰湯咖啡味道溫柔適中，但唔夠多，唔夠配晒啲飯食，飯都好有咬口好味！雞腿肉同雞叉燒份量實在太少，睇埋個價錢喺觀塘區嚟講真係唔算抵食，同埋有啲煎得太過火，有少少苦澀味。環境都好舒適，如果可以改善肉嘅缺點就接近完美了，希望試業後會改善，改善咗的話絕對值得幫襯！蔬菜部份超好食！

去觀塘party room前諗住食個lunch，於是去咗中海日升中心，原來最近開咗間新嘅日本湯咖哩專門店，同朋友點咗兩個湯咖喱試下🌟慢煮炙燒雞叉燒湯咖喱🌟日本帶子湯咖哩湯咖哩配珍珠米飯，幾啱撈汁送飯咖哩唔太辣又唔太鹹，入面仲有好多蔬菜：紅蘿蔔、蓮藕、茄子、紅椒、西蘭花、秋葵、粟米、南瓜、車厘茄、薯仔，全部都煎香過，所以食落幾惹味至於雞叉燒原來係日式叉燒樣嘅雞，雞肉煮得夠淋夠入味，而帶子幾大粒同幾有鮮味，令個咖哩湯味道昇華🌟荔枝梳打🌟鳳梨檸檬梳打呢度飲品係提供唔同水果味嘅梳打，非常之適合大熱天時用嚟消暑喺觀塘返工嘅朋友可以黎試下呢間，宜家新開張仲有8折優惠，夠哂抵食