森堡美食

營業中

休息中

又來新北江了，呢度既餐廳多到兩個星期都食唔晒，今日去左開左好多年既森堡餐廳，最喜愛佢個自選焗飯。自選焗飯由主菜，配料，醬汁同飯麵都有得揀，包你可以食到自己最想食既焗飯。今日叫左白汁雞扒蟹柳焗意粉，由於係即叫即焗，所以等候需時。上檯時已經聞到好香濃芝士味，入口熱辣辣，意粉沾滿白汁非常好味，雞扒雖然唔係好大塊，但都夠嫩滑，可惜蟹柳只有一條，如果可以切成絲分佈得均勻d會更好。自選焗飯加四蚊有台式飲品，選擇都唔算少，今日叫左杯凍荔枝綠茶，入口甜甜荔枝味，配埋綠茶飲真係份外清新。總括黎講，呢度焗飯夠晒多選擇，而價錢亦唔貴，得閒黎試下唔同款式都唔錯。

偽文青(搭訕)：之前係天水圍做野，去新北江蒲，都會食呢間，抵食😜 .任你揀兩款餸都係$40既焗飯!芝士粉任你落!真係勁平!味道真係唔錯!仲要有得揀焗米線/通心米線😂 我真係未食過 但聽人食過焗米線好好食🙈但我粒水 今次食個正常焗嘢先☺我就叫左個#炸魚柳併西蘭花意粉配印尼加多加多汁 加杯#珍珠奶茶 加$4大約等左十分鐘就有得食👍其實配料都正路既 表面有少量芝士 熱辣辣上枱 👍👍 最驚喜係佢個汁 甜甜地有花生碎係入面 有d咬口 汁既份量岩岩好!每啖意粉都撈到汁!真係幾好食😎#雞扒併芝士腸長通粉配萄汁略嫌葡汁味道較淡 #韓式烤牛肉併西蘭花螺絲粉配咖哩汁牛肉比較肥 咖哩汁我覺得鹹左少少 但朋友仔就覺得岩岩好😂所以口味既嘢呢 要自己食過先知!依間小店開左好多年 聽地膽講應該每個元朗 天水圍既人都食過😂但我第1次食 覺得加多加多汁最好食!同埋我真係勁落芝士粉😂不過相比起pizzahut既芝士粉 依間無乜味😞同埋份量方面岩岩好夠一個人份量 都飽 無做大嘥鬼😚..三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_food

今日下午去新北江走一回，看看有甚麼新食店，結果真的有新店，不過留待下次來試。反而今天想吃很久沒吃過的森堡美食下午茶猶記得當年下午茶焗粉麵餐只是19元，現在已變成32元，價錢依然合理，只是通脹的必然。我喜歡吃這裡的焗粉麵因為它的選擇多元化，光是配料已超過三十款可讓客人搭配，醬汁又不會局限傳統茶餐廳的幾款口味，粉麵更有中，日，西選擇。最近都沒吃過長通粉，故很快已選好粉麵，再挑豬扒及煙鴨胸配蕃茄汁，那就完成點餐。長通粉軟硬度適中，不會在烤焗的蒸發水份變得乾巴巴，盈滿的酸酸甜甜蕃茄醬汁也沒有過度把長通粉浸得軟爛，反而通粉吸索醬汁變得入味。除了蕃茄醬汁外，通粉亦滿佈芝士，頓時香氣十足。至於配料方面份量以下午茶來說也算充足，3小片豬扒及4片煙鴨胸。豬扒薄薄的，口感雖鬆軟，但應該是因為使用了梳打粉的關係，且沒有肉味。反而鴨胸的肉較緊密富少許肉香，咬起來也有爽度。凍利賓納上桌時暖烘烘的，未攪拌前尚有甜度，但當我把它均勻地攪拌後甜度完全消失，只剩下微微的利賓納味。

以前在天水圍讀書就最喜歡到新北江的森堡食焗意粉，它的焗汁選擇非常多，粉麵類的配搭又多樣化，可以有話事權選擇食什麼麵底和汁，是我最欣賞它的地方。三點三叫了一個黑椒汁焗螺絲粉，配麥樂雞，和凍珍珠奶茶一杯，只是三十多元。一分錢一分貨，不要要求大師級水準，螺絲粉是不太入味，好多都還是白色的。黑椒汁還算可以，自己把汁和麵撈一下就可以均勻了。麥樂雞是急凍再炸的那種，我接受得來。珍珠奶茶有點甜就是了。

呢一個係日式滑蛋吉列豬扒飯，好明顯見到嘅其實同出面嘅吉列豬扒飯係唔同。外出嘅地方嘅炸豬扒大多係分開上，即使係一齊嘅都會放係汁嘅上面，但係呢度嘅竟然係同汁撈埋一齊！咁當然炸豬扒已經冇左炸嘅味道，而係變到淋哂嘅豬扒而已。佢啲汁係幾好嘅，豬扒嘅質素都尚算一般咁啦。即係可以換個講法嘅，以現在嘅情況，價錢同食物嘅比例算係中中挺挺啦…珍珠奶茶就唔錯嘅，可惜係佢係預人可以用一支飲管啜哂啲珍珠呢…匙要問佢比先有嘅……整體黎講呢次都唔算係夢魘黎嘅，但喺客人唔多嘅情況下，咁樣嘅水準感覺差左小小，但諗翻起自己喺咩地方食就算係咁啦。

次次同朋友去天水圍唔知食乜既時候都一定推薦食呢間 今次都唔例外。以食焗餐為主。平時好少地方會有炸物拼焗飯/意粉 但呢到做得到咼自選一個主菜一個配菜 炸魚柳配香腸黑椒意粉等左10分鐘左右就有得食，先講個魚柳 ，都算大塊 而且仲幫你切件 一咬落去就已經聽到"索""索"聲，外皮脆卜卜，熱辣辣， 入面魚柳肉滑 炸得岩岩好！如果有埋沙律醬就更加正意粉+黑椒汁簡直係絕配 除此之外仲加左d芝士 係芝士唔係芝士粉！撈埋落d意粉到特別好味特別有口感 非常好咬口 一d都唔碎 而且每啖都食到絲絲既芝士 本人唔係芝士愛慕者 但今次實在唔抗拒！perfect match！食完真係lam lam利，份量剛剛好 食完飽飽的期待下一次再尼^_^提醒大家:::11點後先有架咋

好耐無黎新北江，商舖轉換了不少，食店亦是，雖然咁多食店，但等位依舊，揀黎揀去，好似森堡最快等到位，就食佢了。先黎杯凍檸茶走甜，當天天氣太熱，唔飲番杯凍野點得，飲一啖即刻透心涼。茶味濃郁亦沒苦澀味，正。朋友叫左奶油多，沒試，但見到啲奶多到漏哂出黎，成個碟都係，應該唔差吧。好耐無食，加價加到三十幾蚊，雖然比出而其他食店平，但真係加左好多，下午茶份量小啲，但價錢同午餐差唔多，好似食午餐仲抵。唔講價錢，佢又真係好好食，叫左吞拿魚蘑菇印尼汁烏冬，烏冬彈牙又飽肚，印尼汁有啲似沙嗲汁，但較甜，多了花生碎粒，椰絲等，更香口。吞拿魚同蘑菇雖然係罐頭之物，但焗起上黎味道不會過咸，蘑菇帶來小小水感，食落唔會過乾。三十幾蚊，ok啦，換左新枱櫈，但依然係咁迫，舖細都真係無辦法。

非常焗促，地方小，桌子小，小得大約只有九巴坐椅一樣小，放兩碟焗野經已頂住對方。炎熱而空氣不流通，焗野本來又挺熱，加上店員/老闆娘的態度極差。進店又諸多安排，坐這坐那。坐定了又要讓其他客人多人入內，再轉到別桌。石斑豬扒飯 石斑沒指明是吉列，客人不會期待是吉列石斑，我還以為是薄薄的炸粉而已。豬扒是以鬆肉粉醃鬆了，沒甚麼味道，獨孤一味夠林夠化。雖然份量挺多，但味道不算出眾，而且環境太炎熱焗促，沒有心機再吃下去。焗東西只是很普通的，而其實近五十元的焗飯亦不算是「跳樓價」，不值得屈就坐在擠迫不堪的環境。其實，地下的燉奶佬焗飯也大約$60，荃灣路德圍心意餐廳亦僅售$50。只因這區居民沒有甚麼選擇，才迫著吃這餐廳。

呢間野係我讀中學果陣已經成日同d 同學去食架喇，由佢2x 蚊食到3x 蚊，不過都係好食同抵食既！  我地次次都係食焗野，因為真係好食。佢有得揀唔同既食材同汁既，仲有得揀食飯、食麵、烏冬、通粉等等……今次都係同中學同學去食既。我叫左個炸魚柳磨菇茄汁焗飯，個朋友就叫左薰蹄磨菇蒜蓉汁焗意粉。炸魚柳磨菇茄汁焗飯好食呀，個炸魚柳放係上邊，唔會俾D 汁整到淋晒，佢仲有好多茄汁，最中意汁撈飯既我就啱晒喇！ 佢份量都幾多，有五至六塊魚柳同埋有好多磨菇。 如果中意芝士既人可以加D 芝士粉上去，好香架！朋友話個薰蹄磨菇蒜蓉汁焗意粉都OK，但我見佢D 意粉好似好粗咁，唔知會唔會好淋，所以我通常都係叫飯。另外我見佢D 薰蹄既份量都好多呀 ，而朋友就話個蒜蓉汁會食到佢口臭。 (其實佢有好多其他汁可以揀既，大家可以揀其他既！)天水圍已經得返好少唔係集團經營既餐廳，所以我好珍惜呢D 小店架，支持小店！

從細細個食到大既森寶焗飯堅係百食不厭！！而我今次食點左韓式烤肉，腸。炒飯，沙嗲汁！呢個配搭冇得輸！韓式烤肉係甜甜地，咸咸地既炸肉，配搭上沙嗲汁真非常可口可味。而個炒飯焗出黎熱辣辣，撈埋一齊真係勁正。識食焗飯一定食森寶既！

以前讀中學果陣已經成日約埋d同學仔一齊去食都係一個好好既回憶以前到而家黎親都係食佢既焗野多 今次就同埋一個朋友食我食既係牛扒西蘭花黑椒汁炒飯飯既份量好多 我諗都有兩碗飯 好似仲多過以前牛扒入口都ok 易咬開唔un 成個配搭都好好 大家可以試下

呢間野真係好鬼死難食囉。。啲公仔麵色啲就好夠啦。。但就真係完全無味道。仲要加埋一大堆菜。真係吾知想點囉？牛肉就得果幾舊又要細舊。。唉。。。真係吾知想點囉好冇。。

今日同妹妹落街食下午茶妹妹想食森堡就回憶下中學時放學同成班姐妹係度食tea la午餐時間仲有一張台我叫左雞扒煎蛋公仔面 白湯做汁黎到嚇左跳好大碗白湯好味煎蛋仲好味No埋公仔面都好正係個雞扒麻麻地食左一舊冇食啦不過真係好大碗我盡全力都食唔晒咁樣加杯凍檸茶35蚊，算係咁啦

今日星期六，4點幾去到新北江，見到都幾多人，見呢間有位就坐低試下...其實想試好耐，因為有朋友同我講話呢道d焗野好好食，而且睇到d食評都幾吸引...叫左個焗粉同媽咪share...下午茶選2樣餸，1樣汁，1樣粉，價錢係$26，凍飲+$2，盛為$28，算合理...餸既選擇都幾多，約有20款，汁既選擇都有6、7款...我要左豬頸肉，豬扒，沙嗲汁，米線...上抬真係熱辣辣，豬扒切到細細塊，方面入口，而且幾鬆軟...不過豬頸肉就切到好幼，又薄...個汁唔差，不過唔夠濃味...米線唔同平時食既湯米線，焗既係痴埋一pat，要撈埋d汁先可以慢慢分開...雖然係咁，但係撈埋個汁食係絕配 ，而且米線幾淋，我鐘意 凍檸茶普普通通，不過吉極都好似無咩檸檬味...

而家食乜都貴盡可能都食早餐/下午茶節省金錢呢等到兩點幾,同家人去新北江食tea分別嗌左沙嗲汁沙嗲牛肉蟹柳焗螺絲粉 同埋沙嗲汁韓式烤肉菠蘿意粉好鍾意黎呢間食焗物因為可以自選汁,兩種肉同埋粉面飯沙嗲牛肉應該有落到D鬆肉粉,但啖啖肉,都唔需要太高要求蟹柳就唔太match,雖然都係急凍食物,但係好似煮耐左有點兒發脹另一個沒有食就唔comment了$26 唔使凍飲,當係Tea一流! 起碼多選擇雖然tea既份量會細左咁><仍然會encore再encore!