棋哥燒鵝餐室

營業中

休息中

呢排OT到傻成日都煮唔到飯，要買外賣，呢間棋哥係我近排食過並最好既外賣。古語有云：一熱遮三醜。外賣最忌係唔夠熱，但係棋哥係保暖呢方面做得幾好。有將湯同米粉分開，幾好。燒味方面，我叫左叉燒米再加個叉燒燒肉拼盤（無錯，我真係好鐘意食叉燒）叉燒好鬆化，甜度適中，肥瘦均勻，係上乘之作。燒肉有五層塔既效果，外賣拿到番屋企都仲脆皮，正呀。最後想講係佢個米粉底，d湯唔係普通味精湯，有少少胡椒味，惹味。米粉亦幾順滑，唔會鞋口。辛苦左成個星期，食番個有質數既燒味外賣，都算有雪中送炭既感覺。

朋友話依度d燒鵝好正，但因為本人好少食燒鵝，就揀左個脆皮燒肉瀨粉。個脆皮燒肉無令我失望，都幾大碟一定夠飽，個瀨粉好正，湯底有d特別，咸咸地帶點胡椒味，會令人想飲曬成碗湯底，瀨粉亦軟硬度適中，好快就成碗食曬因為好好味。夜晚去食加埋凍飲都係60蚊左右，大件夾抵食。朋友叫左燒鵝就話燒鵝好好味，我地都食到無停口，可能係好耐無食過咁既水準既燒味，下次會再來試。建議大家可以叫侍應比埋薑蓉同甜酸醬，燒肉會隨上芥苿醬。

之前食中午飯食過棋哥既燒味覺得好唔錯，所以見到外賣有優惠，忍唔住買番屋企同家人分享，一家五口份量岩岩好。叉燒切得好厚好大塊，而且非常juicy嫩滑又入味，切得大既好處就係啖啖肉，肉質唔韌肥瘦適中！！送飯一流呀另外套餐揀左鼓油雞，對比白切雞我更雞鼓油雞，鍾意佢皮有少少鼓油既甜品，雞肉唔會好細，呢度只係半隻已經超大份量，雞肉唔會有雪藏味，而且嫩滑，配送的薑蓉不死咸，做到提鮮效果。覺得外賣價錢不錯，而且可以把美味帶回家分享。

屋企由細大都無砍料加餸呢個玩法嘅早前食過滷水燒鵝，咁啱呢間又近我搭車，見有d時間就快手買外賣返去食双拼燒鵝雞飯擺得好靚，雖然一落單等5分鐘就走得，d staff 都唔馬虎棋哥燒鵝飯放返上碟食，感覺好少少燒鵝果然係重點，燒得好靚皮脆肉有質感，好似話用荔枝木燒，不得了同上次滷水唔同，肉更有咬口，係燒味嗰種油雞肉質好嫩油，肥瘦啱啱好，好有肉味再黎燒鵝，呢舊肉癡d 實淨d，都未至於好乾，都好有燒鵝原本嘅肉味唔知咩部位啦，呢舊就好食d林d，望落都無咁緊實睇下d雞蛋🤤🤤🤤充滿油光，隔離舊燒鵝塊皮靚到飯好大份，一個人食嘅話會太飽2份3人share剛剛好隻隻都咁靚啊！

疫情看似有受控的跡象, 生活好似可以重回正軌! 今晚做完gym後打算買份外賣回家吃, 看中了這間應該是新開張的燒味店~雖然只是買外賣, 但下單時看到店內店外也十分整潔, 感覺十分安心。點了雙拼 燒腩仔和油雞飯。回家打開盒才知道份量這麼重!似是中了獎一樣獲得了師傅切了最厚肉的雞脾肉給我無論是雞脾肉還是燒腩仔的肉質都很多汁, 腩仔皮燒得剛好很香脆好好吃!肉類肥瘦均衡, 再配上清清的油菜吃所以一整盒吃完都不算太膩~

今手放工想加餸 於是就經過棋哥黎買外賣啦耐唔時都會幫襯下 覺得質素都一直穩定而且外賣比堂食更抵今次想食D香口野 所以叫左例牌乳豬例牌分量唔細 兩三個人加餸都ok乳豬拎到返屋企都仲係脆口 下面仲唔係乜都無 係好厚既啖啖肉 已經抵讚 佢D豬肉食落去都好新鮮 感覺比一般燒味檔用料好 另外就叫左叉燒叉燒之前都食過 今次一樣 食落好腍 好好食 我叫叫肥叉燒 其實都唔肥 不過食落就會好味D叉燒上既醬料味道適中 唔會話超甜超鹹 更加唔會好似出面咁用色素總結黎講都真係好滿意呀！

下班後已是晚上七時，不可能再到菜市場買食物，家中還有蔬菜，大可「斬料」便成。走進公司附近的渣甸坊，有燒鵝專門店，廚窗掛滿燒得油潤飽滿的燒鵝，令人垂涎欲滴，細看門外外賣價目表，上莊與下莊只相差$10，決定要燒鵝下莊，貪其有燒鵝髀。回家後，煮煲飯，炒碟菜，拿出燒鵝便可開餐。打開盒蓋已滲出陣陣煙燻味，非常吸引，燒鵝髀色澤油潤，深棗紅的外皮下是肥美的鵝肉，鵝皮微脆，鵝肉甘甜軟腍，配白飯是比瀨粉更好吃。簡單而滋味的一頓晚飯。

今天晚上我負責放工買外賣，在公司附近這間棋哥燒鵝店，常常經過這看到很多燒鵝非常吸睛，今天終於有機會試一試買了一個燒鵝飯和一個乳豬飯，即點即切，大約三分鐘便可取，十分有效率！綠色的外賣袋，店員會提供餐具及醬料棋哥燒鵝飯 - 賣相非常吸引，燒鵝顏色非常均勻鵝皮非常香脆，肥瘦剛好，啖啖油香，配上甜酸酸的酸梅醬，梅肉清香化皮乳豬飯 - 賣相同樣吸引，乳豬份量也不少乳豬肥瘦勻稱，表面也滿滿光澤，保持芝麻皮香脆，一咬下真的有卜一聲！這間燒味店性價比很高，燒鵝更是令人吃過返尋味

香港食燒鵝的地方真的很多，除了最有名的深井外，其實港島區的燒鵝名店也不少，而且大家都競爭得很利害，務求做出自己特色出來！而其中棋哥燒鵝餐室也是一家出名的店，他的燒鵝會有一種很特別的煙燻味，是其他店都沒有的，店家說是會用高檔荔枝木燻鵝令整隻燒鵝都充滿這種特別的香味！這次我叫了燒鵝叉燒飯，價值６６元，配上凍奶茶。這次的燒鵝給了鵝翼的部位，一般的會比較韌，但這裡的完全沒有問題，而且因為燒鵝很肥，就算運動最多的鵝翼部位也充滿油脂感，一口咬下充，口裡都充滿了鵝油的香味！而且燒鵝皮還是脆的，配上鵝肉，外脆內軟感覺個真的很爽!相比之下，這裡的叉燒就比較普通了，偏瘦，但不會太粗糙，所以還好！

今天到棋哥買燒味回家吃。先落單再門外等自取。點了燒鵝加乳豬，等左不用5分鐘就有得拎了。因為燒味熱所以店員在外賣盒中開左個小孔散一散熱。叫得棋哥燒鵝必須食佢個燒鵝。燒鵝外表脆連埋鵝肉鵝膏一起吃下就有齊3種口感。皮脆香口，肉汁鮮嫩，層肥油充滿鵝香味道。吃燒鵝必定要加醬才更加帶出燒鵝香味。乳豬同樣外脆內暖，肉質唔錯，少少肥但唔會油膩。乳豬都唔會太咸，肉汁都很多。這樣才是吃乳豬最佳情況，皮脆少肥肉有咬口多肉汁。

今天放工經過銅鑼灣棋哥燒鵝餐室，斬下料返屋企加餸先。係門口見到燒味都幾吸引，所以買個雙拼例牌外賣選左燒鵝加叉燒，落完order俾左錢係門口等。返到家焗爐焗一焗熱返即時燒鵝皮脆內暖，又唔會太肥。鵝油香味十足，加上醬汁更加好味道。肉味不錯，有咬口加個白飯就夠了，幾好味道。叉燒要左唔要肥，不過又唔會因為瘦而黏牙，肉都夠淋味道都不錯。個人喜好問題唔太愛食肥叉燒所以今次岩晒我自己口味，如果想要肥一點都可以買個時講定。

今日本來有節目，去上水摘荔枝，天不造美，落雨落咗一朝早，又有雷暴警告，黃雨變紅雨，真悶極了，等到十二點還下著大雨，只好取消今天的約會，再等到一點半後雨勢冇咁大，終於可以出街走走了，就去咗太古城行了一會，再去銅鑼灣，有點兒肚餓，於是我就四周看看，看見祺哥餐廳，睇睇有什麼好食，看見下午茶餐有棋哥燒鵝瀨，還有常餐，常餐太豐富了，我怕吃不下太浪費，於是我叫了一碗棋哥燒鵝瀨粉，嘩下午茶餐燒鵝瀨粉，竟然有燒鵝脾比我食，真是好開心哦，燒鵝真是好味，皮脆肉嫩，好味好味。

這天又到棋哥燒鵝餐室買老公最愛吃的燒味飯外賣，今次因要走到時代廣場那邊買東西，就到銅鑼灣那間分店買，這次選了燒味雙拼飯(叉燒丶紅腸）$53打開飯盒看到滿滿的叉燒及紅腸已經很有滿足感，叉燒肥美又惹味😋桂香切雞飯 $48雞肉非常嫩滑，還有雞髀🍗連例湯也相當足料，有紅蘿蔔🥕，南北杏及一些類似淮山的藥材，健康有益又好味，這餐實在吃得非常之滿足。要吃燒味，棋哥實在是不二之選，足料好味，價錢合理，服務又好👍

下雨天……媽媽表示不想煮飯，所以沒有買食材，叫我下班時就去買些吃的。之前經過這間店，都大排長龍，難得今天早收，就決定試一試。店名叫棋哥燒鵝餐室，相信燒鵝是招牌吧。見到店面掛著一隻隻燒鵝，十分吸睛，已經有少少流口水，而且外賣價錢很合理，於是點了一份燒鵝下庄。拿著外賣，返家的過程中，已經聞到陣陣燒鵝香。回到家裡打開外賣，嘩！燒鵝外皮依然很光滑，賣相一流，令人食指大動。一口咬下去，外皮香脆，吃到滿滿的肉，充滿油香但不會油膩，整個很下飯！以$145吃到這個質素，很划算！家人都表示很滿意呢！其實等外賣的時候，看到店家有下午茶，價錢也不貴，下次一定要試看看。

疫情影響下，喺屋企都已經食都唔知食咩好，所以就決定斬啲料啦。去飲宴，最期待就係食乳豬～行經呢間餐室，見到乳豬外賣$238一斤，好似抵過紫色連鎖店。所以叫半斤試吓，盛恵$120。斬料嘅師傅好Nice，對於你嘅疑問都會好有笑容咁回應，相反樓面姐姐就有少少惡啦，哈哈。$120乳豬呢個份量都算合理，皮好脆好香口，肉唔肥膩。另外一提，呢間舖頭嘅抗疫措施都算合格，一踏入餐廳，職員已經好緊張叫你量體溫。由於餐廳空間都算大，所以食客之間都相隔一段距離。