影片
開飯介紹
時尚且保留傳統韓式餐廳的裝修風格。主打日韓直送的1++韓牛、濟州島黑毛豬和岩手縣A4和牛。壺漬古法醃製牛肉，加入新鮮韓國雪梨蓉，富韓國特色之如亦令肉質鬆軟、增添果香。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
今日同朋友去銅鑼灣行街，心血來潮好想食韓燒，醒起之前食過呢間柞木炭家啲燒肉好好食，一於即興去食吓，餐廳環境幾有格調，坐得舒服，仲聞到陣陣炭香味，即刻肚餓🤣。牛骨髓石頭鍋飯好吸睛，啱晒打卡，店員會幫手撈勻牛骨髓、蛋漿、肉碎、芽菜、菇等等，飯焦香口，成個組合濃郁又暖胃。醬油蝦大大隻，醃得入味，肉質爽口鮮甜，送埋飯一齊食絕配！蔥燒厚切牛舌必嗌，肉質好厚身咬落去一啲都唔韌好爽口彈牙，炭香同蔥絲夾埋一齊食，完全唔覺得膩。職員會主動幫我哋燒野食，唔洗我哋落手，個鵝肝多士外脆內軟，入口即化，配埋香脆多士同啲醬汁好邪惡。泡菜煎餅煎得金黃色，外脆內軟，泡菜份量足，酸辣開胃。飲品叫咗荔枝梳打同青瓜青檸梳打，兩杯都清新解膩，尤其青瓜味好突出，而荔枝梳打比軟甜啲我好鍾意飲呢杯，兩杯都好啱夏天飲。最後重頭戲日本產和牛肩肉盛，牛肉油脂分佈靚，輕輕燒一燒，蘸少少鹽已經好正，唔洗點太多醬汁已經好好食🥹，入口即化嘅感覺真係好滿足！前菜有呢5款，如果想無限添加前菜可以加$40，前菜好食好豐富。
繼續閱讀
放工同同事去咗銅鑼灣「柞木炭家」食dinner, 餐廳昏暗燈光, 營造了高級浪漫氣氛。入座即送上多款韓式前菜小碟, 味道正宗, 不過前菜不設免費無限任加, 每檯另加HK$40才可享無限任添。我地今晚揀咗其中一個二人餐: 《宮》饗宴 HK$788韓式蒸蛋: 高高的蒸蛋搖下搖下、噴著熱辣辣煙上檯, 蛋味清香。正當準備動手燒烤時, 侍應馬上主動協助, 非常貼心。薄切牛舌: 燒得有油光, 香口爽彈。 牛小排: 油花豐富平均, 肉質彈牙。嚴選腹胸肉: 肥瘦平均, 唔會過於油膩。黑毛和牛西冷: 油脂最為豐富, 口感好滑嫩。套餐包裝有大蔥沙律, 邊食烤肉, 邊夾住食, 平衡了油膩。濟洲大八爪魚: 原隻大八爪魚非常吸晴, 烤後八爪魚爽彈有鮮味。豬肋肉醃得入味又夠林, 甜甜地。韓式燒什菌加上牛油同芝士一齊烤, 熱熔芝士跟什菌熔為一體, 芝士味突出, 好邪惡。韓式撈起拌麵:估唔到韓國菜都有撈起食, 配料色彩鮮艷, 擺盤吸引。將所有配料同埋韓式辣醬撈埋一齊食都唔會好辣, 層次豐富, 拌麵彈牙, 岩哂食烤肉時清爽平衡。柚子檸檬梳打水 HK$42菠蘿梳打 HK$42兩款果味好重, 岩哂配搭食烤肉, 即時為口腔降溫又解膩。
繼續閱讀
突然心血來潮想食韓國菜🇰🇷 之後發現金百利廣場有間望落唔錯嘅餐廳 就決定去試下🤣🍀燒鵝肝多士 (2件)店員會喺我哋面前即場燒鵝肝 連麵包都係即場烘熱 再加埋啲果醬 食落味道好夾 鵝肝亦都好香口🤤 用鵝肝擠出嚟嘅油 再整熟埋啲菇 啲菇吸左啲鵝肝油香 好好食😚🍀蔥燒厚切牛舌牛舌中間夾滿咗香蔥 聞落去已經有好香嘅蔥味 兩面燒30秒左右就食得 食落口感有嚼勁 吾錯😝🍀牛骨髓石頭鍋飯石頭鍋飯有做到飯焦 食落脆口 唔同嘅配料增加口感 牛肉嘅味道香濃 配埋飯焦好好食😋🍀日本產和牛肩肉盛和牛嘅油花分布平均 口感軟嫩 牛肉味極為濃郁 每一啖嘅油脂同埋香味都好濃厚 好想慢慢品嚐每一啖😍 🍀醬油蝦 (4隻)醬油蝦嘅醬汁鹹鹹地 配埋蝦肉嘅鮮甜 味道對比明顯 幾開胃😉🍀韓式泡菜煎餅一份韓式泡菜煎餅細分為好多件 作為開胃小食唔錯😜🍀青瓜青檸梳打食完啲香口濃味嘅食物 飲返啲清新嘅飲品就最適合 青瓜青檸嘅梳打飲品就岩晒🤓
繼續閱讀
今日同朋友去咗食燒肉，位於銅鑼灣，餐廳主打日韓燒肉，除咗有唔同款式之外，前菜都做得10分出色！日本產和牛肩肉盛🥩 總共有幾款肉，每一種各有特色，油花均勻，肉質鮮嫩，入口即化，燒得香口juicy，非常令人滿足。燒鵝肝多士（2件）（Seared Foie Gras on Toast）🍞 鵝肝香濃滑溜，配脆烤多士層次豐富，好有奢華感。店員會親自嚟料理。葱燒厚切牛舌（Grilled Thick-Cut Beef Tongue with Scallions）🧅 牛舌彈牙有嚼勁，配上蔥花香氣，鹹香味道不錯！醬油蝦（Soy Sauce Shrimp）🍤 蝦鮮甜彈牙，醬油調味帶出香濃鮮味，而且夠大隻✅牛骨髓石頭鍋飯（Beef Bone Marrow Stone Pot Rice）🍚 熱辣鍋飯帶有牛骨髓香濃甘甜，飯粒吸收湯汁，好滋味，放在石鍋裏幾分鐘仲會有飯焦😎韓式泡菜煎餅（Korean Kimchi Pancake）🥞 煎餅香脆帶酸辣泡菜，口感豐富，係絕佳小食。柞木
繼續閱讀
柞木炭家嘅前菜係我食過嘅前菜中最貼近韓國😍同埋我勁鐘意食當中嘅魚糕同泡菜，佢嘅泡菜唔係會好酸同辣，而係甜甜地，超開胃🥰🌸北海道和牛肩肉盛油花細緻，入口柔嫩，牛香馥郁，每一片都有厚度😍食落啖啖滿足🥰🌸燒鵝肝多士則以香脆麵包襯托鵝肝的濃郁質感，鹹香中帶微甜，層次分明，令人回味，同埋係店員即刻煎，所以食落外脆入面綿綿滑滑🤤🌸蔥燒厚切牛舌火候掌握得宜，外層微焦，內裡嫩滑，蔥香與牛味交織，口感豐富。🌸醬油蝦鮮味十足，醬香滲入蝦肉又唔會掩蓋左蝦嘅甜味，同埋好大隻爆哂d蝦羔👍🏻🌸牛骨髓石頭鍋飯更是亮點之一，骨髓香濃，滲入米飯之中，每一口都充滿膠質與牛香，食落熱辣辣🙌🏻🌸韓式泡菜煎餅外脆內軟，泡菜酸辣醒胃🤤🌸飲品方面，荔枝梳打清新怡人，提子梳打酸甜適中🥰✨額外值得加分，店家超好，店員會幫手燒埋肉，而食客們就可以專心傾下計，所以聚會同約會都係必推嘅地點🙌🏻鐘意食燒肉嘅你地唔可以錯過🥰
繼續閱讀