柞木炭家

本身個壽喜燒和牛西冷可以加個棉花糖打個靚卡，可惜我去當日賣晒😟不過本身塊和牛都好好味，油脂感重🥰壽喜燒和牛西冷 $268最高等牛肋骨 $308慶州黑毛豬盛合配生菜 $280提子米酒 $158…Read More

前菜開胃的海帶絲沙律同軟滑的薯仔沙律都好食。泡菜另外仲會有一小盒自己添。加$40就可以無限refill所有前菜。壽喜燒和牛西冷牛燒到半熟就會將個小飯團放入和牛包住，燒好就直接沾生蛋食。個人覺得比起平時食嘅日本壽喜燒更香，而且冇咁膩。熱石海鮮拼盤配埋香草牛油同蔥蒜，新鮮又惹味。慶州黑毛豬盛合配生菜拼盤包左豬梅肉、豬五花、豬皮、豬腸、豬頸肉豬梅肉同豬五花都係水果醬油醃製，全部肉質都好腍。豬皮煙韌彈牙。如果怕膩仲可以包生菜食添。雪梨水冷麵韓國人最鍾意就係食完燒肉之後食一個水冷麵去解膩，記得加埋醋同芥辣。食完真係好refreshing。西柚乳酸梳打青檸檬梳打梳打夠晒氣，夏天飲清新消暑。店員手法純熟，全部燒出黎都真係好有炭燒香味，其他地方都好少食到，我相信我自己落手燒可能燒唔到咁好食🙈…Read More

近期愛上柞木炭家嘅韓燒，而且銅鑼灣間分店環境都唔錯，好寛敞舒適前菜都係食完可以再添加，🈶生菜，泡菜，泡菜魷魚，芽菜，粟米芝士，蘿蔔絲，我就最愛佢哋嘅泡菜同泡菜魷魚🦑之前食過set嘅前菜擔擔味噌茄子🍆覺得好好味，今次呢個係一整份，我鍾意將佢分開細條啲，再點多啲擔擔味噌黎食今次要介紹大家一個必試菜式，就係壽喜燒和牛西冷，呢個真係超正，侍應幫手燒完，然後放係生雞蛋同飯團撈埋一齊食，口感一流，真係超滑嫩，牛味又香濃，正👍🏻侍應跟手就會燒埋個鰻魚，呢度嘅炭火好夠大，一大條鰻魚都唔需要燒太長時間，我就鍾意係佢差唔多熟果陣搽上醬汁，會更惹味，而且食起上嚟都唔算好多骨，厚肉薄皮，認真唔錯😋第一次食呢個和牛三文治🥪外層嘅多士外脆內軟，跟著就係香脆嘅吉列包住厚厚嘅和牛，一咬落去就會感受到果種雙重嘅脆感，配埋和牛，口感超豐富，建議唔食太生嘅朋友可以放塊和牛燒一陣再食仲有和牛牛肋肉，食落好有咬口慶州極上黑毛豬梅肉嘅口感都幾好，唔會韌，用生菜包住黎食就更滋味飲品叫咗荔枝梳打➕青檸檬梳打，兩杯都幾好飲…Read More

餐廳環境好闊落，大塊玻璃可以睇到街外邊嘅境況，坐得好舒服，侍應好貼心，會主動幫我哋更換爐板，坐低已經即刻上咗前菜，仲有主打嘅泡菜，泡菜好入味，唔會好辣。青肉蜜瓜沙冰 賣相好靚，原個哈密瓜做杯上，有好多粒圓形哈密瓜，食極都仲有，水果好鮮甜，沙冰唔會太凍，感覺啱啱好，飲落甜度適中，推介！壽喜燒和牛西冷好大塊，燒嘅時候好香牛味，好易燒，好快熟透，食法好特別首先要同生雞蛋攪勻，之後再包住嗰飯波食。擔擔味噌茄子茄子份量好多，有大概8-9大大塊，混合肉碎一齊食，啲茄子吸咗擔擔味噌肉碎味，咬落仲好Juice。慶洲極上黑毛豬梅肉比較厚身嘅豬梅肉，燒好咗之後，再將邊位燒香，豐富嘅肉汁，好香肉味，唔韌！濟州活鰻魚十分推介，鰻魚好新鮮，魚皮燒出嚟好香脆，配埋鰻魚汁就更佳！和牛牛肋肉有十幾塊，脂肪比例適中，厚薄度適中，容易燒，加少少鹽更加帶出牛肋肉嘅香味。和牛三文治唔使燒即刻食得，麵包烘底香脆，和牛好厚身，口感好特別。…Read More

於網上平台見到一向跟蹤開嘅食家近日上載咗一幅相當吸引嘅和牛三文治靚相，得知出自銅鑼灣韓燒店「柞木炭家」，小肥即組咗團大食會去試。網上訂座流程十分簡易，最興奮就係可享全單85折優惠！不過有點好奇怪，就係要等到用餐當日先收到餐廳來電確認，並告知用餐時間限定為兩小時。餐廳佔用面積全層，以木為主嘅裝潢及橫樑屏風嘅設計時尚得黎都帶有韓國古裝片嘅影子。用餐大堂十分寬廣，餐桌間嘅距離足，唯獨室內光線偏暗，抽氣唔係咁夠勁。餐桌最特別嘅就係角落頭有個擺放煮食工具嘅窿窿。入座後，服務生隨即送上五款前菜小碟，款式明顯比一般韓燒店少，就連最基本嘅菠菜、魚餅、薯仔沙律、魚仔等都冇。五款小碟中只有泡菜一項係有得自行添加，似乎孤寒咗唔止啲啲囉！每位客人另有一份三式調味拼盤，係咩就要自己估啦，因為上咗枱後係冇人介紹嘅。唔知服務生係過份生手定係欠缺誠意呢，擺少咗個位居然要再三催促先補返簡單嘅自用餐具，唔問仲要冇乾、濕紙巾用，慳吝嘅作風越黎越顯著！桌上有自助式凍茶。餐牌上嘅飲品項目共有兩頁，大部份中、韓、英對照。酒鬼食韓燒當然係要啤一啤佢啦！食物餐牌則有五頁之多，包括三頁散點項目及節令菜式。另外兩頁為二人套餐「王道」（$698）及四至五人套餐「御膳」（$1,588）。八口子最終決定點選一客「御膳」，其中幾款招牌菜就加夠每人一份，另加配「最上等牛肋骨」（加$318），再升級要埋個海膽石頭飯（另加$210）作單尾。食物迅即一窩蜂咁上，張枱明明唔夠位服務生都仲要向上疊，餸菜擺低後一聲不響就走埋人，想追問時個個好似聾耳陳上身咁，真係O哂嘴囉！雖然隔咗陣另有專人前來燒煮第一道牛肉，其態度亦溫婉友善得多，有問必答，可惜燒咗一輪過熟嘅牛肉後就冇再返轉頭，表面功夫都好敷衍吓。和牛三文治（$318）：桌上被疊得最高嘅和牛三文治層次分明，麵包外層乾巧軟腍，經炸過嘅和牛餡心色澤粉嫩，肉厚鬆爽，口感豐富得很，不過如果可以熱啲就更完美！大家要留意，一客和牛三文治共有四件，一個人一件份量最好，不過長者有機會覺得一件太溜。御膳（$1,588）之名品醬油蝦：大大隻醬油蝦質感爽潤滑溜，可惜醬油唔係好夠味。「御膳」（$1,588）之最上等牛助骨（另加$318）：最上等牛助骨外表鮮紅潤澤，無奈估計因被服務生燒煮得過熟，咬落質感卻韌而硬，加上調味料中未有提供燒烤汁，喺肉汁欠奉嘅情況下變得更乾，絕對唔值得俾$318加點！如相所示，伴配嘅生菜黏上雜質，疑似未洗得乾淨，直令衛生大打折扣！「御膳」（$1,588）之慶州五花肉夏胡麻沙律：墊底嘅沙律清爽鮮艷，敗筆在於主角「五花肉」薄片唔夠脂肪，豬肉又乾又嚡口，極為失色！「御膳」（$1,588）之海鮮煎蔥餅：外表金黃嘅海鮮煎蔥餅濕濕腍腍，毫不香脆，內含嘅什錦海鮮粒粒唔係韌就係硬，而且一啲鮮味都冇，堅唔掂！「御膳」（$1,588）之壽喜燒和牛西冷四件；壽喜燒和牛西冷（$288/兩件）：晚餐嘅高潮必數此道壽喜燒和牛西冷！由於「御膳」套餐只包有四件，契妹好醒咁追加定四件（即兩客），砌夠每人都有一件。八人份量配有八隻月見蛋蛋及飯團，一次過上確真震撼！每片紅白雲石紋理鮮明嘅壽喜燒和牛西冷均由專人燒煮，三成熟嘅和牛西冷薄片柔潤軟嫩，撈入鮮黃亮麗嘅月見蛋黃即增添香濃滑溜，包住細細球飯團食更成功減輕膩感；長輩嘴邊雖不停話好邪惡，卻又讚不絕口，XO仔絕對覺得係必吃推介！「御膳」（$1,588）之是日雪下覓炙五款部位：細佬中文程度差，要搵Google之神先知「雪下覓炙」係指「高麗宮廷貴族雪夜下嚐的燒肉」，亦即英文版「Rare Beef Cuts」翻譯出嘅「稀有牛肉」。餐牌上列出嘅是日五款為韓牛牛柳、和牛三筋、和牛特上貝身肉、和牛上肋肉、和牛牛舌，分別以兩個拼盤上，但傳菜時並未有服務生告知邊樣打邊樣，毫不專業。個人最欣賞圓碟右方嘅雪花和牛，油脂豐腴嘅靚牛化於舌上，極品也！左邊大大塊嘅牛肉煮至三成熟亦軟潤多汁。XO仔唯一識別到長碟最後方嘅為和牛牛舌，牛舌雖則切得夠薄，但點燒都好韌，唔係好得囉！話哂餐牌上標明為「稀有部位」喎，大家都諗住唔好以貌取牛啦，點知五款中最劣真係瘀瘀地色，且切到岩岩巉巉嘅牛肉條！啲肉勁多根，連碗都咬得崩嘅大肥爸爸都話搞佢唔點，仲諷刺地講咗句「稀有唔代表一定好喎」，又真係幾有道理嘅！「御膳」（$1,588）之海膽石頭飯（另加$210）：加錢升級嘅海膽石頭飯熱力十足，墊底嘅飯粒肥潤飽滿，撈勻埋閃亮嫩滑嘅海膽及鮮香惹味嘅紫菜，飯品集鮮嫩甜濃香脆於一身，個人只係略嫌舖面嘅海膽份量唔係咁夠，如果加多一排海膽效果必定更佳。「御膳」（$1,588）之是日精選甜品：結尾嘅芝士蛋糕先最、最、最恐怖，一口咬落去，蛋糕入面嘅冰沙即令細佬同契妹敏感嘅牙齒極度酸軟，嗰種好比針拮嘅刺痛實在難受，世估唔到甜品竟然仍未溶解，咁冇心的話不如套餐唔好包甜品好過啦！「柞木炭家」環境開揚寬廣，無奈喺店子並非爆滿嘅情形下，接待員及場內多位服務生就表演得不甚誠懇，廚房所預備嘅韓燒食材及煮製嘅冷盤、熱食質量十分參差，當中只有和牛菜式最為美味。雖然餐廳限定用餐時間為兩小時，但都不應一次過上哂所點選嘅生熟菜式，影響衛生之餘更有催趕食客之嫌，令人極之反感！即使食客可享網上訂座折扣優惠，但平均消費都要五百多元，餐店內外也未免過份敷衍吧？！…Read More