4
1
0
港鐵屯門站 A 出口, 步行約9分鐘
繼續閱讀
營業時間
星期一至日
11:00 - 21:00
以上資料只供參考, 請與餐廳確認詳情
喺屯門工廠區食晏，朋友介紹上咗英皇大廈嘅三樓架勢餐廳！好有快餐店嘅感覺，座位寬敞冷氣超凍，大熱天時真係不錯嘅選擇！食物方面，都種類繁多，有台式、日式、韓式、中式和西式唔同嘅選項，我就選擇咗台式炸排骨肉燥飯，仲有汽水送，但攞餐嘅時候發覺，全部都係用環保外賣盒，感覺其實唔環保，因為我其實係堂食嘅，雖然話好難請到人洗碗，但係明明係堂食都要浪費呢啲環保餐具，實在有啲過份！食物方面就真係普普通通！啲菜完全係凍嘅，鹵水蛋都係凍嘅，飯就比較淋咗啲，炸排骨就比較硬咗啲，食落淡而無味！應該都唔會再嚟幫襯
繼續閱讀
平日經過此大廈感覺是一個醒目的攀岩場，裡面都是一個個辦工室。透過外賣自取平台才發現藏著一間（群？）食肆。平台裡顯示選擇豐富，有川菜、韓國菜、日本菜、台菜、港式本地菜及星馬菜。於是想象成多個食肆湊成foodcourt的概念。來到大廈2 樓，出𨋢拉門，看到多片落地大玻璃，地方還算寛廠。（笨蛋總是忘記拍下環境照片）原來多國料理都是透過統一廚房製作。最後見坐位舒適，選個位置內用好了。鐵路滷排骨便當排骨不會過份油膩，乾乾的挺喜歡，咬下去不會太重罪惡感南部爌肉便當用上五花腩肉，肥瘦適中亦很鬆軟。值得讚讚配菜們也用上小心思椰菜不是單純用水灼熟就上菜，簡單用上麻油調味已經讓人吃不停。滷蛋也非普通豉油老抽滷成全熟蛋，而是帶陣陣酒香的醉溏心蛋！大愛炸甜不辣兩個嘴饞鬼想念台灣的夜市美食了～所以點一份甜不辣，可惜不是我們倆心心念念的那種q彈的甜不辣，是魚板/魚糕那種，小失落。縱然如此，今餐兩個人的套餐還附餐飲，總數也不過100港元，十分划算。下次還是會再來試其他菜色是否也藏有小巧思！
繼續閱讀
已經有一段日子沒有寫食評了，開始手痕最近行過屋企附近的工業區，發現新開了一間樓上的新式外賣餐廳，決定試下。一出升降機門十分光猛，因為在商廈的關係地方非常闊落，餐牌選擇款式非常多，有齊日韓台星馬泰，琳琅滿目，想了好一陣子才決定好所有菜式都是落單即叫做，欣賞呢點平日晚市人流不多，等了差不多10分鐘就準備好，店員態度有禮，拎完就啦啦聲返屋企開餐。首先是台式滷味拼盤套餐，有蜂巢豆腐、豬耳、糖心蛋、五花腩和金錢肚，滷汁基底調味適中，不會過鹹過甜。雖然食材已經滷得夠時間，但豆腐的香料味仍然略為偏淡，比較欣賞是糖心蛋，外層吸收了滷汁味道而內層蛋黃仍然處於流心狀態，還帶有一點蛋香，個人給予高分!而其他配料則不過不失，亦滷得入味。套餐包括白飯及汽水，可以另外加配台式小食，疫情下很久沒有去旅行了，感覺很久沒有吃台灣夜市小食，忍不住叫了個惹味塔香鹽酥雞，跟餐加$20，這個絕對是全晚MVP! 炸得香脆之餘，外皮厚薄適中，不會像坊間般裹上一層厚粉。而重點是調味，有基本的椒鹽調味，感覺到醃肉的時候還加入了一些特別的香料，令整個調味昇華到另一個層次! 另外伴碟亦有炸香過的九層塔，配著雞一起吃完全就是夜市風味!老爸想吃豬脾，叫了個南洋豬脾飯套餐，豬脾滷得很入味，感覺是用了長時間去滷，豬脾的皮與肉都已經非常軟淋，容易入口。配著伴菜的青瓜和酸菜十分開胃，特別是酸菜，味道有點像雪菜和外面的米線酸菜的混合體，帶微酸又有咬口，不經不覺就吃完了整盒飯XD。看到餐牌宣傳四川麻辣乾鍋，便叫了個香辣牛肉乾鍋，份量好大，幾乎是三人份，有乾鍋必備的椰菜花及蓮藕片，走油後口感爽脆，配上調味剛好的滑牛肉，送飯一流!另加配了土豆片，可惜土豆炒得不太夠乾身，扣了少少分，但整體來說仍然十分扺食，同一份量在外面的川式餐廳叫起碼要二百蚊起。飲品看到有台式飲料，雖然在減肥中，但心癢難耐，最後還是點了炭焙烏龍珍珠奶茶，包裝很有趣，是新式的透明罐裝，打卡效果不錯叫了少甜少冰，甜度剛剛好，如果全糖的話絕對會太甜，建議還是點少甜。茶底是重點，有很明顯的烏龍茶味，讚!本人雖然不是專家，但對飲茶還是有點講究的，炭焙烏龍的確與一般烏龍茶不同，會有一種焦焦的味道，多了一種層次感，配上有咬口的珍珠，是一杯高分的珍奶🧋只是$24，比起宜家外面開到成行成市的手搖飲品店已經是超值了!
早一陣子無意中吃到很久沒有吃過的檸檬愛玉，突然挑起了一舖癮，便叫埋甜品青檸蜂蜜愛玉，味道是青檸味的糖水，有別於坊間的檸檬味，有清新的感覺。愛玉口感有點偏硬，可能這天師傅開愛玉粉時加得比較少水，除此之外就是一碗正常發揮的愛玉。
唯一要挑剔的是位置有點偏僻，位處屯門工業區一座新式的商業大廈，估計是主打做附近的上班族生意，不過性價比高，味道又不錯，又不多人排隊，下次會再光顧
繼續閱讀
建發里4號依個地方見證佢由歐化倉變成多樣化工商大廈，進入架勢廚房更加有點感觸，點解會搵依間舖？本身佢地都唔係太多宣傳，巧合地睇到YouTube 介紹建發里依個大廈，得知有間餐廳開左當然就要去試下佢菜式話兩餸三餸飯，當初係事先無做資料搜查間餐廳係食咩，去到晚餐係無兩餸三餸供應，但仲有其他同埋價錢係親民（$36起）真係有點頭痛太多選擇，最後就叫左台式既雞排，豬排便當同埋無骨海南雞飯 簡介講下菜式：雞排/豬排便當 味道唔錯，但可能外賣關係返到屋企淋哂配菜方面有加工唔係白灼，味道都唔錯飯方面有個問題係太痴飯盒無骨海南雞飯雞滑真係無骨，煮得夠入味（唔係新鮮雞）份量方面好足夠 以個價錢係超值醬汁方面只係覺得紅色款係辣醬黎，唔係一般市面既醬，但都可以接受怕辣就未得仲有佢係用甜黑醬油同薑蔥油等候時間大概10-15分鐘，暫時員工唔夠，見唔到收銀妹妹就要撳鐘仔重重重點係唔收現金整體方面都唔錯如果堂食既環境都唔錯 乾淨夠寬敞同夠冷氣係附近返工既人可能會當依個飯堂添選擇多價錢平環境好
繼續閱讀
係openrice見到呢間💥架勢廚房💥選擇好多，價錢又唔貴，即管試試😋有韓式，日式，台式，泰式，川菜，當然唔少得港式。入到去第一個感覺，環境好闊落，啲枱唔會放到密密麻麻👍👍雖然今次係買外賣，但下次有機會都會黎堂食。職員服務態度好好，埋去落單細心介紹午市套餐（我本來想散叫）。佢係類似快餐店形式，先去收銀落單，再等出餐。我最後叫咗3個Lunch Set同埋4款小食😊😊1）去骨海南雞飯 $48 🐔🐔🐔啲雞好滑，油飯好香，而且啲雞份量都唔少午市套餐仲包一罐汽水🥤🥤48蚊真係好抵🤑🤑2） 日式生薑豚肉配溫泉玉子丼 $48 🐷🐷🥚隻溫泉蛋熟度整得剛剛好，撈飯一流🤤🤤啲五花腩肉都肥瘦適中，又唔會鞋豬肉最怕有啲整到好鞋口3個主食中，我最鐘意呢一個，因為佢啲配料撈埋一齊真係好好送飯，好開胃👍👍由其佢真係食到有薑味3） 台式滷味拼盤套餐 $53 🐂🐷🥚（牛肚，豬耳，五花腩，蜂巢豆腐，溏心蛋）53蚊真係無諗過佢啲料會有咁多😆滷得好入味，啲牛肚唔會好難咬，溏心蛋亦都做到應有嘅熟度個黃好靚，不過掛住食唔記得影相☺️☺️啲酸菜同樣好開胃🤰🤰4）韓式泡菜煎餅 $36呢個因為佢入面都幾多原片泡菜，所以都辣唔會淨係食到得啲粉佢仲有個韓式煙肉薯仔煎餅，好似幾特別下次要試😋😋5） 甜甜辣辣年糕杯 $28呢個絕對岩哂喜歡食辣嘅人士，因為都幾辣下😂😂份量又係好多，唔應該叫年糕杯，應該叫年糕碗🤣🤣有信心快啲挑戰下，爆汗之選🥵🥵🥵6）炸地瓜丸 $246粒大大粒，有別於放題地瓜丸size，佢再大粒啲🔍🔍佢冇平時放題食嗰隻地瓜丸咁甜，地瓜味同質感都重返少少🤏🤏外賣攞返屋企都要20分鐘路程， 返到去仲好脆口🥰🥰7） 惹味塔香鹽酥雞 $28鹽酥雞啲鹽酥味好香口🤤🤤唔會炸到啲雞好鞋，仲好juicy炸粉薄，唔會好厚淨係食到炸粉雞大小適中，太大粒容易炸到鞋，太細粒又好似無嘜肉嘅口感，呢個岩岩好👍總括黎講，一班人傾唔掂食咩菜嘅時候，可以黎呢間餐廳試下，因為佢真係好多選擇，黎到總有野岩你🤟🤟價錢又實惠，質素又唔錯👏👏個肚唔爭氣，試唔到多啲野下次除咗要試韓式煙肉薯仔煎餅，仲要試美祿恐龍多士同埋佢啲甜品
繼續閱讀