果子｜海南雞飯·喇沙摻摻 外賣專門店

營業中

休息中

這間店舖位於大角咀，多年之前在大埔已經吃過印象深刻。這店只限外賣沒有堂食，同樣主打海南雞和喇沙，但價錢卻非常便宜，＄50不用竟可買到一個海南雞飯？長者和學生更有9折優惠。海南雞飯回家後打開海南雞飯，份量足夠，油飯甘香，粒粒分明，雞皮又薄又爽，由於沒有多餘脂肪，我覺得連皮食都沒有罪惡感。雞肉嫩滑，而外賣竟然如此有心，附送三款調味料有甜豉油，薑蓉，辣汁，有在餐廳用膳的質素。更加碗清湯，非常滿足。海鮮喇沙摻摻湯和材料分開，沒有因為分開放而額外收費。海鮮喇沙摻摻材料好豐富，有大蝦，蜆肉，蛋，魚片同豆卜，摻摻是混合了油麵和米粉一起煮的，我特別喜歡這個因為口感豐富。另外湯底濃郁，魚片頭彈牙，海鮮新鮮。沙嗲豬肉串沙嗲豬肉串燒，豬肉不乾，沙嗲醬汁香濃，好惹味。粟米墨魚餅煎得香口，點上醬汁更惹味。特別欣賞定價便宜但保持食物質素，如果其他地方都開外賣店便好了。

大角咀美食數不完，價錢親民又餐廳種類多選擇。今次要介紹的是「果子」外賣專門店，推介的當然是門面已寫的海南雞飯和喇沙摻摻。食物的種類多，有海南雞飯、喇沙摻摻、湯米、撈麵和小食。持有長者卡和中小學生證可享有九折。旁邊有一個飲品櫃，有汽水、水、茶和豆漿等。果子海南雞飯 配油飯＋雞湯 ＄38價錢勁親民，份量多。海南雞夠滑嫩，不油膩。香煎豬頸肉喇沙摻摻＄52湯底和麵是分開的，麵有油麵和米粉，湯底味道濃郁，帶有椰香微辣。豬頸肉煎得很香，外皮煎得脆口，還有豆卜和雞蛋。馬鈴薯炸蝦卷（2件)＄16把馬鈴薯切成條狀包住蝦，滿特別。辣醬另上的。沙爹牛肉串燒（2串） ＄20醬汁惹味，微辣。

🦐🥓🍜🍛🐂🍜香煎豬頸肉喇沙摻摻 $52本身就好鍾意食喇沙，湯底好濃好香好好味🤤🤤真係太啱我胃口！喇沙配摻摻先係王道，一啖有兩種口感，油麵同米粉混合兩溝。一啖麵兩啖湯咁食實在太正🤤食唔停口，我朋友話我唔分比佢🤣🐂🍛慢煮咖哩牛坑腩飯 $50 (好似係新出餐牌，推廣期有9折🤤)好好食，牛腩分量好足！每一嚿牛腩都好林好滑嫩仲好大舊！真心足料抵食！仲有薯仔🥔都大嚿，係煎香過嘅，又好入味，可以配埋飯食，兩款主食強力推薦比大家。🫓咖喱油酥餅 $248小塊配兩個小杯咖喱，不過我地攞左黎配咖喱飯個咖喱🐖香煎豬頸肉 $28起碼有10幾舊 每一舊都好焦香、好惹味，建議送飯🤣仲有配埋醬汁可以沾就唔會好乾 🍜最後兩個人都食到勁飽，幾乎食唔晒🤤😌 下次想再去試埋個肉骨茶🤩。總結而言呢個價錢真係幾抵食，特別係襯新餐牌優惠，大家真係可以快啲去食！

💢只做外賣💢🐣果子無骨海南雞飯 (可選油飯/白飯) $38$38真係抵到爛呀!仲可以免費多飯咁良心既小店真係要多多幫襯油飯飯量多，質感偏濕潤無骨海南雞份量多，肉質好嫩滑食落啖啖肉，真係好正，好滿足！🦐海鮮喇沙摻摻 $53摻摻同米粉各一半份量海鮮有蝦、蜆、魚蛋、雞蛋、豆卜喇沙湯底唔會太辣有椰香味豆卜索晒啲湯底精華，正呀🐓沙嗲雞肉串燒 $20/2串雞肉肉質嫩滑，再配上自家製沙嗲醬零舍惹味，下次再試埋豬肉先森巴通菜 $20通菜炒得好香，一打開外賣盒就聞到香噴噴既味道我本身唔食得辣就會覺得有啲偏辣啦但辣辣地係食唔停口既，正

呢間海南雞飯外賣店係幾好食， 富榮花園旁邊，都好方便，其實都是朋友介紹又平又好食，今日經過去試。當然要叫佢出名嘅海南雞飯啦，， 全日都係38蚊仲跟湯，真係好鬼平！雞肉好滑，仲係油飯嚟，正丫，會再推介比人！之後仲嗌咗佢個南乳雞翼喇沙，50元，大大碟，味道出色！份量都好大碗！我大食朋友都話食到好飽！仲話好好食！之後仲有好多小食，我就要咗佢嘅喇沙串燒同埋南乳雞翼！！小食都是十幾廿蚊左右！呢間真係好超值丫！真係好味道丫！

今日去咗大角咀，探朋友睇bb， 點知傾到冇時間煮飯，就買外賣返屋企食啦 ！呢間外賣好似幾好咁， 好多人排隊，應該都幾好食嘅。想前睇下見到海南雞飯，晚餐都係38蚊！又係油飯同埋跟湯，好抵呀！之後我嗌多個海鮮喇沙畀我老公，返屋企慢慢食！返到去， 碗喇沙分咗湯，而且仲係熱辣辣嘅，一開蓋就見到好多海鮮，有好大隻架鮮蝦， 蜆同埋雞蛋，非常豐富，湯入面仲有豆卜，辣辣地好開胃好惹味好食！海南雞飯份量都好多，而且啲雞真係好嫩滑， 油飯好食， 醬料都好味，雞湯都出奇吾錯，有冬瓜同意米好清涼舒服！仲嗌左兩個小食，係通菜同埋墨魚餅， 通菜份量好多好味！整體價錢味道都吾錯，好食！

果子係大角咀開咗外賣店♥️比總店菜式少啲啲～但主打外賣，價錢就相對平啲😍我最中意食嘅海南雞飯40蚊都唔洗☺️仲好大份，真係好抵食！✪ 果子海南雞飯 跟雞湯 ⌫💲38外賣份量都好多。海南雞白滑，肉質好嫩，有一半胸肉一半脾肉。油飯味道好香而且唔油膩。✪ 海鮮喇沙摻摻 ⌫ 💲53外賣會分湯～喇沙湯底帶濃郁椰香同微微辣。米粉同油麵摻摻同湯汁一齊入口，感受到鮮美湯汁。海鮮有魚丸、豆卜、蛋、蜆、蝦，好足料好豐富。✪ 沙嗲豬肉串燒2串 ⌫ 💲20沙嗲醬好好味！食到粒粒花生，好香！豬肉燒得剛好，肉質唔會乾。✪ 白雲酸辣鳳爪（6件）⌫ 💲16鳳瓜已經去骨好方便。味道酸甜開胃。📍果子外賣店| 海南雞飯·喇沙摻摻旺角海庭道16號富榮花園二期4座地下E號舖

上星期等老公收工嘅時候，去咗奧海城附近行街，然後經過一間果子海南雞外賣店，見到佢價錢好似好抵，所以就走咗入去買咗啲外賣返屋企。果子海南雞飯其實個飯38蚊,份量好足料，雞肉大概10幾嚿，個油飯都幾好有，油香味重，飯度軟硬適中，雞肉好嫩滑，亦俾左隻雞翼，加上有齊三款食海南雞既醬汁，絕對超值。如果下次再買，我會選擇加$10轉做雞髀，因為個飯本身都係38蚊，就算加多$10都係40幾蚊，已經有海南雞髀飯，值得再encore豬頸肉喇沙掺掺幫老公買咗個豬頸肉喇沙掺掺，分量十足，勁多麵，湯底椰香味濃，辣度亦都唔會非常之辣，適合中意有少少刺激既人。豬頸肉都有7至8塊，男士想夠食。另外再叫左兩份小食沙嗲雞肉串燒沙嗲醬都俾得比較多，花生味濃，醬汁”傑”身粟米墨魚餅魚餅彈牙，細細塊易入口成餐飯都只係122,已經可以食到兩個人勁飽，性格比極高

今日第一次黎到奧運近大角咀呢頭，見到有間熟悉嘅餐廳名，好似係邊到食過😂諗真啲醒起原來係大埔有食過🍛依家仲入選埋熱門餐廳，怪唔得印象咁深刻啦🥘。既然係咁，一於就唔好煩啦🤪係到嗌2個外賣又搞掂今晚個晚餐啦🐔🐒果子海南雞白飯跟雞湯💰$38🐒海南雞喇沙摻摻💰$60$38就食到一個海南雞飯仲要連湯🍚抵到爆炸💥飯方面都有油飯可以揀而喇沙就揀左摻摻(油麵&米粉)，仲要湯底加辣🌶濃郁啲又辣啲份量方面真係好多🐥$38蚊真係好良心，仲要唔會下面放啲青瓜蘿蔔墊高佢。🐒粟米墨魚餅(2件)💰$12🐒沙嗲豬肉串燒(2串)💰$20小食見到咁抵都忍唔住嗌左2個😂墨魚餅都係同出面差唔多，但串燒有驚喜，因為個沙嗲幾濃郁，而且豬肉都好嫩🐷

大角嘴奧海城附近有間海南雞食，主要係做外賣，冇堂食位。主打海南雞飯同摻摻，所以一於試哂兩款。當然要叫番個果子海南雞油飯跟雞湯，海南雞既份量足夠，醬料都齊，$38呢個價錢抵食，雞都幾滑，飯都夠油香。個雞湯見到佢都有啲冬瓜料，都幾好味。帆立貝喇沙摻摻就好多配料，除咗有三大粒飯搭配之外，仲有好多配料，豆卜，魚蛋全部都唔係得一兩粒黎hea你，個湯底都好濃，夠哂味道但又唔會過咸。香辣魚餅就正正常常，佢仲配左啲泰式辣醬，絕配。沙嗲雞肉串燒，雖然拎到返屋企都唔錯但係都好好味，佢嘅沙嗲醬都幾足料，有花生粒同埋花生醬味，所以串燒係必嗌。果子海南雞油飯跟雞湯 $38帆立貝喇沙摻摻 $65香辣魚餅 $12沙嗲雞肉串燒 $20

🇸🇬【 果子外賣店｜海南雞飯·喇沙摻摻 】🇸🇬⋄ —————⧫♟⧫————— ⋄人氣星馬菜外賣店「果子」位於大角咀，主打各式經典喇沙、海南雞飯等，用料十足，味道正宗😍👍🏻⋄┄ ┄ ┄ ┄ ❖ ┄ ┄ ┄ ┄ ⋄🐔果子無骨海南雞飯🍚 （$38）配油飯送雞湯1碗海南雞皮爽肉嫩，而且冇骨，好正。🦐海鮮喇沙掺掺🌶（$53）可以加辣，蝦香湯頭濃郁，香料惹味芳香，滲出陣陣椰醬香甜，好好食。🦴白雲酸辣鳳爪🐓（$16/6件）🍢沙嗲牛串燒🐂（$20/2串）連串燒都冇揸流攤，沙嗲醬超濃超惹味！⋄┄ ┄ ┄ ┄ ❖ ┄ ┄ ┄ ┄ ⋄📍地址：大角咀海庭道16號富榮花園二期4座地下E號舖⋄⋄

之前食過呢間海南雞飯唔錯，今日又再幫襯，但就試佢嘅喇沙同香茅豬扒飯~~首先感覺就係外賣包裝唔錯，最怕D屋苑外賣餐廳包到求求其其又漏咁D，但呢間好企理，而且仲會湯同摻摻分開上，唔會浸淋晒，值得一讚。喇沙湯底見到色水已經覺得惹味，而且KEEP到熱度，米粉+油麵伴著香濃喇沙湯底，仲要加埋邪惡嘅豬頸肉，成件事加埋特別好味~香茅豬扒飯有跟隻煎蛋，豬扒多肉少骨，再撈埋蔥油，三扒兩撥就食晒個飯盒~加小小錢就有雞翼同墨魚餅兩款小食，同樣香口好味，幾抵食~

以前喺大埔食過，覺得相當唔錯，喺大角咀開新外賣店再去試試，完全keep到喺大埔門市嘅水準。雞肉夠滑又新鮮，冇雪味；油飯亦比其他同類型食店入味，醬汁都幾出色，份量合理

好耐都冇寫過食評~ 疫情關係多數都係食外賣多，呢間覺得幾抵食所以都忍唔住要寫返個食評!!!大家要留意返，呢間係專做外賣，冇位堂食㗎~外賣叫咗個海南雞飯同招牌海鮮喇沙米～喇沙外賣碗係會將湯同米分開，唔洗驚會浸到淋哂~果然係外賣專門店~海南雞飯都唔錯，但係2個要我揀嘅話我會推介喇沙米，湯底正！料都正！但係如果食得辣嘅人就記得要另外叫加辣～Recommendation rating (out of five):

有一段時間冇買外賣回家食啦，星期六行開奧海城，又到晚餐時間，於是上網揾附近東南亞餐廳解決晚餐😆 見到有間叫果子既食店，人氣幾高，我們就行了過去富榮花園買外賣回家食。行到果子門口，就見到有唔同的餐可供選擇餐牌上有飯類、有粉麵類、小食選擇都蠻多的，除左招牌嘅果子無骨海南雞飯外，仲有喇沙，配各種餸：海鮮、豬頸肉、香茅豬扒、雞翼、牛肉、帆立貝⋯⋯ 湯米飯、飯、撈麵都有…我叫咗冇耐之後，可能都到7點呢d晚餐時間，附近住宅的人，都落嚟嗌外賣，一下子店舖門口叫外賣同等外賣的人就多了，等咗15分鐘左右，就有得拎我們叫咗招牌菜，無骨海南雞飯跟油飯，海南雞係完全冇骨的，油雞整到一粒粒👍🏻海鮮喇沙摻摻有有兩隻蝦、四隻隻蜆、半隻蛋、喇沙麵係米粉同埋油面喇沙湯香濃，材料有豆卜、魚蛋😸😸仲加了少少小食沙嗲（ 牛）串燒 - 2 串沙嗲帶甜味、兩串唔夠喉😂白雲酸辣鳳爪 - 6件，酸酸辣辣好醒胃總體嚟講，今晚抵食又好味👍🏻👍🏻全單唔使$130兩個人食飽👏🏼👏🏼