林香檸手打檸檬茶 (AIRSIDE)

營業中

休息中

咁好生意就請多啲人手啦！想強調返員工態度好好！員工態度好好！就算好多單我見佢哋都好好禮貌！一杯野飲等40分鐘有啲恐怖囉，企咗喺到40分鐘，我見啲員工已經做到冇停手，所以做唔掂就要請人or cut 晒啲外賣app 同網上落單啦！辛苦員工比人鬧，啲客又等得耐！

【九龍城區】【林香檸手打檸檬茶】同電台識嘅朋友凌霄哥食完飯，行吓新開冇耐嘅 Airside 商場。仲記得以前喺會錄聲音同短片做節目嘅時候，都會嘗試介紹一啲新嘅嘢，如果 Airside 商場喺當時開幕，我估我哋都會去拍嘢。時移世易，而家已經好少拍嘢，可以輕鬆啲咁去行呢個新商場。行到五樓見到呢間手打檸檬茶店，之前我都講過自己對呢啲手打檸檬茶嘅睇法，我都唔抗佢嘅。而呢間亦都出過 job，但係我因為時間問題而冇報名，否則可能會早啲同大家「試」佢。而凌霄哥本身原來都中意飲，好啦，咁我就陪佢飲返杯手打檸檬茶啦。佢叫 $30 嘅「渣男手打檸檬茶」，甜度係「一分甜」，適逢佢哋一週年活動有「第二杯半價」，就加 $15 叫多杯畀我，不過味道同甜度都要一樣，夾埋 $45 埋單。味道上，我覺得檸檬味都可以，不過茶味就好似之前飲過另外一間好啲，只能夠講係唔差咁囉。。。（地址：九龍城啟德協調道2號AIRSIDE 5樓L501號舖）

林香檸手打檸檬茶今次order 左1杯熱和凍檸檬茶凍的要小冰但是也比較多冰，熱的少甜也很滿意。 整體真好飲， 酸味甜味調得 好好，好多檸檬，飲完幾個鐘頭內也有 檸檬茶味道在口腔內。落單姐姐有禮貌，會再飲👍

食完飯有啲口乾，所以揀咗呢一間檸檬茶飲店-林香鶐試吓。近排好hit呢啲大陸引入嘅手打檸檬茶，不過我真係好少飲。我係叫咗5分甜嘅，我覺得個味道還好亦都偏甜，我覺得可以叫3分甜都得。所用嘅係香水檸檬，好似係一啲新品種嘅檸檬咁樣，有一陣淡淡既草苦澀味。我個人都覺得幾香，幾有新鮮感。檸檬佢唔算打得太酸，或者已經落咗足夠嘅糖中和佢。👍🏻但係我唔覺得依杯特別話好好飲就只係一杯OK嘅檸檬茶，$32好似又有啲唔太值🤔🤔

Not sure what the negative reviews are on about. Boyfriend and I ordered one drink each and both were perfectly tasty without too much ice as some reviews claim. We ordered our drinks at 30% sugar and we also added lychee coconut jelly to our drinks. It was the perfect thirst quencher!

買左杯渣男手打檸檬茶，scum handmade lemon tea。成三十元正，$30 1杯。茶底嚡口無茶味，成杯茶充滿檸檬香精味，飲完成口檸檬味洗潔精，懷疑自己講野準備出番梘泡泡。飲完即刻胃痛同頭痛，維他檸檬茶好飲過佢。咁樣值$30，$3 都俾多你。最貴係個膠杯。 雖然知道國內好興，知道開黎香港都係吸返國內同胞，明明檸檬茶係香港地道signature drink，點知俾佢搞到不倫不類，難飲到飛起，可一不可再。

同平時啲台式飲料比較，呢間真係好多好多冰，飲兩三啖就冇晒，好冇癮嘗試叫佢少冰，但係佢話得返七八成滿，所以放棄咗，但估唔到真係好多冰。希望之後可以少啲冰，因為我試過其他手作檸檬茶都冇佢咁多冰。

之前喺旺角都有買過幾次林香檸嘅招牌同鴨屎香檸檬茶，覺得味道唔錯，今日行經Airside見到有就買杯渣男檸檬茶試下，點知飲咗兩啖已經無哂🙄再望下隻杯，成杯都係超大粒嘅冰，仲有幾片厚切檸檬，味道係唔差嘅，但未至於$30得兩啖初頭以為自己無嗌少冰所以成杯都係冰，但睇返之前啲評價，知道唔關有無嗌少冰事，根本就係佢地經營手法問題，就算大家想飲都千祈唔好幫襯呢間，呢次完全係伏中之伏，無下次😮‍💨😮‍💨

--近排係香港有一股好流行既熱潮～幾乎每個地方都會見到「手打檸檬茶」🙈我都吾例外～見到林香檸檸檬茶就買左杯檸檬茶試試先❤️果然而真係名不虛傳👍-🔅鴨屎香檸檬茶鴨屎香茶香味好清爽～飲落去唔會好澀口！檸檬茶酸甜度剛剛好～而且加入左新鮮檸檬果肉～清新解渴😎味道非常驚喜❤️林香檸❤️有自家果園～每日出品新鮮果實！收割後38小時內會運送到店內，確保材料保持最佳口感同新鮮感@linxiangning_林香檸手打檸檬茶 (AIRSIDE) (九龍城)九龍城啟德協調道2號AIRSIDE 5樓L501號舖#林香檸 #檸檬茶 #手打檸檬茶 #鴨屎香 #招牌檸檬茶

我叫招牌檸檬茶一杯，問可唔可以少冰，佢話會變8成份量，我ok，但估唔到佢係成杯都係杯，每粒立方體冰塊都好大粒同完整，我唸d茶係最盡得五份一杯。28蚊一杯買杯冰係完全唔值！同埋少冰都滿到頂，咁好似好呃人，仲要少咗茶底，兩啖飲完。茶味唔濃，有香茅檸檬味，以招牌黎講覺得真係完全唔推薦！唔知其他分店係咪都係咁既冰量，但airside呢間係咁飲唔出佢係茶底味係咩，味道好奇怪，不過我叫咗一分甜，理論上係茶味會比較出，但完全失望

在 Airside 新開林香檸檬茶店買咗杯招牌手打檸檬茶和鴨屎香檸檬茶試下時，我要求少冰，收銀妺妹同我講少冰得8成滿，我知香港成本貴所以勉強接受，來到手真係得8成滿，但無諗過冰粒充滿杯7成空間，加上杯內有3塊約10mm厚檸檬片，飲左幾啖已經所剩無幾多，感覺比一般茶餐廳檸檬茶份量少一半，講真兩杯味道都不差，有新鮮感完全無苦澀味，但收28-30蚊，唔使做到呢個地步呀！超級失望，我唔會有下次幫襯。😡😡😡😤

林香檸分店愈開愈多😆自從喺 Airsidehk 開咗分店後🫣日日都見店舖外企滿等候嘅人😂但每次經過都聞到陣陣檸檬香，我都忍唔住要加入排隊大軍😝😝店舖對檸檬茶講究極致😂除咗檸檬同茶要講求黃金比例，茶同冰同樣要嚴格遵從比例😂所以只可以揀甜度而唔可以選擇少冰或去冰🧊因為冇得少冰，一拎上手感覺都幾大杯冰😮應該會好快飲哂😂揀咗7分甜，最初飲落都偏甜，但當啲冰開始溶就啱啱好啦🤣🤣🤣以手打檸檬茶黎講，呢間口味都幾多變化😍最後揀咗招牌同鴨屎香檸檬茶🍋招牌茶味濃，檸檬較多，香但帶點澀😁鴨屎香嘅檸檬味香喺口腔內更持久，整體更香甜順口😋個人比較鍾意鴨屎香檸檬茶😙🍋招牌手打檬檸茶 ($28)🐣鴨屎香檸檬茶 ($32)

叫杯野飲預告要等45分鐘以上，我買個檸檬返屋企自己整完飲埋都未等到啦，望一望入去咁大間鋪得兩個人整緊茶，好心人手唔夠就請多少少人啦，手打檸檬茶咁用力整，想做死人咩，我係客都睇唔過眼

剛巧經過，遇到林香檸試業，又未試過就試下佢啦！第一次就試下招牌，招牌手打檸檬茶，7分甜，唔會酸，7分甜幾好，茶味濃但茶唔會好似某d茶餐廳咁鞋，唔想太濃可以等冰溶少少先飲，下次可試5分甜。