東海堂 (將軍澳廣場)

營業中

休息中

某天，諗著去Living Plaza shopping,於是特登去將軍澳廣場，行經1/f，見到東海堂有堂食兼有人排隊，好奇心加餵食於是望下d食客食緊咩，又望下牆上的menu ,就被🍦買一送一吸引著(好似優惠期有限時，忘記了)，仲要係做緊”冲繩紫薯軟雪糕”添！唔食點對得著自己雪糕的紫薯係來自宮古島的紫薯，信心的保證，都幾甜，香味濃郁，而且食落好軟滑美味紫薯雪糕大大杯, 雪糕筒很鬆脆

🥭芒果/🍌香蕉梳乎厘班㦸配3.6牛乳雪糕($58)牛乳雪糕充滿牛奶味又香又滑好值得一試梳乎厘班㦸散發住濃厚嘅蛋香軟綿綿的班戟食落口十分有口感夠fluffy又濕潤芒果味無乜特別而香蕉上嘅焦糖脆片就比較有口感配梳乎厘一流咖啡- 奶味較重 無咖啡香唔會再試原本打算當下午茶，食完飽到食唔落晚飯🥣 ..📍東海堂(指定分店供應)地址: 將軍澳廣場1078號鋪

今日突然間好想食甜品，所以去東海堂將軍澳廣場分店睇下有咩蛋糕好食呢間分店係少數有堂食位既分店，不過weekend太多人了，都係買返屋企慢慢嘆先～睇哂成個廚窗，比「赤莓慕絲蛋糕切餅」吸引住 買2件返去同屋企人食～先講呢個蛋糕既味道，蛋糕面上的赤莓大大粒，好香甜 兩層又鬆又軟熟既海綿蛋糕中間夾有一層草莓味濃濃的慕絲，口感輕盈又甜甜地，好好味啊～慕絲入面仲有半粒香甜juicy既赤莓正！蛋糕既裝飾都好吸引，最頂層係既原味白色cream, 再配上幾粒銀色糖珠子做裝飾，賣相靚靚，加分～食完呢個甜品，又係時候要去做下運動燃燒返d卡路里嚕～

究竟落雨☔️🌧️☔️🌧️落到幾時呢？好悶呀🥴。。之前係story po呢張相👧🏻reply：有無咁好食呀？！🙋🏻‍♀️：🤣🤣唔係果間呀！但同類就真嘅😜。。呢個 #香蕉梳乎厘班㦸 配 #牛奶雪糕 (3.6) 樣子幾吸引嘅的確～ 蛋味有、夠fluffy又濕潤，好食...原以為香蕉上嘅係糖醬，點知原來係焦點脆片，無苦味👍🏻 假如香蕉可以熟少少就會更好，太生嘅香蕉同甜品唔太夾…。。咖啡奶味較重，唔係我杯茶。但整體質素唔錯...星期一至五會再平d...唔係間間東海堂 有㗎，check定先好去～

由於Godiva 也是buy 1 get 1 free,所以今次比以往少人排隊，我自己也是昨天先食 Godiva，今天才排隊食沖繩紫🍠軟雪糕（因為優惠期（2月22日至2月28日）比較長最🈵️足是好香的紫🍠味，又大大cone,可以慢慢品嚐😋😋

北海道3.6牛乳軟雪糕🍦.前排經過東海堂，見到有買一送一雪糕優惠🤩，就即刻排隊，好彩唔算多人，條龍都郁得好快！😁只限原味既3.6牛乳雪糕啊，其他味唔包！不過小編唔太清楚係咪不定期做優惠，所以要靠大家運氣😋🥰雪糕超大杯的，雪白色已經感受到濃濃既牛乳味，食落都的確係又濃又滑❣️天氣凍時食雪糕都幾爽🙈脆筒好厚身同好脆，質素很高，就算無優惠，$28一杯都抵食啦！.

見到平時呢間東海堂分店咁多人排隊，就諗住嚟試吓佢嘅特盛套餐，其實即係all day breakfast，入面有兩粒帶子、兩條雞肉腸、蘑菇、炒蛋、生菜、烤蕃茄、同埋兩塊東海堂出嘅日本麵包，佢嘅日本麵包係幾甜幾好食，而且都比較鬆軟，但係佢嘅炒蛋就冇乜味道，冇乜特別，帶子都尚算大粒，蘑菇都炒得幾香，烤蕃茄冇乜特別，但係佢呢個組合本身要準備嘅時間都唔需要太多，但係我哋就等左成10幾分鐘，再加上佢呢個套餐都唔平，雖然有配嘢飲，但係呢度一份細餐都要收我哋$66，雖然佢環境係幾好，而且餐桌都算係衛生，但係我覺得價錢同食物質素方面唔太成正比，如果食物質素提升多少少就會更加好。

呢間東海堂除咗賣麵包仲係Cafe嚟，次次行過都咁鬼多人好難搵位,今日終於冇咁多人啦，同老公坐低試下先。梗係要試依期大熱嘅日式pancake啦， 梳乎厘咬落去都幾軟綿綿，唔會林謝謝，甜度都ok, 不太甜。芒果肉都幾fresh，有芒果甜味，整體嚟講都ok呀，價錢都唔係貴，$5x有兩件。另外再試左個日式蛋沙律三文治， 三文治係用厚多士，啲雞蛋係用碎蛋混合埋沙律醬嘅，味道唔錯呀，$3x 仲連埋一杯嘢飲添，都算經濟呀。

這間位於商場內的東海堂有堂食提供, 有多款套餐, 而且地方還算寬敞。來過這兒幾次, 水準一直 keep 得幾好。好啦, 照舊兩個 daily set, 半價再配兩杯蜜柑伯爵茶·寒天!買完餐就要等一下, 要去 counter 自取的。取完餐就埋位食了。呢個 daily set 有 3.6 牛乳炒蛋, 火腿, 多士跟牛油, 日式叉燒湯意粉。炒蛋又香又滑, 充滿蛋香味。麵包是招牌和軟厚方包, 超鬆軟好食。湯意粉軟硬度適中, 叉燒淋滑, 味道不錯。以下兩杯蜜柑伯爵茶·寒天真係足料又好味。雖然呢杯特飲跟餐要半價, 但每杯補 $14 都 ok 的, 因為真係好飲。

吓，乜原來東海堂有堂食㗎？😱係呀，將軍澳廣場依間東海堂係有得坐低食早餐/常餐㗎，仲要係平靚正添！今次我就過黎食佢嘅早餐。依度嘅早餐有三款，而我平時都係食開螺絲粉餐。依一份35蚊嘅早餐份量十足，有一大碗嘅雞湯(可轉蕃茄湯)火腿螺絲粉，仲有炒蛋多士同埋野飲(凍飲+4蚊)。先講炒蛋多士。炒蛋足料，炒得好滑，仲有少少蛋漿，唔會太熟，比大型連鎖高級茶餐廳好食得多。多士用上東海堂自家牛奶麵包，軟熟香甜，可惜今次烘得唔夠脆，不過依然好好食。雞湯火腿螺絲粉湯底濃，但唔會太鹹，加左少少香草提升味道。螺絲粉軟硬適中，口感啱啱好。火腿有兩塊，都係好味嘅。飲品方面係咖啡奶茶檸茶檸水，凍飲+4蚊。咖啡係幾香嘅，飲落都無乜澀味。平時飲開凍奶茶，佢比較多奶，飲落好滑，不過偏甜少少，非常好飲。早餐，緊係要食好啲先係good morning嘛~

星期三夜晚一個人晚餐，經過這一間在屋企附近商場的東海堂，發現這間東海堂原來不只是買麵包，還有東西吃是一間餐廳！好像在其他地方沒有看過東海堂餐廳，所以就想試一試佢！食物選擇不多，看到最多人叫都是常餐，有看到他正在減價， $49此價錢跟其他餐廳是比較便宜，晚餐不想吃那麼飽，所以選這一個常餐就非常適合常餐會有蛋火腿同埋麵包，炒蛋係半熟，十分滑！火腿正常，最有驚喜係麵包！麵包是香港火腿正常，最有驚喜係麵包！麵包是烘過的，而且十分鬆軟，好好食常餐仲有個叉燒湯意粉，這一個就非常之普通，因為個湯都好多味精，有待改善

mami今日生日，見東海堂有新蛋糕出，就買黎幫mami慶祝啦。mami話依個蛋糕個樣幾精緻，好靚好colorful,而且係用佢最鐘意既strawberry同blueberry做裝飾，所以我地選左依個雜莓流心乳酪cake.佢唔單止樣子美麗，個味道都好多層次，好正。佢除左上面面頭有strawberry同blueberry之外，周圍有D奶油包圍，好creamy。佢中間白色部份係比較實既乳酪，食落酸酸甜甜，佢底層唔係用餅乾做，係用傳統既海綿蛋糕，鬆鬆軟軟。︵@︵而中間部分仲要係流心，好甜好滑。成個蛋糕由上至下都係軟綿綿，口感好統一，好好味。而且味道酸酸甜甜，做飯後甜品就真係一流，食完都唔會好滯。very nice。

聖誕假期這幾天, 行 Aeon 路經這兒, 見到牛奶味軟雪糕買一送一呀。雖然只限牛奶味, 但見它標榜是用北海道 3.6 牛乳做的, 應該品質有保證, 於是買左 2 個 cone, 同屋企人 share 啦。嘩, 份量都唔少架, 大大個 cone 裝滿軟雪糕。因為要相機先食, 單手拎住有 D 吃力架。好在拎到落去未溶 .... 家人在車內等。第一口咬下去是又香又軟滑的口感, 牛奶味香濃, 沒有因為做 discount 而偷工減料。抵讚。食到最後連個 cone 也有驚喜, 又香又脆, 最後成個食晒, 好滿足! 買一送一真係好抵呀!

今日家人生日， 匆匆忙忙要買個蛋糕， 就去咗附近嘅呢間蛋糕店。 同便利店差唔多， 梗有一間喺你左近。呢度嘅蛋糕都有好多唔同款式， 而佢力消嘅都係一啲日本嘅蛋糕。 呢期嘅新款就係用白桃做嘅蛋糕， 叫做白桃之丘。呢款蛋糕有兩個選擇， 有一磅裝或兩磅裝。 因為屋企人少， 所以揀咗個一磅裝。 呢個蛋糕鋪咗好多白桃喺面， 而核心就係普通嘅海綿蛋糕同埋忌廉。 食落白桃嘅感覺同蛋糕都幾match， 整體味道偏淡， 係小清新嘅感覺。呢間蛋糕店有好多信用卡優惠， 逢係貴過200蚊嘅蛋糕，用某啲銀行嘅信用卡會有折頭。 但我今次呢個蛋糕 150蚊左右，所以就用唔到優惠了。

東海堂沖繩紫薯🍠蛋糕紫薯的熱潮已經很久了，現在還沒退，大家依然很喜歡紫薯。東海堂的紫薯蛋糕外表很吸引，我想食很久了，這次朋友生日，終於有機會買來試試。蛋糕富有層次，面頭是真的紫薯肉 綿密順滑，紫薯味道天然不甜膩。蛋糕層朱古力🍫海綿蛋糕，鬆軟可口，富有可可獨特的香氣。中間當然少不了紫薯忌廉，薄薄的一層，我個人不太喜歡吃忌廉，所以這個蛋糕很適合我，吃起來不覺得膩，恰到好處👍🏻👍🏻👍🏻令人驚喜的是居然加了一層奶凍，奶凍的口感和蛋糕很搭，感覺它的存在正是提升了整個蛋糕的味道！😜整體而言這個蛋糕是我在東海堂蛋糕裡面最喜歡的一款，如果平時也很喜歡吃紫薯的朋友不妨一試，作為生日蛋糕很合適呢！😘❤