東海堂 (將軍澳廣場)

營業中

休息中

東海堂不嬲出咗名其實都係蛋糕同麵包🥯不過原來佢餐廳嘅食物質素都非常之好，除咗All day breakfast之外佢仲有鰻魚3.6牛乳炒蛋飯,鰻魚飯照燒汁味道啱啱好,鰻魚非常軟滑，用日本雞蛋🥚雞蛋味非常濃郁，白飯非常彈口，仲有杯炭燒咖啡☕️香味濃郁嘅咖啡，咁樣嘅配搭食完真係好滿足💗

平時食佢地嘅蛋糕都覺得唔錯☺️所以今次試下主餐😜$70有找既all day breakfast真係好少見👍🏻仲要質素都唔錯😳跟餐+$11要杯latte 都係合格水準☕️不過不失👌🏻All day breakfast個蛋幾滑有蛋香🍳蕃茄juicy幾甜🍅多士軟熟牛油味香🍞腸仔同煙肉都唔會過咸🥓帶子雖然細粒蘑菇無乜菇味不過都係合格😙整體所有野食都熱辣辣☺️😋性價比好高👍🏻值得一試👍🏻

今日趁屋企有人生日，之前經過呢間東海堂，有個牛乳蛋糕幾吸引我，所以今次特意買左呢個北海道 牛乳蛋糕黎慶祝生日，價錢為219/磅，我就買左兩磅，我地大約5-6個人去分配，所以兩磅都足夠。呢個牛乳蛋粒上面配有Cream脆片，再加上厚厚一層濃郁的Cream, 中間芝士加牛乳個種味道係香濃而且底部有Oreo底層配上，令我一食再食。兩磅的蛋糕足夠我地去分配，造工很好，Cream 會比較重身，所要買呢個蛋糕的朋友需要留意會比較濃身同重口味。

520又係慶祝嘅日子，出街食完飯之後買返個蛋糕最完美嘅作結～近排發現啲蛋糕店多咗好多不同類型嘅小蛋糕，人少少就最啱兩個人都可以食到。見到呢個新出嘅蛋糕膠原蜜糖檸檬乳酪蛋糕，面頭嘅啫喱以honey comb 作為裝飾，睇落好似好啱打卡咁，另外佢真係改咗個好名，見倒膠原係女仔都會想買，加上個顏色好清新，買返去試吓食落有少少乳酸嘅味道好似益力多咁，同時亦都有散發着淡淡的檸檬香氣，個啫喱就冇乜味道，純粹係個外型幾特別，中間嗰層係厚厚嘅乳酪慕絲，再配埋最底層嘅白朱古力黑朱古力脆脆咬落去脆卜卜咁～ 值得一讚嘅係佢面頭嘅嗰個橙色嘅水果，我唔係好知係咩嚟，識落好酸好酸好酸，就+中和左蛋糕嘅嗰少少流流地嘅感覺我覺得overall個感覺都幾好係個啫喱如果可以有少少蜜糖味就更加好啦

職員太不專業，又無安排，連邊個排隊先邊個後都未搞清楚，仲要話打尖，完全都未了解情況，來先仲要被趕走一樣，安排遲來的人先坐，感覺過份極了，以後都不會去呢種餐廳了，直接走人...

今年新年試左東海堂蘿蔔糕同埋芋頭糕。一直以黎覺得其實食糕，最怕就係成口粉，食過粉既比例比較多既糕，食完真係個喉嚨都乾埋，係好易煎，唔易散，但粉多糕就硬，咬落口感都會差。今次東海堂既糕，岩岩就相反，粉好少，料頭比較多。個芋頭糕，似食緊芋頭多D，夠晒足料，煎都好易散晒。而蘿蔔糕都差唔多，蘿蔔夠晒足料，但就唔夠粉，好難將材料黏貼埋呈一件糕型。

同事離職，買咗散水餅返嚟請大家食，唔知係咪因為佢自己都好鍾意食士多啤梨嘅關係，佢買嘅味道全部都係士多啤梨味🍓😂佢分別買咗士多啤梨撻同埋士多啤梨瑞士卷，雖然兩款甜品裏面嘅士多啤梨都算甜，但士多啤梨撻裏面嘅吉士太少，而且個餅皮唔夠脆，有啲霖，不過最底有一啲朱古力，都叫有少少驚喜嘅，而士多啤梨瑞士卷裏面嘅cream更加少，只可以話普普通通如果我自己買黎食嘅話，一定會買北海道牛乳嗰隻芝士蛋糕，因為呢一隻真係好食，其他嘅都只可以稱作不過不失啦。

🌻東海堂白桃山谷Cake Little$159東海堂蛋糕不嬲有水準 而且賣相吸引 由於家人生日 佢唔食好多cream 既蛋糕 所以簡左呢個慕絲蛋糕 估唔到幾好味表面成個白桃咁樣 像真度好高 十分精緻 切開入面原來有生果粒同果凍 好香桃味 味道清甜可口 而慕絲口感好 唔會太甜 整體來講 唔會膩胃

東海堂餅店依家有部份店舖做埋熟食，有麵、三文冶、沙律同蛋糕，又幾得意！第一次嚟就先試佢個特選3.6牛乳炒蛋套餐$50，包括有日式叉燒湯意粉、3.6牛乳炒蛋火腿、軟方包及飲品，質量好過港式茶記。意粉嘅煙靭度恰到好處，質地有咬口，兩片日式叉燒肉香味濃又唔肥。用牛乳嚟炒蛋就富有奶香又軟滑，因為實在令人太回味，所以感覺份量略嫌少咗啲。軟方包就係用自家品牌嘅麵包，烘焗左之後就係外脆內軟嘅多士，塗上牛油食就最惹味。

之前都有食過 都覺得啲蛋糕唔錯呢近拎到啲餅劵 諗住拎幾件蛋糕黎食下番到屋企 一開就見到有2件蛋糕唔太新鮮（草莓切餅同芒果卷）芒果卷仲要有幾點類似發霉嘅點點同啲芒果仲要開始變黑呢件完全唔敢食草莓切餅食落口果下仲有陣奇怪嘅味本身仲以為係心理作用點解過左一陣個肚就開始唔舒服最後肚痾左幾次對今次嘅蛋糕完全失望

幫襯過呢間東海堂好多次，最常買既係軟心芝士包，1pack 有4舊，通常買返黎放係公司當早餐食，個芝士非常好味，包都好鬆軟，但係朝早食2舊都係唔夠飽，好快就餓。另外試過芝士tart，都係唔錯，唯一一次唔好既經驗，就係食紫薯雪糕，買完已經即刻食，食既時候覺得好好食，但食完之後肚痛，下次都唔敢食。

午市回復堂食，就趁假期睡到自然醒，想飮杯回魂奶茶，無需排隊太耐已經可量體溫後入座！呢個套餐可謂相當豐富，有日式叉燒湯意粉，件叉燒肉質幾滑，唔係柴皮感，意粉有咬口，仲有香甜粟米粒！另外亦有火腿、滑蛋加多士，用滑蛋加埋鬆軟香口多士一齊食，口感多層次，再嘆埋杯香滑奶茶，飽足一天開始!!!!

因為老公對食嘅都好有要求，所以佢生日我都去左好多唔同既餅店網站揀蛋糕，希望揀到個佢鍾意食，而屋企豆釘又食得，咁就無得揀咖啡酒心類嘅蛋糕啦！最後我揀咗呢款「雪國‧焦糖牛乳」蛋糕，價錢係$229，加生日朱古力牌$10，再用用某信用卡俾錢有88折優惠，所以最後係$210.3。蛋糕最上層中心有非常濃郁既焦糖牛奶醬，插生日牌時都因為焦糖牛奶醬太軟身，所以生日牌好似想沉左落去個焦糖醬入面咁。好彩有張紙咭係蛋糕面，我地可以將生日牌放係紙咭上面托住。因為蛋糕太好味，我唔記得影蛋糕既切開面。蛋糕面有朱古力榛子脆脆好香口。切開蛋糕會見到蛋糕入面係一層層，好似千層蛋糕咁，內層有淡香嘅紅茶啫喱同mousse，中和返焦糖甜味，令蛋糕甜而不膩。最低層有脆卜卜朱古力脆米，充滿層次口感。我地平時食蛋糕最怕食好多cream又或者太甜嘅蛋糕，呢款焦糖蛋糕有焦糖既甜味，但食落唔會覺得太甜，屋企粒豆釘都食到話好好味。

最近試了9款東海堂麵包/瑞士卷，上圖的是👉🏻黑糖合桃提子包:食到有提子、合桃，鬆軟又好食的一款包，試過其他店同類的包，其他店做得硬身一些，覺得東海堂呢款軟身啲，適合埋牙力少的老人家食。👉🏻北海道3.6牛乳排包:口感鬆軟，有食到奶香味，覺得呢款包比小朋友食都唔錯。👉🏻宇治抹茶紅豆包:呢款包是圖中3款包入面，相比之下口感覺得乾身一些，入面紅豆是原粒的紅豆，會時不時食到紅豆的清甜，但抹茶味無其他包的香味咁大，難試到茶香味。圖中這2款的包分別是👉🏻紫薯抹茶包:紫薯餡料都幾多，有食到淡淡抹茶味，味道很好。👉🏻朱古力麵包:食落淡淡朱古力味，唔會太甜，質感鬆軟。👉🏻朱古力瑞士卷:食到淡淡朱古力味，食落口感鬆軟。👉🏻黑糖瑞士卷:食到淡淡甜味，但比較喜歡朱古力味多一些。食落口感鬆軟。👉🏻一包4個的芝士包:包係十分鬆軟，入面芝士醬算多，食落滋味，亦會食到麵包表面的芝士香。👉🏻麥包4片:跟一般麥包相約，沒什麼大分別，但配果醬會好食啲。

又到下午茶時間，疫情期間做八折優惠，唔想食得太多，點了呢份日式蛋沙律三文治，送一杯熱飲，呢度嘅熱奶茶唔錯，夠熱亦幾香滑！主角蛋沙律三文治變咗烘底，多一份香脆度，與沙律嘅冷凍感形成對比！蛋沙律食到粒粒蛋白，配上蛋黃醬，好好味呀，切好兩件，有紙包住拎黎食，方便衞生！