東京天井食堂

營業中

休息中

這間家庭日式料理小店東京天井食堂隱藏於柯士甸大廈的天井大廈入面，位置很不起眼，店子很細，室內只容納到大慨8人，室外都還有兩張2人枱。餐廳只得兩位員工一腳踢，所以要食就要俾多點耐性吧。地方雖然細，但餐牌都頗多選擇，有鰻魚，漢堡扒，壽喜燒的定食，還有多款小食及串燒。點了一份全條蒲燒鰻魚$128再升級為天井貓飯定食$60, 定食包特式貓飯，味噌湯，前菜及甜點。厚切大條的燒鰻魚肉嫩肥美、口感軟綿。貓飯是來自日劇<深夜食堂>的，米飯加入邪惡牛油，再於面層灑滿海苔絲、柴魚片和鰹魚醬油，好味。餐廳有些期間限定的小食，$38 有兩塊忌廉可樂餅，炸得香脆不油膩，抵食

尖沙咀柯士甸小路有一個神秘嘅入口行入去就係天井大廈小店在內營業因此叫做 - 天井食堂賣各種日式料理好有深夜食堂嘅感覺🏮🔸雙重黯然銷魂魚飯（$158）2層鰻魚肥美，分量十足。燒至外層微微焦香，醬汁夠多！拌埋香濃嘅蛋黃、蔥飯同飯一齊食，好有風味。🔸牛肉壽喜燒配和色定食（$128）+ 升級貓飯 （$20）牛肉薄片幾有肉味同牛脂嘅香味，壽喜燒汁偏清甜惹味，仲有炒洋蔥、蛋黃，好下飯！而貓飯係我最期待嘅！將牛油、木魚花、壽喜燒醬汁同飯拌勻，簡單卻有幸福感。🔸波子汽水🔸凍茶和食配波子汽水，好有兒時嘅感覺，個人喜歡佢嘅凍茶，清清地有茶香，好解渴！

🇭🇰東京天井食堂 ·呢間我之前lunch time已經食過㗎啦 近排佢轉咗手之後個黯然燒魚飯好似好吸引咁 所以我地就搵日放工再嚟食左啦😎😎·黯然銷魚飯$118 l 牛肉壽喜燒配和式定食$128 佢個黯然銷魚飯真係超靚 我見佢另外仲有個雙重既版本 係會有雙倍嘅鰻魚 超誇張🤣🤣佢個鰻魚都肥美嘅 而且無咩骨 而且佢個鰻魚汁撈飯好正😍😍同埋佢隻蛋煎得超靚 係完美既憹邊 篤穿佢 撈埋啲蛋汁好好食🤤之後個牛肉壽喜燒都好大份 不過我自己就鍾意鰻魚多啲😈·酥炸生蠔$48 l 牛油煎帆立貝配蘆筍$108 l 荔枝梳打$28之後佢個生蠔我都好鍾意 佢係好大粒 而且個生蠔真係超juicy 熱辣辣炸起好脆🦪之後粒帶子都大粒嘅 不過我就略嫌佢煎得熟咗少少🫢😂😂最後佢個荔枝梳打超啱呢個天氣 佢個荔枝唔會係話太糖漿 而且超大杯 超解渴☁️·#rbyeat#rby日本菜#rby尖沙咀 #rby旺角 #rby中環 #rby觀塘·📍尖沙咀柯士甸路15A柯士甸大廈地下D舖·

2年前發現咗哩間小店，價錢略貴不過夠高質。尤其係燒菠蘿，有層焦糖包住塊多汁菠蘿，真係一絕。之後一直有keep住幫襯，每次都keep到咁高質。最近去幫襯，見到佢改咗名+menu，午市冇咗燒焦糖菠蘿，要晚市先有，所以今晚決定再去。一去到冇室內位，咁唯有坐露天位，但今日30幾度，佢連風扇都冇把，本身舖頭又位於後巷位，衛生期望唔會太高，但真係未食都熱到就嚟中暑。環境麻麻都算，只要keep到我之前幫襯嗰個質素，我就已經滿足。首先，我嗌咗份大阪燒，蛋汁漢堡扒丼同兩份燒菠蘿。大阪燒比起之前更加多粉同粟米，口感奇差，因為粉漿太厚。8嚿燒菠蘿賣相吸引，同樣有一層脆焦糖，菠蘿亦多汁，可惜全部都好酸，個菠蘿好似未成熟。酸到我連塊焦糖嘅味都食唔到。個漢堡扒算好食，個飯加咗粟米粒同中學D活力午餐一樣。最尾埋單300蚊。其實食物質素下降同改名應該冇乜關係，但有D問題好簡單就可以避免到。例如，你D菠蘿其實切好哂我相信唔係叫貨，應該係自己切，所以你自己食一塊就知質素好定差。質素差你大可以拎去整特飲，唔好要D客用28蚊買4嚿下欄貨。用300蚊食飯有大把更好嘅選擇。我由東京食堂食到你變東京天井食堂，嗰種失望係金錢都衡量唔

在平日晚上帶埋隻狗黎到呢度食飯Pet friendly 的小店要好好珍惜位置係個天井入邊 幾有特色老細好好人比左張凳禾隻柴柴坐😛黯然銷魚飯$118 鰻魚飯好似係呢間店既招牌菜鰻魚好諗身 味道相當好 呢個價錢可以食到呢個質素同份量CP值高👍真心推介天井牛丼$98味道都吾錯 好食過一般連鎖既牛肉飯店牛肉吾鞋口而且用左「曉」既蛋 蛋黃特別紅 🥚🔴睇得出用料係冇慳到 份量相當足😋之後問老細有咩串燒推介 佢就推介左牛舌比我地👅牛舌相當厚身 口感一流 啖啖肉 推介👍但個人比較重口味 所以如果鹹啲會更好 😛因為臨收鋪店內冇人所以問老細可吾可以入嚟幫隻狗影相打卡 老細話可以仲話想請佢做一日店長 😂梗係吾可以放過呢幅海浪牆打卡仲借左個清酒道具影tim🍶😂整體而言成餐飯食得相當滿足同舒服而且同隻狗影左好多相 😆呢度有一種親切食住家飯既感覺 係依家買少見少的小店特色感受到老細有用heart 去對待客人 而且食物有質素值得一讚👍唯一既遺憾係試吾到牛肉漢堡因為話太好賣賣哂😓下次再黎一定要試 😁😁😁

係佐敦尖沙咀交界，有間超高質既日式食堂😍，老闆親切友善，有很多獨特菜式，CP值勁高，一定要介紹比大家😍🔸雙重黯然銷魚飯 $158用咗原條鰻魚和「新紀元•曉」日本雞蛋🍳，賣相非常吸睛👀，鰻魚的份量很慷慨，肉質肥美，無細骨，燒得很香，令人垂涎三尺🤤🔸牛肉壽喜燒🐄 配和風定食 $128 吸咗壽喜燒醬汁既牛肉，再點上蛋黃，好滑又好食。定食包咗飯🍚、麵豉湯🥣、前菜🥗和甜品(綠茶厥餅)，今次加咗$20升級至貓飯🐱 (落咗牛油、秘製鰹魚醬汁、海苔絲既飯)，真係第一次見，份外美味。🔸吉列芝士豬扒 🐖(期間限定) $58 呢碟推介呀，豬扒外脆內嫩🐖大大塊，唔厚粉，入面很多拉絲芝士🧀和豬扒的味道很夾😍🔸芝麻手羽先 $68雞翼外層炸得好香脆，食落好滋味😍🔸柚子梳打 $28🔸日本製波子汽水 $18

第一次在一個住宅的天井下食了一個相當滿足的午餐，要細心找找這間食堂，因為跟大路兩旁相比下，這間還隱沒在住宅大廈的入口內，實在難以發現，但竟然有著高質素的貓飯，牛肉丼和鰻魚，烹煮牛肉的汁跟野十種野菜原來亦相當匹配，而貓飯的調味亦恰到好處，其份量不少。大食的男士門亦會感到飽腹感，細食的跟女朋友一起分享亦可，而且還聽到老細門跟其他客人說貓飯可以免費添的！那下次我便不客氣了！鋪頭分上下半場，平日人少亦是一個歇腳的好地方

搵到一間隱世餐廳😆，唔算近地鐵站，需要行入巷仔先搵到，係間專門食日本丼飯既餐廳。餐廳雖然細細間，但好有日式地道小餐廳既感覺，座位唔多，所以好多人叫外賣落單，落單鐘聲響過不停👻*黯然銷魚飯 配珍珠米、味噌湯 $78*好肥美既鰻魚，配上標準既日式鰻魚醬汁。飯量都好夠，黖然銷魚既奧妙之處係超流心荷包蛋，蛋汁漏落飯到，配上蔥花，超惹味。值得一提呢度係免費添飯㗎，餐廳仲要用咗珍珠米，一D都唔慳本，仲要唔使加一服務費😚。*和風豚肉配一日10種野菜 配珍珠米、味噌湯 $58*豚肉大大碟，係有少少肥，不過勝在豚肉係另上，要幾多汁就自己舀，唔怕油膩，加上十款雜菜，分別有蕃茄仔、西蘭花🥦、椰菜、菇🍄、蘿蔔絲、茄子🍆、椰菜花等等，配上大碗米飯，好味又有營養。*醬油漬日本糖心蛋 (兩件）$28*一份有兩隻蛋，開邊上，可以望到水汪汪既蛋汁。*餃子雞翼 $18*雞翼脹卜卜，入邊放咗好多肉同菜配料，分唔到係食緊雞翼味嘅餃子定餃子味嘅雞翼。🤣🤣*柚子梳打 $28*好大杯架，店主幫你倒左一杯先，剩低嘅梳打水原樽上，叫一杯等於飲兩杯。🥳

/東京天井食堂🇭🇰💛/#sa佐敦篇 #sa良心小店篇➖➖➖<位於天井下嘅隱世日式小店💛>➖➖➖柯士甸道呢邊都有幾多食肆但當中有啲店舖係真係行過都未必發現到😳呢間家庭式料理店位於柯士甸大廈入面 望出去會見到大廈天井！ Lunch time 佢地主打唔同嘅定食性價比幾高 最抵$48就有交易 而晚市亦有多款丼飯同串燒～ 見較多係鰻魚同牛肉料理😆雖然係小店 但食物種類都幾多可以揀～ 而且唔夠飯仲可以添架 ➖➖➖1️⃣雙重黯然銷魂飯 $158 🌟鰻魚係雙重份量 肥瘦適中😆👍🏻唔會食到有細骨同腥味 另外煎蛋用左新紀元曉蛋 所以有橙色嘅效果🤤仲要係流心嘅另外都加左豉油同蔥花 但唔會過咸 所以真係似平時食嘅黯然銷魂飯撈埋蛋黃食一流！ ➖➖➖2️⃣牛肉壽喜燒配和式定食 $128 加$20 轉左做貓飯✨都係第一次聽貓飯呢個名🤣其實係日本家庭嘅一款簡單料理就係將牛油放入珍珠米熱飯融化後加埋鰹魚醬油同埋海苔絲、木魚碎食法可以拌勻食/泡湯 浸落味噌湯都唔錯！不過個湯就咁飲味道會偏淡 牛肉份量都多 唔會太韌 入面仲有金菇加埋曉蛋蛋黃同醬汁食 幾惹味😆呢款定食仲會跟小菜同甜品分別係中華沙律同朱古力糯米糍✨➖

今次介紹呢間絕對係必Bookmark既世一和風家庭料理店簡單幾張枱、十多款主食小吃、乾淨企理超有heart超有日本風而且幸福感滿滿既小店地址係尖咀其實唔算難搵但一定係專程搵地圖先識路入黎🗺.🏡 雙重黯然銷魚飯 $158個賣相靚到DUM一聲鰻魚燒得靚又夠份量🐟厚身又啖啖肉加隻新紀元．曉荷包蛋脆邊煎香配上翠綠蔥花視覺上已經覺得好滿足食材看似簡單～但看得出老細既小心思荷包蛋呈橙黃半熟狀態撈埋白飯一齊食真係可以十分鐘內清哂.🏡 牛肉壽喜燒配和式定食 $128（另升級貓飯 +$20）牛肉壽喜燒以大碟呈上有好多半肥瘦既牛肉片、洋蔥片、菇中間仲有個同樣橙黃嘅蛋黃壽喜燒醬汁超級香甜牛肉、洋蔥都非常入味特別係洋蔥煮到淋淋的有獨特啲洋蔥香味同甜味食之前輕輕地將蛋黃混入醬汁食牛肉時就更香滑而其實佢地既洋蔥、菇做得甚至比牛肉更出色連配角都做得咁有誠意真係要俾💯仲要有麵豉湯同前菜呢個食物質素、份量喺其他地方搵唔到咁抵食另外乜嘢係貓飯呢？有睇開深宵食堂嘅朋友一定知道又或者你可以睇最後一張圖得知答案簡直係一個治癒心靈嘅日式飯食完係覺得充滿力量💪🏼整日嘅心情都會好開心.🏡 手作免治雞肉棒 $36出面居酒屋閒閒地一條雞

🍱東京天井食堂餐廳名子有種好「寫意」嘅感覺，而當我到達餐廳，發現原來係一個非常「寫實」嘅名字，因為餐廳真係喺一個天井嘅位置。🍱黯然銷魚飯 廚師推介鰻魚飯。嫩滑鮮美又啖啖肉嘅鰻魚配搭香濃嘅鰻魚汁，再加上煎蛋同蔥花。用筷子戳下半熟狀態嘅煎蛋，混合濃調嘅鰻魚汁，擱在熱氣騰騰嘅米飯上，味覺層次於一口之量盡現。🍱冷前菜&日本蛋冷前菜係中華沙律。爽口嘅日本沙津昆布，解暑低脂，營養豐富，仲有降低血壓嘅作用。日本蛋可選糖心蛋、煎蛋同蛋黃汁。我揀咗我最愛嘅糖心蛋。蛋黄仍然流動，我加到鰻魚飯中一齊食，非常滋味。🍱忌廉可樂餅&綠茶蕨餅忌廉可樂餅係由蟹肉，薯仔同大量嘅忌廉製作而成。啱啱好炸得金黃色，熱辣辣。外面鬆脆，內裏忌廉香濃軟滑。自家製嘅綠茶蕨餅雪涷食更加軟熟，煙銀口感，清涼感覺令甜品更適合夏日。🍱今晚餐廳非常忙碌，座無虛席，等外賣嘅人亦唔少。而我一個人嚟到，坐係吧枱前，望住廚師店員忙碌工作，人客熙來攘往。對比著悠然自得嘅我，細心品嚐廚師精心製作充滿日本風味嘅晚餐，做一個幸福嘅孤獨美食家。

這間位於佐敦的餐廳，舖仔雖少但五臟俱全。餐廳主打日本定食，其中漢堡排及鰻魚更是推介之選。東京牛肉配一日10種野菜定食健康人士必選的定食，十種蔬菜配上牛肉，蔬菜吸收了牛肉肉汁，牛肉嫩滑，肉汁用來送飯一流。芝士吉列豬扒醬油湯讚岐烏冬烏冬爽滑，吉列豬扒超大份，外層炸漿很薄又香脆，炸至金黃色，中間的芝士呈拉絲狀，即叫即做，新鮮熱辣。吉列珍寶蝦炸蝦炸至金黃香脆，蝦肉大隻又彈牙。明太子雞翼雞翼皮脆肉嫩，中間包著明太子，咸鮮味充斥味蕾，而且十分juicy。最後飲返杯荔枝紅茶解渴。

呢間位於佐敦既隱世日式食堂之前一直有留意開!小店經營既模式帶出一份日式家庭式料理既溫馨感.佢地午市主打日式定食,而晚市就會偏向居酒屋形式,提供日式串燒,價錢親民得黎又高質.黯然銷魚飯將港式既黯然銷魂飯配搭日式丼既概念而成既黯然銷魚飯,賣相果然夠晒銷魂.肥美厚身既鰻魚配上太陽蛋同蔥花呢個配搭熟悉得黎又帶點新鮮感.鰻魚香滑肥美,入口帶一陣香甜既鰻汁,啖啖肉好滿足！旁邊少少脆邊既煎太陽蛋帶出鮮明夕陽色既流心蛋黃.輕輕拮穿蛋衣,蛋黃即刻湧出而且滲透係飯粒之間,令飯粒入口更香滑.吉列珍寶蝦大大隻既吉列珍寶炸蝦炸得金黃香脆.外層既炸漿唔會過油膩之餘又酥脆.入面既珍寶蝦肉彈牙結實,肉質唔會霉,仲帶有蝦香.配搭自選醬油湯巑岐烏冬同樣match!烏冬彈牙滑溜加上淡淡醬油湯,味道唔會過鹹膩,配上吉列珍寶蝦都唔會覺得過heavy.明太子雞翼脹卜卜既雞翼釀入明太子,咬落充滿肉汁既同時亦帶明太子既辛香.是日甜點是日甜品係黃豆粉蕨餅,充滿豆香又唔會過甜.質感如果可以更軟綿會更好.波子汽水久違既波子汽水！親手將樽內既波子壓入樽身內充滿住童年回憶.荔枝梳打清新香甜既荔枝配上梳打清爽解膩.

捐窿捐罅搵嘢食😛 今次嚟到呢間都幾難搵呢隱世小食堂💛 我地搵咗好一陣子先搵到，原來要穿過「時光隧道」入去先到😮 大家想搵不坊用金精火眼望下門口個小貼子，就會搵到佢地💕 小店坐位不多，日式格局，有種溫馨的感覺😊 🍭黯然銷魚飯($118)鰻魚勁好食，冇骨之餘仲勁嫩滑，食得出來貨係新鮮靚嘢！食完勁後悔冇點雙重版，因為條鰻魚真係堅正！靚蛋汁+鰻魚汁+蔥撈飯食真係好快ko晒成碗！🍭自家製玉子牛肉漢堡($128)厚厚的牛肉漢堡，淋上醬汁，上面放上頂級日本蛋 新紀元卵 曉😋 橙紅色蛋黃超吸晴！蛋香同牛肉漢堡好夾，令人一啖接一啖咁食😋🍭手作免治雞肉捧配蛋黃汁($36)免治雞肉捧嚟講呢個都算係我食過份量最大舊，見到佢燒到剛好微焦已經覺得正，點埋蛋汁醬汁再上一層樓😍🍭吉列珍寶蝦($58)兩個字，好食。絕對唔係普通細蝦，而且好新鮮，炸得好好，炸皮唔會好厚，外脆內軟，好滋味😋🍭波子汽水🍭荔枝梳打波子汽水係日本直送過嚟，好玩又好飲～ 荔枝梳打消暑解膩💛係會想再回訪嘅小店，下次要試下佢地個貓飯！係佢地根據漫畫研發出嚟～ 店長仲送到我地出門口！服務超好，絕對值得一試！

一次偶然嘅情況下發現呢一間東京天井食堂，當時企喺店舖嘅門外個感覺好似喺新宿駅西口嘅「思い出橫丁」-Omoide Yokocho嘅其中一間小店，相信有去過東京思い出橫丁嘅朋友都知道呢條小街嘅食店雖然細細間，但就係越夜越多人！今次帶媽媽嚟試吓感受一吓日本小店嘅體驗。媽媽點咗鰻料理嘅蒲燒鰻魚【半】配天井貓飯定食。而我就點咗肉料理嘅自家製芝士牛肉漢堡配天井貓飯定食。另外再點咗一份吉列珍寶蝦。先講解一下天井貓飯定食（因為我都唔明貓飯，比人請我食貓面就試過🤪）特式貓飯係加上木魚（鰹魚乾）、紫菜、牛油嘅珍珠米而製成，香噴噴牛油嘅香味配上紫菜，食過一啖就聯想起一套日劇-深夜食堂嘅牛油撈飯！原來牛油撈飯真係可以咁好味（個演員原來唔扮嘢，真係食咗一啖嘅自然反應）。如果時光倒流返到去十幾歲嘅我，我一定要添飯！蒲燒鰻魚【半】鰻魚經過精心烤製後濃郁嘅燒汁滲入鮮嫩肥美嘅鰻魚肉入面，啖啖嘅魚油香連同貓飯嘅配搭，夜晚唔食太多飯嘅媽媽都食咗一大碗！自家製芝士牛肉漢堡手打嘅牛肉配上洋蔥、黑椒等等嘅調味，同平時食嘅口感好唔同，肥瘦肉嘅比例剛剛好唔會食到覺得好油膩，配上洋蔥嘅香爽口感同芝士嘅味道，食到唔停口。再加上日式嘅咖哩