東京チカラめし (已結業)

今日去新蒲崗mikiki做野，做完野就去食午飯，見到有日本元祖丼飯食，好彩今日早少少去，唔使等位，大概1點左右就開始人多。.🍚燒牛肉丼我叫左大碗，牛肉份量好多，肥瘦適中，牛肉煮得夠軟稔，燒汁又夠入味，牛肉味好濃郁，日本珍珠米煙韌美味，非常有咬口，好食。.🍚日式煎餃子皮薄餡靚，食落有好多肉汁，唔會話乾爭爭，隨燒牛肉丼午市套餐附送，一點兒都唔馬虎。.總括而然，經常大排長龍係有原因，價錢唔貴，又食到正宗嘅元組日本牛肉丼飯。

牛丼除咗Sukiya同埋吉野家之外，梗係要試埋日本元組牛丼東京チカラめし! 原來新蒲崗Mikiki都有一間分店喎! 排長龍嗰啲我通常都唔會等! 呢間趁早少少未到晚市去食, 唔使排隊! 餐廳有牛丼、豚丼、定食和咖喱仲可以追加配菜！定食已包含麵豉湯和沙律，普通丼冇得變套餐所以沒有飲品，要另費追加，但餐廳有水提供。燒牛肉丼(大) 配餃子3件($68)牛肉肉質唔錯！大大塊夠厚，油脂均勻，但牛肉燒得不夠香！即烤的話略嫌火候未夠！未能將油脂燒到最香帶出牛肉味！牛肉醬汁甜甜地，唔算多，做到啱啱夠撈飯，唔會太咸!餃子味道不過不失！鹽燒豚肉丼 (並) 配唐揚炸雞2件 ($58)反而豚肉丼做得比較出色！豚肉同樣係大大塊好厚，烤得好好！油脂香味超級突出！點選鹽燒係明智之選！鹽燒完全帶出燒豚肉的香味！再加大蒽！可以消除油膩感！加埋白飯一流! 呢個食到舔舔脷😋！唐揚炸雞方面肉嫩有肉汁，都算OK！咁究竟我覺得邊間好食啲呢？環境：餐廳都算大，卡位嗰邊與鄰座距離會比較遠，私隱度比較高，餐廳其他環境都坐得舒服！🌟🌟🌟俾返個資訊各位幼兒家長，餐廳冇BB櫈提供！有年幼BB就可能唔太適合(根據我當時)總結 - 食的是日本元

閒來無事，同朋友出去行下街。咁岩見到呢間牛肉飯店，門面同招牌都好日式，同埋好過江龍feel,大定又未食早餐又餓，一於黎個brunch.入到餐廳得我地呢枱客人，快快手手手機落完單就等食。 見到門面得兩個員工，望真d原來個廚房都係佢地兩個做。 心諗，咁咪即係一早煮好哂。黎到面前，果然都係感覺翻熱食飯🤪味道老實講好一般，食唔出點解貴過吉x家同佐藤，份量都算多，其實有少少咸，而且d沙洋菜竟然係配燒汁，都幾9唔搭8，3個餐都唔包野飲。食完都係冇下次！

今日lunch 突然之間好想食牛肉飯，見到價錢唔算貴入咗嚟食。用QR code落order好快就送到嚟，叫咗個牛肉丼配唐揚炸雞，份量都算多，牛肉有牛味，醬汁好味過吉X家好多！唐揚炸雞非常香脆juicy可惜得兩舊。以後又多一個牛肉丼選擇

仍然禁晚市堂食，屋企人經Mikiki 買外賣，呢間價錢算相宜就試下, 可惜冇中文餐廳名 （只知東京），比較難記...😅點左3個外賣餐，有款定食有配湯，但3個餐本身都唔配飲品...呢個燒牛肉丼（配溫泉蛋）$58 再加$12 配沙律, 飯既份量都算多，可惜肥牛肥肉多左d, 自覺麻麻，及溫泉蛋預期係半熟蛋，可惜一開係全生蛋咁，蛋漿係透明色，果下嚇親攞左去叮唔記得影相...如果熟返少少會好d.. 再點吉列豬扒定食，有湯有沙律 $65，再加$45追加燒牛肉，但都係肥牛黎...吉列豬扒層炸皮硬左少少...😅而呢個鹽燒豚肉丼（配唐揚炸雞2件）$58，加$10要多飯可以俾埋小朋友食...可惜可能dry 左少少，小朋友好似唔係太鍾意...😅

之前於旺角店食過，很香很好味，但今次係新蒲崗試左兩次，溫泉蛋係凍既，感覺唔好。唔知係唔係商場內的店舖，不能煮得太香？兩次食物都係唔太熱，之後我都係去旺角食就算了。

之前經過成日都見到有好多人排隊，今日終於可以試吓啦😋🔖燒​牛肉丼配溫泉蛋💰58牛肉油脂分佈均勻，調味方面都做得好好🐮甜甜地~牛肉舖到滿一滿，另外仲有一啲菠菜添🤣本身牛肉汁撈落啲飯到已經夠晒好味，但我今次仲揀咗配搭溫泉蛋，蛋黃再撈埋牛肉汁一齊食簡直係絕配🥰💫推薦指數: 8.5/10🔖​燒豚肉定食💰63如果想豐富啲就可以選擇定食，因為定食會包左沙律同埋湯😙豚肉同樣都係充滿油香，而肉質又唔會好韌☺️所以嚟到唔一定要食燒牛肉，豚肉都一樣出色㗎🤓💫推薦指數: 8/10🔖​唐揚炸雞💰18每一舊炸雞都係呈金黃色，炸粉嘅比例恰到好處🐣外層脆卜卜，而入面就係juicy又嫩滑嘅雞肉🥴同埋呢個炸雞係即叫即炸㗎😇所以食落去係熱辣辣😋💫推薦指數: 8/10🔖​煎餃子💰18餃子底部煎到脆脆地🥟而入面嘅餡料都算可以保留到肉汁，所以食落去都唔會覺得好乾身😛💫推薦指數: 7.5/10

日本過江龍東京チカラめし，除左旺角，原來新蒲崗Mikiki 商場都有。餐廳主打即叫即烤鐵板燒，厚切燒牛肉丼及豚肉丼，除了這兩款，亦有咖喱和定食選擇，而丼飯有兩個份量選擇，價錢只係相差$10，價錢合理。鹽燒牛肉丼配餃子，再追加唐揚炸雞牛肉厚切，每塊牛肉均達指定厚度，而且仲要大大塊，牛肉淋上鹽漬，口感和味道一流另外餃子有3隻，餃子入口有肉汁，追加的唐揚炸雞，有3件，外脆內嫩，好Juicy。咖啡吉列豬扒定食，追加燒牛肉飯和咖喱的份量足夠，吉列豬扒粉漿厚薄適中，食落夠脆，又不會很油膩，豬扒肉質夠厚，加上香濃惹味的咖哩一齊食，味道香甜滋味。燒牛肉竟然份量頗多，燒牛肉都係厚切，加上特製的醬汁，提升肉味。

之前係旺角經過，每次都見到好多人排隊，今次係新蒲崗Mikiki 經過，冇人排隊，加上未到食飯時間，即刻入去食。餐牌有牛丼、豚丼、定食、咖哩，每款丼飯都有不同配搭，而且仲可以追加配菜。旨辛牛肉燒定食定食有飯、沙律、湯，沙律菜夠新鮮，清新爽脆，旨辛牛肉用上鐵板上，熱辣辣，份量非常足夠，入面加了泡菜，微微辣，而牛肉不是薄切，有一點厚到，牛肉味道好惹味，而且有嚼勁，送飯一流。追加了3隻餃子入口有滿滿的肉汁。

啟德站通車後，我都是第一次來啟德站，因為來找朋友吃飯，朋友正正在啟德地盤工作，至於有甚麼好吃，當然是朋友帶路，是晚朋友帶我去東京チカラめし品嚐到地日式親民丼飯。熱騰騰的重量燒豚肉飯份量十足，香氣迷人，裡頭還配置蘿蔔片，口感清新爽脆。一入口，燒豚肉的鮮嫩香味完全散發出來，豚肉富含油脂，愈嚼愈香，還帶些微炭香。米飯吸附獨特濃郁的燒醬汁，鹹甜滋味更添白飯味道層次。唐揚炸雞是我到日本餐廳必點小食之一，東京チカラめし的唐揚炸雞每一顆都這麼大顆，金黃色澤根本引人犯罪。唐揚炸雞外皮非常之香脆，咬下去還會有卡嚓卡嚓的聲音，唐揚炸雞採用優質雞件，無敵嫩口，還超會噴雞汁。旨辛牛燒肉定食包含味噌湯，沙律及白飯，肥瘦皆具的旨辛牛燒肉辛辣香氣迷人，牛肉品質挺不錯，軟嫩不乾柴，沒有難咀嚼的堅韌，雖然燒牛肉以辛辣味為主調，但仍嚐得到牛燒肉本身的肉甜味。東京チカラめし的餐桌上都會放上基本的調味料，給食客按自己口味調配食材的味道。定食中的沙律是日式定食最常見的粟米椰菜絲沙律，椰菜絲雖切得纖幼，但清新爽脆，非常合適作開胃菜。味噌湯亦挺日本道地味道，湯內放入些許油揚切絲，喝起來帶點點味噌鹹香，在寒冬喝上一碗熱騰騰的味噌湯簡

東京チカラめし是日本人氣牛肉飯連鎖店🍛， 這間過江龍來香港開分店的首間在旺角， 今次就試下位於新蒲崗太子道東638號Mikiki地下G27號舖的分店。 📌餐廳主打日式燒牛肉丼及豚肉丼， 份量亦有兩款選擇。 晚餐～ 鹽燒牛肉丼配餃子$58、 燒豚肉丼配溫泉蛋$58。 🍛鹽燒牛肉丼配餃子🥟 ～ 牛肉軟腍的口感， 啖啖肉加入特製醬汁， 味道更佳。 餃子有三隻， 味道不算突出。 🍛燒豚肉丼配溫泉蛋🥚 ～ 豚肉丼加上菠菜和溫泉蛋， 豚肉肥瘦適中，好味又抵食。 東京チカラめし 有點似吉野家， 但肉類的質素比吉野家好得多， 性價比高👏🏻。 東京チカラめし地址: 新蒲崗太子道東638號Mikiki地下G27號舖

好耐無寫食評，今次lunch去了Mikiki試這間話說日本很有人氣的牛肉飯店-東京ChiKara Meshi元祖燒牛肉丼。 外賣自取叫了兩個餐，等得都唔算耐，大概7分鐘，付款收現金／八達通，叫了兩個餐（兩個餐撈亂食，所以幅相同原餐有點不同）： 1.燒牛肉丼（配唐揚炸雞2件）（並）（$58）2.燒豚肉井 （配餃子3件）（並）($58) “並”即是細碗，一收到覺得都好細盒，但打開餸同飯都足夠我食，但大食男仕可能唔夠。 我覺得d牛肉同豚肉都幾好食，牛肉有燒汁帶甜味，幾好食，豚肉個質感不錯，肥瘦適中，但牛肉好食過豚肉。 不過小食味道就麻麻，雞炸到好硬，可能一早炸定，還有點雪藏味，餃子d皮都好”un"。 食到最後個底好多油，可能係d汁多油，感覺幾肥，食完幾有罪惡感。 價錢方面因為無野飲跟餐，所以覺得唔係好抵。另外建議外賣紙印返update價錢，加左價但無寫到。

今天突然好想吃日本菜，但又不想吃壽司，剛好經過Mikiki的東京チカラめし，就決定進來一試他們家的炸豬扒。我點了吉列豬扒定食和追加了溫泉玉子。一上桌已經被炸得金黃的吉列豬扒吸引(◍ ´꒳` ◍)一口咬下去，覺得豬扒真的很酥脆，完全是一炸好就上桌的那種，而且完全不覺得油膩呢！把白飯中間挖空再加入溫泉玉子，搗勻，這個就是我的溫泉玉子加分吃法！！定食還包含了面豉湯及沙律，面豉湯的濃淡剛好，裡面也有很多材料。沙律的菜很新鮮，好吃到要再追家一盤！老公點的是野菜燒牛肉定食。牛肉上淋上極惹味醬汁！用來配飯吃一流！！！！牛肉肉質很嫩，肉味也很濃郁(❁´ω`❁)吃完讓我們更想飛日本😭😭😭😭😭

之前在旺角路過的時候已經有點想試一下，因為聽聞是過江龍。這天去到人不算太多，可能這個價錢還是在區內偏貴吧。餐點款式都挺多，後來看見開始有少少上班一族在門外等位。裝修以橙色為主調，是它們招牌的顏色。餐點方面，只要吃丼飯為主，亦有一些咖哩飯。還可以加配小食，適合想試多幾款食品的朋友。我叫了一個燒牛肉丼配3隻餃子，牛肉份量適中。餃子外皮較厚，肉餡適中。還有加配了一隻溫泉蛋，加入丼飯一并吃真的一流呀。蛋汁滿溢，內心超級滿足。3隻餃子配以丼飯是一個不錯的組合，讓客人可以多嘗其他款式食品。還有其他醬料可以自己加入菜式裡。總括而言，以平常心去吃一個丼飯可能更易讓人滿足吧，新蒲崗真的很多美食，下次去其他小店嘗一嘗先。

新冠肺炎疫情下唔可以外遊，大家非常掛念日本平靚正的美食！元祖日式燒牛丼飯專門店東京チカラめし在Mikiki開咗分店，之前我去食過，真係好好味，想食到日本風味的丼飯又多一個選擇！今日就帶姪仔去食，包佢話正！枱上放有調味料，客人可隨口味調教食物。店內所有米飯都採用日本米，特點為香味濃郁，入口隨即感受到濃厚甜味。煮熟後鬆軟而且充滿光澤，飽滿通透。咖喱吉列豬扒飯，炸至金黃香脆的豬排，超香口，再配上日式咖哩，味道香甜好滋味！燒豚肉丼（大），燒豚肉薄切，肥瘦適中，油脂甘香有肉汁，撈咗特製醬汁更美味。配唐揚炸雞兩件，即炸雞件外脆肉嫩。