杏香園 (已結業)

吃完午飯，見時間尚早，決定陪朋友到九龍城街市一帶採購，自己也順便選購一些南貨回家。逛了接近一個鐘，大家都覺得有點累，很想找個地方坐低。喺衙前圍道看見這間澳門過江龍「杏香園」，友人提議去吃糖水，我當然大表贊成。其實之前都有聽過「杏香園」這間來自澳門的甜品老店大名，知道店子始於 1965 年，以傳統養生糖水聞名，招牌甜品包括有生磨芝麻糊、杏仁糊、合桃糊、手搓湯丸同椰汁馬蹄沙等，據說全部都真材實料，所以一直被受好評。入座後，先拿起餐牌細閱，店裡的甜品，大至分為幾個系列，有杏仁、合桃、馬蹄沙、椰汁及雪耳系列，另外亦有湯丸類、豆類、腐竹類、雪糕類、飲冰類、鮮果甜品類、合時香芋同一系列以 Super Food KALE 羽衣甘藍主打之夏日綠色超級甜品，選擇多不勝數。友人點了蛋白椰汁杏仁茶 ($44)，據店員稱，甜品係用上原粒杏仁生磨，再即撞入蛋白同椰汁。由於杏仁茶撞入蛋白的溫度要掌握得好準確，加上必須即叫即撞，如果預早做的話，蛋白就會變硬，唔夠滑溜，所以而家已經好少甜品店肯花時間做。試過水準果然唔錯，杏仁味極香、入口幼滑又濃稠，還有微微蛋白香，啖啖都係心機之作！合桃糊湯丸 ($39)，合桃糊同樣以

澳門真材實料糖水店黎到香港，已相約朋友一同去食，比較一番。店鋪裝修同澳門嘅差別唔大，都係以簡潔為大前提。 充滿80年代嘅感覺，十分懷舊。蛋白白果合桃， 份量十足大大碗 合桃味豐富最重要夠滑身，真材實料， 熱辣辣送上。雪糕椰汁西米龍眼， 冇諗過西式糖水都咁出色，凍冰冰送上枱，一大球雪糕送上，最重要椰子味重，龍眼起肉，份量又多，至於西米，粒粒分明 。竹笙蓮子百合白果水，本身以前係飲品黎，哈！，我錯了。 略嫌竹笙分量唔夠，甜味剛剛好。下次都會再嚟食， 不過就要更加量力而為，因為真係好大碗。

跟尖子吃完泰國菜, 經過杏香園, 還記得某次跟大銀行家好友經過時, 筆者已很想一試, 是日有quota, 終於可以一試其水準. 週日晚上九時多到達, 店內大概六成滿, 地方也算大, 牆身舖滿了介紹各類糖水的壁畫, 感覺很pro. 座位沒有排得很密, 坐得很舒適自在.   看看menu, 選擇非常多. 筆者點選了蛋白杏仁茶湯丸(HK$49), 尖子則要蛋白椰汁馬蹄沙(HK$45).等了一會, 侍應送上糖水. 蛋白杏仁茶湯丸, 分量不少, 試一口, 杏仁茶夠熱, 讚!要知道温度對中式糖水來說是很重要的. 杏仁味非常香濃, 口感沒有水汪汪或太厚身, 質感剛剛好. 蛋白分量也不吝嗇, 入口很香滑. 湯丸是自家制的, 口感煙煙韌韌, 內裏是花生餡, 沒有過甜, 整體感覺很足料, 很養生. 尖子的蛋白椰汁馬蹄沙水準也很高, 熱度夠高, 味道沒有過甜, 重點是馬蹄沙夠爽口, 感覺非常精潤, 又不會很膩, 也是很讚! 過江龍果然不同. 

吃中式的糖水，既可以滿足我吃甜點的慾望，更可以養生兼養顔，的確是一舉數得。這間在澳門有五十多年歷史的糖水舖，以中式糖水為主，但亦推出一些新式的甜品配合時代步伐的轉變。我們叫了兩個中式糖水、一杯椰汁冰和一個羽衣甘藍蒟蒻涷，除了蒟蒻涷外，其餘三款在下午三時至睌上七時都有八折優惠。蛋白杏仁茶（$42）👍👍👍👍看見牆上的海報，得知杏仁有養顏的功效，能夠令皮膚健康紅潤，加埋蛋白，更加滑上加滑。生磨的杏仁茶帶著淡淡的杏仁香氣，蛋白的份量很多，甜味適中，不會過甜。椰汁杏仁合桃湯丸（$45）👍👍👍👍👍一碗糖水混合了杏仁茶、合桃糊和椰汁，再加埋三種不同口味的湯丸，最適合樣樣都想試的朋友。把椰汁、杏仁茶和合桃糊拌勻，其實也分不清個別味道，但味道又很香很配。新鮮手製的湯丸外皮軟糯又煙靱，三種不同口味，各有特色。椰汁冰（$34）👍👍👍👍冰涼的椰汁冰，陣陣椰香，消暑又解渴。羽衣甘藍蒟蒻涷（$45）👍👍👍👍👍這個甜品材料很豐富，除了有羽衣甘藍蒟蒻外，還有涼粉、西瓜粒、龍眼和雪糕，還可以加蜂蜜或花奶。我原先預期羽衣甘藍會有點青澀味道，所以選配了蜜糖，但原來味道一點澀口也沒有，蒟蒻口感爽彈，跟涼粉相似。整體來說，這個

今次嚟到九龍城，就一於試吓食呢一間糖水啦！餐牌都幾多選擇，叫人眼花撩亂！簡直有選擇困難症！😂餐廳環境寬闊舒服，最啱三五知己食完飯過嚟傾計食糖水！叫咗一個芝麻糊$29芝麻糊驚炒香之後，味道更濃更香！稀稠程度恰到好處！唔會太結或者太稀。甜度方面我覺得可以冇咁甜，男友則覺得ok~椰汁龍眼馬蹄沙$43好有驚喜！😳⭐️⭐️⭐️⭐️食落好清新舒服。馬啼沙切得好碎，口感好豐富，綿綿地咁，配上椰汁，入口更滑！今次太飽喇～下次會再想試下餐廳其他小食/糖水。

上星期五我與美人去九龍城食晚飯，💆🏻‍♀️天生愛美的美人話我要靚靚🤗🤗。為了靚靚梗係要食最養顏及滋潤你肌膚糖水，所以就嚟到杏香園食中式甜水。究竟食咩可以靚靚， 就係“合桃糊配杏仁加湯圓”🥣一定幫到你。用石磨方式磨到合桃及杏仁好細滑，美人說「點解仲食到微微的細粒嘅」，我就話「呢d咪叫真材實料，不是開粉的囉。」😉😉 至於🍡湯圓就好煙韌，內裡的芝麻都好香，美人又說「 我嫌佢粉底太厚」, 哈哈🤣🤣 其實美人是想講湯圓的皮比較厚身，如果可以再薄一點會更好。😂😂我每次都會食佢哋嘅椰汁蛋白馬蹄沙，超好食而且又清爽，唔太甜，越食越好食，一點都不膩。

九龍城出名多嘢食，中西意法日咸甜。。。你講得出都有，尤其是甜品方面，一條街都有幾間，今日揀咗呢間，貪佢有傳統中式糖水食！入到去一睇餐牌，直頭係花多眼亂，勁多選擇同配搭，如果之前唔係已經鎖定目標嘅話7真係會選擇困難症發作！今日叫咗椰汁合桃糊，腐竹白果蛋水，同埋糖不甩，兩個人share食就岩岩好！椰汁合桃糊其實就係合桃糊上面額外再加多少少椰汁，感覺係幾好的，合桃糊好滑，加少少椰汁既香味，感覺上無咁漏！腐竹白果蛋水（佢個餐牌真係咁樣寫）腐竹煲到溶晒，豆香十足，白果亦吸收了糖水的味道，分量亦不少！糖不甩有5粒，內有芝麻涵，口感q彈，面頭的花生，芝麻，椰絲比例也適中，讚！呢度原來同農莊合作，主推羽衣甘藍，有羽衣甘藍餃子，羽衣甘藍沙冰等等，下次可以試下！

澳門杏香園嚟到香港，梗係要食返碗。menu好多選擇，主打中式糖水一定要食既係馬蹄露，有凍有熱，馬蹄露加入椰汁，超香超正！夏天食返碗凍既馬蹄露都咪話唔透心涼。另外薑汁芋圓都好唔錯，芋圓大大粒，彈牙，加上薑汁清潤，唔使怕老土，中式糖水確係正既

今晚試了蛋白杏仁茶和椰汁芒果涼粉西米露。兩碗甜品都是滿滿的蛋白杏仁茶，不是太甜，蛋白也很多，還有很香的杏仁味。而椰汁芒果涼粉西米露，很香的椰汁味，涼粉、西米也是超足料的！雖然價錢貴了一點點，但味道也很不錯！下次也會再來

約了朋友吃飯，還未夠鐘，就來這裏坐一下。餐廳在誠品內，完全沒有人，吃過之後我就知道原因了；價錢略貴，食物及甜品也不特別美味，只是行貨而已。環境佈置舒適，如果真的坐下也是一個好地方；在誠品買好書，在這裏靜靜地看也是不錯的。但食物就不敢恭維了，這次我試了他們的水餃，以及杏仁餬，這是一個套餐，合共要 HKD54.00。水餃沒有甚麼味道，很淡；湯也很怪，完全沒有味道，像是滾水一樣。合桃糊吃上去像是交貨，我也體會不到有甚麼特色，像是在便利店買的一樣。整體來說，食物及甜品水準在合格之下，而且價錢貴，下次不會再來了。我由六點多坐到七點多，也只是多了一個客人進來而已，人真的很少。

今次合桃糊真係一般，真心講句太稀，冇質感。以39元一碗不值。上次5月食，好好，好滑，滑到糊表面似塊鏡一樣，今天見到有點物質在表面分開似的，唔夠香，同我喺普通口水店唔使＄20質素有咩分別。下次不會光顧。

呢間來自澳門嘅杏仁甜品店，自從係百老匯試過超足料後，就幫襯過呢間第一間嘅香港分店幾次，今次專登要寫番篇食評，因為呢日有蘋果優惠，但依然好似平時咁足料，真係超讚!我吔兩個人分別揀咗一個唔似杏仁同一個係杏仁系列嘅糖水，一個係凍嘅椰汁木瓜龍眼，好多件大件嘅木瓜，龍眼亦都係用新鮮嘅(唔係已曬乾嘅)，mix埋一齊好夾好好味，只係龍眼帶了一點酸。到杏仁茶系列嘅我吔就揀咗熱嘅蓮子蛋白杏仁茶，呢個系餐牌冇嘅，蓮子同蛋白分別配杏仁茶嘅甜品都有，例如蓮子白果杏仁茶 同 椰汁蛋白杏仁茶 都有係餐牌上，問咗店員蓮子同蛋白配杏仁茶都有。同上面嗰款一樣，依然好足料，又唔會大部分都係米/粉，可以話係食過全港最好味嘅杏仁茶 !不過可能杏香園未試過一晚內有咁多客人咁多order，落單時就有啲混亂，講咗幾次先落啱凍同熱。

羽衣甘藍 - 感覺健康，益處多多 👍👍👍此店 以 「羽衣甘藍 」作賣點 甜品及餃子，甚為特別，也是這樣吸引了我們幫襯試試。裝修簡約，綠色為主，感覺清新 及 乾淨，也帶點 澳門店的傳統 feel 😌我們當然是點選了 有賣點食物 ......試試 😆 羽衣甘藍蒟蒻凍 - 涼浸浸感覺，消暑之選 👍店員特別推介 - 羽衣甘藍果菜汁 清新感覺，幾特別。不作新嘗試的話，除 羽衣甘藍 甜品 或 餃子 外，也有其他傳統甜品，如 芝麻糊、桑寄生茶蛋、各款杏仁糊及雪耳糖水..... 等等，可供選擇。😆

呢間專攻中式糖水尤其主力杏仁既糖水店, 之前行過三次都排哂大隊, 一次就賣哂杏仁糊, 真係好似好犀利, 今日趁閒日放假, 終於可以係下午時段黎幫襯下地方唔大, 不過裝修光猛, 枱同枱之間都唔會太近, 坐得舒服餐牌選擇都好多, 好多中式糖水既 crossover, 亦有少部份西式既糖水, 入到黎都可以好多野揀終於一試出名既蛋白杏仁茶($42), 好似下午茶時段有折, 實收$34; 如果冇折, 平日黎食就有少少貴; 不過食左一啖就即刻覺得收$42都值, 因為真係好香杏仁味, 蛋白亦非常好味; 加上隔離枱又係叫杏仁甜品, 簡直滿室杏仁香味

杏香園，依稀記得在澳門街幫襯過。又一過江龍渡江而來到九龍城呢個糖水重地，當然要試食一下。以上餐牌，價錢離地，比一般甜品舖貴，但若果好食又另作別論。兩碗糖水，紅豆沙與西米露。其實還外賣了一碗咋喳，三碗115。家人説咋喳麻麻。紅豆沙豆還豆，水還水，還有一舊膠狀啫喱，此膠應該撈唔暈産生出來的。椰汁芋頭西米露，幾好幾甜又幾香，但好似椰香過份地濃郁。老老實實，百二蚊三碗，又點辣同離地，叫做食過就算，唔試亦肯定無捐失囉！若果在九龍城食糖水，自己意願一定唔輪到佢。