杏甜品 (豉油街) (已結業)

𝕄𝕠𝕟𝕘 𝕂𝕠𝕜 • 𝔸𝕝𝕞𝕠𝕟𝕕 𝔻𝕖𝕤𝕤𝕖𝕣𝕥 杏甜品 🤍📍 尖沙咀加拿分道𝟜𝟘-𝟜𝟞號香檳大廈地下𝟞號舖🔍旺角、尖沙咀::::::::::::::::::::::::::::::Top 5 dessert place in HK ✨ @almonddesserthk 主打杏仁甜品和鮮果爽冰，以健康少糖配方製作中西合壁的甜品。為著全家福湯圓🥣 慕名而來的，有齊抹茶🍵、榴槤、奶皇、黑芝麻、花生芝麻🥜五色口味，抹茶湯圓的外皮揉入菜汁上色，榴槤湯圓的外皮則是以墨汁製成，很有創意，配上清甜的桂花糖水。🥥 椰皇桃膠燉雙皮奶滿滿的桃膠及滑溜的燉奶，養顏滋潤。🥭 呂宋芒椰木蓮凍 新鮮呂宋芒配煙韌的四色小芋圓、椰果、芒果雪糕，涼粉及仙草，冰涼鮮爽。🍹 呂宋芒小丸子杏仁茶吸吸 杏仁味濃厚，略厭小丸子未夠軟糯。

杏甜品係一間以杏仁做主題既甜品店入面既甜品都標榜少糖同健康👍🏻👍🏻星期五晚落堂後朋友提議話想食甜品🤣我即刻就諗起呢間旺角既小店😝未到9點, 甜品店外已大排長龍我地等佐大概30分鐘先有得入座我叫佐個椰皇杏汁桃膠雙皮奶雙皮奶超級滑 唔會話燉佐好耐老曬桃膠亦都係燉到淋曬 唔會有硬芯杏汁唔會太甜太漏 配搭得非常好呢間鋪頭既杏仁甜品真係出常出色👍🏻👍🏻非常有heart難怪咁多人排隊支持🥳🥳🥳

已經係第三次幫襯「Almond Dessert 杏甜品」啦～本身小編唔係好鍾意食杏仁味嘅甜品，不過「杏甜品」嘅杏仁甜品就冇平時個種好難聞嘅味道，所以我都將我嘅第一次奉獻左比「杏甜品」，😂但其實其他糖水都好有質素！👍🏻除了每日新鮮即磨杏仁系列甜品之外，店內有各式各樣嘅傳統糖水，如糖不甩、合桃露等，有啲仲加入西式糖水元素，如榴槤湯圓、紅豆咖啡雪糕、鮮果爽冰、芒果奶昔雙皮奶等，全部標榜以少糖配方製作，感覺更健康！⭐️推薦❗椰皇桃膠燉雙皮奶（$67）另外仲加左$10要左兩粒花生芝麻湯圓！湯圓皮薄流心餡，值得一試！😏椰皇裏面放滿桃膠，底下仲有超滑溜嘅雙皮奶，食完感覺相當養顏滋潤！呂宋芒椰木蓮凍（$62）用新鮮嘅呂宋芒打出嚟嘅芒果汁底好濃郁！入面有好多配料，有煙韌嘅4 色小芋圓、爽甜椰果、芒果雪糕，當然唔少得主角木蓮凍，外形晶瑩剔透，看起來有點像涼粉和仙草，但口感軟滑，冰涼清爽。

冇誇張 我真係每星期食一次杏甜品開左喺旺角真係好方便我 下午茶或放工食完飯都可以幫襯下其中最愛最愛就係龍眼冰冰底食到好多龍眼肉 勁清甜完全係龍眼本身甜味唔係加糖嗰種水晶珠好爽口 成個配搭都係好清新椰皇湯圓燉雙皮奶熱野我就覺得椰皇燉雙皮奶系列係最正嘅最底層係滑捋捋嘅雙皮奶 好滑好重奶味上面配左椰奶黑芝麻湯圓 一咬落去就爆漿黑芝麻夠香 湯圓皮好Q好煙韌燉完嘅椰肉俾我挖晒嚟食糖不甩呢個傳統野都係成日叫嘅 椰絲花生碎好香口

今日係旺角附近做嘢 見客見到口水都乾埋🙈去 #Almond #dessert 潤下先🤩🍨旺角中間點其實都好方便 舖內整潔光猛 感覺令人舒適🪴合桃露木蓮凍 $42上次食過木蓮凍 覺得口感好特別 所以愛上了😋 合桃露入口香滑之餘並不會太甜而且香濃嘅合桃味道係口中充滿着香氣🥰配埋木蓮凍一齊食 真係好滿足咖呂宋芒小丸子吸吸 $49 🥭一次過滿足晒我食到對甜品嘅慾望😍有芒果肉 小丸子 同埋香濃嘅呂宋芒果汁嘅材料飲落去小丸子有咬口 配埋濃厚既芒果汁好夾呀🥰芒果奶昔雙皮奶 $59中間嗰層就係奶昔 凍凍地好似食雪糕咁 最下面嗰層就係雙皮奶 每一啖都好有層次💕

3月3號 (星期五), 咁啱係旺角經過呢間舖, 諗住買碗外賣糖水試吓, 點知貼錢買難受.Order完之後, 大約幾分鐘, 就拎咗外賣, 見佢用紙袋裝住, 諗住都幾環保啦 (好過用膠袋), 點知就係惡夢嘅開始.拎完外賣, 我托住個紙袋底嚟拎, 因為我怕個紙袋揈揈吓, 唔穩陣, 而且怕糖水會係蓋與腕中間漏出嚟.咁跟住就行去地鐵站 (銀行中心出口, 旺角站E出口), 路程都近, 點知行到去地鐵站, 開始覺得隻手濕濕地, 最後落到月台, 連紙袋都爛埋 (有相為證), 咁我就即刻影相,  再立刻經Instagram send 個message 俾間鋪, 同佢講過碗糖水個碗底漏糖水. 我check 個, 蓋同碗之間無糖水漏出, 係係個碗底滲出嚟.成程車到返屋企都勁尷尬同麻煩.返到屋企, 要即刻搵個碗裝住d糖水.最後店家的Instagram咩都無回覆, 淨係係兩日後 (即3月5號 星期) 已讀不回.有圖有真相, 大家買外賣就小心啦.

同朋友係旺角波鞋街行到攰攰地，就打算搵個地方坐低飲杯嘢順便休息一下，見到有間以杏仁為主題的甜品店，裝修典雅，與一般甜品店截然不同，所以就決定在這休息一下。甜品選擇頗多元化，總有一款適合你。我同朋友分別叫咗：🍧芒椰木蓮凍必試的招牌甜品之一，木蓮味道似涼粉/仙草，口感清爽，配著芒果肉、爽冰、椰青啫喱及迷你芋圓，材料豐富，微糖感覺更健康。🍧椰皇湯圓燉雙皮奶（配杏汁）朋友點的椰皇燉雙皮奶，椰皇清甜，雙皮奶充滿奶香，杏仁汁香濃，加配一起超夾，再加花生湯圓，皮薄餡多。朋东想食桃膠，所以再另加一份桃膠，咁都幾好，可以自己配搭餡料

-杏甜品🍽-呂宋芒椰木蓮凍 $62呢度d甜品勁大碗係用湯碗黎裝🥣食一碗都可以當晚餐😂如果鐘意食芋圓粒/椰果/仙草個d就要揀木蓮凍因為佢一碗入面包左勁多配料勁有咬口😌如果個糖水底落多d芒果汁味道再濃d就更正😉-貓山王榴連爽冰 $59身為榴連控既小編見到有榴連就一定會叫😂呢幾日晏就咁熱即刻食個爽冰涼下😌榴連冰個味雖然未去到好濃味但都岩岩好唔係太濃烈會係個口殘留幾日🤣-🌟評分:🏅🏅🏅🏅📍地址: 旺角豉油街25-31號地下3號舖-#foodieluveat#foodieluveat_hk#foodieluveat_旺角#foodieluveat_甜品#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #甜品 #飯後甜品 #港式甜品 #旺角 #旺角甜品 #旺角小食 #糖水 #糖水鋪 

之前係尖沙咀分店食過～見到旺角開咗忍唔住去試下！椰皇桃膠燉雙皮奶＄67嗌咗個熱的椰皇養下生xd 雙皮奶唔太甜幾香滑，夾埋椰汁食好惹味，仲有好多桃膠，都幾足料，最鍾意食到最尾刮埋啲椰子肉出黎食(⁎⁍̴̛ᴗ⁍̴̛⁎)呂宋芒奶昔雙皮奶$59芒果幾厚肉，幾甜唔酸～鋪滿成個碗好足料～估唔到中間嗰層係芒果沙冰😂之後就係雙皮奶，不過其實雙皮奶似普通燉奶多啲，不過都幾滑杏甜品 Almond Dessert旺角豉油街25-31號地下3號舖

🍧好出名嘅一間甜品舖，之前係尖沙咀食過佢哋嘅榴槤爽冰，今次叫咗佢地招牌*椰皇湯圓燉雙皮奶 $69入囗滑嘟嘟咁，好香杏汁同椰子味而湯圓皮幾滑溜😂 唔算厚，咬完都真係有流心椰肉都好易刮起成片😍*杏汁合桃露 $39比例上杏汁係佔多少少，不過入囗幾balance 兩者唔會互相蓋過👍🏾 重點係個粉唔會開到好稠或有粉粒*黑芝麻木蓮凍 $42比起涼粉同仙草，嗰種清甘唔會覺得那喉，入口都順滑啲😳雖然呢款係熱食，不過木蓮凍始終係清涼，中和返其實只係微微暖🤔呢家仲做緊promotion 7pm前 follow IG+story打卡送細份椰子爽冰/木蓮凍

慵懶的星期日下午時光是嘆甜品嘅最好時間，旺角呢間「杏甜品」係一個好選擇。小店座位不算多，裝修以薄荷綠為主色調，環境舒適乾淨。佢系間杏仁類甜品專門店，近期又推出咗木蓮凍新品，夠晒吸引。新鮮現製嘅杏汁底甜品不會太甜，滋潤又養生。杏汁波波爽冰木蓮凍💰65HKD木蓮凍口感輕盈爽口極似涼粉凍，加入彩色Q彈嘅迷你4色小芋圓，同埋口感超有爆爆珠感嘅青鑽，夠晒特別！呢個甜品非常適合係夏天享用。椰皇貓山皇燉雙皮奶💰75HKD呢款甜品好多人都會點，雙皮奶嘅口感好滑順，而且加入咗椰漿同椰肉，味道更香濃。另配一球貓山皇榴槤雪糕，杏汁底不算甜，但杏仁味突出好香濃。

情人節翌日 戀愛中的大家要繼續甜蜜下去.ᐟ.ᐟ.ᐟ💓單身的人可以吃甜品😌 一樣要過著甜甜的生活～我和朋友逛完街 就決定要吃甜品感受生活中的甜～✦ ⋆ • ☁️☾ ⋆ • ⋆ ✦ • ⋆ ☁️ • ⋆♡ 椰皇貓山皇燉雙皮奶 $75這一道貓山皇雙皮奶是冰凍的甜點我選了杏汁 杏仁味超重好好吃🤍餐廳用椰皇殼盛載著燉得非常嫩滑的雙皮奶～旁邊的一球冰凍貓山皇榴槤果蓉超吸引我這個榴槤控 覺得只有榴槤肉仍是不太滿足 還額外加了兩顆流心榴槤湯圓.ᐟ.ᐟ.ᐟ黑色的湯圓外皮煙韌彈牙 光澤透亮輕輕咬一口 裡面的流心榴槤漿瞬間蹦躍出來.ᐟ.ᐟ.ᐟ♡ 椰皇桃膠燉雙皮奶 $67椰皇裝著滿滿的椰汁桃膠燉雙皮奶雙皮奶溫度暖暖的 冬天吃就最適合不過～桃膠份量有很多 既滋潤又美顏 愛美的我們當然把所有桃膠全都吃光.ᐟ.ᐟ.ᐟ≡※≡※≡※≡※≡※≡※≡※≡※≡※≡※≡※≡※≡※≡※≡※杏甜品旺角豉油街25-31號地下3號舖≡※≡※≡※≡※≡※≡※≡※≡※≡※≡※≡※≡※≡※≡※≡※

個人非常喜歡雙皮奶或燉奶，吃過順德和澳牛，今次來到很有名氣的糖水店，試試新式的雙皮奶。📍位置：旺角站 E2 出口，穿過繁忙的女人街，步行約七分鐘就到了。🏠環境：白色的門面，室內偏狹小，座位擺佈呈L字形，中間位是廚房，用玻璃窗分隔，舒適度一般。🤵🏻服務：可堂食或外賣，用餐時間是30分鐘，但未到繁忙時間，職員都不會催促客人離開，不收加一。🍧下午茶：🥥椰皇桃膠燉雙皮奶🥛 $67份量看似少，但很足料👍🏻，而且吃光椰肉是會有飽肚感。雙皮奶淋上杏汁，每口杏香濃郁😍，入口滑溜，帶有滿滿的爽滑桃膠☺️，軟腍中帶有嚼口，最後可以挖出椰子肉，燉得很腍😚，口感一流！🥭呂宋芒奶昔雙皮奶🥛 $59一片片厚芒果肉鋪滿整個碗🤩，中間一層是🥭芒果沙冰🍧，最底就是雙皮奶，份量都不少😙！每片🥭芒果肉都甜香十足😋，能同時吃到果肉、沙冰和燉奶，豐富的口感☺️，冰涼清甜的滋味🥰！

杏甜品 (旺角)📍旺角豉油街25-31號地下3號舖-🥹成日都話要戎糖戎澱粉，但事實就敵不過甜品嘅吸引🫣 由其係燉奶類嘅甜品🤭-🌈尖沙咀分店已經去過兩次，最欣賞佢地對於糖分嘅控制，試過嘅每一款甜品都係微甜，咁先至可以保持原味道！✨返兜嘅原因就係因為邪惡得嚟又相對少負擔🤭-💫去開旺角買嘢，路過見到原來豉油街都有間杏甜品，所以就算未食lunch都衝咗入😂 旺角分店比尖沙咀店細，最多可以同時serve到六枱客，所以即使2-3 點時段門口都有人排隊。-💓過去多數都會叫木蓮系列或者椰汁系列，但撞岩當日太早未番貨，所以就揀咗象徵住「幸福」嘅「杏仁茶」同 「椰皇桃膠杏汁雙皮奶」試試！-🍵杏仁茶燉蛋白 $55最近睇咗一篇報道介紹杏甜品嘅原材料，原來佢地選用咗美國大龍杏，特別在於佢嘅肉厚又帶微甜，而每日仲會喺舖頭用人手過濾提煉杏汁！難怪佢地嘅杏仁茶味道咁細緻濃郁！而燉蛋白底嘅滑溜程度高到要俾個讚佢！-🥥椰皇桃膠燉雙皮奶 $67一上檯椰味已經陣陣飄香！桃膠份量多，大大粒發得通透而且冇雜質！杏汁雙皮奶絲滑濃厚，而且個椰皇啲椰肉已經好熟，所以唔洗用力就可以成塊起出黎！好鍾意！💖-🍡追加左綠茶同榴槤湯圓，以桂花清

第一日開響尖沙咀，試過質素幾高汁仲可以打卡，做埋會員根住旺角新開既時候又有充值優惠，諗住幾抵wo, 間唔中都去開尖沙咀食，點知原來淨係可以旺角，但係旺角果間好細，背對背甘，甘唯有間唔中買下外賣算上年岩岩踏入冬天，中意食芝麻糊既我成日都想買碗暖下，點知連住幾次都冇，都幾失望😞根住都隔左2/3個月，抱住半放棄狀態去試試，終於有芝麻糊買左杯楊枝甘露小丸子吸吸+芝麻糊，外賣楊枝甘露小丸子吸吸：d冰會分開俾你，好貼心🥰等你唔去拎到番去溶晒淡哂，不過加完冰未溶就已經飲都係超淡既（糖+水）既味，飲唔出楊枝甘露既味囉，小丸子更加係完全冇味啦期待已久既芝麻糊：打開首先有一層糊狀杰左響度，唔怪佢，始終外賣拎番去要d時間食落個味…唔…冇咩特別，中規中距啦，唔會轉登番轉頭食果種囉食食下，條脷拮拮地，有d透明包裝袋既物體，響我個口度拎番出黎再攪下，有3舊包裝袋物體，有一舊仲幾大舊下一舊都話唔小心，究竟要幾唔小心先搞到甘？仲要甘大塊😞😞