杏甜品 (豉油街) (已結業)

同朋友係旺角波鞋街行到攰攰地，就打算搵個地方坐低飲杯嘢順便休息一下，見到有間以杏仁為主題的甜品店，裝修典雅，與一般甜品店截然不同，所以就決定在這休息一下。甜品選擇頗多元化，總有一款適合你。我同朋友分別叫咗：🍧芒椰木蓮凍必試的招牌甜品之一，木蓮味道似涼粉/仙草，口感清爽，配著芒果肉、爽冰、椰青啫喱及迷你芋圓，材料豐富，微糖感覺更健康。🍧椰皇湯圓燉雙皮奶（配杏汁）朋友點的椰皇燉雙皮奶，椰皇清甜，雙皮奶充滿奶香，杏仁汁香濃，加配一起超夾，再加花生湯圓，皮薄餡多。朋东想食桃膠，所以再另加一份桃膠，咁都幾好，可以自己配搭餡料