李公館

營業中

休息中

昨天到此一遊竟然要等枱，環境還是那個老樣子，但已物是人非，食物質素和服務都是上佳水平（個人意見）看到評論都是去年以前的見聞，都係時候要洗下板，不然誤導大眾，期望李公館重新開始，開闢一片新天地。

見到openrice食評驚一驚嘅 不過我本人著重食野唔太在意招呼 睇到其他食評嘅相 膽粗粗試下週末11點半去到無咩人 12點開始坐滿點心係自己整 食蝦餃就知係咪雪藏返蒸貨架喇茶水好熱 初頭熱到飲唔到 點心全部都好熱 腸粉一上枱係唔可以即刻放入口先講蝦餃 靚 好食 對得住呢個價錢啦 新鮮蝦 無腥味 皮靚唔泡腸粉 好熱 皮滑 菇菌腸仲加左脆脆增加口感 抵讚 而家好多師傅做左係果樣野就算 菇菌腸咪菇加腸粉皮囉 好少再去諗下點樣令件事好啲 所以呢個腸粉師傅會諗多層 我係欣賞 尊重🫡鮮竹卷就中規中矩 我有食過好食過佢嘅 就無咩好講 不過起碼個湯唔係死咸味精湯酸梅排骨陳村粉 呢個ok 鮮竹卷係可叫可唔叫 佢係「可叫」嘅程度 唔同一般酒樓係做豉汁排骨 佢用酸梅 所以要睇你鍾唔鍾意酸梅排骨去襯陳村粉底 有啲人可能都係鍾意咸口襯陳村粉 我自己覺得有新鮮感 亦無咁油膩 不過排骨唔係好多肉就是了最後有我最鍾意食嘅焗蓮蓉西米布甸 我唔會話非常好食 但會用食得吓黎形容 佢嘅優點點係香港人對甜品最高嘅評價 就係「唔太甜」😂 缺點呢我覺得唔夠「濃」但廿寧蚊 唔可以要求太多點心黎果陣無影相 食到尾先影左證明真食評 下

細個成日都同屋企人嚟食，一路都水準唔錯。今日生日諗住好耐都冇食過，咁就帶埋男朋友一齊嚟食。Book咗位，一上到去全場侍應喺度望住，冇人諗住行serve 你。 全部侍應好似NPC咁企喺度，你要自己行埋去觸發任務。好啦，坐低咗之後落單。個waiter 伯伯又會落錯嘢，真心冇歧視成份，但係全場都平均年齡起碼65歲以上，我叫佢地又聽唔到又睇唔到，喺度發吽哣。我坐喺個位度真係好無助。之後嘢食到，真係可以講聲唔好意思冇下次。叫開個幾款望落去都係一樣樣，食落就真係第二回事。我自己覺得啦，起碼唔係我印象中嘅味道。咕嚕肉嚡到咬唔開，個豆腐食落口會回苦，個炒飯好似唔記得落鹽唔咁。啲嘢食嘅品質完全對唔住個價錢，絕對冇下一次。

很長時間沒有光顧這間酒樓。 今次再黎，食物水準仍然保持到。 叉燒腸，加左櫻花蝦係面，腸粉香滑，又是另一種感覺。 牛肉大大粒，不過不失， 蘿白糕 蒸得好味，唔會死死實實。 唯一服務員服務相對差左。 如果2點後先到，可以有下午茶時間，相對性價比高好多。 鮮蝦豆苗餃都特別。味道唔錯。 另外 內部裝修唔錯，充滿了中國風。 茶壺好特別，好難攞。 甜品相對有的特色，在其他茶樓食唔到。 紅豆沙湯圓煮得剛好 夠光路。 茶葉味道淡，呢個係另一失色地方

倒數回七月初為媽媽慶生的晚飯，選擇在灣仔的「李公館」。事前只去過「李公館」一趟，品嚐過數款點心，最令我難忘是殷勤的服務，加上地點方便，於是便萌生為媽媽帶來新嘗試的念頭！提前寫好菜單，9位享用兩前菜、九主菜、 一湯品及壽桃包甜品，加一茶價全包為HK$4,788，即平均每位 HK$532。最後額外點了幾款甜品，結帳為 HK$4,990。以份量、地區、服務和主動提供了房間而言，實在不算昂貴。唯菜式未予人有突圍而出之感，某些對比預期更有點落差、有提升的空間。兩款前菜是芥香木耳伴海蜇和八味豆腐粒，一清爽帶惹味、一香脆軟滑，兩款皆可口！不只老媽喜歡，夏天飲用消暑的冬瓜盅，令人倍感舒暢！香氣、湯韻來得自然，材料有夜香花、蝦仁、蓮子、瘦肉、帶子和冬菇等，做到了標準！意大利黑醋咕嚕肉亦是老媽的心頭好，雖然賣相一般，但黑醋味足，配上肥瘦比例佳的豬肉，感覺不錯！第一次嘗試用薑米代替蒜蓉的蟹粉薑米蟶子王。要讚的是當晚的蟶子頗大，面層用黃薑粉炒過的薑米飯、加上蔥花，帶出蟶子王的鮮甜美味，富創意及新鮮感。但美中不足是蟶子王有點蒸過頭了，以致蟶子肉略為過硬！特別要求西蘭花要稍為腍軟，方便老媽咀嚼，果然沒有遺忘，讚！

疫情幾年沒有去李公館，今次再去戰戰兢兢。 點了別吃的咕嚕肉以及荔枝樹，水準都能夠保持😋 又可以打卡🤗 今次光顧有一位新經理推介了三款新菜式：包括酸辣魚，芝士龍蝦伊麵及豉油王海蝦，感覺也不錯。 酸辣魚是從來沒有在李工館吃過的，原來他們也可以做到這個味道😋 芝士龍蝦伊麵，在出邊常常吃，但是這間感覺芝士醬味道適中，而且面頭還有焊焗芝士汁份外咸香😋😋 慶幸疫情後，還有這一家經得住風浪的餐廳給我們作點聚腳點。🤗

這幾年一直都有幫襯李公館，無論是私人聚會或是公司部門的團聚。食物水準保持，員工都盡心盡力，態度良好。 最近晚餐試了一些要預定的菜式，雖不便宜，但物有所值。 每次嚟李公館，沒有一次失望

Here is the best food and services, we had been eating here 1st time, gave me a very nice meal. since i am not familiar to read Chinese, the manager explained and translated to me and my family very detailed. Finally we ordered “Spicy Garlic Lobster”“Crispy Chicken”“Tai-chi fired rice”BOTH are very delicious. Final we had traditional dessert“SAGO pudding”I would rating ⭐️⭐️⭐️⭐️⭐️⭐️Thanks for Lee House Restaurant gave me and my family a wonderful night.

好耐冇去食飯，今次去到有種桃花依舊，人面全非嘅感覺。有個好似經理嘅30+歲男人係咁sale我食海鮮…. 我話等埋其他朋友黎問下再決定啦，佢即黑我面，轉身行開⋯乜唔食海鮮唔得架！之後我哋冇叫海鮮只係叫左d普通餸菜，食下平民野乍。9個字後先黎第一個餸，終於係⋯等左好耐⋯又漏單😓問佢又話check下⋯等到d白飯凍曬（一個餸要等30分鐘⋯！）食到好冇癮！後尾聽到隔離枱都係咁吹d餸，之後聽到佢哋話轉左老闆，唔怪之得冇以前咁多客啦！原來已經轉左手🤦🏽又小左個好去處⋯⋯😓😓😓👎🏽👎🏽喂呀，好失望呀👎🏽👎🏽

Cold like a freezer. A few tables complained about the strong AC but the manager didn't adjust the temperature.They never refill the tea for us but only pour hot water.Not vegetarian friendly at all.The toilet is very dirty and small.The Claypot are not hot enuf.The black sesame buns with flowy custard isn't flowy.The desserts such as milk pudding are overly floury. Yhe only thing I appreciate here is the crispy skin rice sheet rolls.

好耐無去晚飯，咁岩朋友係外國返來，就約上去食飯。今次自己直接打電話去訂枱，一段時間無上去就唔好意思what’s app老闆訂枱，點知就中伏😞當晚上到來話無我訂座😠咁我訂啲餸呢？話完全無我紀錄，個位員工仲問我會唔會係訂左第二間？無野嘛？我話你地之前一日再打電話比我確認訂座喎⋯⋯你地錯仲賴我問題？？算～咁我問即係有無位，有就照食，朋友老遠返來唔想樣衰😤問老闆唔係度，坐低即刻what’s app老闆😫😫點知原來李公館已經轉左手，唔係以前老闆，佢已經無做😩轉左手我訂既冰鎮咕嚕肉特別版無，得普通版比我😡仲諗住比朋友驚喜❌咕嚕肉覺得較淋身唔夠脆🐔茶煙燻雞肉無咩味咁，但都係唔夠脆皮其他食物都算正常水準😞相都無心機影打卡😩完全影響我呢餐飯心情，叫人加水無人應，問啲餸又咩都唔知一間食店野幾好食都死，一肚氣之前仲諗住母親節訂呢度食飯🙅🏼‍♀️🙅🏼‍♀️🙅🏼‍♀️咪搞嘩～一陣帶老人家來到又話無我訂座咪死真係唔怪得啲人成日講北上消費睇番食評先知原來已經唔止我中伏

早前一家人到灣仔李公館晚膳，由於人數眾多（大人連小孩大約兩席），所以提前於網上訂座並預訂了菜；放當晚大約6：00左右到達餐廳告知已訂座，但職員說揾唔到訂座，問我們是否已訂，我們再三告訴他們已訂座並已訂菜，並將網上對話給他們看，然後有一位經理說想辦法安排給我們，我們等咗一陣，他們安排了2張枱給我們，但非常擠迫；跟著我們通知可以起菜，但他們告訴有些菜式是做唔到，建議我們轉其他。如此有問題，經過此晚膳後，我們一家人都決定不會再到此餐廳。

🌟整體評分: 7/10🌟❤️味道：8/10🧡環境：7/10🩵服務：6/10💚性價比：7/10💗小朋友喜愛度：7/10午市時間一行8人係無預約情況下竟然可以直入！雖然餐廳內裝修古色古香，但樓底矮 非常應聲，老實講環境唔算太舒服。點心選擇唔算多，質素一般，不過不失，無咩值得推介，反而小菜有驚喜！冰鎮咕嚕肉，上枱仲有閃燈架！氹得老外朋友非常高興，外脆內軟，推介！另外茶薰雞都值得推介，茶薰味香得黎唔會太濃，雖然百分百肯定係冰鮮雞，都保持到滑度。

事件係關於我們係3月25日晚上係李公館訂左間房比公司老闆同公司嘅客人食飯，我係3月21日打電話比餐廳，預約左3月25日晚上6:30-7:00前入席嘅一間可容納六人嘅房，講明左唔要玻璃房，要私隱度高嘅房間。並且了解左最低消費5000蚊，我地係3月24日收到餐廳再次確認我們的訂座的通知後，但係3月25日今日夜晚到餐廳時，被告知房間已經被另一組客人給佔用，餐廳要求我地同果組客人共用同一個房間，呢個安排真係非常令人無語，如果係可以共用，跟本就唔會訂房啦。客人係聽到安排嬲到直接走左！！！ 各位如果係幫公司訂，或者有重要活動，真係要好好諗下係咪要訂李公館。

唔經唔覺，灣仔區都變左好多，但依間李公館都仲係keep到以前咁好食，間餐廳近灣仔站同會展站附近，過年一家人食飯都好就腳，而今晚就約左一大班朋友去果度食晚飯吹水，我平時最中意係食佢啲小食，真係又平又多選擇，其中「話梅豬手」、「椒鹽豆腐」同「惹味厚切茄子」都真係每枱都必點既。呢間話明係中菜館，佢既招牌菜真係做到有好多款式，「杏汁豬肺湯」、「荔枝炸蝦丸」、「冰鎮清酒鮑魚」、「石鍋九層塔胡椒蝦」等等等等，而老闆佢都會定期做一啲新嘅菜式，確保啲野係好食又keep到新鮮感俾你，而最後既最後真係要留肚食埋個甜品，大推「蓮蓉西米焗布甸」，呢個真係要嗌呀知唔知!