李公館

營業中

休息中

第一次同友人到此處共聚晚飯，一行九人預早半個月訂枱，早一天有職員打黎確認訂枱同訂食物。去到坐底十五分鐘已吹落單，同佢講已訂咗五款菜叫佢跟跟（無反應），再後加幾樣嘢，前後有三個人過黎對單問係咪落咗呢幾樣嘢，其間繼續問佢訂咗嘅菜有無落單，一路話跟緊，結果都係要由頭再落，咁你早一日叫我訂菜為咩呢？終於四十五分鐘後有個類似老闆嘅人黎再確認已落嘅單同係咪上得菜，其實已經叫咗幾次可以上菜！真係救命，服務員又唔係好肯服務你（包括加水，幫你跟單)其實如果真係請唔到人落單，可以用QR點餐又避免要人跟單嘅麻煩！最後食物水準算OK，不過咁嘅服務就唔會再食，如果你係對服務無所謂，喜歡受氣多於享受食物嘅！你先好考慮去😮‍💨😮‍💨😮‍💨

一行8人去李公館食晚飯想坐得舒服啲同朋友聚會店家早一日whatsapp 叫可提早訂定熱門食物，我哋覆左揀左4樣菜但到場後多次問侍應有冇幫我哋入單已訂食物，問咗幾次無人覆有定無，問左幾次無人答唯有再次落單（咁提早一日訂定有咩意思？）之後落單追加食物話人未齊但可上菜先，等左十分鐘又十分鐘又十分鐘分別同三位唔同嘅侍應講話要上菜，但無人理我地，仲話要同客人多次確認先叫廚房準備雖然食物質素不錯，但前線同事態度令到整體感覺十分差。不推薦再到此餐廳食飯

成日聽到人講話呢間李公館好好食，灣仔好出名，趁住年尾做冬想同屋企人食好啲，特登走去訂咗個所謂馳名羊腩煲，外賣自取，講明2:30去攞，到咗當日，仲喺電話上面確認咗到取時間，結果去到，水靜河飛，冇人理，亦都好似冇人知道有人訂咗外賣，淨係叫你坐出門口等，後來終於有人走出嚟話確認曾經收到order，但係話冇人知道係2:30，只係收到order三點攞，其實當時已經係2:50，佢話得兩條路揀，一係而家開始整，但係要等20分鐘，如果唔係就自己攞包急凍咗嘅返去自己搞，叫佢攞出嚟睇吓，就係一個膠袋包住一細包唔知係乜嘅嘢，通常羊腩煲都會跟碟菜 俾你自己淥，呢度$248，連菜都冇條。咁嘅服務，咁嘅質素，咁嘅份量，食咗識飛都冇用啦。大節流流，唔想同佢嘈，留字奉勸各位，三思。

尋晚去食生日飯，服務員上菜唔專業，上菜唔專業，經常倒瀉菜，執碟時又跌落我哋到，扮無事！又成日摧我哋，話收10點！ 😡成日追我哋上甜品及蛋糕，擺哂碟出嚟，唔先清潔個轉盤，而當時轉盤係濕同唔乾淨！真係完全無服務可言😒我哋最不滿係個服務員完全無禮貌、做錯唔認，無視我哋意願，不停用惡嘅態度摧促我哋食完！ 叫佢沖熱水落茶壺更無禮貌地只攞一個沖，叫佢攞埋另一個去沖就黑面！我哋無要求特別好服務，但都唔係差到好似我哋得罪佢咁！做中檔飲食服務業如仲差過某些茶餐廳，又點會留到客人再次光臨！

朋友生日飯🎂所以搵咗呢一間中餐試一試食飯前一晚先book呢間餐廳本來已經冇晒位，好好彩咁啱有一張枱取消咗食飯當晚上到去真係座無虛席不過比我想像之中似酒樓嘅裝修而且枱同枱之間坐得比較貼如果想搵間中菜可以慢慢食飯又傾吓偈依家好似唔太係一個好好既選擇不過無論食物定係員工嘅態度方面我覺得呢間餐廳真係非常之一流食物嘅價錢物價美廉好多菜式個名睇落都好特別不過好可惜特別嘅菜式都要預早一日預訂我哋叫左必叫嘅菜式冰鎮咕嚕肉，蒜蓉海鮮蝦荷葉飯，脆皮茶熏雞另外再叫咗酥炸桶蠔，XO醬小炒王其實差唔多每一碟都好好食特別係第一道菜XO醬小炒王佢哋嘅XO醬好足料所以比起平時嘅小炒王更加惹味👍🏾👍🏾最後我哋叫咗四個甜品每個甜品都係十幾至幾十蚊超級之抵食👍🏾👍🏾👍🏾

星期六到了李公館晚飯，覺得菜式精緻，服務態度也好。訂位時，職員已提有些食物需要預訂， 因此，我們預訂了以下食物：🔸️杏汁豬肺湯這款湯在家做比較麻煩，所以適合在外享用，這酒樓做得也不錯。🔸️荔枝墨魚丸很適合打咭的菜式，擺盤精緻，墨丸彈牙，只食荔枝墨丸只是一粒普通墨魚丸，必須沾上旁邊的醬汁便會有荔枝味。🔸️薑葱炒蟹稻庭烏冬底一端出來香噴噴，好味，烏冬吸了薑葱蟹味很好，但烏冬份量再多啲就更好。🔸️籠仔糯米蒸蝦飯好味，蝦的份量也多。另外，即時點的有：🔹️小食- 厚切茄子及椒鹽豆腐雖然是小食，份量也不少，而且味道很好。🔹️主食- 叠叠煎藕餅、黑醋咕嚕豚肉及竹笙鼎湖上素不過不失。🔹️甜品- 蓮蓉西米焗布甸、焦糖燉蛋、椰皇燉桃膠及蘋果雪梨糖水布甸及燉蛋較好，另外兩款則一般。最後，我們點了🔸️壽桃包🔸️職員說應該要預訂的，這次是特意幫我們即時做，而壽桃包餡料不是蓮蓉，而是紫芋蓉，適合不喜歡太甜的人，很好。總括來說，菜式擺盤漂亮，食物味道不錯，價錢中等，值得再來。

一大班朋友在迎月晚上到李公館聚餐，大部分成員是第一次光顧。電梯門打開已是李公館的入口，一幅提字「李公館」在眼前出現，店舖的地方不算闊大，大概放置16張大小不一的餐桌，另有2間貴賓房。燈光、擺設、顏色令人恍如置身高級會所內的中菜廳。人們在交談時也是輕聲，不會感到嘈吵煩擾。杏汁豬肺湯的杏仁香氣令大家有點驚喜，色調奶白，非常清潤，一點也不油膩。很多人都抗拒湯渣，認為不值一試，其實偶然也要試試，例如今次的豬肺，軟身的口感加上杏汁，好味😋頭盤青芥苿青瓜墨魚柳非常清新，青芥苿輕輕刺激味蕾，加上青瓜爽爽的口感，令食慾大增。大家對冰鎮咕嚕肉抱有極大的期望，可惜希望大失望大。冰鎮咕嚕肉未能做出冰鎮後脆脆的外層，肉味尚可，但肉質略硬，失望😔 驚喜在荔枝墨魚丸，將墨魚丸包裝成一粒掛在樹上的荔枝，果然別出心裁，加上一隻色澤鮮艷的小鳥停在樹枝上，非常生動有趣👍🏻紅色芝麻粒作為外層，包裹着白色的墨魚丸，驟眼看以為是一粒荔枝。墨魚丸非常鮮甜，有少許彈牙，正😄 金磚野菌豆腐和西蘭花黃金蝦都不錯。叠叠煎藕餅不是脆脆的，是軟身，一家大小都適合。如果喜歡茶香味的朋友，脆皮茶燻雞必須一試，茶香夾雜著嫰滑的雞肉，味道非常可口。

和一大班朋友們聚會，預訂了這家中菜館，店方給我們預留一間包箱，裝修典雅亦有私隱度，令我們充滿驚喜。 年輕男店員落力為我們介紹招牌菜，招呼殷勤，熱情有禮。我們一行人商量過後，點了以下美食: 茶香薰蛋 ($40) 一客兩隻，每隻切開半邊，放在湯匙上，方便食用，薰蛋散發著陣陣茶香，清香之餘又不算太濃味，蛋黃呈糖心狀，香軟滑溜。 椒鹽豆腐 ($48) 炸得金黃色，每一件比一口還要小，外皮香脆，內裡既暖又滑。 石窩馬拉盞炒芥蘭 ($108) 侍應送上時，發出吱吱喳喳的聲響，我們把芥蘭和醬汁拌了一會，令芥蘭更惹味，入口亦爽脆。 濃湯海鮮雜菜煲 ($188) 材料豐富簡直堆滿整個煲，有魷魚及鮮蝦，蔬菜有菜心、娃娃菜、西蘭花及秀珍菇，浸在濃湯，味道一流。 西蘭花炒斑球 ($268) 侍應推介是日斑球，果然充滿鮮味，魚肉腍身彈牙，西蘭花亦新鮮爽口。 脆皮茶薰雞 ($358 / 一隻) 原隻茶薰雞整齊排列好，它外皮呈紅色，肉質入口不堅韌，仍保持嫰滑，油脂濃郁，茶味亦芳香。 石窩麻辣漁香茄子 ($138) 鮮紅色的麻辣汁，感覺火紅，茄子亦吸收了麻辣味，絕對刺激味蕾。 石窩麻辣

灣仔李公館七月尾同朋友預先訂座來吃飯🍚環境裝修幽雅，枱與枱之間有適當距離，沒有侷促感覺。打開餐牌，琳琅滿目。預先訂咗茶薰雞和荔枝樹，再下單：厚切茄子、炸豆腐、杞子浸菜苗、櫻花蝦豉油王炒麵和是日例湯。例湯是赤小豆粉葛排骨湯，一啖入口就知道係老火湯😋👍厚切茄子配上特別醬汁，好味道😋炸豆腐充滿椒鹽香氣，外脆內滑；上湯浸菜苗飄著杞子香😊茶薰雞，肉質嫩滑😋層層疊蓮藕餅擺設美麗，用生菜包着食，減輕油膩感，口味清新香脆的櫻花蝦豉油王炒麵，別有一番風味。全晚亮點，美麗的荔枝形狀炸墨魚丸掛在樹枝上，像真度很高，配上荔枝汁進食，yummy yummy😋餐牌上還有許多其他食物，下次會再訂座來吃飯😊

李公館皆因朋友生日，群中朋友話要慶祝一下。其中有一位朋友，就上網搵餐廳，無意中發現呢間網評都好多讚好嘅，所以book咗呢間 李公館嚟食晚飯！咁book位嘅時候，餐廳方面問我哋要唔要訂定幾個餸 最後訂左 冰鎮咕嚕肉 荔枝樹 冰鎮咕嚕肉有別於平時食開嘅咕嚕肉 今次係食冰鎮、仲有糖山同閃燈燈飾 加上開胃嘅士多啤梨及山楂😋😋😋 荔枝樹炸蝦丸上面鋪咗紅色嘅粉、配上荔枝醬汁 賣相同味道呢個配搭好正蓮藕千層疊蓮藕肉餅 蒸好之後就拍粉炸 層層疊呢個擺盆的確不錯油鹽水煮沙白沙白粒粒都好飽滿😋籠仔蒜蓉蒸蝦飯蒜蓉同蝦汁浸晒落啲飯到， 咁樣食呢啲飯先正🤭

諗起之前同事講過呢間冰鎮咕嚕肉好好食，所以趁屋企人生日去試下，估唔到個體驗好好。可能係閒日，所以服務超好，無論位置、菜水服務、上菜安排等等都做得超好。今次因為兩個人點了2個小菜，1個主食，同1個湯，份量超大份，應該夠4個人食，連埋前菜、菜位埋單都係$900左右，都算幾抵食。冰鎮咕魯肉 咕嚕肉皮有別平時食的，比較厚身，因為配合冰鎮，所以冷凍時特別脆，掛上酸甜醬汁，超夾同埋好好食。 而且咕嚕肉肥瘦適中，唔會有特別肥同特別瘦，每啖肉都好鮮美的肉汁同口感。推薦！疊疊煎藕餅做形好特別，配上生菜食，中和油膩感，好食。帶子海皇羹帶子和海鮮為主要材料，口感滑嫩鮮美。它的湯汁濃郁而清爽，帶有海鮮的鮮味和帶子的甜味，啖啖都有帶子同蝦仁，好飲。籠仔糯米蝦飯糯米經過上湯處理所以特別香口，配上香味四溢的蒜粒同蒸飯，真係超好食。

朋友一行四人去灣仔食晏，再訂李公館。今次食至尊午餐，好多嘢食。前菜惹味厚切茄子。茄子大大件，以薄脆漿輕炸，蘸上惹味燒汁，非常醒胃。好味到要留起個燒汁，再叫多個普寧豆腐，蘸埋燒汁😋不得了，炸豆腐粒外殼炸脆而豆腐仲保持嫩滑，入口即化，蘸埋惹味燒汁，味道更上一層樓👍另一前菜蒜蓉拍青瓜，入味又清新花膠雞絲羹，濃稠味美西蘭花帶子蝦球，大大碟，xo醬惹味，海鮮結實彈牙石鍋芥蘭豬頸肉，馬拉盞咸香濃郁，香噴噴炸子雞，皮脆肉嫩又入味海鮮炒飯好多櫻花蝦冰鎮咕嚕肉，要等比較耐，喺一盤冰裡面打撈出粒粒咕嚕肉，外凍內暖，甜酸適中...但會染到成個嘴唇都變成橙色😆椰汁桃膠，椰香濃郁桃膠滋潤，大滿足*店員親切細心👍，咕嚕肉冰鎮太耐會整粒變凍，店員叔叔主動幫我地打撈啲咕嚕肉出黎

一大班同事去飲茶，今次試新茶樓，餐廳裝修華麗，頗有特色。每次飲茶必點蝦餃同燒賣，蝦餃有驚喜，蝦餃皮碧綠色，顏色令人增加食慾，蝦肉非常爽口，而且好大隻；另外燒賣都好特別，有件少少既鮑螺片係上面，提升鮮味，燒賣都好大隻。腸粉亦都好高質，一次試晒兩種腸粉，分別係櫻花蝦蜜汁叉燒腸同埋粒粒靈芝菇牛肉腸，腸粉皮好薄，望落去晶凝通透，櫻花蝦既香味結合埋叉燒，提升味道，另外牛肉腸加左靈芝菇，香味十足。小菜要咗石鍋胡椒雞，辣度唔算太辣，雞要等一陣先食，等雞肉完全熟透，肉質嫩滑。飯揀咗石鍋鮑魚雞粒炒飯，鮑魚汁份量好多，完全覆蓋晒飯，每一啖都食到鮮味。

每次公幹完返香港、一等到個QR code轉返藍色就第一時間都去食好嘢補返數😀尤其係有朋自遠方來(有啲外國朋友，佢哋原本唔鍾意食中菜嘅) 食完之後居然改晒口 😂我就係帶佢哋去我嘅灣仔最愛食肆 #李公館 食點心同埋食晚飯啦 😋自從我知道馮係一至四晚飯容易book位之後、我就尊攻呢個時間去👍如果週末去要預早book位、唔好揀午飯時候打電話去、因為佢哋好繁忙、通常我都係2:30之後/晚飯之前打電話訂枱。其實我最鍾意少啲客人時段去、服務更加貼心😂食物從來都冇令我失望、成日有新菜式推出 🤩價錢相對食物品質 & 賣相真係絕對合理嘅 👌

完全無諗住做街客生意，電話打2日都可以唔通，一係直接call線， 一係長響唔停，早午晚打去都未通過。焗住要食飯日子早到試walk in, 全場連walk in 位都無，既然唔係做街客生意，不如直接轉做私房菜，不知所謂！勉為其難俾到枱都話要40分鐘交枱，食快餐廳都坐得耐過佢。係咪想食時要日日親身到場book定幾日後食先有機會？問有無公司手提，起碼WhatsApp有個回覆都好，都係無！呢種安排差到就算未試過，都唔會想再俾機會佢！