李公館

營業中

休息中

李公館Lee House Restaurant -🥢灣仔高質早茶🫖放假🫶🏻難得早餐都過海搵食，問下朋友港島有咩好食又好坐既飲茶🫖，俾我放慢享受下🤓✨於是喺一邊睇住Google Map🗺️一路蕩失路嚟到朋友推薦既<李公館> 一出lift見到門面有古色古香嘅唱機，入面裝修都好特別，有個 綠色‘假寶玉’ 拱門既小偏廳房，主廳仲有兩個圓形金魚缸VIP位🤓好想搵次坐下入去困住食嘢🤣我好鍾意個茶壺🫖好得意，長幼嘴容易控制出水冇咁易倒瀉☺️★ 碧綠活剝蝦餃皇🦐 $42作為一個渴左飲中茶好耐既人，蝦餃燒賣唔少得🤣🫶🏻蝦餃皮唔知係咪配合舖頭主題色，所以係綠色皮☺️蝦肉大大粒爽口嘅好味😋★ 原蝦鮑螺片燒賣皇 $42粒蝦大隻，有少少甜味，鮑螺片鋪面賣相好好👍🏻咬開仲有少少肉汁😋★ 酸梅排骨蒸陳村粉$34好味😋但相對比較普通，同平時食開既分別唔太大★ 惹味厚切茄子 $36茄子茄子🍆識得有朋友怕食但我由細到大都鍾意❤️茄子過油後炸到外酥內軟，咬開仲識出水但外面脆香🥢用茄子喺個醬入面翻滾沾滿醬汁後食😋微酸甜味同蒜蓉味足，正★ 脆脆野菌腸 $36腸粉皮包住既脆脆， 今次又外軟內酥🤣媽～我好亂啊，仲要我發現用

上星期一約咗朋友飲茶，食過李公館晚飯，今次試下佢既點心。叫咗我最鍾意食嘅蝦餃，綠色外皮好有趣，同市面蝦餃唔一樣，彈牙，正。驚喜係個綠色春捲，初時見到又係綠色有啲擔心，同埋皮蛋薑配搭奇怪，朋友仔都覺得好食。最滿意係喇沙蝦腸，喇沙同腸粉既組合非常夾，有新鮮感。其他燒賣、糯米包、鮮竹卷果d都唔錯。最後叫咗鮑汁雞腳，唔錯，又焾又入味。3個人淨食點心已經好飽， 連糖水都食唔落。性價比高，會再幫襯試埋佢嘅粉麵飯。

食晏時間途經灣仔，友人介绍李公館茶市点心不錯，抱着一試無妨的心態上去睇下。望見張點心紙，也頗多選擇，還有假曰期間限定，有祈望!我們一口氣叫了八個点心，隨了友人指訂的例牌 ;: 排骨和午肉，我就梗係著重假曰期間限定喇，同大家分享吓!子薑皮旦脆蝦巻 - 脆脆外層，入面夾着子薑和皮旦，口感很好。鳳吞黃金煎米鸡 - 友人話未試過，因為糯来雞好少煎黎食，味道不錯!黑松露鵪鶉蛋燒賣 -  一食落去好豐富和好香冬菇味佢地有個馬來喇沙鮮蝦腸，好野味，夠特别另外有兩個甜品也藉得推荐 - 宮庭拉花糕及懷舊芝麻巻 - 這裡的芝麻卷很香軟，就算凍了也不會變硬，跟外面的酒樓不同。近年在疫情下，有很多酒楼或舊式茶居結業。想食到精緻點心亦買少見少，難得李公館仍然维持其食品質數，平情而論，值得讚賞

基本感想：冇乜特別呢間餐廳都算幾犀利，屹立不倒開咗都一段時間疫情下經營餐廳實在艱難人手不足，但係服務態度算係咁啦好難得有班熟客叫咗啲點心同炒麵唔係難食，但係味精重手咗少少同埋啲嘢都幾油膩食完之後個喉嚨都幾乾

昨天又再encore李公館, 早前介紹左幾道心機手工菜, 今期真心推介多呢3款, 超好味, 芥末蟹杍沙律好清爽, 白色蟹杍老闆話由日本運到, 香港無得買, 連好多日本人都未食過, 確實珍貴, 另外炸桶蠔, 好大隻, 唔油膩, 唔似一般大排檔咁油多過肉, 最後重點推介, 柚子蜜鮑魚, 上菜時好似罿身雲霧間, 好特別上菜前奏, 簡直係視覺享受.  食得好開心,  之後食埋甜品- 坊間好難食到蓮蓉西米布甸, 為全晚豐富晚宴畫上句號. 下次一定會再光臨, 多謝老闆好介紹.  ^_^ !!! 

屋企人唔係好鍾意去一啲集團式經營嘅菜館.. 喜歡去小店幫襯～ 見疫情唔算嚴重，佢哋又啱啱打唒3針，於是就揀咗李公館度食晚飯慶祝吓父親節😋本身有心理準備預咗大事大節食物服務會大打折扣，比預期有驚喜🤩 侍應招呼週到～ 好樂意介紹新菜式.. @椒鹽豆腐小朋友好鍾意食脆口嘢，外皮卜卜脆呢個啱哂佢食到唔停得口😂@蟶子蒸糯米飯爸爸喜歡吃海鮮所以特別向老闆預訂咗呢個，蟶子大大隻味道鮮甜肥美😋，糯米粒粒分明，灑上滿滿的香蔥，食後好滿足😍.. @冰鎮咕嚕肉小朋友好喜歡呢個咕嚕肉，酸酸甜甜咁，外面脆卜卜，裡面熱辣辣，小朋友表示好想添多碗飯😂@西蘭花🥦炒帶子帶子大大粒小朋友好鍾意食， 因為爸爸牙齒唔好，預先要求佢煮淋D，小朋友大人都食得好滿意😆

昨晚與3位朋友到李公館飯聚, 朋友是熟客, 她點了8遁菜, 道道菜都是手工同心機菜, 好精緻, 睇得出廚師係好比心機做每道菜, 無論係味覺同視覺都是最好享受. 宜家坊間搵一些有心機既食肆確實有難度, 而且價錢仲非常合理, 老闆又nice  ! 值得推介, 會再Encore.  

晚市開放後第一次8人聚餐，選了新派粵菜，地方不算大，裝修別緻。先來兩個前菜，蒜蓉青瓜和陳醋雲耳海蜇，青瓜爽脆，雲耳海蜇醋香入味。主菜點了1.炸子雞🐔茶葉薰雞各半只，都幾好味，兩種雞味道差不多，煙薰雞只是多了些炸茶葉 。🙃2.帶子炒蛋，好食，炒得嫩滑。👍3.鮮魷蝦幹炒蒜苗，足料之作，稍鹹。4.海鮮雜菜煲，好大一煲，材料新鮮，均衡葷素。5.招牌冰鎮咕嚕肉，好誇張的一大盆，大量冰塊圍鎮住鮮色的咕嚕肉，吸睛之作。😘6.各式甜品，中規中舉，不太甜。👌

實在係太嬲！！！今日中午已經用外賣APP訂夜晚7點外賣自取。明明已經接受左張單，諗住坐定定等夠鐘。點知去到6點幾收到外賣APP email話！取消！我張單，仲要無任何解釋！！！！！仲要我特登打電話過去問，先話太忙所以取消我張單！！！！如果預左太忙唔接單可以早d取消我張單或者索性唔接單，唔係等到六點，突然發現做唔切先取消！要人臨急臨忙再去搵第二間餐廳！！！差差差差差評！！！！！！！！！

今年新年疫情下又無晚市啦😩照舊訂番個《李公館》盆菜🍲開年飯😋上年一班朋友食過都超讚今年叫我一定要再encore👏🏻👏🏻天氣咁凍🥶係屋企煲煲吓最暖☺賣相滿滿🍲盤滿缽滿💰材料又多又好味鮑魚+🦐+冬菇🍄+蓮藕+豬手+瑤柱+🦪+支竹+🥦🥬+魚蛋。。太多唔記得哂仲有咩剩係記得無豬皮架，全部魚肚我超鍾意食魚肚吸哂啲鮑汁超入味💁🏼‍♀️嘴刁朋友依然大讚今年又有朋友超勁親手生炒糯米飯加埋呢個盆菜非常滿足啦🥰

今次係👶🏻神徒朋友仔生日安排係李公館午餐自己都覺得好有驚喜👼🏻教主版既冰鎮咕嚕肉好鬼靚，多謝老闆手繪Q版教主咕嚕水準依然外脆無肥肉好好食😋🌴荔枝樹🌴上枱不得了，😂咁多位little anson 要排住隊打卡📸，賣相吸晴，咬落口脆卜卜，原來係墨魚🦑丸脆米配上荔枝汁🙈不過我地食哂落肚先發現有荔枝汁配🤣🐑羊腩煲🙃第一次lunch食羊腩煲🤣壽星女咩玩法😝羊腩超淋好好食👍🏻超抵食呀，而家出去茶餐廳都成二、三百元2人煲，呢度二百幾元仲要羊腩唔小，我仲買多左個外帶拎走返屋企食，有真空包裝拎超方便。🙈跟住我地仲叫左好多點心都超讚👍🏻👍🏻豆腐粒好食到神徒們不停重複又重複豆腐好好食真係好好食呢🤣🤣多謝老闆安排Q版教主咕嚕肉😆今次呢個神徒生日會安排得非常好🙏🏻🙏🏻最緊係要包廂比我地慢慢玩人數岩岩好我地照足規矩打哂針架🙌🏻好彩有房🙈我地真係好嘈架嘛🙉大家仲要約定神徒們每個月要上李公館包房開會🤣🤣🤣

食物擺盤好有心機，荔枝及冰鎮咕嚕肉（特別版）好有型，個豬肺湯好好飲，好有杏仁味，錯品都ok，特別係焗西米布甸，質素都不錯，值得推介，係職員不足，揾佢地招呼不太易🥲

我哋訂咗杏汁豬肺湯脆皮茶燻雞和冰鎮咕嚕肉。 可以感受到豬肺湯(忘記影相)內的杏仁是生磨的。脆皮茶燻雞肉質鮮嫩。胡椒粉絲湯浸皇帝蜆，我食嗰幾隻蜆都很乾淨，沒有沙。湯頗辛口。薑汁芥蘭冰鎮咕嚕肉賣相一流不過啲冰最好再凍啲。因為出水後，會令到咕嚕肉冇咁脆口。 啲士多啤梨和柑仔有一層糖漿包住，賣相好看，色味俱全。啲蟹汁滲透烏冬，所以烏冬味道非常出色！咖哩脆皮牛腩是日飯後甜品有：黑芝麻糕、班蘭糕、桃膠雪耳露、焗西米布甸，全部都不太甜，啱曬我哋啲口味。 當晚服務都很好，不停有人來加水。最搞笑係我哋食完飯叫咗好多甜品，個侍應碌大隻眼望住我哋，以為聽錯。最後補鑊話女士係有多個胃食甜品

前菜芽菜:醃得好好味，辣辣地好開胃炸片頭$48:賣相平平無奇，片頭勁彈牙，外層微煎好香口麻辣八爪魚$68:麻辣中帶點東南亞香草味，正咖喱脆皮一口牛腩 $168: 食懶比較大件既，變左一口感覺比較膩，脆漿薄咖喱香既海苔香酥鮮魷$138:一上台勁香海苔味，鮮魷大件又爽口，超正米皇煮皇帝蜆 $168: 熱辣辣上枱，「湯」好鮮又有杞子，好暖胃荔枝樹$218: 一上台停不了相機食先，賣相確實冇得彈，鮮紅色「荔枝」一粒粒飽滿，咬落脆卜卜，內裡卻是彈牙的墨魚肉，加上醬汁，簡直以為自己在吃真的荔枝甜品椰汁雪耳桃膠$34夠晒滋潤焗蓮蓉西米布甸$38 少有中式甜品，朋友好滿意陳皮紅豆沙湯丸$30 淡淡陳皮香，紅豆起沙，正

食物OK荔枝樹有驚喜，淨食係普通墨魚膠，個汁有荔枝味，好好味炸豆腐好味冰鎭咕嚕肉好食，不過要快食，趁熱食茶燻雞，無咩茶燻味服務差Book枱已經訂咗浮誇版咕嚕肉前一日reconfirm booking 佢哋先發現無mark再mark返到食飯當日，依然俾返個普通版俾我6半入坐食到7點15左右食到9成叫定甜品枱面仲有野食以為佢換碟點知收走哂d餐具（係急住收）連普通酒樓都唔係咁收1600俾二千蚊當1500咁收仲態度差