杉玉 (荃新天地)

營業中

休息中

意外行過見到又想食日本野,價錢都唔貴，晏就$80-130一個餐壽司塊肉大大舊，味道鮮甜，十貫都食到飽多左個烏東就正常味吃左個枝豆,煮同燒既時間岩岩好，正整體黎講，100蚊左右一個lunch,味道超晒班，抵食過壽司郎

原來而家杉玉做緊生日優惠‼️(不過只限正日🤥) 平日仲有happy hour半價優惠 冇諗過日本餐廳都會呢啲慶生優惠🫢 仲要有即影即有服務😂📸─ ⊹ ⊱ what we had ⊰ ⊹ ─ᡣ𐭩 鹽荔枝西柚梳打酒- 4 / 5 $24 (50% OFF)ᡣ𐭩 赤蝦蜆肉滿滿紙火鍋 - 4 / 5 $96 🉐 第一次喺香港食紙火鍋 有日本嘅感覺 🇯🇵 ᡣ𐭩 燒三文魚腩- 4.5 / 5 $34 🉐 三文魚油好香 魚皮煎得香脆😋😋ᡣ𐭩 甘鯛一夜干 - 4.5 / 5 $38 🉐 鍾意食魚嘅朋友一定要嗌呢個 魚肉晶瑩剔透 好鮮甜ᡣ𐭩 蔥花吞拿魚冷豆腐 - 3.5 / 5 $28ᡣ𐭩 海上鮮島 $68 - 4 / 5 🉐 cp值高ᡣ𐭩 三文魚帆立貝刺身盛 - 3 / 5 $ 88 呢個比較普通 壽司郎好食啲🤥─ ⊹ ⊱ tldr ⊰ ⊹ ─呢兩個優惠幾抵 嚟緊九月生日可以帶朋友嚟食🤭 食物質素都對得住價錢味道: 4 / 5價錢: $ 100-200 pp服務: 4 / 5 (適合慶祝生日) (荃灣店服務幾好🤭)環境: 4 / 5cp value: 4 / 5re-visit: はい~

下午時間，朋友想食日本野，咁啱行到尼呢間，所以試下，Open Rice睇以為好多選擇，仲見有兒童套餐。入到去要掃Qr code自己落單，發現選擇好少😅同埋唔見兒童套餐，可能晚餐先有呱，單點既壽司亦好少款式，同埋覺得單點偏貴，唔抵食，另外套餐可以追加烏冬，雖然烏冬份量有啲少，大概夠一個小朋友食，味道都唔錯；咁啱撞正有生日優惠，follow佢地既fb或ig有野送，不過必須要生日正日，好彩朋友既小孩係正日，所以送到，都幾開心既，有張即影即有送埋😉食物質素覺得唔錯既，都幾新鮮，上菜速度快同埋擺盤靚，飯既份量仲可以選擇少、正常、多，呢個係幾貼心既；但唔知點解個麵豉湯有啲苦味同燒焦味….好奇怪，飲左幾啖就冇飲….如果多返多啲選擇可能會再起食。

第一次試超人氣壽司店- 壽司郎名下既居酒屋, 收工過黎唔洗等位!! 重點MENU 既設計同係日本既居酒屋差不多, 見到都覺得興奮好多款式可以選擇, 開心過去食壽司郎WOR!原來直到7點都有HAPPY HOUR, 飲品有半價呀! 即刻嗌返2杯唔好蝕~!!呢個真心推介有驚喜~!!魚子醬+吞拿魚 底下有壽司飯, 睇落好似幾高級WOR, 邊敢相信佢只係值$38!! 嗌黎打卡都抵呀!炸池魚實物比圖片大, 剛炸好拎出黎, 外脆內軟, 炸到可以連埋條尾食, 如果加沙律醬應該仲好食呢~~! 山藥海鰻壽司呢樣平時壽司郎都未見過,好特別因為我自己好鐘意食海鰻, 同時又好鐘意食山藥其實無諗過可以將兩樣夾埋一齊, 意外地又幾夾!催淚壽司呀!呢個要小心呀! 因為MENU無簡介…睇落張相幾吸引原來… 催淚既意思係爆多WASABI呀!!!中左伏….辣死左

話係話壽司郎居酒屋，但裝修好靚。兩個人去食俾咗張八人枱，仲要係包廂。所有碗碟杯好有質量。嗌咗兩個lunch set 三文魚丼同壽司拼盤，分量唔少，食完都幾飽下。計番仲平過平時去壽司郎食，幾抵！

食物質素不錯，價格適中，部分菜式亦有驚喜。不過落單系統頗為混亂，雖然頭一兩張單食物正常送到枱，但後面啲單基本上每道菜都漏單，仲要唔止漏一次⋯⋯明明係用手提落單，唔應該keep住錯，下下都要問，食到好攰，體驗不佳⋯

見壽司郎開咗居酒屋咁耐，我都未試過，今日就去試吓，體驗都唔錯，因為唔使排隊，質素都幾好，價錢亦都唔貴🍽️ $118 布袋 14貫包括：吞拿魚赤身三文魚生八爪魚熟蝦魷魚玉子燒帆立貝海饅甜蝦池魚鰈魚鰭邊鹽醋漬鯖魚蔥花吞拿魚腐皮壽司14貫係男仔胃都好夠食～仲要實物同餐牌張相係一樣樣，非常難得

Sushiro間唔時都會食下，佢既居酒屋就相對少食，主要係性價比原因。今天晚上下班難得早下班，就決定多花點錢來杉玉，希望不令我失望。可能係因為閒日關係，是不需要排隊，很快就有機會位了。主要都是用QR 下單1. 全吞宴 - 兩件赤身、一件魚碎軍艦、兩件TORO同埋一件灸燒。好新鮮，相比Sushiro既更好味。2. 赤蝦蜆肉滿滿紙火鍋 - 個麵豉湯鮮甜好好飲，赤蝦同湯分開上，蝦都係剥好的，一放落湯煮一陣就可以食。3. 香蔥醋漬鯖魚 - 蔥充滿蓋在鯖魚上，稍嫌咸了一點。4. 四點刺身盛 ［特大帆立貝］- 共有八件，非常新鮮，厚度適中。5. 淚崩三文鮮島 - 四件飯卷上舖上滿滿的三文魚，魚籽及牛油果。感覺不俗。6. 鯛魚湯蜆肉拉麵 - 跟Sushiro 能叫的拉麵質素差不多。7. 厚切伊比利豬 - 大概有六舊左右，但較肥而且都是較冰冷。相信需要連熱麵一起吃較好

聽講之前灣仔開咗第一間之後都好想試下，一直只係幫襯壽司郎迴轉壽司，對佢嘅居酒屋野食有所期待😗。尋晚去荃灣大會堂睇jazz show, 6點幾仲有少少時間就好快去隔籬商場搵嘢食，未到晚飯時間見到杉玉仲有位可以walkin 就試吓🤓。環境正常坐得舒服，staff好積極介紹食物同sake, 例如你鍾意甜身酒/碳酸佢都好熟悉地向你介紹👍🏼👍🏼👍🏼，服務態度唔錯亦好客氣。手機落單，食物種類有好多，壽司/刺身都有set或者自選拼盤，而居酒屋必有嘅送酒前菜、燒物、天婦羅、炸串都有好多款式選擇，熟食大部份$28-48不等，呢個價錢性價比都唔錯🤡。🤤🤤今次叫咗一個刺身拼盤，有油甘魚/鯛魚/帆立貝/赤身，一貫壽司郎水準正常新鮮好味；自選壽司三款揀左油甘魚/小肌/深海池魚👍🏼，揀咗啲都係時令食材；熟食叫左雜錦天婦羅拼盤，四件有炸蝦/魷魚/甜薯/矮瓜，配綠茶粉同海鹽好食；另外叫咗炸串，有鵪鶉蛋/雞肉/炸蠔，個炸粉好薄好好食，配埋個炸物專用醋汁，如果有更多炸串種類選擇會更完美🌟🌟🌟。繁忙時間限時90分鐘，食完7:30呢個時候就full House ，出面有少少人等位，期待再下一次試吓其他菜式😬。

我地一行6人攞飛，排第二！ 目測當時只有1枱6人枱，另有2-3枱兩位枱。 我地等左大半個鐘，櫃枱服務員不斷入2人/4人枱。 直到我地向該服務員提出，幾時先會安排6人枱？ 她只好死死地氣留左1張4人枱，等隔離2人枱客人用餐完畢，先安排第一張6人枱入座。 當期時已經係入咗3-4張2-4人枱。 時間已經過咗25分鐘。再等多10分鐘，我地再問服務員幾時先安排6人枱，服務員超級無禮貌，仲話等果枱4人枱完咪到你地。態度極為惡劣！ 但其實外邊唔算多人排隊！完全明白，點解香港人會喜歡北上/日本食野，有啲問題係根本問題！最後，我地一行6人過隔離服務好好的餐廳，唔會再幫襯荃灣彬玉！

壽司郎就話成日聽姐～原來壽司郎開咗間居酒屋呀🏮即刻要去try try😋🌟最推薦🌟豪爽大切三文魚壽司🍣舊三文魚好肥美，食落去d油脂好好味😋經典布甸配雲呢拿雪糕🍦經典布甸係平時日本好出名個隻布甸🍮加埋個雲呢拿雪糕一齊食，個雪糕好香雲呢拿味，入口後仲會有陣雲呢拿餘香😋𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️⭐️𝘗𝘳𝘪𝘤𝘦:⭐️⭐️⭐️⭐️𝘌𝘯𝘤𝘰𝘳𝘦:⭐️⭐️⭐️

第一次試這間「杉玉」。 其實我都沒有試過堂食壽司郎（之前都是因為太多人排隊的關係，所以都只買過外賣壽司食）。今次算是第一次堂食，不過，我又不想食生野，所以便選了熟食午餐。（牛肉烏冬配茶碗蒸，天婦羅）。而友人便點了「鯛魚湯拉麵定食」。先來一個牛肉烏冬，第一口食個牛肉，比想像中好食，好有牛肉味，不錯👍🏻！烏冬正常，湯底算好夠味！讚！而我配以幾款天婦羅（包括番薯，魷魚，蝦，茄子，魚）。份量都很足！但，可惜的是，炸不透，天婦羅好油！因此我用了好多紙巾吸了好多油出嚟。🥲。魚的味道偏淡，蝦ok! 番薯🍠不夠甜，但都可以接受。至於個「茶配蒸」都有驚喜！湯底好味！有蝦，有帶子，有少少肉粒，有一隻蜆！但，見到個蛋有「泡泡」，不夠滑！但食落口，仍然可以接受。壽司方面，整體算不錯👌！鯛魚湯拉麵，個湯底十分之濃郁！好味😋！最後點了一甜點🍮（Catalana)卡達拉娜，似是焦糖布甸🍮咁。但內部是凍，是少少實實地。質感好厚實。還可以😌！

今日本身諗住食楚撚x 點知無book walkin 去要等到10點，算，大約18:45一行8人行到去呢間野，一個人都無，見到係壽司郎副line 又寫居酒屋。ok 去試下。人均消費300幾 係好抵既睇價錢食居酒屋但食物真係完全唔掂完全係無味 無鮮味 無腥味 真係講唔出自己食左d 咩有炸物提供既，但無消物真係唔知點解叫居酒屋感覺尋日同美斯無落場踢波無分別不過佢無落場唔關我事 因為我無俾錢但呢間居酒屋我勸佢不如改番名真係無下次

一直都知壽司郎有居酒屋，但一直未有機會試。今日要出荃灣做野經過就去試試，可能因為是平日時段，人流不多。雖然是居酒屋，但中午有提供午餐套餐。今日叫了一個價格HKD98，套餐包括了十貫壽司和一碗迷你湯烏冬。這居酒屋的壽司明顯係比一般壽司郎用的材料新鮮。特別推薦他們的吞拿魚壽司和三文魚壽司，魚肉鮮美。除了壽司，套餐還附帶了一碗迷你湯烏冬。湯底清澈，味道鮮美，烏冬彈牙可口。湯裡還加入了一些天婦羅碎和香蔥，增添了口感和層次感。小總結❤️❤️❤️📌精緻版壽司郎📌唔洗等可一試

2023年最後一日同外父外母慶祝除夕夜去咗荃新天地嘅衫玉食壽司慶祝小食羅勒蒜香橄欖油煮魷魚🦑蕃茄🍅再加一個拌麵 ($76)個份量比想像中少，但係味道方面意想不到地啲橄欖油同個拌麵🍜係幾夾嘅炸池魚 ($38)同壽司郎一樣都係一如既往嘅好食主食我哋嗌咗期間限定嘅海鮮紙火鍋加8蚊烏冬 ($146)佢個湯底都幾清淡，兩片寒鰤魚好鮮甜，BB都可以試少少，但相對地其他海鮮同蔬菜就比較平凡並玉盛盒 ($88)我哋原本以為都係同壽司郎嘅質素一樣，但係出乎意料之外佢哋係比壽司郎好食嘅。魚肉本身都比較厚的，而壽司嘅醋飯都係睇得出個製法係有分別。所以前前後後我哋order左三個🍱除夕夜四個人加埋五百零蚊，我哋都覺得係幾抵食