杉玉 (荃新天地)

-夜晚路過荃灣，但又唔知食咩，壽司郎又太多人，最後揀咗杉玉，見到人人都推薦薯仔沙律，打卡幾靚，入面只係海苔、薯蓉再撈埋半熟蛋黃，簡單嚟講就係紫菜薯蓉，正正常常啦舟盛就有好多唔同類型嘅刺身同埋玉子燒，有三文魚子、吞拿魚、三文魚、油甘魚，都係午市嘅舟盛丼比較抵食冰綠茶就係正常日本居酒屋嘅綠茶味道天婦羅有蝦魷魚茄子番薯，比較特別嘅就係佢配以抹茶粉嚟點，個人覺得都係冇咩特別茶碗蒸有三文魚子喺表面裝飾，但正常茶碗蒸味道可爾必思梳打都係正正常常，比起凍抹茶甜好多海洋島嶼都係一碟嘅刺身，有中吞拿魚腩、吞拿魚蓉、三文魚子、三文魚、同埋赤蝦，食落新鮮性價比唔錯厚切滿滿壽司盛，呢個值得一叫，每件壽司都切到好厚，每一啖都係大滿足，特別係中吞拿魚腩同埋鰻魚，超好食，而且夠厚又有口感又大件極上鰻魚壽司，係因為我食咗切覺得杉玉嘅鰻魚比壽司郎好食好多，三款鰻魚我都覺得好好食卡達拉娜同壽司郎唔同嘅就係佢會即時用一支火槍燒俾你，不過現場燒除咗打卡方便之外，仲焦糖燶過壽司郎嘅卡達拉娜😅整體嚟講食午市都已經足夠，晚餐只有壽司set會比較抵食🫠-▶︎杉玉薯仔沙律 | $48▶︎杉玉號絕品舟盛 | $158▶︎特濃冰綠茶 | $20▶︎超滿足天婦羅盛合【蝦、魷魚、茄子、番薯】 | $38▶︎大啖滿足茶碗蒸 | $28▶︎荔枝×乳酸(可爾必思)梳打 | $24▶︎海洋島嶼 | $68▶︎厚厚厚切滿滿壽司盛 | $125中吞拿魚腩/吞拿魚/三文魚/油甘魚/鰻魚▶︎極上鰻魚壽司3貫 | $45配灸燒鮟鱇魚乾、配半溶牛油、配醃蘿蔔和忌廉芝士▶︎卡達拉娜 | $28-📌#sorriso_荃灣 #sorriso_荃灣區-🏠【杉玉 Sugidama】📍荃灣楊屋道1號荃新天地地下G72, G73 及 G75B號舖🕑星期一至四 11:00 - 22:30 星期五至六 11:00 - 23:00 星期日 11:00 - 22:30-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #基灣美食…查看更多

其實一直都唔知壽司郎旗下有居酒屋系列，純粹見到佢有個身份證優惠-$50就諗住順便食。佢就係食物擺盆靚啲、環境坐得舒服。8點幾食完都見門外一大班人排隊！🍣並玉盛合 $93💫 7/10整體覺得普通，冇話好WOW，係比壽司郎質素好D嘅，但係咪咁大差別就唔係！一共7件壽司，壽司飯散Ｄ已調味，帶子甜嘅，三文魚、吞拿魚都唔錯！🍱原條海鰻海鮮丼 $148💫 7.5/10上枱都覺得好唔錯，海鰻有輕輕燒過下，油脂剛好又幾甜，好食！明顯刺身會比叫盛合大件同肥美。三文魚腩幾油潤，甜蝦還好唔夠鮮甜。吞拿魚中等，帶子、海膽、三文魚子都合格。但佢原來個底係提高左，傻位好少，好快到底。如果細食/女仔還好，男人應該唔夠食。🍜乾海老蜆肉拌烏冬 $38 💫 8/10雖然係普通野，但出黎鳥冬個味道、口感都唔錯，好多蝦仔撈埋都幾正，仲有十幾隻蜆仔，冇沙幾鮮甜都飽滿，呢個價錢幾抵食。總結：我個人更比較喜歡壽事郎，款式種類更多。原條海鰻海鮮丼好食但份較細，呢個價錢以丼飯黎講預期會飽肚。 …查看更多

杉玉坐落於荃新天地低層，佔地面積較大所以餐廳環境寬敞，坐得好舒服。午市時間來有午市套餐，價錢比較相宜。舟盛丼-$128刺身併盤配醋飯，可作為「海鮮丼】或「刺身定食」享用。刺身種類多，份量都唔少，望落色澤唔錯，入口鮮甜，有魚油脂香，質素幾好👍🏻唯略嫌醋飯酸左少少壽司併盤十貫配牛肉湯烏冬魚生一樣係好鮮甜，size都唔細，其實淨係食壽司都夠飽。牛肉湯烏冬細細碗，好濃嘅鰹魚湯，烏冬都好煙韌彈牙。白子刺身單點咗一份白子刺身，入口Creamy唔會有腥味，帶有淡淡嘅鮮甜。…查看更多

今日一收工就衝到壽司郎門口 但係見條龍長到打曬蛇餅🐍心諗：唔通又要食閉門羹？誤打誤撞避開人潮試下壽司郎旗下居酒屋——「📍杉玉」啦~【 炙燒海膽牛油鮟鱇魚肝壽司🍣】一啖咬落去 雙眼即刻發光✨鮟鱇魚肝經火槍炙燒後逼出澎湃油脂香 入口似濃縮版鵝肝醬 綿密到化開😂面頭鋪滿北海道海膽 鮮甜creamy 仲撒咗爆汁三文魚籽同金箔 鹹鮮撞奶香 邪惡感爆燈💡最驚喜係完全冇魚腥 反而有股淡淡牛油焦香 漬柚子啫喱🍊輕輕一點 酸香吊出層次👌【鰻魚玉子燒🍳】上枱仲震騰騰 筷子一篤——超！級！彈！好似布甸咁duang~duang~🤭蛋液混咗鰹魚高湯同清酒 蒸到啱好凝固 中間塞滿炭燒鰻魚碎 淋滿關西風濃甜鰻汁 一啖蛋香一啖魚脂 超滿足！😍【特大珍寶生蚝配他他醬🦪】炸蠔大過乒乓球🏓脆皮灑滿山椒粉蘸埋他他醬酸辣醒胃外層脆到飛起 蠔肉分三層：表層酥脆、底層肥嫩爆汁 但中間肉質偏韌...似未徹底解凍？🤔建議趁熱5分鐘KO 凍咗油感會翻倍【炸池魚🍤】成條池魚連骨炸到金黃 拎上手似巨型梳打餅🍘撒滿山椒粉同七味粉 鹹辣惹味到停唔到口 最正係魚脊骨位 脆到可以直接嚼碎吞落肚😈【超滿足炙燒盛🐟】海鰻✨：醬燒甜香撲鼻 魚皮焦脆帶膠質 肉厚無骨！三文魚🍣：魚油被醋飯嘅黑醋香平衡 入口即溶鹽醋漬鯖魚🌊：腥味突襲！醋漬未壓住魚腥 怕腥人士請繞道❌…查看更多

一直都好想試壽司郎嘅居酒屋今次終於去試啦！😍🍣先來總結整體味道真心唔錯！壽司質素升級，超多款式有海膽同魚子醬，豪華感滿分！不過選擇略為少咗啲，熱食有驚喜，大部分食身喺壽司郎都無供應！所以都值得一試！ 稱霸四海海苔包呢個真係星級之選！有吞拿魚、三文魚子同魚子醬，入口即係一個「豪」字！🌟 海苔包住豐富餡料，味道同口感都好有層次，絕對係必點！🥓 伊比利豚肉一碟五片，燒到外脆內嫩，油脂香氣一咬即爆！😋 每片都充滿肉汁，食完好滿足，鍾意燒肉嘅朋友唔好錯過！🌽 粟米天婦羅呢個真係意想不到嘅驚喜！粟米炸得香脆，仲可以點咖喱粉或鹽。個人大推咖喱粉，香辣味同粟米甜味超夾，食到停唔落口！因為太肚餓，後面嘅食物冇影到相！📸 但以居酒屋黎講，杉玉嘅食物水準真心唔錯，環境同味道都畀到你一個滿足嘅晚餐體驗！…查看更多

我沒有吃過壽司郎，也是第一次吃「杉玉」，味道不過不失，一人157元，午餐來說，有點貴。叫了「布袋」定食，14件壽司，配味噌湯，熱茶，加了$25有鏗魚湯拉麪。拉麪先上，份量不多，配壽司剛好。麪的口感不錯，也有很多蔥，很合我的胃口。他們也布腐皮烏冬可選擇。壽司不過不失，每樣都可以試一試，是滿足的。大部分食材也有一點鮮味的👍🏻繼續努力差不多下午一時入座，約有一半入座率，不用等位👍🏻👍🏻👍🏻👍🏻…查看更多

喺Happy hour時段嗌咗杯【西柚梳打酒】同【鮮榨檸檬梳打】，真係會上半個檸檬俾你自己榨，成件事幾頂癮，至於炸到幾多汁就靠你自己喇😂【生松葉蟹腳壽司】💰33 1件【鰻魚玉子中太卷壽司】💰38 4件【炙燒鮟鱇魚乾伴柚子醋啫喱】💰38平時比較少食鮟鱇魚乾，撈埋柚子醋冇咁鹹，都幾開胃！【王道壽司組合：海鰻+三文魚文+鹽醋漬鯖魚】💰33刺身同飯都好大嚿😂【赤蝦紙火鍋】連埋幾嚿豆腐，野菜、蜆肉。價錢進取，唔係太抵食二人枱好細張，嗌晒上面嘅嘢完全唔夠位擺，如果唔使排隊可以試吓，要排隊都係去返壽司郎😂…查看更多

試過黃埔分店嘅下午茶，中規中矩，但坐得舒服，唔趕你走😬荃灣都係因為朋友鍾意食壽司，又唔使等位 。都冇諗過同壽司郞比較，但係都唔會差咁遠個樣幾得意，但唔特別好食。海苔包住薯蓉、半熟蛋黃。撈埋一齊食，微酸，有少少草青味，食落仲有少少薯仔粒。青瓜卷上面有蟹籽、三文魚、牛油果粒。顏色吸引，冇乜特別。吞拿魚睇落唔夠新鮮，只得葱三文魚蓉嗰件較好。熟壽司好食啲。最差，用三塊有邊嘅三文魚切成，有腥味冇魚味，仲有根食咗一嚿就放棄魚、蝦、魷魚、茄子，正正常常，炸粉唔太多，亦冇食到成口油。魚湯較淡，勝在麵質爽口、蜆肉冇沙。炸粉唔厚，雞肉算嫩，但唔入味。味道偏淡，只係多咗啲三文魚籽同埋個碗靚啲。總括嚟講，冇一樣食物係出色嘅:(。我哋6:55坐低，侍應冇話畀我哋知7點前酒水半價，到6:59才有人搖鈴提醒食客，1分鐘都趕唔切落單，不如唔好提…查看更多

「杉玉」為壽司郎旗下既居酒屋，走親民抵食路線，今日做完野就過去Happy Hour鮮榨橙汁梳打酒有半個新鮮橙卑你自己揸橙汁，梳打酒加上橙汁，好fresh呀枝豆枝豆烚熟左好清甜，唔洗任何調味都好食池魚骨脆餅（半份）半份都唔少，每條魚骨都炸到好脆，送酒一流螢光魷魚醬油漬醬油漬本身都堅咸，又係好岩送酒既一款前菜杉玉薯仔沙律呢個薯仔波外面撒上青海苔粉同烘過既蝦乾，入面仲有蛋黃，味道都幾豐富並玉（盛合）有中拖羅、赤身、三文魚、油甘魚、墨魚、熟蝦、帆立貝 & 玉子 8貫壽司，壽司飯用上赤醋，魚生亦都新鮮魚子醬壽司用上圓鰭魚魚子醬，下面鋪上吞拿魚蓉 & 壽司飯，魚子醬味道帶咸，配埋吞拿魚蓉同壽司飯就可以中和返個咸味銀鱈魚西京燒銀鱈魚本身油脂較多，所以燒完都仲好嫩滑，而味道我就覺得淡左少少食物都唔錯，價錢真係好親民，平日5pm - 7pm Happy Hour 時段酒類做半價，真係好抵呀，早收工過黎飲返杯就岩晒…查看更多

聖誕節西式節日，當然就唔食西餐，杉玉越開越多分店，就趁大時大節試吓啦今次揀咗荃新天地嘅分店，訂咗6:00，餐廳都唔算多人，座位都幾闊落居酒屋當然要飲啤酒，叫咗兩個生啤套餐，一個跟薯仔沙律，另外一個跟天婦羅盛盒。薯仔沙律，值得推介，不單止賣相幾特別，味道都唔錯。天婦羅盛盒，唔記得咗影相，但係炸得都幾好，配紅鹽和抹茶鹽，食落都幾夾南蠻炸雞，炸粉就比較厚，食落就普普通通厚切伊比利豚肉，有小小煙熏味，食落幾香口，值得推介其餘壽司，我覺得普普通通，壽司飯比較散，特別係三文魚壽司，唔知點解三文魚肉質好淋，感覺唔係好新鮮整體而言，唔算抵食，杉玉係壽司為主嘅居酒屋，竟然連壽司都做得麻麻地，對佢有啲失望。所以試完今次，未必會再有下一次…查看更多

下午茶時段全場得3張檯有客，我想坐得舒服d表示想坐卡位，但係帶位個職員表示卡位係6人檯，2個人唔坐得，我問佢有冇人預約，職員表示冇人預約但個張係6人檯”喎”，同時間我見到隔離張卡位坐住一家大細共3位客，下午茶時間冇乜人，所以都有大量2人檯仔可以拍埋變大檯坐多過6個人，我睇唔到需要留起呢張6人檯既迫切性，只能話帶位都係一門藝術，全場咁吉既情況，第一張帶我坐門口，第二張帶我搭台，第三下拒絕我坐卡位，即刻飽曬唔洗食，再見永不幫襯，好多時d餐廳消失左，真係唔係餐廳唔好食🙂…查看更多

餐牌都幾豐富，有壽司有熟食，同埋都有唔少有新鮮感嘅items. 🍣壽司類：👌🏼金碧輝煌烏魚子鯛魚壽司 ：唔係特別食到烏魚子嘅味道，名字好grand 但味道正常冇咩特別。🥰 杉玉特製意式三文魚 ： 呢個好味，有麻油嘅香味又有少少醬油嘅味道，味道唔算濃烈得來但都惹味。😋 厚切油甘魚 ： 幾厚身同埋幾甜美，啖啖肉。☹️渾身是膽三文魚子軍艦：海膽唔OK，有浸噏味👌🏼豪華花之戀：正常味道，覺得個魚子醬冇豐富到咩味道。😋圓鰭魚魚子醬赤蝦壽司：都食到魚子醬嘅味道，呢個價位唔可以要求好高，係符合預期嘅味道。😣 炙燒海膽醬赤蝦壽司： 呢度嘅海膽唔OK，有浸up味🍤熟食/輕食類：🤔西班牙風蒜油煮雞腎：嚟到嘅時候熱辣辣，雞腎煮得太熟太燶，蒜油嘅蒜味唔特出。有啲硬硬地嘅法包片點吓油。🤔西班牙風蒜油煮帆立貝（配法包）： 帆立貝好細粒，味道正常冇咩特別。👌🏼無罪感輕爽沙律：沙律菜撈咗豉油醬油同檸檬汁。開頭食幾清爽，去到最後剩返啲豉油味道會比較鹹。👌🏼牛舌配關東煮蘿蔔：正常關東煮嘅味道，冇咩特別。❌杉玉薯仔沙律：呢個最唔掂。外型for 打卡，但係食落成浸酸薑味，好酸，再撈埋紫菜嘅味道。完全唔係預期中薯仔沙律嘅味道。雖然我鍾意有新意嘅味道，但呢個個味整得勁奇怪，唔OK。唔使點。總結：除左海膽同個薯仔沙律唔掂，其他都正常唔伏。環境： ★★★☆☆ 食物： ★★★☆☆ 性價比：★★★★☆ 推介度： ★★★☆☆…查看更多

🍴舟盛丼 $128 另收加一 (8/10)非常豐富刺身嘅種類有好多有吞拿魚刺身，三文魚腩，青魚？油甘魚，玉子，同埋吞拿魚肉！冇諗過平時最好食嘅吞拿魚赤身都好軟腍唔會有筯位，三文魚子勁多鮮甜，刺身新鮮好食，個飯係用咗紅醋去整，比較偏酸，有得叫多飯(300g)，我就係正常200g。推薦指數: 8/10午市套餐真心好食又抵食！…查看更多

午市百幾蚊食壽司食到飽，好抵食！茶碗蒸勁多料！職員有禮貌，環境舒適、食物新鮮、價錢實惠、招呼滿意！經常會嚟食晏，平日帶小朋友嚟有兒童餐選擇，兒童餐食物豐富，不錯的說！…查看更多

Sugidama (Citywalk)杉玉是壽司郎迴轉壽司店的副線，主打居酒屋料理，晚上來飲杯清酒食下炸物也是很好的選擇。吞拿魚是我最喜歡的魚生，點了「全吞宴」$108共有6件，有香蔥魚蓉的也有炙燒的，質量也不錯。「海陸峰會天婦羅」日式的炸物永遠都是薄薄的脆槳唔會搶了食物的味道。極上鰻魚壽司3貫是期間限定，有炙燒鮟鱇魚肝、半溶牛油、醃蘿蔔跟忌廉芝士，三種不同味道，魚肝濃香好好味。簡簡單單一個晚餐，下次一定要約同朋友一齊來飲番杯。…查看更多