札幌拉麵 Miso No.1 x 辛味屋

營業中

休息中

今次同上次一樣都係因為去開荷里活廣場睇戲所以喺度食埋晚餐，咁就啱啱好夠消費金額免停車場泊車費。.繼上次食完呢間，埋單嗰陣見到個二人套餐好抵，所以今次特登食返呢一間。.👉🏻二人套餐包括兩個飯或者麵，三個小食。我哋分別叫咗鰻魚飯、燒肉飯、芝士年糕、餃子、炸雞...突然間好想食牛肉飯，就叫咗呢個黎試，一黎到望佢個樣覺得好似都OK，應該都唔會太差冇味，食落去就覺得啲燒汁係好味既，但係啲牛肉係我食過咁多牛肉以黎最「鞋」既一個飯，失望！..呢個鰻魚飯係需要套餐另外加$10，雖然呢個水準都係一般般，鰻魚好淋，但係總好過燒肉飯。..套餐小食唔包呢個糖心蛋，係我另外加12蚊叫既，一邊又係一啲都冇糖心已經熟晒咁滯！..餃子係最令人失望，佢完全係好似用蒸既而不是煎，就算佢個底有輕微金黃色都好佢都係一啲都唔脆，十分失望！..反而最好最出色嘅就係呢個芝士年糕，佢入邊嗰啲芝士係好足，炸又炸得啱啱好，同元氣嘅有得揮！今次之後應該都唔會再黎依到食

荷里活有唔少食肆，喺水牌睇到呢間crossover咗兩個名咁得意，決定嚟食午餐午市套餐有好多選擇，總會揀到啱食。今次我哋其中一人唔係太肚餓，三個人叫咗兩個套餐已經好夠$69午市自選套餐+$5揀豬軟骨拉麵，因為係三個人分，想要多啲澱粉質，所以小食要埋豬軟骨飯。飯粒係珍珠米，煙韌得嚟有飯香，話就話小食，飯量一啲都唔少。豬軟骨嘅肉煮到稔曬而軟骨仲保持爽脆，兩者比例分佈平均。拉麵就煮得洽到好處，彈牙得嚟唔會太硬，配菜又落足料。可惜札榥味噌湯底略咸，只有輕微嘅味噌味，可取之處係唔油，令成碗麵食落清爽炸雞咖哩烏冬$62，跟餐有沙律同麵豉湯。炸雞用咗粗粒炸粉，薄薄一層包住雞肉，感覺唔會油膩，但咬落去只有微熱，應該唔係即炸，外層亦唔夠鬆脆。雞肉肉質嫩滑，可惜無咩肉汁，好彩配上蛋黃沙律醬令整體更加惹味。咖哩湯底調得幾好，裡面嘅紅蘿蔔、薯仔、洋蔥同肉粒都煮到好稔好入味，讚歧烏冬煙韌有𡁻口，唔錯沙律中規中矩冇咩特別麵豉湯裡面嘅海帶厚身，食落爽滑，比坊間飲到嘅重豆味，仲冇咁重味精添呢度嘅食物質素不過不失，勝在價錢大眾化，而且選擇都唔少，已經會再嚟試咖哩奄列飯

放工食lunch 又唔想旭 就去附近嘅辛味屋食午餐我哋两人三點鐘左右入座 唔洗等座 但店內都好多人用餐呢度嘅午餐真係好平 有咖喱飯，拉麵，烏冬，蓋飯，定食等選擇 基本$30-$50左右一個餐 非常抵食廣島炸蠔咖喱飯友人好中意食吉烈炸蠔 所以點左個廣島炸蠔咖喱飯 連麵豉湯都只係$48 飯嘅份量好大 配上三隻size幾大嘅吉烈蠔 熱辣辣得嚟又爆汁 味道不錯滑蛋豬扒蓋飯 ($48)用飯盒裝住 一撳起蓋 就見到好多滑蛋同吉烈豬扒 又脆 蛋撈埋飯 好滑好juicy 一個人食唔晒唔洗$50就有個套餐 而且份量同味道都唔錯 服務態度良好 得閒會再嚟lunch

之前午餐排人龍，今次特意早來，果然早來好好，一到即入去啦午餐有辛味屋以及扎幌拉麵既menu 可以選擇，都好多選擇，有拉面、定食、小食、咖哩類，結果我選了咖哩牛肉烏冬，看看menu 價錢，午餐既價格好抵呀咖哩湯好好味，味道豐富，烏冬好入味，入口軟硬程度適中，煙煙刃刃，口感十足，牛肉份量算多呀，肥牛類，有牛味，滲入咖哩汁，正仲有味噌湯，好濃郁既味噌，好飲作為午餐，真係好飽好滿足，選擇不錯，而且價錢不錯，下次黎開都可以encore

1️⃣吉列豬扒奄列咖哩飯價錢：$68本身係套餐所以包前菜同麵豉湯呢個蛋包飯勁香蛋味🤤🤤🤤配埋香濃既咖哩汁一齊食，勁滋味😍😍😍加上又香又脆吉列豬扒，必食呀👍🏻👍🏻👍🏻鐘意食咖哩既朋友仔記得去試😋2️⃣鰻魚蓋飯價錢：$72本身鰻魚飯係出面食都係好貴但呢度價錢比較實惠，所以就試下🤤鰻魚都幾大條！而且配上好香既燒汁係上面，又甜又咸好岩送飯！鰻魚食落都好香好滑，正呀😍😍😍

我一生人從來未食過一碗咁難食既拉麵應該都唔可以叫佢做拉麵先試一啖湯 好似清水加左兩粒鹽再食啖麵 岩岩碌完麵既味 同個所謂湯既味完全分開好似食緊個白洽拉麵咁 想嘔隻蛋又切到又爛蓉蓉 仲要熟到蛋黃都差啲跌出泥依間野唔執立 我仲以為係洗黑錢🤬

工作日人唔多，我揀嘅係午市C餐，份量足，仲有餃子，飽肚係冇問題㗎😄味道唔咸好啱我，但食完成碗就覺得冇乜特別，普通味道囉🤷🏻‍♀️不過服務態度幾好，俾個like👍🏼

服務態度極差，牛肉咬唔開。食到一半叫人轉位，我仲有個大背包，我地兩人都係坐佢兩個位，佢為左要我地兩人枱做4人枱叫我地轉，問都無問過我地，侍應好無禮貌。跟住拎張椅放袋，又話我阻住條路，當初又係佢垛迫我轉枱話有位放野。野食：牛肉極韌，吉列豬無味，滑蛋好油，唔知食緊咩。除左平平地諗唔到有咩好。呢度係荷里活廣場，我好似去左大排檔，個個侍應無服務可言，用餐體驗好差。一個星期日既午餐浪費了。Black list

放工搵朋友食飯 一行4人 一去到即有位女孩子諗食咩總係要耐D既 所以我地討論叫咩都花咗5-10分鐘😅最後我同另一位朋友叫咗個$208二人套餐2個主食+3個小食主食1 - 吉列豬扒奄列咖哩飯（大）+$15個人本身唔中意食辣既咖哩飯所以叫之前諗咗好耐 但又想食吉列豬扒好彩咖哩唔辣 配飯幾好 幾岩我口味吉列豬扒黎到都仲係脆 呢點加分主食2 - 雜錦拉麵 +$10朋友每樣都想試下 所以我建議佢叫個雜錦咩都有😂 評語 : 個豬軟骨都幾脆 湯底普通 麵質地ok 小食1 - 自家製餃子（大）本來以為日式餃子係細細粒個種 點知原來都有份量 食落餃子皮唔會好厚 啖啖肉😋小食2 - 北海道南瓜炸薯餅炸得好夠脆 外脆內軟 炸粉唔會厚 👍🏻小食3 - 炒魷魚鬚味道適中 我好欣賞個醬料 唔會炒到魷魚鬚太鹹同行另外兩個友人 一個叫左$89 晚市自選套餐1主食+1小食 主食 - 白豚拉麵 +$5朋友覺得普通 湯底味道一般小食 - 芝士年糕最後 再單叫一個$62蓋飯晚市套餐 套餐配沙律同例湯主食 - 鰻魚蓋飯 +$10總括黎講 餐廳環境舒適好坐食物味道不過不失 價錢同份量都成正比 好抵食👍🏻特別$208自選二

又想食拉麵又想食定食又想食咖哩,,尼度一定係一個好地方因為尼度係荷里活商場既札幌拉麵x辛味屋,,想食咩一定都食到,,佢仲有好多一同二人套餐選擇,,想食咩就combo叫哂係絕對冇問題,,當然佢地唔會係非常好食,不過都算係有standard唔會太差的~~晚市combo大概80-100蚊間就會有一主食同一小食幾好架~試左佢地既札幌拉麵,,係幼身既麵條,,湯底都濃郁既不過就有dddd油啦炸雞定食既炸雞都算係幾大份架而且幾款小食都幾好味,,不錯不錯,,個豆腐比想像中大份同加上個sauce都幾好味,之後個燒魷魚筒亦都幾惹味derrrr👅💦

為左睇Avengers，而去荷里活廣場，一來有得泊車，二來又可以食埋午餐依個係個午餐優惠，一個麵加一個小食$69.黑個個係黑豚拉麵（+5），叫左小食鰻魚飯👇🏻，=$74另一個麵係白豚拉麵（+5），偏咸，仲有我最愛既糖心，係為左糖心蛋先叫依個，蛋竟然一上到就已經係爛，蛋仲要熟左啲，一啲都唔流心😭另外，小食我加左餃子，冇乜特別，不是特別香口。到我比錢個陣，見到侍應比麵其他人個陣，我都見到係熟😂但係見到餐牌晚市$268都有啲心郁去試下

今晚去荷里活廣場睇戲，入場前都係醫下個肚先。行下行下見到札幌拉麵店外的餐牌都幾吸引，今晚ㄧ於食日本拉麵。我地取飛後20分鐘便可入座了，好彩不用等太耐，事關我們只有50分鐘食飯時間，都係快快㸃菜吧！我和朋友點了兩個晚餐自選套餐，套餐包括ㄧ款主食和ㄧ款小食，收$89都算公道。食物不用10分鐘便上檯，正!!朋友叫了豬肉拉麵和雞軟骨，拉麵湯底是豬骨湯加上味噌，甜甜地，配上爽口粗麵和比較瘦身豬肉片，都幾好食。雞軟骨燒得不會太乾身，灑上檸檬汁又可解油膩感，食多幾串都冇問題!我就加咗$8叫了海老拉麵和自家制餃子，拉麵湯底是特濃豚肉湯作基本，再加入大量櫻花蝦令湯底更濃郁。另配上豬肉和海老在幼麵上，甘甜味美。餃子餡料飽滿，不過味道偏淡。上菜速度快，趕時間再來食唔錯。

呢日放工要返父母家拎封信,拎完就喺附近商場食埋晚餐先走。然後我地去左食札幌拉麵 Miso No.1 x 辛味屋。                          佢呢度有set dinner,有好多唔同款式你揀~除左有一人餐, 仲有豐富嘅2人餐可以揀!而我地兩個人, 就叫左個$208自選二人套餐:吉列豬扒奄列咖哩飯(大),雜錦拉麵, 燒雞翼2串及燒雞軟骨2串,自家製餃子(大),炒魷魚鬚。 吉列豬扒奄列咖哩飯(大)都真係幾大碟!個咖哩係日式咖哩~偏甜的~ 但都幾香幾好食!個蛋望落有少少老左, 但食落都OK, 都滑。豬扒夠大塊, 外皮脆。雜錦拉麵本身煩緊食邊個拉麵好, 呢樣又想食, 嗰樣又想食。然後見到呢個雜錦拉麵!咩都有呀! 有蟹棒, 豬軟骨, 叉燒同溏心蛋。個湯底都幾香濃, 唔錯~炒魷魚鬚好彈牙, 好香~好味!自家製餃子(大)賣相就普通D,但食落好食啵!個皮好薄,個餡味道都幾好!燒雞翼2串及燒雞軟骨2串雞翼已界開左, 好易食~個皮燒到好脆!雞軟骨都係好脆,吱埋檸檬汁一齊食,可以解膩, 好FRESH!總結, 喺呢度食晚餐都幾好,價$唔貴, 但有多多野食, 滿足感好大呀!岩晒我呢D樣樣野

呢間餐廳，平時都真係常滿㗎！芊嶠次次去親荷里活廣場，都會跑去呢間餐廳，話要入去食！今次都唔例外，自己跑咗入去，識講3位。不過今次我地就唔叫定食，一於食拉麵，冇咁 heavy 丫嘛！【白豚拉麵】呢款拉麵係新推㗎，以前都冇㗎！因為呢款拉麵嘅麵係幼麵，我好鐘意，因為偏軟㗎！而且佢個湯底係豬骨湯，都係我至愛！【螃蟹拉麵】有芊嶠同劻霖至愛嘅蟹棒，所以佢地必叫。我就叫咗拉麵午餐，$69 有拉麵 + 小食一款，但某些拉麵，如螃蟹拉麵，都要加$5。呢款拉麵就偏粗，我就唔太識欣賞，但芊嶠同劻霖就一於冇理，食食食。【串燒雞軟骨】媽媽至愛，跟餐小食必食，另外仲有多款小食揀選。總結：兩大一小食兩碗拉麵，仲有個小食，其實都已經好飽㗎啦！如果大家想叫飲品，跟餐都可以加錢叫冷熱飲㗎！

今日同仔仔行完街，仔仔突然话想食拉面，所以我们又一次光顾札幌拉面，呢次已经是呢个月第二次了，入到去我地马上点了两碗招牌牛油拉面，块牛油配埋个汤底非常浓郁yummy yummy，仲有大大块叉烧，粟米、海带等好足料