札幌拉麵 Miso No.1 x 辛味屋

營業中

休息中

難得今日可以夾到時間去接〈獅子老公〉收工，一啲就去附近嘅商場行街食飯兼拍下拖。晚飯時間經過呢間〈札幌拉麵〉見好多人排隊。橫掂又未算好肚餓，一於就攞飛排隊試下佢。原來價錢好抵，低至$208就可以有個二人套餐，包兩個主食加三個小食，唔怪得咁多人排隊啦。雖然座無虛設，但係座位之間都唔算好逼，雖然唔講得上話坐得好舒服，但都不差的。👌👌👌〈炸雞肉〉三款小食中第一樣揀咗炸雞肉，熱辣辣脆卜卜，配埋沙律醬就最正。🐥🐥🐥〈自家製餃子〉餃子都好足餡料，脹卜卜的有菜又有肉。〈燒雞翼及燒雞軟骨〉當然唔少得香口惹味嘅燒雞翼同燒雞翼骨喇。〈白豚拉麵〉唔想食最基本嘅拉麵，所以本兔同老公都決定加少少錢去試下，其他特色拉麵。我嗰白豚拉麵當然有叉燒，唔肥膩但又唔會好柴，食咗都唔怕肥啦。幼身嘅拉麵口感好爽滑，掛埋勁重肉香味嘅白豚湯底的確正。〈招牌牛油拉麵〉〈獅子老公〉則選了有牛油嘅拉麵，未食已經聞到勁香嘅牛油香。湯底係好濃厚嘅味噌湯底，口味適中又唔會過鹹，good反而老公搵拉麵嘅麵條就係粗身圓潤嘅麵條，食落口Q彈好咬口，質感很好，令人滿足總結：唔怪得咁多人排隊去食啦，原來真係抵食夾大件

放工後同老公約左係鑽石山荷里活廣場行街食飯，但去到有點肚餓最後老公就話佢想食拉麵，就係咁去左札幌拉麵囉位，等兩張枱就有位，但提大家入坐限時1小時(我諗繁忙時間).等位時更係諗定食什麼啦！ 兩人餐實在太吸引我地，因為除主餐可選兩款，小食可以揀三款，還要啱我地口味！$208 2人套餐 留意大部份拉麵要另加$10 - $15, 不過計落差不多嗟。最緊要好味一坐低就會送上茶雜錦拉麵熱辣辣送上比客人，先嘗口湯底唔算杰身，味道適中唔會過鹹，拉麵除左叉燒雞蛋粟米海帶外，還有蟹棒，豬軟骨添，非常豐富又好味道。吉列豬扒奄列咖哩蛋飯賣相相當吸引，食落同樣美味，咖喱辛辣度低但夠濃郁，香脆金黃吉列豬扒，蛋包飯餸咖喱就好惹味又滋味。 小食三款都係都係我精挑細選最愛他們的炒尤魚鬚呀尤魚鬚彈牙又嚼頭，用左醬油炒好濃味美，份量都算多，夠晒兩個人 share架!鹽燒雞軟骨同同雞翼，香口野熱辣辣唔油膩但雞翼較乾身加點檸汁就吊下味唔錯。日式煎魚餅薄身左些如果加厚點應該更有口感，味道都唔錯夠晒味，夾少許薑蓉同食更出色。人均約$138 晚餐價錢算合理。

When a friend wants ramen and the other wants curry then come here if you are in Diamond Hill as it serves both!There was quite a lot of choices as this restaurant serves ramen from Miso No1 and Karama Curry.Friend had the pork bone ramen which came in a rich broth.He also had the gyozas which were only HKD1x extra.I had the omelette with fried chicken curry.The portion was quite big and it comes with soup and sweetcorn.The fried chicken was succulent and crispy while the egg was semi cooked.As

星期五放工好攰就同姐姐去荷里活，見到餐廳－札幌拉麵no.1有自選二人套餐好抵食，所以就入左去食晚餐了～自選二人套餐：可從中自選兩款拉麵或飯和三款小食。滑蛋豬扒飯(大)：豬扒size適中，外層炸得好脆身，而入面豬肉吾僧鞋口；在豬扒和飯之間加了滑蛋令飯帶有蛋香味；同時令整個飯變得吾單調。蛋中更加了洋蔥，食起上黎有口感又有香口感覺。吉列豬扒奄列咖哩飯(+$10)：吉列豬扒外皮脆，豬扒厚切幾嫩，咖哩甜甜地；薄薄既蛋奄列有些少蛋汁係表面，吾系全熟。咖哩足夠撈起成個飯，份量很足很夠飽！燒雞翼2串及雞軟骨2串：燒雞翼一啲刀吾油膩而且很香口，咬落入面慢慢滲出肉汁，完全吾會乾身啊！另外，雞軟骨好香口，同樣吾會燒過龍！炒魷魚鬚：雖然是炒，但系魷魚鬚吾會好乾好硬口；而是帶少少林同汁，令整個味道帶有咸味，味道不錯。吉列魷魚圈：魷魚圈以吉列方式作外圍，食起上黎外脆內軟；再配以沙律醬，味道更加正～另外，還點了一杯檸檬茶解渴。

早兩晚去咗鑽石山荷里活廣場睇戲，睇戲之前有啲時間就去咗食個日本拉麵 呢間餐廳新推出幾款特濃豚骨拉麵，配埋一份小食唔使$100海老拉麵 & 黑豚拉麵湯底以大量豬骨、桶骨等等材料淆製而成，所以湯底非常濃郁而且骨膠原豐富麵質口感啱啱好，麵唔會太硬，海老嗰款有兩隻大蝦再加大量櫻花蝦，所以一上枱成個湯面都係蝦 黑豚拉麵未食已經聞到好香黑蒜油味，食多幾啖唔會覺得膩日式餃子夠大粒，但味道比較淡口估唔到小食list入面竟然有炒韭菜豬肝但係估唔到佢又整得幾好味，軟中帶脆，有驚喜!!

今日約了朋友係荷里活廣場行下街食下飯，行過見到呢間餐廳佢個二人晚餐好吸引，可以選擇二款主食同三款小食。我地選擇左白豚拉麵品同鰻魚飯作為主食，之後選擇左燒牛舌，牛油炒草茹同燒雞軟骨及燒雞翼作為我地嘅小食。🤩白豚拉麵湯底的奶香非常不錯，吃拉麵最重要是湯底，乳白色的湯底非常濃郁，拉麵也軟硬適中，佢嘅溏心蛋都好正！🤩鰻魚飯鰻魚燒得幾香脆又幾厚肉同鮮甜，係略嫌唔夠汁姐，總括而言也是非常推薦的！至於小食方面，🤩燒牛舌的口感都幾唔錯，加埋少少檸檬汁去吊味就更加正！🤩佢嘅燒雞軟骨同燒雞翼，亦燒好香脆。🤩最係佢嘅牛油炒草茹都充滿奶香， 非常濃郁。總結來講，呢間餐廳都係十分推薦！！

係荷理活食野，黎黎去去都係個幾間，由於都唔係好富貴，😂都係搵搵d性價比高嘅餐廳食。呢一間就係其中一間我食開嘅飯堂😌。佢呢到都幾受歡迎架，好多人等位，但係佢table turn over 都幾快，好快就有位了。😊佢好似有兩個廚房咁，一邊係主打拉麵🍜，另一邊就係咖哩。🍛1️⃣燒雞扒咖哩飯👍🏼我係個雞扒控，所以叫左呢個。雞肉幾好，咖哩唔算好辣，好鐘意佢個伴菜，係蘿蔔。2️⃣吉列豬扒烏冬由於我覺得呢到嘅拉麵比較普通，所以我叫左佢個烏冬，豬骨湯湯底，豬扒都炸得唔錯。❤️3️⃣餃子🥟（小）好吃😋！

朋友好喜歡食拉麵, 加上日本的拉麵有豐富的種類和口味 , 唔會下下都飛到日本去試晒。 是夜就揀咗選址荷理活的「札幌拉麵 Miso No.1 x 辛味屋」，難得黎到鑽石山都食到北海道野, 唔洗出去旺區食, 又唔洗飛去日本, 當然就大家方便。餐廳裝修骨子，簡約式日式和風系。枱上已經放有匙、筷子和紙巾等等。拉麵都幾多款可以揀, 正所謂有札幌湯底, 又有白濃豬骨湯底, 以拉麵及地區而言，這裡定價親民。 除了主食, 這裡亦有多款小食提供, 沙律/前菜/ 素食/ 肉食等等, 唔喺淨得餃子咁普通。白豚拉麵 每碗拉麵都配有兩片叉燒、黑木耳、溏心蛋、蔥花, 外觀睇落都不錯。 先呷豬骨湯, 夠濃郁, 帶陣陣鹹香味，好對胃口。麵條和叉燒都具水準。麵條唔算好掛湯但柔韌有咬口。流心蛋蛋黃凝香軟綿, 好食。其餘配菜，如筍乾同木耳都不錯。 鰻魚飯 鰻魚飯以傳統日式木盒送上，予人溫暖感。鰻魚燒得香口惹味，鰻魚魚油也甚豐， 配上分明口感黏糯的飯粒, 十分甘香 唐揚炸雞 平常食拉麵都會食小食, 但今次見到炸雞就不如試試佢。雞件炸得金黃, 色澤均勻，而雞肉亦比預期嫩滑, 另有椰菜作配搭, 不錯。燒雞軟骨

札幌其實喺香港都好多年細個已經知道有了🙊細細個搵錢又唔多所以又唔係好捨得食，但今次同朋友去鑽石山經過見到札幌拉麵店就不得不入去嘗試😋去到門口其實都好多人要等位真係好多香港人都鍾意食🙌🏻蟹肉棒拉麵湯底我不會太鹹蟹棒肉軟硬適中拉麵整體都唔錯👍🏻咖喱雞球飯雞球炸得香脆入面雞肉又多汁再加上好濃烈嘅咖喱味拌飯值得一試😋煎餃子再配醬汁係我一定會叫嘅小食🤫之後叫咗個芝士年糕蟹子沙律.......芝士年糕食落去特別濃烈芝士味可以值得一試!仲有雞軟骨牛落去煙銀香脆👏🏻最後食埋個炸雞翼真係夠飽啦🤤🤤

最近都要去荷里活廣場行街，貪佢有好多嘢食又有電影戲院。今日試咗呢一間自己覺得好特別嘅日本店，7:00食飯時間，都要等10分鐘，建議早少少去攞咗飛先。而呢度最出名就係麵豉拉麵同埋咖喱飯，所以決定咗叫呢個二人套餐， $208 ，有兩個主食同埋三個小食。吉列豬扒奄列咖喱飯（另加$10），一入嚟見到人哋食呢個就覺得好吸引，食落個咖喱唔太辣，恰到好處，已吉列豬扒香脆，入面好有肉汁，唔會乾。麵豉豬肉拉麵🍜（另加$10），諗住呢度出名面試，所以兩樣都想食埋，另外一個煮食就叫咗面試嘅拉麵，第一啖飲落去，夠香又唔會太濃，拉麵質地彈牙。總括嚟講快食都唔錯，小食做得比主食出色。串燒覺得最好！

服務員態度差極，中午繁忙時間店外很多人等候，但看見店內很多食客以經食完在玩手機，我走過去問他們有沒有用餐時間限制，他回答我，《唔等得就走先》這種服務態度的嗎？這間餐廳以後不會光顧

早在十幾年前香港仲未興食日本拉麵，札幌拉麵係香港已經有分店，想當年食拉麵的店鋪料料可數，唔時今時今日周街都係拉麵店！由於香港太多新野，所以都忘記左札幌拉麵🤣🤣今日去開鑽石山，見到呢到有分店！好想重拾想年的味道🤣見到menu 比當年多左唔少豬骨湯底的叉燒拉麵！而且一人餐二人餐配搭非常多👍🏼而我今次揀左蟹柳拉麵，味道同當年一樣好味！但如果你鐘意濃湯豬骨拉麵就要試佢個叉燒拉麵啦~題外話黎到多人排隊😆

今晚和同事一齊放工，她說要去鑽石山廣場有個臨時書店，好多兒童書賣，問我去不去鑽石山廣場食晚餐，有人陪食晚餐當然去啦！到左鑽石山廣場3樓，見到有間叫：札幌拉麵Miso No.1×辛味屋，個名好特別，我們就入去食晚餐吧！原來是間食日式餐廳，看左餐牌就叫左個二人套餐$208，有加一服務費。可選擇飯或拉麵2大碗和三款小食，我們選擇鰻魚飯(大)另加$10，鰻魚肉很厚肉同鮮甜，皮燒得香脆味道不錯，略為細條左d，飯是採用珍珠米。雜錦拉麵另加$15，雜錦包括叉燒、紫菜、芽菜、粟米、豬軟骨、葱等，餸都幾豐富，味道剛好又不肥膩，麵質爽口彈牙，小食選擇：(1)燒魚餅：有2大塊，旁邊放左一些薑絲蓉，放在燒魚餅上辣辣地都幾好食。(2)炸豆腐：炸得外面鬆化內裏非常熱，食落口仲好滑，上要舖滿鮪魚絲。(3)北海道南瓜炸薯餅：外面炸得香脆又無油脂，饀是滿滿日本南瓜蓉，南瓜肉很香口而且仲軟綿綿，我最愛食南瓜🎃，旁邊有日本椰菜伴碟，還有一些沙律醬。當晚食得好飽，埋單都是$256，很抵食！👍☺️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

天時暑熱，放工唔想行街，就決定留係商場食飯。見呢度二百幾蚊食到兩個麵食加三款小食，就決定試一試。首先上來係炒魷魚，炒嘅時間啱啱好，食落去好爽口彈牙。入面用咗薑絲去辟走腥味，食落竟然會有住家菜嘅感覺。好正👍🏻👍🏻咖哩吉列豬排蛋包飯，吉列豬排冇咩肥肉，炸粉都好薄，所以食落去好脆。不過豬排比較乾，建議食嘅時候連汁一齊。蛋皮夠滑，淨係蛋配飯已經好好。至於咖哩似係用平時買嗰種即煮咖哩，整體嚟講，呢個價錢絕對收貨！餃子係即叫即煎，所以上菜嘅時候唔好第一時間就擺落口。如果唔係會燙親。入面材料都好豐富，滿滿嘅豬肉，煎得又夠脆，點埋醋一齊食，正😋南瓜薯餅炸粉都係做到薄同脆，證明師傅落油炸嘅時間掌握得好好。唯一可惜係入面嘅南瓜味道略少，如果南瓜夠甜，配合埋炸粉脆嘅口感，會更上一層樓。最後壓軸登場嘅係海老拉麵，一上菜睇到成碗湯都係蝦米，而湯底完全吸收哂蝦米的味道。叉燒煮得好淋，蝦嘅肉質保持到。整體而言都做得唔錯👍🏻二百幾蚊係夜晚食到五樣食物絕對係值回票價😁

荷里活廣場午餐必選中午來到荷里活廣場搵食。經過札幌拉麵 x 辛味屋，又有拉麵又有其他日式料理，好奇心驅使之下就行入去試下。午市定食好抵，點了蒜片雪花牛柳定食。定食有齊主菜，米飯，麵豉湯及沙律。米飯雖然不是用日本米，但煮得恰當沒有過濕，所以不減滋味。主菜牛柳粒煎得香氣逼人，蒜片絕對係畫龍點睛，炸得乾身，與牛柳粒配搭在一起，很好下飯。配菜椰菜絲切得極幼細，不苦，好想要refill但唔好意思問。麵豉湯夠熱，麵豉份量夠，好夠味。可惜沙律就hea咗少少，只有粟米粒。去開荷里活要試下。但留意返，中午係要搭枱的。