札幌拉麵 Miso No.1 x 辛味屋

營業中

休息中

呢間野真係長期都多人等, 可能價錢較經濟吧。叫左個雞扒CURRY飯+ 炸蠔CURRY都係正常果D 日式CURRY 汁, 入面仲有埋好多牛肉同洋蔥果D, 味道正常。塊雞扒都幾大塊, 可惜無調味LAW.... 麻麻。炸蠔+ 2X 蚊就有, 有3舊, 無食, 唔清楚得唔得。

下個月約左幾個好朋友一齊去日本札幌，因仲有成個幾月先出發的時間，今晚經過荷里活廣場3樓見到(札幌拉麵Miso No.1x辛味屋) 便急不及待入去試吓，門口已經 有人排隊等位，等了一陣坐下來已急不及待，叫咗 二人套餐$199分別有兩碗拉麵同幾個小食，非常抵食，果然不錯之選。雜錦拉麵，份量都算多，分別有豬軟骨、叉燒、蟹柳、雞蛋等，拉麵爽口，湯底濃味，十分配合。海鮮拉麵，湯底帶有海鮮味，比較清香，再配以蝦肉、魷魚等，十分不錯。燒魚餅燒雞軟骨、紅燒雞翼，兩款都係揀用鹽燒，好香口惹味。炒魷魚鬚不會太韌，都好夠味。

今日過咗鑽石山行吓，因為差唔多到晚飯時間，又係時候周圍睇下有啲咩食😂，行到去呢一間鋪頭門口嘅時候，睇咗佢個餐牌，好似好多選擇咁樣，而我又未食過呢一間拉麵，所以就決定試吓，喺門口攞咗飛大概等左20分鐘就可以入去啦，入面環境舒適，服務員都好好禮貌，叫咗一個晚市套餐：豬肉拉麵🍜，個餐仲會跟多一個小食，揀咗個煎餃子🥟，首先拉麵個湯底都唔錯，味道剛剛好，不會太鹹，而且個豬肉好腍，唔錯，而個煎餃子，好飽滿👍🏻，另外在叫咗個牛柳定食，呢一個餐就冇小食送啦，但個餐入邊會有味增湯，薯仔沙律🥗，個牛柳好腍好入味，連埋蒜片一齊食，都唔錯，整體來講，價錢都唔係好貴，可以一試

上星期日同媽媽黎鑽石山探朋友，中午就喺荷里活廣場搵嘢食。見到呢間拉麵舖，價錢又幾平，就入黎試下！我地叫左兩個午市套餐，一個雜錦拉麵和一個海鮮拉麵。套餐仲包左小食添！我地就揀左煎餃子和沙律媽媽食左海鮮拉麵，我都試左少少。湯底幾特別，比較清，同埋好足料！我就食左雜錦拉麵。比起海鮮拉麵，我呢碗既湯底濃郁好多。雖然係比較傳統類的拉麵，但同樣好有水準，份量也很足。餃子和沙律都好好味！我地兩個全部食晒。講真，$69一個午市套餐包埋小食真係超扺！我地仲每人叫左杯奶茶，埋單都係得$169咋。絕對係實惠的好選擇

收工肚餓了，去食碗𠽌𠽌拉麵。門口餐牌已有超多選擇，價錢亦幾相宜，入左先慢慢研究啦。二人餐$199 ，包兩個拉麵三個小食。有成十二款小食任揀，例如日式餃子、燒牛舌、炸豆腐、牛油菇等等...... 雖然可以選三，好多款都好吸引，掙扎左好耐，先決定到點邊款。燒雞翼拼燒雞軟骨 （各兩串）响芸芸小食之中最突出的組合，有兩隻雞翼同兩串雞軟骨喎！沒有不選的理由。感覺似即燒，雞翼是皮脆肉嫩的。雞軟骨亦夠脆口，表層有點點鹽，仲有檸檬片......好認真又有誠意，呢客小食好有居酒屋的水準炒魷魚鬚全部都是孖鬚有吸盤，食魷魚的最佳位置。用醬油炒得好香，有咬口得來唔會韌，唔會老。我地仲自行加入七味粉，辣辣地更潻惹味。燒魚餅算厚身，有口感又甜甜地，幾正宗的日式燒魚餅。伴碟其實係生姜絲，有輕輕略煎，帶有絲絲甜醬油味，但食落是超辛口的。同魚餅一齊食，一甜一辣味道好夾， I like it !海鮮拉麵主力係蝦同魷魚，湯底同麵底都好味。可惜我地叫左一碟魷魚，然後呢個拉麵亦係好多魷魚，有點重覆左，失策 。欣賞佢的青菜，好索湯好入味 雜錦拉麵有蟹柳 、豬軟骨、日式叉燒、粟米、溏心蛋半隻同紫菜碎。每款少少，加加埋埋都幾豐富架。

係附近一坐坐左幾個鐘整完個靚靚頭，整完緊係起商場到搵野食醫下肚，咁岩行經呢間日本拉麵幾吸引，就入去試下先呢到晚餐包小食$89有拉麵有小食，抵食我叫左個「豬肉拉麵」加辣需要另加$10蚊辣肉醬會分開碟仔另上拉麵麵質爽口更十分彈牙，湯底濃郁入味，豬肉唔會太肥！小食，我揀左「炒韮菜豬肝」豬肝炒得剛剛好，唔會太生唔會太老！朋友叫左呢個「招牌牛油拉麵」$58加入牛油令整碗拉麵更香更滑，濃厚牛油既湯底變得更濃郁！另外仲叫左個招牌小食「北海道南瓜炸薯餅」$50炸得金金黃黃脆卜卜，內裡南瓜蓉同薯蓉味道十分夾，再加點沙律醬食更是野味香口！食唔停口既小食

食物質素真係好差 叫咗個牛舌黎薄過0.01仲要cut半 幾片牛肉幹係度拉麵質素又一半 餐牌上既食物大多數日本餐廳都有但價錢卻比一般貴同朋友行荷李活 佢話想食拉麵就同佢入黎食點知中伏

這天在荷里活看完電影就去覓食啦！ 看到這間日式餐廳坐滿了人就決定一試啦，幸好等了大約十分鐘就有位啦！ 餐廳環境乾淨利落，感覺不錯！餐牌選擇眾多，我們就點了一個$199二人套餐，總共有2個主食(飯/麵)和3個小食，超抵食的！我們點了海鮮拉麵和鰻魚飯作為主食。而小食就有炸豆腐、燒牛舌和燒雞翼燒雞軟骨！食物很快就送來，擺滿了整張台啦！海鮮拉麵超大碗的！而且香氣撲鼻！ 配料有鮮蝦、魷魚、金菇、娃娃菜等等，而拉麵的質地軟硬適中，湯底很重味噌味但不會過鹹！鰻魚飯是我其中一個至愛哈哈，鰻魚燒的入味，肉質挺軟稔，連同鰻魚汁送飯一流啊！炸豆腐也相當不錯！豆腐超滑的，而且炸粉亦不會過厚！沾著微甜的醬油一起吃，很夠味呢！燒雞翼燒雞軟骨燒的剛剛好，簡單的鹽調味再加少許檸檬汁就很好吃！燒牛舌薄薄的不會燒的很乾，不錯吃呢！

另一半今天上大陸公幹，所以約朋友去鑽石山逛街，順道請他食午餐。事關欠他兩餐，現在先還一餐平平地給他。這裏有日式拉麵與辛辣咖喱，食午飯時間人多，而且是週末， 惟有取票等位吧!雜錦拉麵 + 餃子套餐74元豬骨湯底濃，雜錦食材每款一件，豬軟骨連骨也可以食埋，叉燒腍帶點點肥肉，蟹棒ok，麵條煙韌，配上海帶， 筍條，粟米粒，味道不錯。餃子皮煎得少少脆，皮薄肉多，味道ok。吉列豬扒奄列咖喱套餐58元。吉列炸得脆身，豬扒屬腍不過有咬口，配上日式少甜少辛咖喱汁，雞蛋薄薄鋪在山丘的飯面上，與朋友分享才食得完。麵豉湯不會太濃太鹹，薯仔蓉沙律，綿綿的薯蓉，味道ok。廣島炸蠔，22元外皮炸得鬆脆，裏面生蠔乾身，雖然祇有三件，味道頗好。

荷里活商場最近新店臨立，好像是賣服裝的GU 或是韓式餐廳，新店多不勝數。是日與友人知悉GU荷里活新店開張，當然立刻要去shopping。瘋狂購物過後，當然要醫飽個肚，碰巧又再一次見到了miso no.1 拉麵，排了大概15分鐘終於有位了1. 金菇肥牛卷定食想不到拉麵店都會有金菇肥牛卷，雖然款式是大路材料，但味道卻不馬虎。金菇入口有嚼勁無渣，肥牛片簿身，雖然不是高質素肥牛，但味道還可以，配菜是椰菜絲及日式酸瓜，醒胃又健康。2. 札幌泡菜拉麵配免治雞肉串友人選了最招牌的札幌拉麵，經典的白味噌湯底是將芽菜炒香，再加白味噌調制，咸香中帶點甜，是經典的札幌拉麵味道。跟餐的免治雞肉串則是普通貨色，味道可以接受，二人晚餐收費200蚊可接受

鑽石山站札幌辛味屋，這間是日式餐廳，位於鑽石山荷里活廣場，約有30張枱，可坐80左右，主打為日式美食和套餐。我點了兩人套餐，分別是招牌牛油拉麵，燒肉拉麵，再另加鰻魚蓋飯，飲品有凍檸檬茶我提子果汁酒。兩人套餐，附加了三款小食，分別是天婦羅，豆腐，炸雞塊。招牌牛肉拉麵，當然少不了的，就是牛肉，內裡加油粟米，海草，牛油，再加上拉麵和豬骨湯底，份量都相當十足，大大碗的。令一款拉麵是，燒肉拉麵，同樣地豬骨湯加上粟米，海草， 生熟蛋半只，大大碗的拉麵和濃濃的湯底。三款小食：炸雞油而不膩，雞塊大大的，加上沙律醬，檸檬汁，小蕃茄，椰菜絲伴碟。豆腐，炸香的豆腐，外脆內軟滑。天婦羅，炸蝦和炸粉恰到好處，非常乾爽和香脆，加上沙律醬，美味非常。鰻魚蓋飯，兩大塊的鰻魚煎香配上特製的醬汁，加上大大粒的日本珍珠米，鰻魚香甜肉質肥美，渾圓的珍珠米。加上本熱烘烘的面鼔湯，薯仔雜菜造成的沙律球，相當美味。其中有一款式的飲了，提子果汁酒，是罐裝的酒類，上枱時，分別是冰底放在玻璃杯，另外是罐裝提子果汁酒，是輕量含灑的飲料，配送香口煎炸的食物，是配搭適宜的飲品。

今日同家姐黎左呢間，鑽石山既拉麵店入面環境都好好，今日唔算特別多人呢到仲日本直送既提子汁，唔會太甜，味道甘甘酸酸唔錯，唔錯唔錯。嗌左個吉豬飯，份量比想像中多好多，而且仲好香tim，而豬排都好厚切下，真係啖啖肉，不過如果啲飯再硬啲會更鐘意。食日本野緊係唔少得食拉麵啦，呢個拉麵唔會太冧，煮得亦都好入味，面條好煙韌，而且感覺唔會落左好多味精，而令到整個面太鹹。最尾仲嗌左碟鍋貼，煎得好香，而且好脆口，而且整個都唔太貴，性價比超高。

不嬲都喜歡吃拉面的我常常找一些拉麵店，今次就來了這間拉麵店，之前在其他地方食過都不錯， 不用等位就可以入去食啦，款式都多選擇，最後叫了三個小食和一個拉麵，大約十分鐘都不用食物就來到了。首先是小食雞翼和雞肉，燒得都幾靚有少少焦香但沒有燶，雞皮都帶微脆雞肉都不錯， 和檸檬一起吃就更好。餃子煎得剛好，皮有口感而入面材料都不少， 二口就食完一隻，份量剛好。終於來到主菜的豬軟骨拉麵啦，拉面份量都可以夠飽，配菜都不少和有隻流心蛋，但豬軟骨實在分量的確比較少， 幸好味道都幾好夠惹味和夠淋身，流心蛋蛋味都幾香同滑。最後來的小食我喜歡的魷魚來到，但有失望， 因為份量不太多，食落去味道偏淡， 而且口感有點難咬，有點失望。

同屋企人一齊放假，唔想去咁遠就去咗鑽石山食拉麵。原來呢間除咗拉麵，仲會有咖哩烏冬，咖哩蛋包飯食。諗唔到食咩拉麵就一於叫個雜錦拉麵($72) 入面有豬軟骨，叉燒，蟹柳，蛋，粟米等，好豐富。湯底味道不過不失，濃得黎又唔會好咸。拉麵食落都幾彈牙。另外就叫咗個炸雞塊咖哩烏冬餐 ($62/ set) 有麵豉湯，薯仔沙律。呢度嘅薯仔沙律好好食🤤 唔好睇啲炸雞好似好乾咁，其實入面係一大塊雞胸肉，點埋沙律醬食都不錯。烏冬有咬口，湯都好濃郁。串燒雞翼 ($35) 雞翼燒得較乾身，味道不錯，但唯獨是唔太夠熱😢串燒雞軟骨 ($35) 燒得好香好脆，加埋檸檬汁食10串都得👌🏻

本身好少黎鑽石山, 呢度好似除左荷里活廣場都冇其他野, 咁岩約左個FD係度睇戲, 睇完之後要醫下肚, 佢就帶左我黎呢間拉麵鋪, 我冇諗過係呢個廣場食野都要等位!!!哈, 好彩等左10-15分鐘都有位啦!!!!我地叫左個 $199 二人套餐!!個套餐可以揀2款拉麵/飯 再加3個小食!!!超多小食!!!揀3個真係好困難!!!個個都好吸引!!!不過咁岩佢有小小唔舒服, 所以冇揀到炸野, 最後我地叫左燒牛舌, 燒雞軟骨+燒雞翼, 煎餃子!!! 好豐富!!拉麵好多都要再加錢, 我就揀左個雜錦拉麵 +$15, 朋友就叫左個辛辣拉麵 +$10!!雜錦拉麵好多料, 豬軟骨, 拉麵叉燒, 蟹柳, 昆布, 雞蛋, 粟米…湯底都唔錯, 好正宗, 真係有油係度保持拉麵既溫度!!! 相反朋友個辛辣拉麵就冇咁多料, 淨係得昆布, 粟米同埋辛辣既肉碎, 個肉碎撈埋湯之後都紅曬, 好似好辣咁, 但又唔係好辣, ok好味!!!兩個麵既份量都好大, 真係好大碗!!正!!!至於小食方面就更正!!!燒牛舌薄薄地, 好香牛味!!! 餃子有大隻, 超足料, 又夠熱夠香口!! 燒雞軟骨同埋燒雞翼都係鹽燒, 唔咸, 味道剛剛好, 都