本家韓國料理

營業中

休息中

唔講主食住，講左佢d前菜先！真係好好食！！不過可惜冇得再添，試過兩個人或三個人嚟都係比各一份，唔知多啲人會唔會比多啲呢😂雖然份量少，但係勝在款式夠多，其他韓國鋪多數都係比兩三款，呢度有齊6款咁多！呢次試左牛腸火鍋（$350）唔好見佢有兩隻垃圾，我同frd都一致覺得係唔辣嘅🫢除左牛腸，仲有唔少牛肚，比例應該係一半一半。最期待嘅梗係醬油蟹啦！上網見人話本家嘅醬油蟹係全香港第一好味！呢次就特登嚟試下係咪傳說中咁勁🤓一份醬油蟹有兩隻，total$530，價錢都偏貴少少。不過賣相真係冇得輸，切得就比坊間細少少，冇左大大啖嘅享受。等你影完相之後，職員會幫你撈埋d飯，塞喺兩個蟹蓋度😋我覺得本家嘅醬油蟹味道偏淡少少，我自己就重要重口味多啲😂不過都證明佢啲蟹都曬新鮮～好味係真嘅，但係咪全港第一就見仁見智啦🤔

得個貴字 燒牛肉好似佳寶BBQ醃晒味嗰啲咁嘅質素幾百蚊碟 一條煎馬頭 掌心咁大條 $200仲要係梅人手又唔夠 有朋友，你唔係咁鍾意佢 可以介紹佢試吓 包佢講粗口 不過我都係睇大陸啲片中伏先去

如果要我推薦一間韓國餐廳，本家絕對榜上有名！從食物到餐廳裝修、店員服務等，都好有韓國既感覺，唔洗飛就可以食到，機票都慳返😍叫咗個三到四人餐，加一個海鮮煎餅，四個人食到捧腹而歸，勁滿足🥳生牛肉作為前菜非常開胃，牛肉好鮮嫩，同雪梨條好夾，撈埋生蛋黃口感就更豐富👍海鮮蔥餅好足料，啖啖都食到海鮮。蔥既香味同韓國煎餅既獨特口感真係絕配🥰就咁食煎餅味道比較淡，重口味星人食既時候記得點多啲汁😂三至四人餐有兩款韓牛，雪花紋都好靚✨一款肉味更濃，另一款就油脂更香，兩種都勁好食❗️配埋粗粒芥末，完全中和咗油膩感🥰有店員幫手燒，手殘黨即刻放心😂醬油蟹當然係今日主角，睇圖就見到滿滿蟹膏超肥美呀！！🥰😍醬油味唔會過濃，食到蟹肉既鮮甜🤤韓國姨姨問咗我地係幾多人食，幫我地分好咗一人一份既蟹膏紫菜撈飯，一路分一路同姨姨傾計，姨姨好fun😂韓式烤鰻魚一直係我至愛😋本家既烤鰻魚同樣出色✨店員幫我地將鰻魚燒到焦香，過程好治癒！包住醃蘿蔔，點鰻魚醬食，口感同味道都好豐富！鰻魚外焦內軟，肉質緊實，食落好香好好味🥹店員會將薑絲道入鰻魚醬，唔食薑既朋友記得提早講😂總結：韓食老店既食物質素自然不在話下，幾個朋友聚餐再叫枝燒酒，真係好似

我一行十二人Book位個陣打左幾十次電話終於打通有個韓國男人聽電話佢廣東話講野唔標準，我有啲聽唔到佢第一次cut左我線之後我再打，book到佢話有房，但有低消咁我都話好，佢叫我要俾$1000訂金都ok，俾埋上到去，第一個阿姐就同我講冇房佢話你哋12個人無得坐房我已經同佢表示話我訂位嗰陣已經話要房點解而家會無第二個呀姐就話你哋咁多人坐唔到房一坐低已經俾佢地激親點知食飯嘅時候仲衰，態度非常惡劣啲醬油蟹擺咗喺隔籬餐車放咗好耐佢都冇上菜，因為係生冷食物，我哋都擔心會變壞咁我哋就問姐姐可唔可以上咗醬油蟹先食燒肉佢居然鬧翻我哋轉頭，仲zip我地話冇人得閒整叫我哋等吓唔好嘈燒肉又燒到燶晒，冇人睇火我哋自己想燒又唔俾Total每人食咗$650 呢間真係我食過最差最惡劣嘅餐廳食物唔係特別出眾，服務態度極之惡劣

朋友帶咗我哋嚟呢間韓國餐廳食飯今次係我第一次嚟呢一度食飯🤣搭𨋢嘅時候覺得呢幢嘢怪怪地 因為好大陣去唱K嗰啲地方嘅味道😂聞到好多煙味同埋酒味 心諗死啦…呢個地方啲嘢食係咪奇奇怪怪咁 同埋擔心呢個地方嘅衛衛生情況😂點知 呢度嘅店員好鬼死親切 好多都係韓國人🇰🇷佢哋仲會同啲熟客係咁傾偈聽講有時仲會派吓韓國嘅柿😂佢哋啲前菜真係好充足 一台人淨係前菜已經有八九碟..😂未食主菜已經覺得好飽然後仲有一碗湯 真心幾鮮甜食咗佢哋個石鍋拌飯就真係冇咩肉嘅😂😂 但係都幾好食而且份量都算係多配菜嘅味道都唔錯我就唔係好食得辣嘅 但係熱情嘅韓國姐姐就建議我加少少辣醬🤣咁我就好啦俾佢加點知佢加咗一大Pat😭😭不過食落都唔係好辣🌶️同埋加咗辣醬真係惹味啲建議大家就算唔食得辣 都可以加少少試吓不過聽講價錢越嚟越貴 唔知係咪因為加租定係點😂如果個價錢可以再平啲就Perfect啦

Born Ga has replaced one of our favorite Korean restaurants in HK. We recently discovered Born Ga through a close Korean friend who praised the restaurant for its authenticity and the quality of the food, and she was not wrong. We can judge a Korean restaurant by the side dishes they serve, and the kimchi was spectacular. The vegetables were so fresh and vibrant. The staff were amazing and constantly at our beck and call. We highly recommend this place to Korean food lovers.

一睇啲頭盤就知呢間韓國餐廳有啲料到。試哂所有頭盤之後，覺得茄子最正 ，不過要忍一忍口唔好食太多，要留返個胃去食其他野食。特大牛排骨$280啲肉份量都唔少，會有姐姐幫你燒，淨係負責睇同食☺️ 豚肉片無乜特別，不過個牛骨肉好好食，嫩口又少根 ，調味唔錯，值得一試 。醬油蟹$520個醬油蟹就真係不得了，大隻又多膏。姐姐會帶埋白飯紫同菜嚟撈個醬油蟹，再上個落個蟹蓋到。咁食法又點會唔好食，呢個一定要嗌呀☝🏼海鮮薄餅$130

喺本家仲未有咁多人知嘅時候，已經食過好多次，好多YouTuber去完，本家已經變得超級難book，以前Walk in都還有機會有空位可入，現在只接受電話預約，但電話長期打唔通🥲，難得女朋友努力不懈打通了電話，總於book到一個半個月之後有位😆 當日係平日7:30pm，去到餐廳已經滿坐，餐廳職員有唔少都係韓國人，一點完野食，職員即刻上左好多款小菜，樣樣小菜味道都唔錯😋，小菜除了泡菜之外，其他都冇得refill。🔖醬油蟹 (2隻) $520🦀醬油蟹最少要叫2隻，會跟一碗紫菜飯。蟹嘅質素非常高質，中size左右，勁多蟹膏，蟹肉非常鮮甜，醬油調味啱啱好，唔會太鹹。餐廳職員呀珠媽會幫手用唧蟹肉，再用蟹殼啲膏去撈飯，質素比得上係韓國當地食😍🔖 烤五花腩 $120 🐷🔖 板腱肉 $230 🐮🔖 烤牛脷 $120 👅🔖 雜錦蔬菜 $70 🥬所有烤肉嘅肉質都很不錯，仲會有呀珠媽幫你手烤，所以好快就烤完，同埋唔驚自己會烤燶🤣推介指數：🦦🦦🦦🦦🦦（5🦦為滿分）

尖沙咀呢間韓國菜🇰🇷位置係金馬倫道因為長期full今次早d book定位去食除左必食既醬油蟹之外烤鰻魚我都期待左好耐😋坐低就有幾款不同既前菜真係好鍾意食韓國菜既前菜非常開胃🤤醬油蟹多膏又鮮甜而且店員會幫手整蟹膏拌紫菜飯整完仲會放番去蟹蓋到第一次食韓式烤鰻魚店員會幫手烤 唔洗擔心唔識整👍🏻店員教我地點醬再包住紫蘇葉食比起平時食日式個種呢種可以食到鰻魚本身既鮮味最後食埋個部隊鍋都係同平時其他韓國餐廳差唔多😆

我們八個人，一齊去這店食晚飯，叫了很多菜式，非常豐富。當然有不同的牛肉，如生牛肉，燒牛肋骨，燒白鱔，魚，生菜包豬腩肉，醬油蟹（這是生食的，有些人是受不起，小心）,其它小食和不同類型的酒水.實在太豐富,食了$5,000.不平也不太貴。

年初一家族團聚，10幾人搵地方食飯有啲難度，幸好有適飲識食之人找到這家韓國餐廳，年初一照常營業，令到我們有落腳之處。上網睇過食評，好壞參半，好的是食物，壞的是服務質素，特別是節假日人多的時候。一眾人準時到達餐廳，餐廳都幾大，座位密密麻麻，裝飾簡單，但不失韓國色彩。店員多是外籍，不太會廣東話。當家人發板點菜，非常高效率，按照各人需要點了不同的菜式，食韓燒當然就係要有燒肉啦，幾款出名的燒肉都點齊。首先是韓國肉眼扒，這裡有個服務很好，就是可以幫你燒埋，見到店員熟練的身手，燒肉眼扒燒到五成熟，應是最好食的程度，外香內嫩 ，多汁少少紅色，但係又唔會流血，燒烤技術唔錯，用生菜包住，加啲面豉將 ，大蔥蒜片泡菜等，典型嘅韓國食法。燒大鱔都係呢度嘅招牌菜， 一條好大既鱔魚，白雪雪，洗得好乾淨，燒到少少金黃色，表面係脆脆地，用薄薄嘅酸羅蔔片包住食，提昇左鱔魚嘅鮮味，好食又有咬口，超水準。跟住到燒豬腩肉同樣喺手法純熟 燒到外脆內軟，配雞俾菇一齊，燒到出油，但係啲肉又冇柴嘅感覺，少啲技巧都唔得。講完燒肉就講下其他食物，6碟前菜不過不失，有泡菜，太鹹唔夠酸，芽菜同菠菜味道好好，薯仔都OK，但太少都唔夠每人一舊。

我嘅好朋友終於返左黎。。返黎就緊係去食好野啦。。佢就即刻話要食醬油蟹。。經朋友介紹就去左呢間。。好似都幾出名咁。。我地食呢間之前都食左ᒪᑌᑎᑕᕼ架啦。。所以黎嘅主要目的就係食蟹。。上到去原來佢係韓燒黎架。。其實都幾吸引😋我地就叫左每人一隻蟹食。。呢間舖頭好好架。。阿朱媽會幫我地起晒啲肉。。撈埋啲飯。。放埋入蟹蓋。。全套服務。。而佢嘅醬油蟹唔算好鹹。。有啲舖頭鹹到搞唔掂。。而醬油蟹撈埋佢嘅飯仲好食😋😋個刻我直情想叫多飯蟹😋😋呢個真心推介。。好味之餘仲要有人招呼👍🏼👍🏼..🦀醬油蟹..📍 本家韓國料理 (尖沙咀)尖沙咀金馬倫道22-24號東麗中心1樓..@bornga2001..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodi

難得喺香港食到正中韓國菜，最正係個醬油蟹味道一流，好新鮮，又唔會太鹹！Kimchi係我食過喺香港咁多間，最似韓國味道嘅一間，唔太酸唔太辣。但相對服務亦超級差，非常唔好嘅待遇，果然係正宗香港飲食服務，就好似澳牛一樣。雖然食物好，但服務真係超級無敵差，絕對唔會再嚟！寧願去韓國食好過！

最近造訪了一家正宗的韓國餐廳，這裡不僅有道地的美食，還有韓國oppa幫手燒肉的服務。點了一份韓國大熱烤鰻魚。這道菜外表金黃香脆，讓人垂涎欲滴。鰻魚的肉質鮮嫩多汁，每一口都帶著濃郁的海鮮風味。酥脆的外皮與魚肉的結合非常完美，給人一種口感上的驚喜。這道烤鰻魚絕對是我在韓國餐廳中吃過的最好吃的。另外不得不試醬油蟹。蟹肉鮮嫩，肉質緊實，搭配醬油的滋味更加突出。蟹肉的甜味和醬油的鹹香完美結合。配上紫菜拌飯。這是一道簡單卻美味的配菜。紫菜的鮮脆與飯的軟糯相得益彰，搭配著微微的醬汁，帶來豐富的口感和深厚的風味。總的來說，韓國oppa幫手燒肉的服務讓用餐體驗更加獨特，而烤鰻魚、醬油蟹和紫菜拌飯的美味更是令人回味無窮。如果你對韓國美食感興趣，我強烈推薦你來這家餐廳一試，你一定不會失望！

平時唔會打食評或comments 太多，今次嘅晚飯真係食到要為佢哋而特登用少少時間寫少少嘢。服務非常一般，朋友生日蛋糕都未切未食就走過嚟黑面仲話咗我哋幾句！講阻住佢哋收工！留意番係10點幾未收工！ 呢個價錢咁嘅服務我唔會再去！其實唔需要啲咩服務，至少你睇到有客人生日都唔應該黑面！唔會再去！