唔講主食住，講左佢d前菜先！真係好好食！！不過可惜冇得再添，試過兩個人或三個人嚟都係比各一份，唔知多啲人會唔會比多啲呢😂雖然份量少，但係勝在款式夠多，其他韓國鋪多數都係比兩三款，呢度有齊6款咁多！ 呢次試左牛腸火鍋（$350）唔好見佢有兩隻垃圾，我同frd都一致覺得係唔辣嘅🫢除左牛腸，仲有唔少牛肚，比例應該係一半一半。 最期待嘅梗係醬油蟹啦！上網見人話本家嘅醬油蟹係全香港第一好味！呢次就特登嚟試下係咪傳說中咁勁🤓 一份醬油蟹有兩隻，total$530，價錢都偏貴少少。不過賣相真係冇得輸，切得就比坊間細少少，冇左大大啖嘅享受。等你影完相之後，職員會幫你撈埋d飯，塞喺兩個蟹蓋度😋我覺得本家嘅醬油蟹味道偏淡少少，我自己就重要重口味多啲😂不過都證明佢啲蟹都曬新鮮～好味係真嘅，但係咪全港第一就見仁見智啦🤔

知道呢間野係因為frd介紹，估唔到喺k11都可以食到咁高性價比嘅韓國菜😍 呢次係晚市過嚟，可以揀要唔要燒肉，分開兩個唔同嘅area，唔食燒肉嘅可以避免太大油煙👍🏻我地呢次就冇燒肉啦，menu有套餐可以揀，勁啱同frd一齊嚟happy share😋 我地呢次嗌左四樣野，四個女仔可以食到勁飽，仲剩好多未食曬，除返開都係人均二百零。而野食唔單止打到卡，味道都好好🥰 溫馨提示：如果帶左蛋糕嚟慶祝生日，消費滿500就唔洗切餅費！

星期日晚同frd上去都仲有勁多位，食飯時間都冇咩人，walk in一定冇問題，店鋪位置都易搵。 食物款式都好齊全，啱曬咩都想試d但食唔多嘅朋友仔。一次過可以食齊燒肉 雞煲 打邊爐，唔洗揀食咩好，啱曬同一大班朋友仔一齊去食。價錢亦十分相宜，啱曬學生黨。 不過食物質素就非常一般，全部嘢都唔算新鮮，睇得出放左出嚟好耐，海鮮都好大浸腥味🫢肉類應該落左好多醃料，食落d醃料味會蓋過肉味，只要食調料味。 不過以咁嘅價錢，可以食到咁多款嘢食都算係咁。我個人就比較追求食物嘅質素，再有下次可能就未必啦😥

好耐之前就聽聞過呢間舖，咁啱同frd經過就去試下啦！店鋪位置都易搵，就喺正麥花臣球場對面🤓 我地呢次試左「招牌冷鍋酸菜魚」（regular💰238） 味道嚟講都算唔錯！未試過嘅可以一試！食物質素都中規中矩～ 一份regular size嘅魚適合兩個女仔一齊share，入面仲附有些許配菜（娃娃菜，金菇，薯粉，萵筍），想要多d配菜可以後加好似平時打邊爐咁煮～ 我地仲試埋「酸辣土豆絲」（💰75） 土豆絲就有小小不如期望，冇乜酸味，整體味道偏淡。不過鍋氣係有嘅，食落似熗炒土豆絲多過酸辣土豆絲😂 最尾兩個人埋單四百零蚊（包埋加一），人均200左右，豐儉由人，嚟到旺角東不妨試試🤓 （不過店員好似好趕住收工咁😂我地9點零去到都係咁提醒我地舖頭收11:30，10點半last order完已經好急咁收我地d嘢🙈）