本原純素

ROOT VEGAN素食餐廳｜中環｜食評===整體評分：8.5/10 ✨中環十分靠譜嘅素食餐廳！呢間唔係嗰啲齋到你喊嘅素食，係真係好食嗰隻。 Gym L 減脂L 無肉L必試。===🍴 試咗啲乜🍗沙嗲串燒炸到金黃香脆，外層好鬆脆，配埋沙嗲醬同蝦片，擺盤靚仔。沙嗲醬夠惹味，香料味出晒嚟，完全唔會覺得少咗啲乜。呢個真係必叫！🥘泰式紅咖喱賣相已經好吸引，橙紅色嘅咖喱配新鮮蔬菜（西蘭花、粟米筍、荷蘭豆），椰漿底夠creamy，辣度適中，好authentic嘅泰國風味。食完好滿足，份量都夠喉。🍝野菌意粉扁意粉煮得剛好，菇類份量好足，唔會太漏或者太淡，herb調味啱啱好。食落好有滿足感，唔會覺得食素好慘。===🪑環境簡約型格，木系裝修，幾舒服。啱晒lunch快閃或者hea住食dinner。燈光唔會太光，feel幾好。===🧮抵唔抵食？中環rent貴，價錢都預咗啦，但份量夠大，食材新鮮，算係合理。如果你本身有keep fit或者想試下素食，呢度真係唔錯。===😎推薦理由✅ 好食！唔係嗰啲「為食素而食素」嘅妥協版 ✅ 菜式多元化，泰式西式都有 ✅ 蔬菜夠fresh，唔係啲雪藏貨 ✅ 近office，lunch time啱晒 ✅ 做gym之後嚟食都唔會有罪惡感 ===🔈留意返⚠️ Lunch時間多人，最好book位 ⚠️ 中環價，你懂的 ===🛎️總結大力推薦！就算你唔係素食者都會鍾意。呢間證明咗素食都可以好好味、好豐富。返工想食得健康啲，或者純粹想試新嘢，ROOT VEGAN都係好選擇。會唔會再去？梗係會啦！===📍 中環 🌱 全素 💰 $$-$$$ ⭐ 8.5/10…Read More

第二次來這間純素餐廳，今次是同好朋友慶生，預先在網上預訂了一個蛋糕🎂晚餐點了二人餐，頭盤有沙律及湯，可以每樣一款，前菜可以選一個，我們點了煙肉脆薯條配秘製黑松露醬蛋黃醬，倉薯條配非常濃味的黑松露醬😍。主菜可以點兩份，我們點了紅咖喱雜錦蔬菜天貝及敲大啡菇及田園鮮蔬伴牛油豆蓉。飲品點了2杯特製梳打水。所有食物都非常精美，好好味，尤其泰式紅咖喱，非常正宗，好有紅咖喱及香茅的味道，椰香亦是一個重點。最後一個蛋糕是日本培茶無花果純素蛋糕。因為是純素關係，沒有蛋奶成份，所以會比一般市面上的有蛋奶的蛋糕不夠軟棉，但真是好好味道。…Read More

朋友聚餐，選擇了食素菜，其中一位朋友生日，選菜單都由她作主，我哋選擇了一個二人套餐，前菜：沙律，小食：泰式小食併盤（蝦餅及春卷），主食：酸菜魚及泰北咖哩雞腿麵，及加了一個意粉；睇個菜名好似樣樣都有肉，酸菜魚味道豐富，魚片就用了薄切的雞肶菇，菇吸收了湯汁，份外好味，上菜時配上了黎麥飯確實唔錯；咖哩雞肶仔，用了腐皮包裹著雪條棒（當作雞骨），無論做型賣相都好，咖哩湯汁除了配本身麵食，用作配飯都很野味；再叫了兩款飲品（菠菜香蕉牛油沙冰/蘋果香蕉燕麥奶）作結。這一餐飯對於我非常滿足，無論視覺/味覺都得到享受。店員服務態度好。…Read More

推薦呢間餐廳！千祈唔好俾佢啲餸嘅外表呃到，雖然每一道菜睇落都好似好簡單、平平無奇，但一食落口就知龍與鳳，全部都係有內涵、好好食嘅菜式！個紅湯超好飲，味道好濃郁，入面每一樣蔬菜都煮到好腍好甜，飲得出係心機嘢。我哋叫咗兩個主菜，一個係「紅咖喱雜菜跟酸種麵包」，另一個係「紅菜頭意粉」。個紅咖喱真係冇得彈，個汁濃郁得嚟帶甜味，同啲蔬菜撈埋一齊食，味道勁夾。見人哋推薦話一定要配酸種麵包，果然冇錯！塊包烤到薄薄脆脆，雖然有啲硬，但咬開中間又好煙韌，點咖喱汁食簡直一流！另一碟紅菜頭意粉，睇落仲普通，但食落有驚喜。啲蘆筍新鮮爽脆，雖然份量唔多。成碟意粉味道偏清淡，但最正係個醬汁完全掛得住條麵，仲食到好香嘅花生味，好特別！連杯「薄荷檸檬梳打」都好好飲，好refreshing。總括嚟講，呢間餐廳行嘅係實力派路線，賣相唔花巧，但味道絕對唔會令你失望，係一間會令人想再去嘅好地方。嗌咗二人套餐，三個人食，我哋唔大食所以夠飽，埋單唔使$500…Read More

餐廳：本原純素地點：中環威靈頓街菜式：素食餐牌：平日12-5有午餐，主食6選1，另有是日厨師推介，加$38可升級套餐。無加一。擔擔湯拉麵 $128擔擔湯拉麵個湯底呈橙色，味道少少辣，花生味可以再燶d。拉麵太淋身。最正配料係紫菜卷，非常脆口而紫菜味濃。其他配料有脆口天貝粒、枝豆、甘荀絲、豆腐粒同沙律菜，個人覺得蔬菜量應該要多少少。呢個價錢偏貴。去counter落單比錢之後有個鐘比你，鐘響之後自己去攞野食，食完自己收餐具。…Read More

我們於3/9（二）下午四點🕓到達餐廳，當時沒有食客，有些店員在休息。我們叫了2個lunch menu，其中一個叫了combo，有餐湯和補差價選擇飲品，另叫了一個小食。❶蔬菜湯🥣：紅湯好多料，有薯仔🥔西芹、紅蘿蔔🥕等。❷味噌豆乳湯拉麵（$128）：與外面吃到的素拉面不同，通常都係粟米溏心蛋、素丸等，但佢係有枝豆🫛，海帶，油揚，超多野菜🥦，炸金菇等，拉麵與外面不同，似米線質地，份量都多🍜❸黑松露素帶子焗意粉（$98）：有菜粒，洋葱🧅，不少雜菌🍄，非常之香❹鐵觀音燕麥奶（補差價$47）：能喝出茶味❺炸印尼天貝 BBQ 醬（$38）：大約有8小粒，不像外面吃到的「炸物」，反而保留天貝的質地及外觀，好食😋食物優秀，埋單不用加一，餐廳環境舒服寧靜😌…Read More

約朋友聚舊，每人叫一個餸再加甜品，每一樣食物都好好食份量亦剛好，最後叫的斑蘭蛋糕味道清新又不是太甜，今我非常驚喜!而且職員態度友善，所以一定會再和朋友試其他餐。…Read More

見咁多好評，終於有機會約了朋友來試試。天氣太熱，行到身水身汗，但店舖冷氣風大卻不太夠冷，朋友唯有話心靜自然涼⋯選擇不太多。叫了炸天貝，泰北咖喱金麵配腐皮雞腿同埋特別推介嘅菠蘿炒飯，兩杯嘢飲。天貝當然無咩特別味道，係靠醬汁，醬汁有三種，黑松露好味啲。我覺得都撇除了本身的怪味，都ok。朋友就唔係好慣隻味。麵就好普通，腐皮係一般貨啦，話係咖喱但味道不辣的，整體OK啦，份量不多，感覺不值得這個價。（可能中環係咁？）菠蘿炒飯是比較好的，不算油膩，味道一樣係好standard，餐牌話少少辣但我覺得唔辣。服務就真係好一般。我地兩人share黎食，叫佢比多隻碗食麵，真係得隻碗，筷子都唔會比多一set你⋯ 啲 staff 可能好多附近熟客，打招呼好開心，或者無咩興趣理其他客。 埋單有得reg會員拎$10 coupon，但個system都有點麻煩。感覺有點overrated，應該試過一次夠了。…Read More

餐廳：本原純素地點：中環威靈頓街菜式：素食餐牌：平日12-5有午餐，主食6選1，加$38可升級套餐。無加一。餐牌同幾個月之前黎一樣。只係daily special有唔同。味噌豆乳湯拉麵 $128味噌豆乳湯拉麵個湯底呈奶白色，味道偏鹹，豆乳味唔夠。拉麵太淋身，麻麻地。唯一可取係蔬菜量足，包括西蘭花，枝豆，海帶，炸金菇，豆腐皮，蘿蔔絲同黃芽白。落單比錢之後有個鐘比你，鐘響之後自己去攞野食，食完自己收餐具。總括而言，價錢偏貴。…Read More

Root Vegan 本原純原位於中環啱晒平時返工食厭左肉想食素既大家，餐廳座位有室內同室外，方便大家呼吸🚬呀🥬泰式小食拼盤(細)🐔沙嗲雞- 味道有啲似齋燒鵝脆卜卜🐟魚餅-魚餅好容易就可以做得似，不過香料好特別🍗泰北咖喱金麵配腐皮雞髀｜有返成隻雞脾造型，一層脆脆嘅腐皮包住雞髀(肉)，雞髀入邊竟然食到有骨，係乜嘢嚟等大家去發掘😆 咖喱金麵湯底濃郁好味🍲和風豆乳柚子胡椒雜炊｜豆乳湯配一粒粒嘅珍珠米 豆卜吸曬豆乳湯嘅味，成碗食晒之後全日充滿幸福☺️🍨黑芝麻豆腐沙冰｜低糖、黑芝麻同豆腐好match，清新嘅感覺🍌菠菜香蕉牛油果沙冰｜完全冇菠菜嘅草腥味，香蕉的甜味完全掩蓋了菠菜的味道，超級美味又健康的冰沙…Read More

Haven't been visiting for quite awhile, suddenly craving for some plant based fusion dishes and thought of this place. Menu didn't change much with few additional options. They also offer set meals. This time, we decided to try on their set of 2 with soup of the day, tuna spicy mayo toasts and red curry veggies and tempeh in noodle. Day of soup was pumpkin, which was my favourite. Appreciated the warm reminders from staff to be aware of hot bowl while serve. Soup was in appropriate portion. Topped with crunchy croutons and sprinkled with herbs. Soup was light and smooth. Quite burning hot. Strong pumpkin flavour and sweet. Even just lightly sprinkled herbs, could taste an earthy scent. Very hearty.Tuna spicy mayo toasts were quite delicate. Should have asked for two small plates while eating. Kind of messy to eat as toppings falling during bite. Tuna was pretty fishy. Texture and taste pretty similar to real tuna. Glad they dressed with spicy mayo which kind of covering the strong fishy taste. A pretty decent dish.Here it came to my favourite dish here, the vegetables red curry with noodle. Vegetables portion was way bigger than I could remember. It was loaded with Thai aubergines, big chunks of carrots, baby corn, Brussel Sprouts, tempeh, tofu cubes and broccolini. Red curry broth was perfectly cooked with intense spice and mild heat. Unlike the creamy and rich type of curry, this curry was perfect for serving in broth noodle. Aubergines were very soft, carrots were slight raw to me which too crunchy and carrot-y, love they stir in the brussel sprouts after grilling, baby corn and broccolini were soft. All vegetables absorbed so well with the curry. Tempeh was in cubes and wish to serve more. Never enough of tempeh! Well coat with the flavour while easily to bite without its own bitterness (which some may taste bitter if didn't cook long enough). Noodle was chewy and in just a right portion considering serving that amount of vegetables. It was absolutely filling. A very filling, back in the old days lunch. Still absolutely amazing and this meal set was quite economical.…Read More

地點在中環的舊樓，比較破落的那一種。普遍份量少，除了大拼盤可以讓兩個人吃，其他的都只夠一人下箸，大約要叫3、4份才勉強夠2人食，其他菜式沒有驚喜，都是看生菜裝飾，連其他食評人推介的擔擔炒意粉也很一般，感覺不到擔擔的味道和踪影。地方很細，滿座亦不捨得開冷氣，話會滴水，到差不多離開時可能太多人投訴很焗才開，只有一個侍應走全場，服務欠奉，要什麼都是自己去找，最搵笨是$180開蛋糕🎂盒費。另外厠所在外很污糟頗恐怖。這樣的經驗，也許只有情有獨鍾破落的香港情懷才識欣賞吧！…Read More

餐廳：本原純素地點：中環威靈頓街菜式：素食餐牌：平日12-5有午餐，主食6選1，加$38可升級套餐。擔擔炒意粉 $118擔擔炒意粉都好大兜，係炒得煙韌有口感嘅扁意粉加有辣辣哋嘅醬汁，好惹味。配料有新肉絲，洋蔥，爽脆西蘭花莖粒，好多脆口花生，面頭有少少菜苗。特別在新肉絲口感真係好似肉絲。扁意粉份量夠多，算係多配料，不過菜量唔多。落單比錢之後有個鐘比你，鐘響之後自己去攞野食，食完自己收餐具，呢個價錢都唔平wor。…Read More

🎖️ 整體評分：🌕🌕🌕🌗🌑⏱️ 平日夜晚：唔洗等————————————中環晚餐價錢算合理，cafe環境舒適，有素食選擇，好啱兩個女仔放工食飯傾計— 𝕄𝔸𝕀ℕ —【 🍔. 黑松露漢堡配薯條沙律 】揀咗豬肉漢堡，黑松露味唔會太濃，漢堡肉算juicy。薯條金黃唔淋，沙律清爽開胃【🥤. 雜莓高蛋白奶昔 】奶昔飲落去滑口，雜莓新鮮，有飽足感。輕食晚餐之選— 𝔹𝔼V𝔼ℝ𝔸𝔾𝔼 —【 ☕️. 紅棗桂圓杞子薑茶 】女仔養生必選，好足料，補血一流。唔算太甜，仲有唔少紅棗粒咬。薑味都唔會太搶…Read More

我覺得素擔擔炒意粉係一款好有特色嘅意粉。擔擔醬嘅味道濃郁，辣度適中，配上煙韌嘅全麥意粉，好有飽足感。另外叫左素紅咖哩雜錦蔬菜, 係個係一款好有風味嘅咖哩。咖哩汁嘅味道濃郁，椰奶味香濃，蔬菜嘅口感清爽，好有層次感。佢嘅咖哩醬汁非常濃郁，帶有一種淡淡嘅辣味，令呢款菜式更加美味。…Read More