月

營業中

休息中

我呢個忠實 fans 由尖沙咀舊舗食到太子呢度，每隔一排都要過嚟打下邊爐，雖然佢地嘅西餐同串燒都做得好出色，火鍋亦都好多湯底揀，但每次都係會食返西班牙海鮮鍋，而且一定要加錢要隻龍蝦，試過就會知道分別有幾大 😎前菜：😋 雞翼 + 薯條配黑松露醬 ~ 新鮮炸出嚟熱辣辣好香脆。😋 龍蝦蝦身刺身 ~ 味道鮮甜，肉質有彈性，口感豐富。主菜：😋 西班牙海鮮鍋 ~ 開始淥野食前記得飲埋碗湯先！飲埋碗湯先！飲埋碗湯先！重要事情要講三次！首先個湯滾緊果陣已經聞到濃濃嘅鮮香味，加上蝦頭炒湯令到個湯底非常濃郁，每一啖都滋味十足！我飲咗三碗先肯開始落野食 🙈🙈😋 海鮮拼盤 ~ 段人頭份量計有五款時令海鮮，包括蟶子、鮑魚、海蝦、龍躉片、同埋是日貝類，全部海鮮都好新鮮，而且洗得好乾淨！仲有本地手切肥牛、西班牙黑毛豬腩片、自家製手打墨魚丸、餃子、即炸厚切午餐肉、即炸魚皮、蔬菜籃，每款高質嘅食材都經過精心準備，值得加分！職員 & 老細都好友善，會有講有笑 😂 呢間充滿人情味 + CP 值極高嘅小店暫時喺我心目中未有一間火鍋店可以超越到佢！

以前也有光顧，一直覺得好食+用心私房菜，今次一行4位女士打邊爐，每人也吃不飽(以下圖+ －碟豬肉+每人2粒餃子）相信男士更加冇可能食得飽😛食物質數下降，西班牙湯底比以前差，如果好食6百幾蚊位完全冇問題，但完全唔值

約好友食晚飯，選址在久未幫襯的「月」，今次食返西餐，套餐每位$550，另加一服務費；選套餐有一度好，不用選擇，又可吃到餐廳的主打菜，最重要唔收開瓶費，啱晒我哋啲酒鬼去。🤭原來餐廳收購埋旁邊的店舖，一間主力做火鍋🍲，另一間主力做西餐🍽️。套餐包清新又開胃的「蕃茄什菜沙律」、鮮甜又濃郁的「西班牙海鮮湯」、香脆又惹味的「月式蒜蓉包」、酥脆又嫩滑的「JIM炸雞翼」、惹味又飽肚的「薯條拼黑松露醬」、鮮嫩又入味的「香煎北海道帶子配日式麵豉汁」。爽彈帶牛油香的「法式牛油汁焗蟶子」、肉厚香滑的「慢煮南非鮑魚配牛油肝汁」、嫩滑多汁的「烤美國頂級封門柳」、香脆肉嫩的「立鱗魚」、微辣帶蒜片香的「香辣蒜片蝦意粉」。最後甜品是香滑帶芒果肉的「芒果蛋糕」。😋食物大部份也頗有水準，價錢$550/位，也不算貴，食得過！🤗#月地址: 太子大南街124號地舖電話: 96636345

這間餐廳位於太子和深水埗之間，地方都比較隔涉，要搵都需要啲時間！但係正正因為這樣，所以啲租應該比較平啲，所以可以食到啲性價比高嘅食物！今日一行四人，同朋友敘舊，一齊分享美食！叫咗個串燒套餐，呢間餐廳以fusion出名，好多食物都係中西合璧，但係呢個串串燒套餐，就係中日合璧！菜式方面先嚟一個孜然日本枝豆，這個可以的，開胃小菜。之後就正式開始主菜，頭盤就係高湯北寄貝燒，呢個北寄貝燒啱啱熟，好有鮮味，個湯唔錯，有少少酒味，我連個湯都飲晒！第二道菜係肝醬鮑魚燒，個鮑魚又係啱啱熟，嗰個肝醬唔錯，味道濃濃的！第三道係蝦蝦燒！隻蝦燒到啱啱熟！而且隻蝦都幾大隻！佢唔需要任何調味，淨係落咗鹽燒！第四道菜係酸汁湯燒葉生蠔，隻生蠔好大隻，因為係生蠔，完全唔需要太熟！食落去好蠔味，配埋個酸汁啱啱好！第五道係燒元貝，一寸有兩粒，老闆一啲都唔吝嗇，隻帶子好大隻，好有口感，搽咗少少燒烤醬料，更加有鮮味！第六係豆豉蒜頭脆脆鱔，份量又係好多，脆鱔真係好好味，完全冇腥味，佢仲加咗豆豉，不過我覺得唔需要，原味更加好，其實加鹽燒就可以！第七道菜係墨蝦金剛棒，呢個係用墨魚同蝦肉造成嘅丸，呢個都好味！第八道係燒豬腩肉港式麵豉醬，

7:30食到11:30枝豆之後等咗45分鐘，食完蠔再等咗40分鐘佢哋俾個解釋係因為另外一台客話要食快餐，所以就叫我哋呢台要等然後上到嚟老闆話唔知道我哋呢台咁認真前前後後催咗成10次都有佢好意思拎支酒上嚟，諗住笑笑口扮冇事發生仲要話唔知我哋咁認真？話我地無反映比佢地喎其他枱係客 我哋唔係客？咁點解我地要等？咁樣都比1分佢都真係算俾面食飯食到咁受氣都係第一次我地態度好係我地有教養 唔代表我地就值得捱餓做唔到咁多單就唔好做！

睇影片分享平台某飲食頻道介紹，專做私房火鍋同埋西餐餓媽家姐，講到間店點有 heart，素來最欣賞呢樣嘢，一於試吓。西班牙海鮮湯唔夠香濃，似乎用咗啲瓜蓉，所以口感唔滑亦唔厚，西餐嘅濃湯羹係應該愈滑愈好，鬼佬叫 creamy，呢個湯望落去夠杰㗎，但口感水汪汪又一粒粒。月式蒜蓉包超好食，不過呢啲係交返嚟，唔係自家烘焙。蕃茄什菜沙律第一度菜就係沙律，一上枱見到個沙律就知今餐已經中伏！錢大媽10蚊一大袋貨色，都算，沙律汁自家調製都好卦，又係超市20蚊豉油咁大支貨色，唉！JIM 炸雞翼大快活下午茶餐隻炸雞翼好味過佢，死未？薯條併黑松露醬薯條好食，外脆內軟有薯香，不過都係來貨，只可以話炸得唔錯！香煎北海道帶子配日式麵豉汁帶子半成熟(一成都冇)，問佢佢話係咁，西餐通常唔食生帶子，除非你餐牌講明，不過你話係咁都冇計，面頭用麵豉汁煎過下，些小咸，帶子原隻比較厚身，故此幾乎冇乜味道。下面有一件沾咗脆漿嘅薄片炸物，睇落似蓮藕片，但油溫控制差，一咬成口油，都感覺唔到裡面係乜。法式牛油汁焗蟶子蟶子冇貨唔出聲，上枱先講係北寄貝，個売就熱到不得了，但粒北寄貝只係室溫，水汪汪冇味道。慢煮南非鮑魚配牛油肝汁眼高手低，想複

今日嚟到呢間餐廳真係一個驚喜🎉！首先，個熱情果梳打，真係涼快到爆炸，好似夏天一陣陣海風咁。嚟到嘅沙律配埋啲脆脆地嘅薯條，同深邃嘅黑松露醬一mix，味道勁正，整個口腔瞬間開Party啦！揼一啖呢個鮮炸魚皮，嘩，真係脆到喊，層次感滿分，勁過搞作薯片。然後果個西班牙海鮮湯，海鮮真系新鮮過哥倫布搵到新大陸嗰刻，每啖嘅料我都驚歎呀🐟！搞到試完雙碗湯，都未算完，因為個配嘅蒜蓉包，又係另一個高峰，蒜香味撲鼻，講真，我都想把老闆頂讚啦！再嚟就到雞翼，呢個月式翼外香內嫩，咬一口已經覺得今晚無白嚟。帶子煎得啱啱好，淡雅嘅麵豉汁增色不少。唔犯規㗎嘛，南非鮑魚略咸咗點，但都係好食指大動。要講到深刻，那個羊肚菌焗雞飯，足以令我刮目相看，每啖飯都飄散出滿滿的雞香，簡直係行家東西！法式牛油汁焗蟶子同黑毛鞍扒都一流，每一碟菜都好有誠意。而封門柳呢，正到爆，啖啖肉就係我對幸福嘅定義啦🥰！食完全部，只能講，這家店試，真係死得無憾啦！要打包？當然要啦，咁多好食，邊夠喉！

之前響網頁見到食評多讚，而呢間店舖有廚師拍板嘅西餐，方便唔想用腦嘅我🤣👍，藉着同男朋友慶祝生日🎂，早一個月已經book定枱！第一次嚟呢間店舖，環境都Ok，夠寧靜，今次試食西餐，食物好味（連我個腌尖男朋友都話好味）😋，有驚喜，每一度菜都食到、感受到廚師嘅用心❤️侍應殷勤有禮🫡

太太上網睇完片，看了不少正評，決定訂位，呢個地區，廚師發辦嘅西餐當索價$550一位點都有點期望，看似很多道菜，但看了材料檔次，只好輕輕嘆息。當炸薯條雞翼一隻都是一道菜，一條手指大細聖子一道菜，蒜蓉包又一度菜，一隻細鮑魚仔一道菜，卻令我有點失望。雖然食物質素不錯，亦看到廚師心機，但大排檔裝橫既冇冷氣鋪閣樓，一路食一路流汗，沒有環境嘅襯托，沒有精心嘅擺盤，一盤三隻自己分，街市可買到嘅家用材料。環境服務跟食物有心但太專業，本人覺得性價比有點低，暫時沒有回頭嘅衝動。

係網上見到介紹老闆兩兄弟由賣衫轉型做餐廳，仲要係私房菜，好似好吸引咁～預約都要早成三個星期先卜到位！佢有分火鍋，或者係西餐嘅omakase. 我地兩個人就選擇左食西餐。餐廳會係當日話你知個menu有啲咩食，以下是菜單：西班牙海鮮湯蒜蓉包什菜沙律薯條拼黑松露醬香煎北海度帶子配日式麵豉汁法式牛油汁焗蟶子慢煮南非鮑魚配牛油肝汁烤美國頂級封門柳香辣蒜片蝦意粉或蒜香墨汁蝦意粉甜品$550/位++++++++++++++++++但睇菜式名，講真都係好一般正路會點嘅西菜，但上到黎係絕對有驚喜～保留啲驚喜比大家～整體來講係唔錯嘅係餐廳嘅枱面比較細張，啲碗碗碟岩岩夠位，同埋啲冷氣一係太大一係唔夠🥺佢地有提供紙巾同濕紙巾，老闆中間都有出黎招呼下我地，有啲熟客什至黎左好幾次～最出色同有驚喜係蒜蓉包同甜品芒果拿破崙

大南街西餐私房菜廚師發辦(ง ᵕωᵕ)ว早前生日飯朋友睇完 @talkfood youtube介紹提議試呢一間全預約制既月 @evening_moon.official 分火鍋同西餐兩款 食咩由大廚拍板一口價550蚊 食物份量係按人頭既WhatsApp confirm booking後 餐廳會send大概menu比客人◦ 什菜沙律無咩特別 勝在新鮮同芝麻醬沙律汁夠◦ 炸雞翼薯條拼黑松露醬即刻炸起熱辣辣 雞翼香脆唔過火 薯條都有魔性停唔到口但 請小鳥胃朋友唔好瘋狂食住 後面仲有好多道菜.ᐟ‪‪‪.ᐟ‪‪‪◦ 西班牙海鮮湯不得了不得了 大廚自信之作 ჱ̒¯‎‪꒳¯)⟡足料程度完全睇得到飲得出煲內有一半都係蟹 仲有大大粒超鮮甜嫩滑既大蜆◦ 蒜蓉包呢個又係大癲(˶ˊᵕˋ˵) 連埋湯一齊上 配湯進食用左甜甜地既丹麥麵包整 食落酥酥脆脆 牛油香同蒜香都好強烈◦ 炸虎蝦Bonus item- ̗̀‎𖤐 事前比我地既menu係無既蝦肉爽彈紮實 炸過連腳食都得◦ 香煎北海道帶子配日式麵豉汁帶子頗大粒 煎既火侯唔錯 墊住既炸蓮藕都好食◦ 法式牛油汁焗蟶子同樣好新鮮大隻 比較少食西式整法既蟶子原來都好可以(≖֊

西式私房菜 HK$550/位朋友介紹黎食呢間隱世私房菜，類似Omakase咁既形式，但就變左西式或者係中式打邊爐，今次就揀左佢個西式黎試。佢會預早send個menu俾你睇，有啲主菜款式可能有一兩款俾你選擇，前菜、湯、主菜甜品一共12道菜好滿足😌佢會等你食完一道菜先再上第二道，好細心雜菜沙律🥗沙律菜好新鮮，上面仲有芝士絲🧀️月式炸雞中翼拼黑松露醬薯條🍟新鮮炸起既雞翼薯條永遠都唔會輸😍再加埋黑松露係絕配法式蒜蓉包🍞開頭以為佢係普通蒜蓉包平平無奇唔會有驚喜，少年我實在太年輕了。佢除左夠脆之外仲要超酥軟好似千層酥，蒜蓉味牛油味都夠濃，我如果唔係要留肚可以食哂成兜西班牙海鮮濃湯🥘好多海鮮超足料，有蟹、蜆、青口，份量多每人可以食到兩三粒，啲海鮮精華熬哂出黎好濃郁香煎北海道帶子配日式麵豉汁帶子大粒煎得岩岩好，下面配埋炸蓮藕脆脆地口感幾得意慢煮南非鮑魚配牛油肝汁鮑魚都係好大隻，個汁好有驚喜帶到鮑魚鮮味😋法式牛油汁焗蟶子拉絲芝士🧀️芝士控會好開心炸美國頂級封門牛柳🥩好出色👍🏻火喉控制得岩岩好，見到淡淡既粉紅色食落口一啲都唔鞋，再配埋我最鐘意既蘑菇汁🍄法式鹽焗奄仔蟹🦀好香好香好香！奄仔蟹大隻又多膏，牛油勁香🧈

今晚朋友相約我同家人合共6人到太子的“Evening”食飯。據幫襯過的朋友介紹，呢間私房菜可以選擇火鍋或西式，我地今次就體驗西式晚餐。雜菜沙律 - 一般薯條拼黑松露醬 - 好味，鐘意薯條的唔好錯過！蒜蓉包 - 好味，我食咗3塊。西班牙海鮮湯 - 好味香煎北海道帶子配日式麵豉汁 - 好味法式牛油汁焗蟶子 - 一般，無驚喜慢煮南非鮑魚配牛油肝汁 - 好味烤美國頂級封門牛柳 - 牛柳及底下的菇都好味慢烤黑毛豬鞍拼燒菠蘿 - 豬鞍及菠蘿都好味焗雞飯 - 飯及雞肉都好味，另外仲有雞什，鐘意雞什的一定要試下。甜品 - 有芒果蛋糕及Cheese cake。感覺Cheese cake較吸引。店主仲俾咗炸蝦我地試，都幾好味。整體食物美味，餐廳環境舒適，適合幾個朋友一齊食飯傾計。餐廳的服務都算做得唔錯，夠細心，滿意。

有次路過喵咗一眼店門口個餐牌就算，之後忘記咗店名，唯有上網搵咗一陣先搵到店嘅FB，原來週末才做午市，平日只做晚市私房菜。我就找了一個週末去食午餐，試吓啲嘢食好唔好味先。🥩 阿根延肉眼扒煎蛋飯 (HK$99)．肉扒份量勁多，3-4成熟，雖然是簡單的豉油和黑胡椒粉調味，但調味了得，肉質軟嫩多汁，令我食晒啲飯㗎😋．煎蛋煎得剛好，圓圓的，蛋白熟透有少少燶邊，不過蛋黃仍是流心的，可以撈飯一齊食👍🏻🍑 冷泡白桃烏龍茶．大大一支，菱形立體茶包，泡出清新不苦的茶味，爽呀😄

今日同一大班朋友嚟咗呢間太子嘅私房菜「月」試吓佢嘅嘢食～預咗幾日已經book咗枱，同埋睇咗啲Menu大約有咩食👍🏻炸薯條配黑松露醬 & 沙律薯條即叫即炸配埋黑松露醬勁好食🤣完全唔會出錯嘅一款小食。沙律正正常常，冇咩特別慢煮南非鮑魚配牛油肝汁鮑魚煮得勁入味，配埋佢嘅牛油肝汁真係冇得輸！香煎北海道帶子配日式麵豉汁帶子煎嘅火候控制得啱啱好，外脆內軟，配埋下面嘅炸蓮藕一硬一軟口感都幾豐富☺️法式牛油汁焗蟶子好似食緊牛油芝士海鮮咁，芝士同牛油香味好出好好食！烤美國頂級封門柳牛油嘅熟到啱啱好！外面先得香之餘內裏嘅肉質又好嫩口，牛味亦都好出，朋友都大讚好食！餐廳雖然距離地鐵站有啲遠，但老闆又好Nice咁同我哋傾偈，又可以坐好耐，大家一班人吹水👍🏻想同朋友聚會嘅話都幾推介呢一間餐廳！