會所1號 水中天

營業中

休息中

水中天 會所一號家人生日一齊食餐好既🥰水中天前身就係由細去到大既明星海鮮舫 前排沉沒後就無再黎過最近提議試下水中天 order 左12人餐#頭盤#鴻運大金豬燒豬皮脆 肉汁鮮嫩🤤#上湯美國龍蝦伊麵少少失望既係去到先知原來餐牌上既龍蝦已經無左貨一段時間 要加$800轉第款龍蝦或者大虎蝦 雖然大虎蝦都好大隻 但總係覺得好唔抵🥲🥲兩種蝦差好遠……#黃工醬炒帶子珊瑚蚌醬汁有啲似麵豉醬 爆炒荷蘭豆珊瑚蚌同帶子 香口入味#甘香醬軟殼蟹每隻都好大隻好多蟹肉 配上秘製醬汁 有啲混合咗泰式辣醬加咖喱嘅感覺 👍🏻👍🏻#紅燒蟹肉大生翅啖啖蟹肉 整體稠黏糊狀既羹 😋只係我掛住食影漏左#清蒸海星班好大條斑 屋企人話出邊食起碼要成千蚊 對得住呢個套餐價錢#金柱花膠浸翡翠 上湯浸菜苗☺️同樣出色#砂鍋豉油雞炆得好入味 唔會柴 👏🏻但略咸#黑松露海皇炆飯有點敗筆 材料是足夠 但可能是炆飯 所以成個飯底濕粒粒而唔係乾身而且黑松露味又唔出視覺上係有鼓油睇落應該有鹹味但又好淡 唔知食緊咩味#椰汁蘆薈椰奶配上蘆薈清香而不膩 夏天糖水之選小道消息屋企人話平時飲茶都無糖水 就算婚宴都無 係叫餐牌食晚飯先有🧐#壽桃手掌握住咁大個 白蓮

今日 (19-1-2023 Thur)我team食團年飯,老闆未嚟,我哋就點菜先,原來呢喥嘅價錢好貴,我哋要咗:1.$78.00嘅麻香海蜇頭爽口又香.味道:5分2. $78.00嘅鹵水鴨舌味道唔太濃,口感正常.味道:3分3. $118.00嘅叉燒鱔份量唔多,鱔魚腍.味道:3分4. $268.00嘅古法燒鵝半隻皮唔太脆,OK嘅.味道:4分7. $98.00嘅酥炸魷魚酥外面唔多脆,味道就ok好味.味道:3.5分8. $38.00嘅酸甜炸雲吞(三件)好耐冇食呢個,正常冇問題.味道:3分9. $34.00嘅潮州粉果(中)OK正常冇問題.味道:3分10. $44.00嘅原籠古法馬拉糕(大)顏色偏啡,口感正常,但味道好似有啲唔對路.味道:2分13. $34.00嘅山竹牛肉球(中)正常冇問題.味道:3分15. $51.00嘅梅頭叉燒腸粉(特)叉燒鬆軟,但味道好似被啲蔥?搶咗.味道:2.5分17. $78.00嘅花膠雜菌浸時蔬時蔬係皇帝菜,每樣食材嘅口感都啱啱好.味道:5分18. $51.00嘅蘿蔔絲酥餅(特)熱騰騰,外脆內裡嘅蘿蔔絲都夠腍同甜.味道:5分19. $168.00嘅酸菜魚泡米線呢個有啲辣

今晚點了個6人套餐C加一份一斤重的澳洲龍蝦伊麵。龍蝦肉份量勁少，得d殼，像被偷工減料。燒鵝皮不脆。碟炒龍躉球的龍躉肉又硬又‘鞋’。燒味拼盤的燒味好似放了成日咁，又幹又‘鞋’。成餐飯真心難吃😡會員8折後，埋單還要$2500。這個質素的食物完全不值。

今日一行四個人到沙田的 Club One 石船午飯相聚，因為已經很久沒有到過這吃飯，今日所見石船的外貌和以前差不多，可能香港經濟還是不太好的關係，食肆的外表沒進行大肆的翻新，所以帶點滄桑感;不過進入去內裏的的觀感就不同，因為還是走較高檔次的路線，感覺就和外面不一樣了。今天點了一個四人套餐:看內容都相當不錯:計有xo醬炒螺片帶子、紅燒bb鴿、招牌炒飯、花膠絲浸時蔬、蝦餃皇和鹹水角作點心， 還另叫了一個紅棗糕甜品。紅燒乳鴿外皮炸得金黃色，皮脆肉嫩咬落又多汁滋味一流。 xo醬炒螺片帶子的賣相不錯，帶子肉質夠實又彈牙:螺片也很爽脆，作為陪親的四季豆亦很嫩，用xo醬炒來非常入味。花膠絲浸時蔬的花膠就一般質素的貨式，上湯味濃和鮮味，能讓清淡的蔬菜和菰類突顯了本身的味道。招牌炒飯的賣相非常討好，米飯的顆粒粒粒分明，雖然看上去有點油，但入口又不是太膩;只是用來炒飯的 蝦乾和肉粒等配料就覺得少了一點。蝦餃皇的個頭都算大隻，蝦肉結實亦彈牙。鹹水角就炸得外表金黃色，入口亦熱辣辣。 最後加一個紅棗糕味道甜美之餘榚身又夠煙韌，是個不錯的甜品。今餐的四人之行飯局食品質素相當不錯，收費雖然稍為高些，但如果做了會員

今日同朋友嚟呢間酒樓度食飯，嚟到呢間酒樓咁大個場，但係得小貓三四隻， 個人覺得都唔錯咁少人， 但後尾先知道原來點解咁大個場，都冇乜人嚟， 一啲嘢食喺沙田區都算唔平，要做member先有特價，二： 呢間酒樓啲夥記態度真係麻麻， 我覺得就係呢個原因我唔會再光顧。 第一可以接受，嘅就係食物嘅質素，我覺得普通可以接受，Food quality is normal. 之前佢地做promotion. 叫人買cash card. 本意唔錯，但服務真係差，唔值。 如果要搵酒樓，建議去新城市或石門度食算啦。 嗰度啲服務雖然唔係好，但起碼都多過選擇。

上次食晚飯個樓面叫我買多張卡1200幾飲茶都用得我見1000送1000咁咪試下點知去到原來飲茶要11:30先有真係未見過咁晏先有得飲茶既茶市好啦下次先去左沙田飲茶之後個次就12點幾到係樓下等左一陣有位先上上到去真係爆場用二維碼落單都要10-15分鐘先到食物質素唔錯叫左 蝦餃 叉燒包 牛肉球 叉燒腸 魷魚鬚 春卷 馬拉糕 芒果布甸等十幾款野但馬拉糕有酒味小朋友唔岩食同埋個布甸唔叫唔上白等左一陣埋單樓面又叫買卡真係好勤力但人手真係唔係好夠今日再去醒目book定位啦但可能早到一半都未滿（11:45）都係叫差唔多既野食又係等10-15分鐘左右期間又全場爆滿旺過旺角好彩呢度地方大坐得相對鬆動食物質素keep到幾好今次叫左個蛋白炒飯都幾好食咁我地食野都算野加埋等都係一個鐘左右就埋單埋單又叫我買卡我話有啦佢仲想sell我我話仲有16日到期仲買？咁佢就走左等緊張單既時間佢地係度執枱咁都好正常但勁趕咁既款成塊枱布掉埋我塊面度下張枱有兩個客仲坐埋落黎真係接受唔到我張單都未埋又走唔到急都唔爭個幾分鐘攪到成件事錯晒另外要提一提係廁所麻麻地乾淨同屋邨酒樓差唔多小朋友唔方便用我次次都食唔少野4個人上次700幾8

要搵到個地方比16個人舒舒服服咁坐真係唔易呢度地方夠大加上食物質素唔錯所以一向都係度過節食飯但一般都會揀平日預祝假日去邊度都係無咩服務要你食餐食餐同食餐我寧願打散叫小菜多過食個啲餐去飲喜酒又係個啲做節又係個啲好難頂今次叫左1. 叉燒鱔 x22. 鐵板叉燒 x23. 蒜蓉白菜仔 x24. 石窩牛柳 x25. 豉汁帶子蒸豆腐 x16. 虎蝦 x107. 星班仔 x28. 薑蔥炒蠔 x29. 紅燒花膠雞煲翅 12位用10. 吊燒雞 1隻11. 大壽包 16個13個飯2罐汽水一喳橙汁自己帶左個蛋糕去分兩枱所以好多都係兩碟每次都會叫1、2、6、10穩定同好食叉燒鱔同鐵板叉燒係細碟左啲同貴啲但係幾好食大人小朋友都仲意虎蝦就好惹味 唔就得係點整 但$68一隻應該都係一款吊燒雞係食過咁多間最好多汁嫩肉 但可能因為咁好細隻石窩牛柳好淋好嫩 夠味得黎唔咸 80分豉汁皮蛋蒸帶子豆腐 無咩特別 下次唔會叫星班仔 一斤左右大細剛剛好 鮮味嫩滑薑蔥炒桶蠔 普通貨仔 叫想食又岩食個翅真係好好食要分開講環保使者請見諒佢個翅12位用都係1780有16碗以上24両翅 濃雞湯配花膠雞湯好好味小朋友都讚口不絕每次阿媽生日都會

早排係Club one整咗張會員卡, 大概$1400買張卡, 有$1200消費額, $200入會費。可以每次食野有7折(星期1至5) 8折(星期六日+公眾假期), 仲有免費泊車。可以用電話Book定位, 雖然星期六日都唔係好Full。我星期日1點左右去到，唔洗等位直入，不過個姐姐都話如果係中午11點12點就會好多人。茶市通常開1樓, 入面有Lift, 有老人家都唔驚。野食方面, 選擇都算幾多，蒸點炒點炸點都有！而且食物夠熱，係即點即整而且服務員態度都好好，整體來講係幾好食又幾特別！值得一試！

參加好朋友的婚宴，在會所1號 水中天，位於沙田大涌橋路55-57號， 附近有停車場方便揸車人士。 店內環境光猛， 但冷氣不夠比較熱🥵。 晚宴🥢 ～ 鴻運脆皮乳豬、 白松露明蝦球、 百花炸釀蟹鉗、 玉環瑤柱脯、 紅燒花膠雞絲翅、 清蒸海星斑、 蠔皇鮑魚扣花膠、 脆皮吊燒雞、 砂鍋瑤柱蛋白飯、 鮑魚汁炆伊麵、 朱古力心太軟和蓮子百合紅豆糕。 整體菜式份量偏小， 每一款都是中規中矩。 服務方面， 店員都不會主動為賓客添飲品， 這方面可以改進一下😉。    會所1號 水中天地址: 沙田大涌橋路55-57號

20-12-2021 (Mon)冬至前一日,公司高層請食俊做節,上次公司做節係舊年嘅團年飯(食評係2020年1月23日刊登嘅呢篇: https://www.openrice.com/zh/hongkong/review/%E5%A5%BD%E5%91%B3-e3647699),今次有:1. 前菜,白灼秋葵完全冇難度,啲汁帶有少少wasabi ,較惹味.味道:5分2. 黑魚籽鮑魚盞呢個之前都食過(食評係2019年9月17日刊登嘅呢篇: https://www.openrice.com/zh/hongkong/review/%E9%80%B2%E6%AD%A5%E5%92%97-e3540448),今次影到成碟未食前嘅樣,水準係一樣咁好食.味道:5分3. 蝦餃正常冇問題.味道:3分4. 蜜汁燒鱔蜜味夠,都唔錯,不過略嫌切得太薄,冇乜口感.味道:4分5. 唔知咩湯見到材料有蛋白同花膠,味道清甜唔錯.味道:5分6. 碧綠炒帶子蝦仁大大碟,碧綠係甜豆,呢個有溫和嘅辣味,唔錯.味道:4分7. 清蒸海斑大大條,正常冇問題.味道:4分8. 炸子雞皮脆肉嫩,又唔太鹹,好味.味道:5分9. 薑汁蛋白炒飯有

我哋一行7人叫咗嗰晚市C餐（六位用），有兩男五女，夠食之餘仲可以拎走💁🏻‍♀️ 嗰餐包括咗🤔燒味拼盤 - 正常質素，但叉燒就好Un，唔好食😟意式炸蝦皇-係酒樓食到呢嗰質素算好好😝紅燒竹笙雞絲翅、翡翠炒龍蔓球、石窩生炆頭腩、濃湯花膠泡時蔬-正常質素，無特別好食秘製燒鵝皇- 有啲鹹焼汁元貝石窩飯-無乜味精美甜品-桂花糕，無乜味😟仲加咗嗰椒鹽豆腐都好食總括嚟講，$2000/7個人都有啲貴，但計埋環境嗰啲都加返少少分，可能因為上面攞酒，所以一嚟到就一嘢上哂菜，我問佢做乜咁快嘅😂 佢話樓上擺酒要8點前上哂😂 由於上面係大客，所以佢乜都好趕🤔 仲倒瀉咗我哋碗翅😅 仲要第一個反應唔係講對唔住，係埋怨我哋食客😂 不過對事不對人，其他staff都好好👍🏻

高級價錢 食物垃圾很久冇同家人去飲茶昨晚口痕痕跟家人說不如明天去飲茶吖！於是就選了沙田club one一早倆老人家坐定定後就叫食物叫了很多點心和一碟黑松露炆飯點心冇驚喜 水準勁一般 跟屋村酒樓和賣飯街鋪加小小錢搭點心冇分別失望！！餘下期待黑松露炆飯炆米粉 湯飯 就食過心諗炆飯應該會有D睇頭掛！點知結果完全是黑松露醬加水加飯有幾粒小帶子$148 一碟 仲未計加一發生什麼事 一碟楊州炒飯好過佢多多聲 最少有鍋氣問我為什麼不拍照冇心機 食到背脊骨落埋單$593 6位6 個人食平均計佰零蚊好似ok 咁但本人最憎食垃圾 不知所謂浪費今早時間以這種水準$300 都叫比多佢好彩有人是會員成張單減左$64 幫補下冇下次！結論：沙田個位咁差 ，附近冇交通到請珍惜客緣！

買左某啲飲食既套餐，裏面包左幾樣野。一人一碗菜膽花膠翅（希望唔會比環保人士批鬥），一人半隻乳鴿，一人半隻鮑魚（一頭）本身以為係全隻先買，應該係發雞盲，跟住再有個細炒飯無影到，同埋炒豆角。主要都係想食一頭鮑而黎，比起食開4-6頭個啲大隻好多，好多時過時過節都會係酒樓食下一般都係硬身爽口啲，不過Club One呢次就炆得幾好相對算係腍，所以食落去唔會覺得好韌。不過略嫌上枱個下應該唔好切半住，還掂係二人餐黎，不如比人影完幅靚相先切🤣另外，我覺得黃公醬炒豆微辣大家鍾意煮里一食都可以試下，乳鴿就好少聽到會難食。自己就覺得可能太耐無食真翅，幾香係花膠就唔夠膠煲得唔耐，但唔係味精湯都有鮮味。每位連茶芥同加一$375左右，唔算特別平/抵不過都Ok啦，但應該唔會再買 🤣因為炒飯好一般，係叫食鮑魚抵左。你知澳洲鮑一頭都係$500-600左右，斷估唔會比貴既鮑你，我唔係專家不過應該係比較平既澳洲鮑，有錯可指出。

之前因13-10-2021(Web)打風,令我哋team嘅dinner取消,而噚日15-10-2021 (Fri)老闆即約噚晚食,就喺附近book到房打麻雀同唱K.我哋10個人,要咗$8,228.00嘅12人套餐.1. 鴻運蝴蝶乳豬皮脆肉香,ok嘅.2. 上湯美國龍蝦伊麵有好多龍蝦肉,伊麵夠腍,個汁都正常.3. 甜豆彩椒炒螺片帶子螺片切得薄但有啲韌,其他嘢都正常冇問題.4. 荷蘭汁蟹肉卷咩嘢係荷蘭汁?中間沙律菜嘅沙律汁?呢個味道同黑醋有啲分別,唔知溝咗啲乜.咁簡單,蟹肉卷係炸得靚,內裡味道清淡,如果唔係o衣o家睇menu,都唔知原來係蟹肉.5. 紅燒菜膽大排翅真係有好多翅,湯汁好夠味.6. 清蒸東星班大大條,我食到有啲肉係過咗火,嚡.7. 原隻鮑魚扣花膠花膠又大件又厚,正常.8. 黑松露會所燒雞端上嚟嗅到燒雞好香,呢個皮脆肉滑,但配黑松露醬好似唔係好夾.9. 南瓜海皇焗飯大大兜,我食到嘅海皇就只係帶子粒,而我覺得飯唔夠腍.10. 上湯鮮蝦水餃大大隻,皮薄,內裡有木耳絲,呢個正常冇問題.11. 杏汁燴燕窩呢日改成椰汁燕窩,呢個燕窩都唔少,椰汁味夠同唔太甜,好味.味道係3.53分上次食評係

2021年9月29日 星期三之前因為外父生日大壽去咗club one食飯既關係，拎左一疊消費現金券，因為每消費$100, 就會送$100現金券作為日後使用，所以今日就嚟到沙田水中天用下呢啲現金券店員好快就安排左位置，再慢慢睇返餐牌，發現當晚惠顧晚飯散座每位可以送一件黑魚籽三文魚盞！！先不論味道如何，但至少係免費贈送另外餐廳仲有晚市每日限時優惠推介，當天是可以用半價既優惠每人要一隻蒜茸蒸大元貝，所以我哋當然唔執輸，點都每人叫一隻，不過記得留意要做左餐廳會員先有呢個優惠如果本身唔係會員都唔緊要，餐廳仲提供左超值自選套餐，有龍蝦烏冬、花膠翅、小菜同甜品，每位都只係三百幾蚊，必定飽住個肚走，不過由於我哋唔算太餓，所以散叫左幾個小菜就算首先有蒜蓉粉絲蒸扇貝，睇落去都幾大隻，而且有好多醬料，除咗蒜蓉粉絲之外，仲有金菇同蔥，味道好足夠，扇貝都好彈牙之後有蒜片石鍋燒牛柳，黎到嘅時候熱辣辣，充滿蒜片嘅味道，每一舊牛柳都好腍，完全唔韌，又唔會煮得過熟，充滿牛肉味跟住有黃金炸豆腐，冇諗過份量都唔少，每一粒都炸到金黃色，外皮再加上少少椒鹽，食落去好脆口，每一粒豆腐都充滿豆味呢一個係水果椰香鍋巴，冇諗過鍋巴都