影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
最近試了間川渝米線店，短短一餐之間，讓我對「米線」的世界有了全新的認識。相比我平時常吃的雲南米線，這間川渝米線不論在味道、配搭、甚至餐廳格局上，都與別不同。一走入餐廳，那種大陸風格濃厚的裝潢會讓人以為自己身處成都街頭。紅色標語、簡體字、甚至牆上的宣傳語都非常「大陸」，不過食物出品相當有驚喜。餐廳還設有自助配菜區，有醃蘿蔔、芫荽、蔥花等，當中的醃蘿蔔清甜爽口無澀味，記得試下。川渝米線來自四川、重慶一帶，顧名思義，它主打的就是那份地道的「麻辣風味」，更強調麻辣、酸香等味覺衝擊。不過，這間店的湯底選擇多達八款——蕃茄、滋補、雞汁、酸湯、藤椒、泡椒、酸菜、火鍋，無論你是否愛吃辣，都可以找到合適的湯底。配菜選擇多到眼花繚亂，如果不知選什麼配菜好的話，這裡的「三仙」配搭更值得一讚，包括鵪鶉蛋、豬膶、豬肉絲等，再加上木耳、蕃茄、韭菜、竹笙、蟲草花，營養豐富又滿足。其中我們試了：- 🏅滋補三仙米線（$56）：湯底濃郁香甜有輕微當歸味，配料超豐富，半碗都是餸，性價比極高。- 🏅藤椒鮮魚米線（$56）：麻香十足，魚片滑溜，勁有層次。除了主食，這間小食和飲品選擇也非常有誠意：- 🏅涼拌木棉豆腐($22)：超惹味，豆腐索曬味。- 🏅芝士雞扒($30)：店員推介，餐牌未上，外脆內爆汁，芝士流心，小心燙嘴！- 🏅炸腐竹片（+$11）：脆卜卜，可以乾食，也可以放進米線湯中吸汁。- 🏅冰糖山楂凍（+$10）：偏甜，但解膩。- 🏅小吊梨湯（+$10）：清甜潤喉，有雪耳，口感豐富。
繼續閱讀
最近去咗一間同事們推薦嘅米線店，真係一試難忘！佢哋主打米線，仲要係一鍋鍋咁上🍲湯底同配料都超有心思，今次食咗幾款招牌菜～ 🍅蕃茄鮮魚米線（加嫩肉絲）湯底超級鮮甜，蕃茄味濃郁得嚟唔會太酸，鮮魚片嫩滑得嚟完全冇腥味！加咗嫩肉絲之後，口感更加豐富，每一啖都係滿足！ 🐔雞汁三鮮米線（加牛肉丸，黑豆花）雞湯底好濃郁，飲得出係真材實料熬出嚟！牛肉丸彈牙又多汁黑豆花口感滑溜，帶淡淡豆香，同米線好夾！ 🥬酸辣海帶絲酸酸辣辣好開胃！海帶絲爽脆，調味恰到好處，食完米線再食佢，感覺好清爽～ 🐂牛肉餡餅外皮煎得香脆，入面嘅牛肉餡多汁又入味，咬落去仲有少少肉汁爆出嚟，正！ 🥖糍粑油條呢個真係驚喜！外脆內軟嘅油條，蘸上黑芝麻碎糖食落去有啲似甜品，但又唔會太膩，好特別！ 🥤百香茉莉茶果香同花香好夾，酸酸甜甜，飲落好fresh，夏天飲一流！🥤小吊梨湯梨湯清潤，甜度啱啱好，飲完成個人暖笠笠，喉嚨乾最啱。💕性價比高，湯底同配料都用心製作，環境都乾淨舒服，絕對係會再encore嘅餐廳！唔掛得出面咁多人等位🤣如果你都係米線控，一定要試吓！
繼續閱讀
街頭豬肘拌飯豬肉份量好多，有好多片，味道好似東坡肉咁，但薄切，啖啖肉，食完有少少罪惡感😂鐵鍋米線你都見到一Pat豆泥，仲擔心會唔好食，點知食勁好味，配合埋肉碎，成個米線好出色，而且米線比平時譚仔嗰啲更加幼滑，唔怪得知話出名食米線😍爆漿芝士雞排食嘅時候要小心，原來外層係雞肉，好似麥樂雞咁，入面包住芝士汁，雖然冇拉絲，但芝士嘅味道滿滿☺️磁粑油條平時鍾意食紅糖糍粑嘅人一定唔可以錯過，估唔到用油炸鬼夾住糍粑，加上黑芝麻糖，又鹹又甜嘅感覺好夾🤩家人認為呢個必要， $18超抵食！三仙冰粉涼其實都係好似冰粉咁，但再加咗其他嘢簽過材料，令口感豐富啲，樣貌好吸睛，但都係比較推薦上面嘅糍粑多啲😎香辣木棉豆腐唔覺得辣，係凍食嘅豆腐，有啲似台灣豆乾零食咁樣，甜甜地😌
繼續閱讀
終於試左呢間重慶過江龍米線，果然有水準！藤椒腰花米線湯頭麻香濃郁，藤椒辣度適中，帶有微微麻感，非常開胃。腰花口感爽脆無腥味，搭配吸滿湯汁的米線，充滿層次感。雞汁三仙米線湯底鮮甜，雞汁香氣濃郁但不膩口，搭配三仙（應該是木耳、豆皮、肉片？）配料豐富，米線滑順有口感。磁粑油條（小食）外酥內軟既油條包裹住微甜磁粑，口感煙韌有嚼勁，甜鹹交織，風味特別。面層灑上黑芝麻粉，更加香口香蔥炸肉丸（7粒）（小食）新品✨肉丸外皮酥脆，內裡多汁，肉丸加入蔥粒好香，蘸甜辣醬更提味。 酒釀豆花豆花細膩滑順，酒釀香氣濃郁，甜度剛好幾特別。 紅糖豆花豆花入口即化，紅糖糖水香甜不膩，簡單卻令人滿足。冰糖山楂凍酸甜適中的山楂凍，口感爽口，冰糖的甜味平衡了山楂的酸，非常解膩。生椰拿鐵椰香與咖啡融合非常順口，椰奶醇厚中和左咖啡苦澀，完全不甜，適合無糖星人。 呢間米線湯頭表現出色，小食都好有特色！
繼續閱讀
聽人講得多，今日終於有時間又就腳黎。有別於其他米線鋪，依到裝米線既［碗］我覺得是一個特色，未食到米線已經覺得佢不錯。藤椒三仙米線湯底味道不錯，小小麻小小辣，米線配料有不小，其中既竹笙最正，原本湯底味道就唔錯，索滿湯汁既竹笙味道更一流。酸菜蝦滑米線湯底微微酸，開胃得黎味道剛好，蝦滑食落彈牙，另外，加左份腰花，食落爽口👍🏻兩份小食香蔥炸肉丸外表普通，但食落味道又不錯，香口得黎，蔥香味又挺不錯。磁粑油條脆香得黎，中間又食落軟糯，味道食落又唔會話太甜，不錯的一道小食。凍糖山渣凍微微酸，入面既山渣凍味道不錯小吊梨湯清潤得黎又唔會話好甜👍🏻
繼續閱讀