曼谷車站

營業中

休息中

It’s that day of the week again, searching for the right restaurant before we head to the gym! Since we need some protein gains, we decided to have chicken again haha 😆 this time, we picked a Bangkok restaurant near Kowloon Bay, within a mall. we wanted something sweet to start of with so we ordered the coconut 🥥 water which we haven’t had it for ages! It tasted sweet and refreshing! since many people waved about this veggie dish, we ordered as well. Quite spicy but it’s delicious with the hint

今日行完淘大，又諗唔到食咩，就係openrice search下附近有咩好食。見到德寶有間泰菜，平時都好少去德寶，但見到d相都幾吸引，決定膽粗粗試下。可能唔近地鐵站，所以呢個場啲餐廳都算唔多人。佢啲嘢食一啲都唔貴，價錢仲平民過九龍城啲泰國菜館。我叫咗兩樣野1/ 正宗泰式豬手飯 — 豬手好入味，加埋個酸辣汁，好開胃2/ 串燒半打 - 佢可以俾你叫豬肉，牛肉，雞肉各2串，一次過試晒3隻肉，個人覺得牛肉最好味，但豬肉同雞肉都ok，肉質好嫩好juicy。值得一讚係個沙嗲汁，有粒粒花生，好香。下次黎九龍灣，都會再黎呢間隱世餐廳試埋其他菜式

近年得寶商場變化很大改革後多了很多食肆 其中呢間泰國菜就好吸引因為店鋪裝修很別緻 店如其名 曼谷車站 店面是一架車店內客人的座位是列車座位 天花上裝有拉手菜色方面與平日食開的款式差不多選擇很多 今次點了幾款來食泰式豬手飯 $68呢個是沒有骨的 很方便食馬拉盞通菜 $55炒得好入味 大愛冬陰公 （小） $682人飲岩岩好 夠晒辣 好開胃 值得一試還點了炸蝦餅 $58可惜忘記了拍照上檯時仍熱呼呼 配上甜甜酸酸的醬汁味道一流 飲品方面 點了椰青 $35夠晒清甜解渴可惜肉太老了刮不到來吃芒果沙冰 $28味道不錯 而且大大杯好抵飲

今晚同男人黎到九龍灣得寶商場食泰國野，依間價位黎講唔算貴，食物質素都唔差。門面設計照車站形態造成，好特別，座位都好舒適。由於太早食晚飯，人數未算好多。枱面已經放好茶壺同點餐紙，可以慢慢飲啖茶揀心中野食。餐單選擇都豐富，價位唔高。今日叫左個冬陰功（細），材料好足，味道唔會好辣，酸度剛剛好，仲有好大隻蝦係裡面。細份量都已經可以裝到5-6碗。馬拉盞炒通菜，炒得好香，火喉控制得剛好，d菜仲係好翠綠爽口。串燒半打，豬牛雞肉各2串。燒得好香，啖啖肉，唔會過un, 建議早少少食先好味，配埋個醬一流，花生味好出。豬頸肉炒飯，開頭唔太見d肉，原來比炒飯包住左，仲係大大塊爽口，炒飯加左d菜粒入去，而飯又唔會炒到乾身唔錯，份量都足夠。

位於九龍灣的德寶商場有點不起眼，但商場有很多不同食肆。今次我同朋友仔決定去泰一泰！聽到個名覺得幾得意，叫曼谷車站， 係點們已經見到佢哋設計好特別。傍晚時段比較人流少一點，所以我哋就決定試一試呢間野！一入餐廳店員好有禮貌為我哋帶位。我哋兩個人點左半隻海南雞、一份炒金邊粉同埋烏頭。每款都係傳統泰國菜式，上菜速度快海南雞雞肉好嫩滑，而且雞皮好爽口一啲都唔肥膩！有三款醬汁，啲人就覺得黑色嘅醬油同埋姜夾埋一齊食最好味！泰式金邊粉酸酸甜甜好啱夏天食，好開胃加埋燒烏頭兩個人晚餐啱啱好！吃晚餐都係每人都係80蚊鬆啲炸！抵食！！

一個炎熱嘅日子,一個放工嘅晚上,兩個極度肚餓嘅女人,終於都等到收工嘅一刻,就嚟咗距離大家屋企唔遠嘅牛頭角得寶商場裡面一間隠世🇹🇭泰國菜醫肚子。其實呢度一啲都唔難搵架,到咗商場之後上一層已經好容易可以見到,呢度嘅裝修好有特色,主題係泰國車站,側邊嘅座位一卡卡咁仲有埋"車廂號碼"🚝,牆身亦都掛上咗幾個代表住泰國地區嘅時鐘裝飾🕐🕑🕒,仲有埋車窗添,認真得意。 我哋拿拿臨睇下餐牌有乜好嘢食,決定揀咗以下幾樣餸菜: 生蝦刺身$78蚊有六隻：勁抵呀!出面好多泰國菜館一碟都可能只係得四隻,呢度有六隻咁多,我哋兩個人一人可以食三隻,真係好滿足仲要隻蝦嘅size夠哂大,肉質仲好爽口彈牙,點埋泰式辣汁,簡直係絕配!!! 泰式馬拉盞炒通菜$55蚊一碟：鮮綠色嘅炒通菜,上面灑上咗小小嘅炸蒜,配埋個芡汁炒到立立令,見到佢加咗小小椒絲吊味,好香 泰式燒烏頭$118蚊一條：條魚好大條,個魚皮好脆,裡面好多肉,食食下仲發現魚肉裡面釀咗啲香茅喺度,唔怪得之冇哂腥味,點埋泰式辣汁一齊食好惹味,未食哂都已經開始覺得飽喇,真係超足秤我哋兩個都好鍾意食魚㗎,所以我哋對條魚寧舍滿意 泰式炒金邊粉$62蚊一碟：嚟到泰國餐廳,又點可

今晚去左九龍灣搵食, 上網查過呢間特色泰菜餐廳, 店內外都以車站作佈置, 價錢大眾化, 仲免收加一添, 咁一於就去開餐｡燒雞 Order 左半隻嘅份量, 燒雞烤到外表香脆, 仲散發陣陣香茅味, 肉質一 D 都唔 “鞋” 口, 仍然保留到香滑多汁｡泰式馬拉盞炒椰菜苗 椰菜苗煮到非常爽口, 食落去唔會好咬身, 馬拉盞既咸香提升左成碟椰菜苗嘅味道｡ 乾咖喱炒豬頸肉 有別於一般咖喱菜色, 乾咖喱煮出黎比較乾身少汁｡ 每片豬頸肉都掛上濃郁嘅乾咖喱味道, 微辣更令人增加食慾添｡干炒香葉牛肉河 配料非常多, 炒到一 D 都唔油膩, 火喉十足, 食落去仲有啖啖焦香｡

平時去親食泰國嘢都係九龍城，今晚來到得寶試新嘢，曼谷車站，佢既外觀真係好似車甘樣架wor睇落價錢唔算貴，起碼平過九龍城d泰國鋪想講呢度上菜速度勁快，除左條魚之外，其他好似5-10分鐘就來到，好快手馬拉盞炒通菜 $55份量足夠，味道濃郁，每條菜都吸晒d馬拉盞味泰式炒金邊粉 $62好正，火喉夠，炒得岩岩好，仲有幾隻蝦添生蝦刺身 $78/6隻呢個真係要讚下，隻蝦夠大隻仲要厚肉，彈牙，配埋生蝦汁間直無得頂泰式燒烏頭 $118條魚燒到剛剛好，魚肉食落口係滑身，烏頭淡淡肉呢個汁加落任何嘢到都可以好岀色原來除左入面，店外既位都係呢間餐廳既

呢間餐廳嘅設計非常之有泰國嘅風味，佢係用咗泰國火車嘅車廂設計作為座位，喺呢度食嘢令我諗翻起我自己一個去到泰國 ，仲搭上咗去嘅火車去到緬甸嘅邊境嘅經歷，非常懷念。今次冇叫到冬陰公湯，就叫咗椰子雞湯，其實真係要好好介紹下呢一個湯，佢比起冬陰公湯一啲都唔遜色，佢嘅椰子味非常之香，而且有咸有甜味嘅，非常之獨特。好彈牙的蝦餅，又厚身。最好係熱辣辣，即叫即整。仲有菠蘿炒飯，雖然唔係用完個菠蘿，但係佢旁邊會有一條菠蘿肉，而且非常之細心已經起咗肉，用叉食就食到。菠蘿飯入邊除咗菠蘿肉之外仲會有青口，魷魚同埋鮮蝦等等嘅海鮮。當然唔少得就係上面好好味嘅肉鬆。

青木瓜沙律 ＄48 呢個沙律絕對係泰國必食架喇，又酸又辣至係重點，呢個醬汁都整得唔錯酸辣度岩岩好，最重要份量好多，食食下又幾開胃，如果食唔到辣的話，可以要求少辣架小食拼盤 ＄98拼盤有4款小食，蝦餅、冬蔭公魚餅、春卷同鳳凰丸。幾款小食即叫即炸，要數最好味既係蝦餅同鳳凰丸！蝦餅爽口彈牙，真材實料而鳳凰丸即係雞肉春卷，肉味濃而且仲好juicy, 外層有包住炸完好脆的腐皮，要俾個Like香草生胡椒炒海鮮 ＄78呢個就有少少失望，因為無諗到海鮮全是急凍海鮮而且味道唔夠濃，原本睇個菜名以為係炒到乾身既海鮮仲要又香又辣咁，但同期望唔一樣，不過呢碟菜就岩哂食唔到辣既朋友仔喇蝦炒金邊粉 $62呢個金邊粉又炒得幾好味， 酸酸地麵質又煙煙韌韌，總括黎講都唔錯。不過蝦就得3隻，如果多D蝦或者多少少配料就會再豐富D總括，餐廳地點岩哂附近住既市民，如果2口子唔煮飯，落街食餐飯都好多選擇，不過餐廳係商場既位置就比較偏僻，要望清楚指示牌先搵到。菜式方面都好岩鐘意食泰國野既人，味道都幾正宗價錢上又唔係貴，值得有機會再黎

千祈唔好以為係唔起眼既商場 就會無好野食就係偏偏係呢d商場 鋪租唔係太貴所以嘢食嘅價錢就係會相宜而且水準亦有返咁上下一打開餐牌嘢食種類都好多價錢亦都好平呢一間野係揀咗嘢食之後🙂自己寫落點餐紙酸辣鳳爪 （$55）份量好多足夠兩個人食 肉碎生菜包（$65）山菜好新鮮肉碎亦都好多呢一個價錢應該係二至三人份量😽泰式炒金邊粉 （$62）冬陰公湯（小）（$68）倒出嚟起碼有四碗 同行朋友都大讚冬陰公湯好好味青檸梳打（$23）真心覺得呢一間係超抵食都好有水準又平又抵食又大碟下次都會再去食😽

超高性價比泰式菜🙌🏻全泰國廚師.🍴菠蘿海鮮炒飯🍴$72雖然唔係裝係半個菠蘿入面 但依然好入味🍍😆幾樣野抵讚！😗超多肉鬆係面！ 撈埋炒飯食好鬆脆惹味😋大大塊菠蘿係旁 唔洗慢慢刮個底黎食😂而且炒飯入面有不少菠蘿粒 口味新鮮🤗蝦都幾大隻 份量足夠 同埋有調味 呢樣野好重要🤭😂.🍴芒果糯米飯🍴$48超抵食甜品🤤 完全係4人份量喔糯米略嫌硬點🧐芒果份量勁多 選用泰國芒 特別大個😆👍🏼.🍴青檸梳打水🍴餐飲加$10係泰國入既梳打水呀🤤 特別多氣泡同埋酸👍🏼.幸福指數：性價比高🤪8/10人均消費：$90-130

同朋友 shopping 完，晚飯就在她樓下商場食，落大雨，唔再坐車去別的地方。見到這間泰菜， 外形以火車卡設計，好有懷舊 feel跟足舊式火車綠色坐位顏色泰式馬拉盞炒椰菜苗 椰菜苗大條， 烹調恰到好處，唔會太腍，入口索索聲， 馬拉盞鹹中帶辣，好味道明爐清湯烏頭魚配料有香茅、芹菜、芫茜、 椰菜、 南薑、肉碎，全部都是惹味高手，個湯唔甜都唔得，加上魚肉味本身又鮮， 吃到乾乾淨淨，湯汁都飲哂無骨海南雞半隻黃油雞油而不膩， 雞肉鮮嫩，非常好味 芒果蟹肉炒飯飯炒得甘香， 配上時令香芒，鮮甜蟹肉，食到讚不絕口。商場小店有如此水準， 彷彿有禾稈冚珍珠之感

之前黎開得寶，經過呢間泰國菜餐廳就已經想入去試下，今日終於有機會喇！約埋朋友一齊黎聚聚先...... 叫得曼谷車站，果然...餐廳既設計都以火車為主題，用車car做座位好特別，令人仿如置身於列車當中，咁就一於黎個火車的約會啦門口既牌好吸引，寫住免加一丫！！！ 即係又抵食左，嘻嘻七點入座，未算多人，唔洗等位。餐牌有好多傳統既泰國菜式，應有盡有。有小食，沙律，海鮮，湯類，燒烤，肉類，咖喱，菜，粉麵飯，甜品同飲品。小食拼盤有蝦餅，春卷，鳳凰丸同魚餅。即炸熱辣辣，蝦餅夠彈牙！魚餅好重魚肉味。春卷夠脆口！鳳凰丸一口一粒，方便食泰式馬拉盞炒通菜泰國菜必食之選，味道濃郁，每條通菜夠晒入味，唔錯！串燒--有豬/牛/雞要左3豬3雞，兩者肉質好嫩，配埋沙爹醬食好得喔招牌泰式咖哩炒大蝦呢道既招牌菜，店員都有推薦架！4隻大蝦，全部爆膏丫！！ 好厚肉好有口感！！咖喱唔辣既， 唔食辣嘅朋友都冇問題。咖哩配飯，薄餅或者蒜蓉包超正喔！蒜蓉包好脆口，蒜蓉味非常香 菠蘿海鮮炒飯都幾大碟喎，個面鋪滿肉鬆，撈埋啲飯一齊食口感豐富！有原條鮮菠蘿，好鮮甜丫！個飯好足料，每啖飯都食到配菜！濕炒豬肉河 個芡汁好好味呀，又唔會過稀過傑

約左老朋友見面緊係要食好野啦！得知九龍灣有間正宗泰國菜餐廳，就專程收工黎到試下啦！門面以泰國車站為主題，真係好泰國風；而家優惠期間仲免收加一服務費啊！餐廳內更以火車車卡既環境為主落單係自己手寫，每樣食物都有自己既No.跟返號碼寫返就得啦⋯⋯方便快捷我地一行二人，叫左五款野食，因為樣樣都好想食已經忍忍手無叫咁多啦先黎個「泰式馬拉盞炒椰菜苗」$59兩人食份量岩岩好，炒得有鍋氣，小小辣，椰菜苗爽口清甜串燒（豬牛雞）$68/半打串燒既靈魂就在於個醬好唔好食，好在都無令我失望，係泰國既味道呀！非常有泰國風味！串燒肉質燒得岩岩好，唔會燒得好乾柴，熱騰騰上台架係香港食泰國野點少得「炸蝦餅」$58係我既至愛，蝦餅炸得金金黃黃有蝦味，點埋甜醬不得了！「冬蔭功炒飯」$68微辣冬蔭功如果再放多d就好啦！我個人比較重口味飯質應該再硬多點爽身d會更佳！「乾咖哩炒豬頸肉」$78超級足料，一碟有好多豬頸肉，我同朋友一邊食一邊講：點解食極都仲有微辣-豬頸肉入哂味好香口，豬頸肉爽口唔痴牙！「珍多冰」$25對我黎講太甜了，但佢入面綠色一條條個d好好食呀！椰汁無飲哂都要食哂入面d綠色條條！兩個人食5款菜，都係三百幾蚊，真係