曼谷車站

營業中

休息中

之前好友介紹我行在九龍灣站行天橋到一個比較舊，但內裡有D特色的商場，果個商場裡面仲有部細細個去戲院會玩而又出卡仔的磅重機~~~上多一層就見到有指示去曼谷車站，個人在好奇心的催使下就去了這餐廳晚餐~~~喜歡飲湯的我就點咗個椰汁雞湯($65)，雖然有小小辣，但感覺好好飲，最重要係有好多湯渣，好足料，好似去快餐店的一人火煱咁下面會著火，令個湯KEEP住熱~~~~好友點了佢至愛的正宗泰式海南雞飯(無骨)($68)，食落肉夠滑又冇骨，真係正~~~我們點了燒豬頸肉($75)，簡單的豬頸肉食起來感覺唔會韌，大家食得辣一定要點個醬，因為佢自至係個餸的精髓~~~泰式燒鳥頭($118)，我真的不能小看這條魚的大小，最好三、四個人食，否則一定食唔晒，D肉唔會老，感覺好鮮，跟上面一樣，大家食得辣一定要點個醬，因為佢自至係個餸的精髓~~~下次有機會再來食一定會因應自己食量去叫，好在今次我自備餐盒帶走半碗飯和半碟燒豬頸肉，否則我又做了大晒鬼>.<

食泰國野唔洗再去九龍城都得！呢間餐廳就係九龍灣地鐵站附近。無論價錢或食物既質素都很好！cp值好高既泰國菜！餐廳裝潢亦好有特色，以車站為主題。仿佛坐了車去了泰國一轉！😂而且餐廳夠大，坐得舒服的！未夠8點，餐廳已經坐滿了客人！點菜方式亦方便，寫在纸上就可以了！見餐廳門口有泰國啤賣，價錢不貴。試黎飲下先！呢隻泰啤都幾好味。唔會苦，較昜入口。仲好重酒香味！最重要係夠晒凍！爽呀👍👍前菜叫了碟：泰式鳳爪沙律！呢碟鳯爪比出面食到的更多更大隻！價錢亦很抵叫！大大隻，食落啖啖肉的，口感十足！而且鳳爪唔會話好辣。相當惹味！值得推薦。小食拼盤：有4款小食。而且份量都多，夠4人食春卷：炸到很脆，材料夠多，很多蘿蔔絲，食落幾好味。炸蝦餅：我喜愛既小食之一。炸到金黃色，咬落相當彈牙，鮮味十足！再沾上辣醬更好味！魚餅：很重魚肉味，不會覺得腥。鳳凰卷：呢個都幾好味，食落香脆爽口，沾少少酸甜醬更惹味！😋😋香草粉絲蟹煲 🦀見佢價錢唔貴！2百蚊多就有得食咁抵，出面食起碼都3百幾。叫黎食下先！😋果然無叫錯呀！！諗住咁既價錢，對隻蟹唔會有太高期望。點知隻蟹咁大隻！🤤真係抵叫！一黎度已經好香！熱辣辣。餐廳仲好細心提供手套我地拆殼

去九龍灣上完堂後約朋友到附近晚餐，朋友帶我到離淘大不遠的得寶商場，久久沒來變化都頗多。二樓盡處有間泰國餐廳，裝潢佈置成火車，頗特別！枱上有張點餐紙，睇岩便把餐牌上的每道食物編號寫在紙裡。串燒(豬牛雞) - 串燒燒得香噴噴，肉質咬落不太韌，肉汁豐富不乾嚡，點上醬汁肉味更見突出！泰式無骨豬手飯 - 滷水汁使豬手味道更惹味，質感軟稔肉味挺香，配上醬汁撈白飯食更加美味！干炒牛河 - 賣相不錯，配料亦豐富！河粉炒得乾身分明入口不太油膩，牛肉煮得剛好，味道不老不嚡，加入栗米、蘿蔔絲清新之餘更能豐富口感！芒果沙冰 - 賣相挺吸睛！啜下去夠冰凍之餘芒果味濃郁香甜，而且冰打得實身，不易溶掉！青檸梳打 - 青檸酸得很，不過朋友十分受落，貪其能清新及舒喉！

其實九龍灣牛頭角都有好多嘢食所以耐唔耐都會去搵嘢食就係今日要介紹啲一間就係德寶花園嘅曼谷車站有好多居民都會喺嗰度食lunch同晚餐價錢好實惠㗎另外佢嘅裝修好特別真係一架火車🚞 而且個窗都好搞笑 可以伸手岀去坐喺度嘅時候 成日都喺度諗究竟佢點樣關舖呢😂😂😂言歸正傳啦今日晏晝食咗個炸雞髀飯以我男朋友我就食咗泰式豬手飯先講下我嘅炸雞髀飯啊雞肉好嫩滑，而且雞皮炸到脆卜卜好香口，好好味而泰式豬手飯呢嘅醬汁就非常之有特色，充滿着泰式嘅風情。 豬手都幾淋另外在帶咗個泰式生蝦同埋炸雞件泰式生蝦嘅醬汁都好特別 酸酸甜甜 好配合生蝦而且生蝦仲大大隻好爽口😙😙炸雞件配埋雞醬 都好好味，好match啊最後食埋最正宗嘅芒果糯米飯真係充滿泰國嘅一日啊

想不到在平民商場裡都可吃到高質泰國菜，而且跟九龍城的泰國餐廳比更是有過之而無不及，更驚喜的是價錢竟然十分親民，還不收加一服務費。餐廳設計成車站的模樣，裝潢超有特色，相當有心思，客人像置身於車箱裡般進膳，挺有趣。店內環境不俗，以綠色沙發為主，感覺舒適。我們坐下不久，食客們相繼入座，不消一會已差不多全場滿座，看來餐廳深受街坊歡迎。以為價錢如此親民可能質素平平，誰知驚喜不斷，完全是物超所值。生蝦刺身非常新鮮，而且比出面的更大隻更厚身，口感好滑又彈牙，啖啖肉，味道相當鮮甜，超正！香草粉絲蟹煲極之出色！香噴噴熱騰騰的，藏在大量粉絲裡的蟹十分大隻，份量十足，確是真材實料。蟹肉好多，蟹鉗更是巨型得像龍蝦般，啖啖肉，肉質更是鮮嫩，且蟹味十足。粉絲也令人讚嘆，每一條均吸滿濃郁惹味的醬汁，非常入味，一點都不會乾，光吃粉絲已經超滿足。不得不讚店員服務佳，不但態度好又有禮，還殷勤周到，會主動奉上膠手套和鉗方便我們吃蟹。菠蘿海鮮炒飯非常足料，大大件鮮魷、鮮蝦、臘腸、腰果、肉鬆、蛋、雜豆等配料超多，應有盡有。炒飯夠乾身，粒粒分明，相當美味。除飯中的菠蘿粒外，更有一大排菠蘿在旁，還細心的預先切好，重點是每片都是意想

每次經過都被特別的車站設計所吸引！今天決定試一試！因為未到繁忙時間，可以隨時挑選卡位坐！坐下來的時候，妨似真的坐在火車車廂內，感覺很特別！用餐的小碟也比較特別是葉型狀！正宗泰式海南雞(無骨）：抱著好奇心👀廚師怎樣去曬所有的骨，但結果是去了大部分的骨而己，幸好雞肉配上醬汁，很不錯！蒜蓉炒翡翠苗：十分🈵️意，火候十足再加上蒜蓉，完全無得輸！菠蘿海洋炒飯：有別於一般的菠蘿炒飯，因為沒有把炒飯放在菠蘿內，反而放在生菜上，而把切好的菠蘿放在側旁（可作飯後水果）

九龍灣嘅食肆非常之多，選擇非常豐富，無論你想食日本菜、韓國菜、泰國菜都任你選擇，德福花園、淘大花園嘅食肆比較多人，又要排隊，我發現得寶花園商場裏面原來都好多嘢食，而且人又唔太多，價錢又抵，絕對係抵食。前兩日就食咗一間“曼谷車站”嘅泰國菜，餐廳寬闊夠大，座位非常多，平日七點半去到都唔需要等位，而且仲唔使加一收費，非常抵食，絕對推介。冬陰功 $68冬陰功湯味道非常濃郁，我哋兩個人食所以只係點咗個細窩， 大約每人都已經有兩碗湯，份量非常足夠， 材料有大蝦同各種菇菌類，味道同材料都好味。泰式海南雞飯 $68海南雞份量有四分一隻左右，雞肉嫩滑新鮮，一啲都唔肥，可以連皮一齊食，另外有三款唔同嘅醬汁可以沾配，而海南雞嘅油飯非常之香，淡淡嘅雞油味令到淨係食飯都已經足夠，如果可以加送埋雞湯就更加好。泰式馬拉盞抄椰菜苗 $59馬拉盞炒菜特別好味，而椰菜苗鮮夠嫩，又爽口又甜，平時嚮街市都會比較難得到椰菜苗，所以離到泰國菜餐廳一定會點選。濕炒豬肉河 $58濕炒豬肉河味道帶輕微甜，配合豬肉同芥蘭一齊炒，芥蘭爽口豬肉有咬口，食到好滿足。芒果糯米飯 $48最後食埋我最喜愛嘅甜品芒果糯米飯，糯米飯上枱仍帶溫暖，配埋甜

天氣悶熱，無咩胃口就想食下泰菜。近近地就黎左曼谷車站試試佢。曼谷車站舖面座位感覺好似置身於車廂內，有主題嘅泰國菜真係比較少見。餐牌款式都幾多，同九龍城區嘅泰菜價格都差不多，想食泰菜都唔一定要出九龍城了！珍多冰 $25唔會太甜，屬正常質素！馬拉盞炒椰菜苗 $59炒椰苗呢道價格算幾平，份量都幾多。椰苗爽口，馬拉盞炒好惹味！青咖喱豬肉 $62青咖喱椰汁味超香濃，少少辣愈食愈順口。豬肉份量好多, 叫左客蒜蓉包沾汁食。$28 /4 蒜蓉包焗得非常香脆！沙嗲 2牛2豬2雞 $68沙嗲醬有好多花生碎粒，香口惹味！最嫩滑係雞肉。芒果糯米飯 $48超大份！ 芒果熟透唔軟爛，仲有陣陣花香味。好正！

第一次係曼谷車站食嘢，叫咗個炒飯黎食，食完覺得啲飯好一般ಠ_ಠ炒飯上面嗰啲雞蛋，普普通通，都唔夠滑。(￣▽￣)個炒飯又炒得鹹得滯，如果鍾意食重口味嘅人可能會啱啲。( ；´Д｀)側邊仲有啲肉鬆，可能啲雞蛋同埋個炒飯，我都覺得好普通，同埋一般，所以撈埋啲肉鬆一齊食，肉鬆配搭埋啲炒飯感覺都OK嘅。(/ω＼)跟住仲有杯熱檸水，熱檸水冇咩特別，同出邊差唔多。喺曼谷車站食咗個飯，食完個感覺係：我諗下次我會試吓其他餐廳。又或者可能淨係個炒飯我唔係好欣賞，所以如果再同同事一齊曼谷車站食嘢，可能我會叫其他餐牌上面嘅餸菜。

除咗去九龍城食泰國菜，現在九龍灣都有一間小店又便宜又好吃的。餐廳嘅裝修同佢嘅名一樣係以車站為主的。大多數是梳化，坐得好舒服感覺自己在火車來吃東西泰國豬手，冇骨的，啖啖肉，而且豬皮Q彈。個汁都好入味海鮮炒濕河，這個材料超多，又有蜆又有蝦肉，個河粉都好食。泰式蝦餅，裏邊塞滿香料，內裹的蝦肉多，而且即叫即炸，香口又新鮮。泰式炒通菜泰國啤酒青檸梳打，梳打水同埋青檸係分開上嘅，好少餐廳會咁樣做，有誠意之作食咗咁多嘢埋單都係三百左右，店內員工殷勤有禮，環境舒適。真係性價比之選

傍晚時分，去了九龍灣得寶商場的「曼谷車站」吃晚飯。我們三人先試下它的小食類；「蒜蓉包」包身軟硬適中，蒜蓉味道濃郁。「炸魚餅」外皮炸得脆卜卜，魚肉醃得入味而不會過鹹，蘸上酸醬，醒胃非常。夏日暑氣逼人，怎能缺少冰凍飲品，享受美食之餘，朋友叫了的「芒果沙冰」賣相精緻，外表已是賞心悅目，呷一口真的是透心涼呢！來到泰式食肆，我則嘆吓地道的「勝獅啤酒」，清爽涼快，感覺一流。邊享飲料，又試海鮮類的「咖哩軟殼蟹」；黃咖哩其實並不辛辣，混入軟殼蟹同煮，口裡舖滿一陣陣的香料味；蘸落「蒜蓉包」，又有不同的味道。來到主打碟的「濕炒豬肉河」，河粉切來不濶不幼，濕炒過後非常入味，軟腍，肉片入口黏稠；至於「正宗泰式豬手飯」的確做到「無骨」，燜得入味的豬手嚼在嘴裏，濃不黏喉，豐腴而肥膩，餸飯頓覺滋味。餐後來個「椰汁西米糕」的甜品；西米腍香軟糯，椰汁底濃郁，甜度適中，吃上兩個，也不為過。「曼谷車站」位於九龍灣的得寶商場二樓，鄰近地鐵站，交通方便，又是正宗的泰國菜館，水準不錯，不妨光顧。

今日難得收早，所以約咗朋友去九龍灣行街，行到差唔多晚飯嘅時間，我個朋友話不如行過去德寶嗰邊睇吓有咩食，入到去都幾多嘢食，但見到呢一間餐廳個裝修都好得意，外表裝修到好似一架火車咁，價錢亦唔貴，所以就入去試吓，入到去環境舒適，服務員亦好好禮貌，1）燒牛肉沙律🥗，酸酸地又辣辣地，味道剛剛好，牛肉好冧，好開胃👍🏻👍🏻，2）無骨海南雞半隻，啲雞肉好滑，有時係外面食無骨海南雞，都仲會有少少骨碎，但呢一個係冇嘅👍🏻，值得一試，3）馬拉盞炒椰菜苗，味道剛剛好，好惹味😋，4）飲品方面就叫咗椰汁冰同龍眼冰，其實兩杯都好好飲好夠味，但兩杯都太甜，建議叫少甜😂，整體來講，值得一試，價錢亦不太貴，個人推介，燒牛肉沙律、無骨海南雞、馬拉盞炒椰菜苗👍🏻👍🏻👍🏻👍🏻

近排天氣熱到爆炸，令胃口也受到影響，於是友人建議吃泰國菜，會比較易入口呢！曼谷車站就在九龍灣得寶花園商場內，近地鐵站，而且又商場內唔怕熱到中暑呀！食物選擇多樣化呀！有炒粉及飯類，也有海鮮，價錢也很親民呢！還有我最喜愛的泰式甜品🤣正宗泰式豬手飯（無骨）🐷豬手滷得很入味，帶有甜甜的醬油香味，連豬皮切片送上，入口充滿膠質的感覺！滷水汁撈白飯，好吃得全部吃清光！咖哩軟殼蟹🦀食泰國菜當然要吃泰式咖哩啦！咖哩味相當香濃，不像一般餐廳的咖哩醬汁會很稀，這個咖哩汁濃度剛剛好！老細說他們全用上泰國出產的香料，怪不得味道這麼出眾！軟殼蟹炸得很香脆，份量也很多，最少有五至六嚿！正呀！蒜蓉包🥖吃咖哩當然要伴蒜蓉包一同吃啦！蒜蓉包新鮮烘起，熱辣辣、脆卜卜！伴著大量的濃厚咖哩醬汁一同吃，不會太稀把麵包浸濕，回味無窮呀！芒果沙冰🍹沙冰打得很幼細，入口幼滑，而且芒果味很濃，不是人工的芒果味！椰汁西米糕🥥粒粒晶瑩飽滿，椰汁味很濃，西米軟棉，而且還加入了芋頭肉在內，增加口感及香味！我與友人也對這泰菜大感滿足，而且價錢很親民，很適合我們又想吃美味大餐，又想價錢相宜的小資女呀！

咖哩軟殼蟹 $128, 薄餅 $28咖哩汁帶一點點蛋香，非常香濃。配飯或薄餅都一樣咁夾。軟殼蟹分量夠多，而且 “索” 哂香濃咖哩汁，無得輸! 薄餅即叫即煎，香脆熱辣辣。泰式燒雞 (半隻) $85燒雞三大要素: 一要香脆，二要入味，三要多汁。呢度完全符合以上三個條件，而且醃製拿捏得剛剛好，後悔無叫全隻。泰式馬拉盞炒椰菜苗 $59椰菜苗生熟度剛剛好，非常爽口。馬拉盞分量準確，沒有過鹹，而且略帶一點點微辣。完美。整體非常出色。大眾化價錢，但誠意滿滿。無可挑剔。อร่อย

昏暗的車箱，帶著懷舊的味道....... 一個放午飯的時間，列車駛往到了......曼谷車站！其實沒那麼浪漫啦😅 不過環境真的不錯(圖呢？)兩點時點了一個下午茶做中午飯，也夠飽~正宗泰式海南雞飯醬料: 酸醋泰式汁(左): 開胃的醋味蒜蓉葱油(中): 很淡，要是加點薑更好甜豉油(右): 很甜很濃，可加落飯蘿蔔湯很清甜，甜得有點過份😅油飯飯煮太稔，爛了一點，但很香，味道很好。主角- 海南雞！雞肉很新鮮，結實有彈性，雞皮厚度適中，份量足夠，讚！ 奶茶的茶和奶比例適中，能飲到奶滑，讚！總恬而言，雖然有不足，但我吃得很香，性價比不錯，是有誠意的餐廳，希望下次來更合我口味😛 同場加映 - 其他人的餐😉 試食過覺得都ok~冬蔭公海鮮湯河試了一口湯，有檸檬葉香茅等香料味，下次可試黃咖哩豬扒飯用了吉烈豬扒~ 好像變高級了😅 (也變熱氣了~)