曼谷車站

營業中

休息中

呢間店位於九龍灣，地鐵站行過去大概5分鐘到左商場上一層就會見到好多佢地既指示牌🔜兜下兜下就會見到呢間外型好得意既餐廳⛽️我覺得佢似列車多過車站🙊🙊🙊餐廳算幾大，座位幾多下..而且位置唔會狹窄 坐得幾舒服👍🏻👍🏻呢度既食物種類夠應付泰迷🙊而且價錢十分合理👍🏻👍🏻👍🏻佢係採用自己寫number落單的～ 食泰國菜必點既當然係冬陰公湯啦！ 因為2個人既關係要小份量就夠了......冬陰公（小） $68超香！ 酸酸辣辣既味道打開左我既胃口😛😛😛菇類🍄好多，入面有一隻大蝦🍤呢個湯好夠味！夠酸！夠香！夠刺激！但略嫌唔夠辣（我是愛辣之人喔）😂😂😂而且（小）可以倒到4碗出黎！認真夠喉😋😋😋泰式青木瓜沙律🥗 $48佢地調既汁好味道！ 又係夠酸👍🏻👍🏻 青木瓜非常爽口，配上花生粒粒🥜更增口感串燒（雞🐥牛🐮豬🐷） 半打 $68串燒不論泰式/中式/日式....都好好味👍🏻👍🏻比沙嗲汁都十分大方😬😬😬大大碟泰式飛天炒通菜 $52呢個菜應該間間泰國餐廳都差唔多味🙊🙊🙊但係我就係鍾意食😆😆正宗泰式豬手飯 $68豬手淹得好入味，而且唔會韌佢既豬手汁好香2個人食左$304 比起大商場既餐廳抵食好多！

陪媽咪攞回鄉卡順路食埋晚餐。放工時間係德福一定難搵位。行過來得寶見有泰菜就試試。環境正常一般街坊店。價錢比外面的泰國餐廳平少少嘅, 平均$60蚊左右一個菜。海南雞飯份量比較少，雞肉唔算滑，本來餐牌寫住話無骨海南雞飯。。。結果有骨既😅不過啲醬料都唔算差，但係又未係正宗泰國味道。河粉味道可以，但係都係唔冇乜泰菜嘅感覺似普通雞絲炒可多啲。馬拉盞炒椰菜苗就喊得滯啦，。喊都要撈多幾啖飯先食到媽咪好鍾意食甜品，所以叫左份芒果糯米飯。點知有啲失望，芒果冇味道但又未至於酸嘅。糯米飯有用保鮮紙包住用微波爐叮翻熱嘅感覺。但好彩唔係硬梆梆完全食唔落口。

位於九龍灣站附近的商場裡，離港鐵站只需五分鐘腳程便可到達～餐廳的外型具創意而且可愛，是一列火車車廂🚇，今次終於可以在車廂內光明正大地飲食了！海南雞飯 配油飯跟很多海南雞飯一樣，醬料都是平時可見的辣醬、沙薑、醬油。雞件雖然有骨，但不碎，而且滑得很，一人份量剛剛好油飯的味不至於濃，但是容易入口，吃了也不膩!海鮮冬蔭功湯大約是2-3人的份量，湯帶點微辣，而且會愈煲愈辣，不是太感覺有味精的感覺，味道不愈太濃烈。泰式炒金邊粉上枱時還是超級熱辣辣，新鮮出爐的感覺，味道有點似曾相識，少少酸酸的，很喜歡吃！

我們一家都是很喜歡品嚐又甜又辣又酸又天然調味香料製成的美味滋味的泰國菜，選用多種香料有薑、蔥、蒜蓉、洋蔥，胡椒、黑椒、香草、香茅、蘿勒葉等混合而成的泰式味道，有一種香辣酸的食物而成的惹味非常醬料！泰式燒雞有香甜燒焦而帶有微酸辣的雞醬汁就更外脆内嫩，而富口感香脆軟滑，煙韌滑爽而又不會太油膩，口味順滑非常！泰式小食併盤賣相不錯，選擇有香脆春捲、鮮甜蝦餅、肉質柔滑魚餅及有嚼口有彈性而味道帶甜的鳳凰丸，點上泰式雞醬或酸梅醬就更甜酸口感，味道特別，好食又有驚喜！再來一碟乾炒香葉牛肉河都有美味煙韌的河粉配上辣味醬料使嫩滑牛肉更夠惹味甜酸辣味道，低食正宗好味的道地泰菜！冰涼透心充滿芒果味的沙冰獨特香口可口窩心鮮甜飲料配上酸辣濃烈的泰菜就更一絕配！珍多冰甜甜清淡，入口冰冰口感，更帶有香口香味！

同男友得閒無事就好鍾意去九龍灣行街😂因為有好幾個大型商場，而且啲野唔會太貴唔啱行😀諗晚飯食乜嗰陣突然覺得好耐冇食泰國菜就好想食，搵到呢間見價錢合理就去試下😁平時好少去得寶呢邊，原來個商場大執過黎， 多咗好多嘢行😯呢間泰國餐廳有少少開放式，裡面裝修又帶有少少古典味咁， 仲好闊落👍我哋兩個人叫咗一個泰式金邊粉， 馬拉盞椰菜苗，清湯明爐烏頭魚同埋芒果糯米飯😎泰式金邊粉味道剛好，唔會太酸，蝦都幾爽，味道仲幾似我喺泰國食過嗰種，西利！👏椰菜苗對我嚟講就辣咗少少😂🙈不過都幾惹味，炒得啱啱好唔會過熟😀食泰國嘢一定會嗌個明爐魚😁😁因為咁大個爐一路煮住有氣氛，而且魚唔會攤凍變腥👍呢隻魚第一啖食唔係太夠味，跟住滾滾下其實清湯都帶些少微辣，啲湯汁浸咗落啲魚肉度都幾好食😋😋😋very nice！個芒果糯米飯用咗成隻芒果😮😮幾清甜👍個椰汁唔會太稀又唔會太稠呢個價錢可以食到呢個質素呢個份量同埋坐得舒服，真係好抵！👍👍下次一定會再去🙌

泰國菜好多人一諗就諗起九龍城,但其實有很多地方也有好食既泰國菜,就好似今日我地食既呢間曼谷車站,ㄧ入到去我就俾佢店内既裝修深深吸引住,😍門口就好車頭既設計,店内也放置泰國和香港既時鐘,抬頭ㄧ看更設有拉環和行李架.行李架上更放置了行李,座位一般以卡位設計,好讓我們更容易感覺自己置身在火車車廂内.😊我們有太多野想食,🤤可惜我們食量不大,所以只好盡量選最想食的,店員也很熱情介紹,和解答我們的問題,也提醒我們套餐比散叫便宜,😍但在上菜那ㄧ刻,我們後悔了,真的叫的太多了.最後大家也捧着肚子走.🙈我們分別點了4個套餐2杯特飲和2個小食.⭐️套餐分叫了正宗泰式豬手飯,豬手十分嫩滑,配上醬汁十分配飯.👍🏼⭐️而泰式炒金邊粉就偏甜,辣度可以提升ㄧ點會更好,但這個味道我已經很美味,❤️⭐️再來我們叫了雞絲扎肉湯河,雞絲没有什麼特別,反而扎肉有點黑椒,食落有咬囗,而成為焦點.😋⭐️最後點了個馬拉盞牛肉炒通菜ㄧ起食,而這套餐配了個飯,牛肉本身很嫩與通菜和飯ㄧ起食十分搭.⭐️每個餐也搭ㄧ個餐飲,而我們只叫了兩杯特飲,經典泰式飲料龍眼冰甜甜的十分消暑,⭐️和芒果沙冰不會太甜但有淡淡的芒果的香味.😋⭐️小食方面,炸蝦餅和春卷的外皮

星期五晚路過呢個商場，見到呢間曼谷車站好多人幫襯，應該都幾好食而且裝修都幾得意，成個火車卡咁，有曬火車d車窗同車卡座，於是決定試下門口寫住由泰國廚師主理，口味應該幾正宗。最開心係依家仲免加一添！另外見到有泰國生啤飲，最平28蚊就有杯，好抵侍應安排我地坐下，係一個綠色既卡位，加埋其他detail位，感覺真係好似係復古既火車車卡食飯咁酸辣鳳爪沙律$55份量非常多，d鳳爪多到令我覺得食極都有。鳳爪爽口彈牙，而且調味都好好，夠曬酸辣，加埋d洋蔥芹菜等配菜，真係好開胃！馬拉盞炒椰菜苗$59呢度既椰菜苗比某d泰國餐廳大顆，但係味道好似冇咩分別，師父炒得好惹味，令人食唔停口蝦炒金邊粉$62本身對呢個冇咩期待，因為男朋友想食所以叫，估唔到又幾好食窩！唔會油又有少少乾身，唔錯。無骨海南雞飯$68呢碟海南雞飯應該有四分一隻雞，份量好足！雞肉本身冇咩特別，不過不失啦。不過對於我黎講，海南雞飯最重要既就係佢既沾醬，呢度既沾醬令人感覺滿意甜鼓油夠傑身，辣醬又夠惹味，撈埋落雞油飯食真係一流西瓜沙冰$28非常消暑解辣，不過唔知係咪西瓜本身都味偏淡，所以杯沙冰都唔算太濃味椰汁西米糕$28呢個有些失望，我鍾意食甜野，但

之前都聽過呢一間以車站火車做主題嘅餐廳，因為呢間餐廳係牛頭角，我響觀塘返工關係，所以嗰日一放工就可以過去幫襯勁方便。一去到就會俾佢火車造型嘅門面所吸引，真係好似一個車站火車🚞好型好精緻啊！入到去都仲係好似車站，令我哋就算等餐都好似等緊車咁樣😆，好有特色又夠光猛，環境空間都幾大幾舒適。👍佢聲稱以全泰國廚師主理，最正宗同地道嘅泰國菜，因為我們得兩個人嘅關係唔可以點到太多嘢食，我哋就點左睇落好似好正嘅冬陰公湯明爐烏頭魚（$142），小食拼盤（$98）同埋一碟馬拉盞炒通菜（$55）。首先係上明爐烏頭魚配冬陰公湯，條烏頭魚都幾大條同埋新鮮，兩個人食一定夠，一樣係用明爐熱住，同平時有啲唔同嘅係佢係一邊食一邊淋啲冬陰公湯落去，佢嘅冬陰公酸辣口味做得幾地道，而且辣得幾過癮，香茅味同其他香料嘅味道都好出，配埋烏頭嘅新鮮，都幾特別的食法，呢道菜都幾高分😋👍跟住個小食拼盤有四樣嘢，有蝦餅，春卷，鳳凰丸和魚餅，幾款小食都係即叫即炸好新鮮，蝦餅好彈牙好爽口，春卷好香口，魚餅夠新鮮，幾特別係鳳凰丸，其實即係腐皮包住雞肉再炸，我第一次食鳳凰丸覺得都幾好味👍呢個小食拼盤值得比like👍😋最後嘅馬拉盞炒通菜味道我覺得比

突然中午想食泰國菜就上網睇下公司付近有無咩好推介就找到這間位於得寶商場一樓曼谷車站吸引我到來入到商場一直都有指示牌帶著我們好易就能找到餐廳左右兩邊卡位是火車設計又係打卡必到的餐廳餐廳內裝潢都有著車站的味道座位寬敞舒適待應先送上開胃菜是泰式沙律🥗酸酸甜甜好開胃二人同行叫了個海南雞飯有齊三個醬料我就比較喜歡酸辣醬食落特別醒胃雞肉非常滑油飯都好香不肥膩主角終於出場咖哩炒大蝦食泰國野必叫大蝦一共有4 隻蝦🦐算新鮮呢個價錢好抵食全部都是開了邊易入口食咖哩緊係要叫埋蒜蓉包啦一共有四塊好多蒜蓉勁脆點咖哩食一流配埋呢支青檸梳打勝獅牌梳打水好正即叫先開夠氣唔會太甜青擰汁好青新女人食甜品係有另外一個胃的無錯最後叫左個芒果糯米飯芒果好甜好足料糯米飯🍚軟軟綿綿加埋椰漿鹹鹹甜甜配合來食令人不停一口又一口二人都被餐牌上海南雞圖所吸引當然來到如圖一樣真實2:00後價錢亦有優惠最後二人食到飽飽都係$300內亦不需加一服務收費但服務幾好值得加許👍🏻

為咗泰菜我都算捐窿捐啦去搵食啦，話說有位同事住淘大嗰邊，佢介紹左我去呢間泰國野比我，佢話個裝修好特別而且嘢食性價比好高，黎開九龍灣睇show就去食個飯啦。裝修果然特別真係好似係個車卡入邊咁，要左我最愛嘅香辣炒肉碎飯，都幾正宗而且個辣味都好夠，唔會太鹹，配白飯食真係可以食到兩碗飯。因為想食蒜蓉包所以帶咗個雜菜青咖喱，咖喱偏向水狀而且青咖喱味唔錯，不過雜菜嘅份量真係好多，完全彌補左咖哩本體嘅不足，不過不失。貪得意買咗個椰汁糕，諗住佢係四件點知佢嚟到有六件，雖然已經很好飽但係都食晒，椰汁味幾重而且個西米底都幾有咬勁，唔會太甜。奶茶同椰汁

間中都會去九龍灣行街食飯，但通常都係去淘大、mega box。今日經朋友帶路，由九龍灣地鐵站行到黎得寶商場既曼谷車站食飯。沿住扶手電梯，會有指示教你點去餐廳。呢度既裝修好有特色，係好似火車車箱既設計，坐卡位就好似搭緊火車咁，如果帶小朋友黎佢地應該會好開心！雖然呢度裝修咁靚，但食物價錢都幾大眾化，小食拼盤（$98)、半打串燒（$68)、海南雞飯（$68)、炒金邊粉（$62)、炒椰菜苗（$68)落單自己寫喺紙仔就得，幾方便！小食拼盤（$98),一次過可以食到四款小食！有蝦餅、魚餅、鳳凰丸同春卷，四款都好好食！蝦餅彈牙、魚餅有香茅味、另外兩款都炸得好香口！串燒既靈魂係個沙嗲醬，佢個醬甜辣適中，好夾個串燒！海南雞飯同金邊粉既份量都好多。椰菜苗係每去食泰國菜都必食既

呢度裝修整到一架列車、主要系泰國車站甘，簡單嘅座位設計，好特別，設計仲好有心思😍黎到泰國餐廳，梗係要食小食拼盤啦💋$98有四款小食，而且份量好多，一嚟到我哋兩個’嘩‘一聲，因為真係好大碟🤣春卷🔸炸到好脆，有蘿蔔絲，炸蝦餅🔸系最好食，炸到金黃色，大大舊，好彈牙，點埋個醬汁更加惹味。魚餅🔸 鳳凰卷🔸乾炒香葉牛肉$62好大碟， 炒得好夠鑊氣，但牛肉比較’un’。最推介係呢一個燒烏頭 $142 配料有香茅、芫荽、椰菜、芹菜、肉碎等等令到個湯嘅鮮味出晒嚟而且仲冇腥味。條魚好大條，魚皮都好脆，入邊有好多肉。佢仲配埋一大碗冬陰公湯。好好飲。🔔埋單個陣先知呢到免收加一😍😍😍🔔員工好好，時刻留意客人，因為我地無水又叫，唔夠醬汁又叫，無碗又叫，無紙巾又叫😰😰😰👍🏻👍🏻👍🏻👍🏻

回想起九龍灣係我兒時經常的蒲點之一，因為幾乎每日都要到那裡補習，想起來就已經覺得辛苦！所以德福同淘大商場內的餐廳食肆幾乎都被我吃透透了～今日女友話原來淘大隔離得寶商場都好多野行，仲好多好野食😍電梯上一樓有好多餐廳，唯獨呢餐哪曼谷車站的餐廳最吸引到我地，是因為入面的裝修等等都好特別以車站為主題的一間泰式餐館。食泰國野我地就一定唔會錯過的星馬泰名物海南雞飯！識我地的朋友都知海南雞飯是我地既至愛！我地一於叫左半隻海南雞，的確冇令我地失望，雞肉好滑嫩，再加配海南雞的絕配的黃薑飯，完全係滋味的享受！冬陰公的質素我地都好滿意，雖然我地叫細款，但來到的份量竟然足以夠我地兩個人飲，重點係一直會有個火保持湯的熱度，熱的果然冬陰公係最正的！千層糕我地平常比較少食，今日特別想試下泰式甜品就叫左，估唔到幾好食，煙煙韌韌，飯後甜品來說算幾特別！

又食泰國野，想簡簡單單食餐飯泰國野都係幾好嘅選擇，叫碟雞，炒碟菜，一份小食，簡單得黎又好味。無骨正宗泰式海南雞半隻$85，有三隻醬汁，豉油、薑蓉同泰式醬。我較喜歡泰式醬酸酸甜甜帶小小辣好惹味，點甜豉油都好味嘅，另一番風味，薑蓉我就麻麻地。海南雞好滑，雞皮亦爽口，一定要點無骨，無骨真係超爽呀😆。泰式飛天炒通菜$52，炒菜都幾夠火喉👍🏻。香芒蟹肉炒飯$72，芒果好甜，好多蟹肉，送海南雞飯好配呀。

平時愛吃食泰國菜的我到哪裡都想吃泰菜，今晚約了朋友到九龍灣，OpenRice 一下發現原來得寶這個小商場有間穩世小車站沿途都有路牌引領你去，好窩心。進入餐廳時，侍應姐姐安排了卡車位給我們，餐廳裝修很有特色好有泰國車站風味，有別於一般的泰國華麗金光閃閃的裝修，很親民。前菜，當然點我們至愛的生蝦刺身🦐蝦的數量也不少，有六隻，蝦質也頗新鮮，配上辣汁，胃口大開主菜，點了泰式炒金邊粉🥢酸酸甜甜的味道，彈牙的金邊粉，很開胃✨份量都很多，四個人也足夠。菜方面，點了馬拉盞炒椰菜苗。這道菜很惹味辣味十足，椰菜苗亦很新鮮，很爽口！朋友們都不斷吃來配金邊粉吃泰國菜，當然要吃魚🐟我們點了明爐烏頭魚，配冬陰公湯。魚肉很滑，配料亦很多，多得倒上冬陰公湯不太夠位置，淡淡的魚肉配上濃味的冬陰公，互相平衡味道，吃落剛剛好我們亦點了蒜容包配冬陰公，蒜香味很濃，但略微不夠脆口。飲品方面，點了菠蘿沙冰。份量都很大，每飲一口都很有菠蘿味，還有少許果肉，不會被沙冰沖淡菠蘿味朋友點了芒果沙冰。他說芒果果不假，飲幾口都感覺好像有果肉另一位朋友點了青檸梳打。味道正常，小清新的感覺