景霖正宗四川麻辣米線 (白加士街)

營業中

休息中

I eat a tea set, 炸醬竹辛魚腐米線-小辣, 2 mixed herbs chicken wing & soya bean juice($26), th noodles is very good , not too spicy.

我本人好love食米線，佢really好好食，超級正!!不過我唔係好食得spicy，so我次次都係叫"少少辣"only~正正正!!

尋晚再番o黎景霖食麻辣米線, 一來已經冇o黎好耐, 好想食番, 二來係當我想寫元州街"麻辣川" o既食評時, 一直覺得兩間o既麻辣湯底有o的相似但又好唔同, 食番景霖o既米線就可以更準確地同麻辣川作比較.今次要o左"麻辣豬潤貢丸米線" (勁辣). 貢丸同以前一樣, 都係咁大粒咁好食; 豬潤好淋同好爽口, 係"維記" o既質素(唔會好似長沙灣"譚仔" 同"四川" o既豬潤咁, 淋但係有渣). 唯一o既缺點就係呢度o的豬潤切得太細塊, 有o的碎鹽鹽o既感覺, 大塊一o的就好喇.至於個麻辣湯底, 撇開辣度唔講, 景霖o既湯底, 係我食過咁多間麻辣米線舖之中, 最令我感到滿意o既一間. 單係個湯o既材料就已經好豐富, 色澤上係自然o既紅色, 望落去同食落口o既質感都係好濃郁. 相比起來, "麻辣川" o既湯個樣係幾似景霖但就比較單薄, 而"譚仔" o個種雲南式白湯溝麻辣料o既橙色湯底, 個人覺得總係有o的監硬o黎o既感覺, 唔及景霖o既麻辣湯咁自然.至於湯底o既辣度, 景霖o既勁辣係唔及長沙灣"譚仔" o既特辣咁猛烈, 不過呢點唔緊要, 以整體性同完成度o黎講, 景霖o既麻辣米線較其他店勝一籌

果然好味，要左個大辣湯底，麻辣同雲南酸辣完全唔同，個種滋味同感覺都好正，成碗食晒，所以飽到試唔到佢d串燒，依排咁凍，食完之後成身暖晒，

之前(年三十晚)佢地收爐, 所以無得試.. 之後(年初八)我又去一次, 今次有開呀.... 但就唔係咁多人囉. 我叫左碗(麻辣雞肉腩肉米線--小辣)而我男朋友叫左碗(麻辣雞肉腩肉竹笙米線--大辣)仲有叫左碟鴛鴦雞亦, 個湯底唔入味, 好似係落麻辣粉, 仲有d雞亦, 唉.. 相比"譚仔"既細好多倍... 價錢ok啦.. 我都係睇完食評, 我先至去試, 點知仲要比我男朋友話我... T_T 下次都唔會再去啦... 剩係去"譚仔"啦....

試過一次之後好似上左癮咁...哈哈之後一星期內又幫趁左三次試埋大辣雲吞竹笙米線, 食之前已經準備定tissue~雖然係幾辣, 但都好味~雲吞唔錯, 應該係自己包的但我就覺得佢同隻麻辣味唔係咁夾...竹笙依然係掂, 吸左d湯仲辣上加辣兩個人去0既話, 我就一定會叫過橋米線餐(參考過之前0既食評, 我地會走豆卜呀, 冬菇呀咁, 然後多米線), 再加鴛鴦雞翼...真係好滿足0既一餐題外話, 上次去食, 對面位阿哥食完後, 桌上留低左超過十張tissue, 成座山咁...個阿姐執桌時話:"嘩, 洗唔洗咁誇張呀?"...哈哈, 真係好搞笑!

叫左過橋米線套餐同埋鴛鴦雞翼, 想一次過試勻丫嘛...第一次試, 米線要左小辣真係幾大碗, 不過係料多過米線先0黎試啖湯, 掂喎; 撈勻d炸醬再試, d湯即刻變得濃d, 多左份香甜味米線唔會話淋哂, 仲好有咬口料方面, 我自己就較鍾意竹笙, 腩肉喇, 雞肉都唔錯不過如之前0既食家所言, 加左炸醬, 食味會豐富d至於雞翼, 我就鍾意香草味多d, 男友就話鍾意食麻辣味果種舌頭麻痹0既感覺另外我就好欣賞老闆娘0既態度喇, 好親切, 又有禮貌, 有個伙計將我地碟雞翼俾錯隔離, 佢後尾發覺即刻同我地道歉, 兼且落單再整過...埋單$50, 兩個人食得好開心! 決定下次試試個大辣~臨走試左粒??係櫃面0既朱古力, 幾好食呀! 老闆娘話係佢地自己由日本帶回的...男友仲即刻拿出三十大元買左包~

下午三點來到，雖是平日而飯市已過，但都坐有八成客，可見呢度應幾受歡迎。裝修幾簡潔，地方亦乾淨，唯獨是可能廚房的拉氣有些少問題，以至一煎雞翼就好大油煙。<br />叫了腐皮腩肉米線，見隔離果位人兄碗米線個樣好似唔係太辣，就叫個勁辣試一試，茶餐還包雞翼兩隻，要了香草味的。先來的雞翼雖是雪藏貨色，細細隻無咩肉食，可幸個外皮都整得入味亦煎得香口，算唔錯；米線好大碗，夠份量。湯底看樣子是唔係好辣，渴頭兩淡還可以，但之後就越吃越辣，而麻的感覺亦隨之而來，雖然食到一頭汗有點失儀，但又香又麻又辣，我唔係四川人，不能斷定這裡的麻辣是正宗與否，只可以講味道係幾正的；腐皮沾了辣湯底簡直是推波助瀾，辣上加辣，餘下的腩肉味道不錯但已淪為配角。最後都能食老實講，勁辣真係幾辣，下次都係食大辣好了。<br />埋單23蚊，仲送一杯豆漿，幾抵食，喜歡吃辣的可以一試。<br />

之前只食過“景霖”的紅勘店﹐今日午飯時間路過佐敦區﹐當然要幫趁一下佐敦店﹐睇下係唔係同樣地好味。要左中辣炸醬腩肉米線﹐同一碟鴛鴦雞中翼(麻辣&香草)﹐食到一額汗﹐似乎麻辣度比紅勘要勁一級﹐不過﹐味道一樣好好﹐$20大大的一碗米線連飲品一杯﹐超值﹗店鋪較紅勘店寬敞﹐但一樣爆滿﹐證明生意係貴有貴做﹐平有平做﹐只要做得有誠意﹐不愁無生意呢。

如果鐘意食辣的朋友就一定要試啦。我最鐘意叫佢個過橋米線套餐，大大碗都係$32，有成十幾款，比散叫抵好多架。我叫一個同我男朋友share食，因為唔食豬潤同酸菜，所以換左多d米線同冬菇，加多左米線就會夠兩個人食飽。湯底我會要中辣，因為大辣就已經得個麻字，食唔到辣味，如果第一次去食，建議試個小辣先，睇下自己食唔食到。仲有我會要求炸醬分開上，唔好同d湯底撈埋，咁先可以試真個湯底，鐘意又可自己撈。另外，佢d雞亦都好得架，有香草同麻辣兩款，$18/6隻。建議每款各3隻，咁就可以一次試晒兩款啦。佢d豆漿都係$3杯，辣得滯就叫黎飲啦。環境ok架，乾乾淨淨，服務不錯，睇我咁多要求都做到就知啦。

我去hunghom個間，參巧下面食家心水，選了炸醬、酸菜，果然更加美味。米線比一般彈牙，選了小辣，可以接受。前一次吃佢有豆漿、雞翼送呢，香草味頗特別。

今日終於搵到佐敦景霖啦, 因為係7:00前, 都唔算多人, 要左貢丸, 豆卜, 雲吞, 小辣, 水準同紅磡店一樣, 好好味呀, 諗緊下次要乜野"送"好...大家有冇提議?另外想讚既係呢度的衛生環境,枱凳,裝修都好整齊,乾淨, 感覺舒服過一般茶餐廳或粥粉麵舖頭

上次試o左呢度o既香草烤雞中翼之後, 前幾日再試埋佢地o既四川麻辣烤雞中翼(18蚊6隻)加一碟油菜(腐乳通菜; 8蚊).同香草雞翼一樣, 麻辣雞中翼o的翼都幾大隻, 搽滿麻辣粉o黎燒, 冇o左香草雞翼o既o個份芳香, 但?o既麻味再加小小鹹味同辣味效果唔錯, 18蚊相當抵食. 用佢o黎配唔辣o既米線會好野味.8蚊一碟腐乳通菜份量唔少, 同麵舖o既十幾蚊油菜有得揮. 26蚊埋單, 滿載而歸. ^_^

我認為呢間米線同營盤街0個間有得“揮”﹐一樣0甘好味﹐不過呢間無0甘多人去。我以前會叫“雲南米線”﹐一大碗0個隻。但實在食唔哂﹐所以而家叫兩送或三送就夠。我最鐘意係雞肉﹐酸菜同炸醬。邊食米線邊飲湯﹐好正。如果仲食得落﹐叫個香草/麻雞翼﹐可以一碟(六隻中翼)兩味($18)。每次都食到攬住個肚﹗

睇o左'專食CHEAP野'先生o既介紹後, 禮拜日晚經過佐敦就o黎呢間分店試o下... 呢度order米線係車仔麵式-麻辣湯底(有芽菜,'九'菜同腐皮料)可自選辣度(小辣/中辣/大辣/勁辣), '送'料有21種咁多可供選擇,如果想食'豪'o的, 佢地有大大碗o既'過橋套餐'($32),包齊12種'送'料而湯底就再加生菜,相當大堆頭!我就叫o左個三送米線($23) - 雞肉, 炸醬同貢丸; 麻辣湯底要勁辣. 即使係三送都係用大湯碗上, 米線同料都好多, 一般人食保證夠飽. o的米線本身都幾滑, 冇煮淋到, 唔錯. 三個送料o既份量唔少, 而質素就比一般車仔麵舖高出幾皮: 雞柳夠滑, 炸醬好多免治豬肉, 味道好rich好鮮甜, 值得一讚! 貢丸都幾大粒幾好味.最值得讚o既係個'勁辣' 麻辣湯底, 辣度就好似寧記o既台式麻辣火鍋咁辣, 但湯底有足夠o既麻料中和, 唔會得個辣字, 所以飲o左幾淡就適應. 同埋o的米線同送料一齊食, 真係好好味! ^_^ 唔食得辣o既朋友我建議你地叫小辣(甚至唔辣)好了.新彊香草烤雞中翼(18蚊6隻) - 雞中翼幾大隻, '查'滿香草o黎燒, 幾香幾滑. 18蚊