景霖正宗四川麻辣米線 (白加士街)

營業中

休息中

米線都ok啦！勝在夠咬口，配料選擇多，湯底都幾夠味，最重要係價錢平，下午茶2 米線加2 隻雞中翼加豆漿，都係20蚊，抵食。不過最正都係煎雞翼，不論香草定麻辣，都係熱辣辣兼夠晒味道，正！

等左好耐, 追問之下, 店員既解釋係呢個選擇係要耐d既. 好啦, 等到個米線上檯, 二話不說, 就將碗中物往咀裡送, 嘩！點解貨不對板？d米線咁乾身, 冇爽口既感覺(湯米喎？), 菜肉雲吞呢, 皮厚, 餡料尚算夠味. 整體黎講, 扣分！

曾幾何時成日0黎食麻辣米線...今日經過, 就探下呢位老朋友啦叫了過橋米線tea set~認同樓下Fatman所言...米線確係一d都唔覺麻記憶, 佢雖則唔夠長沙灣果d咁麻, 但亦不至於此呀嘛..如果無比較0既話, 我仍然覺得佢係掂的以一碗米線來說, 佢係超班但以麻辣米線來說, 似乎有點那個另外, 不得不批評一下, 米線同配料0既份量比以前少左~ 豆漿係暖的...失望可幸雞翼算係保持到水準~

Already tried the super-spicy and drank all soup but did not find that it was smelly and and spicy enough. Add 2 tea-spoons of Chilli sauce finally.....In fact, quite disappointed and I will not try again la.

very hot

睇左咁多讚譽既食評，又食左太耐長沙灣既麻辣米綫，都想試下新意思，所以特登走落佐敦景霖一試。可惜，原諒我講：失望! 其實佢並不是一無是處，米綫幾有咬口，原味湯底亦見香濃；但是，招牌之作─麻辣，無法令我動心：他不是譚仔或四川既超強野蠻花椒辣粉但帶有濃烈原始『麻』味，亦不見得接近Ｑ嘜川面既家鄉大紅麻辣油浸香味。甚至，我覺得佢亳無麻香味可言。份量當然唔可能要求佢有四川咁大碗抵食。只能講：可能我已經給四川及麻辣川麻醉了我的舌頭和鼻子了。不過，如果是未食過麻辣米綫既朋友想新嘗試我都唔反對去既，反正一般人未必受得到『麻』味，而景霖便已經可以令『一般人』滿足的了。

好幾個月冇食呢到o既米線, 麻辣到好似勁o左. 我今次要大/勁辣之間, 都得呀. 食送方面多o大鮑魚片, 仲有魚麵, 下次可以試o下先! 相比起長沙灣四川, 佢果份量好似少d, 但我就覺得夠啦, 不過d 腐皮就好似得一片.

地點方便，乾淨程度拍得住譚仔，除了水吧位比較熱外，其他地方冷氣很夠。點了大辣的豬潤竹笙米線，豬潤夠爽夠滑夠大塊，在這個尋找麻辣的旅程中，終於找到一間豬潤能比得上雲南風味了，竹笙塊數比較少，但本身頗入味。到重點湯底了，褐色的清湯有幾點花椒辣椒，辣粉，辣油和黑椒，唯獨不見大紅湯底，到底是四川那種麻辣哩？儘管百思不得其解，湯底到惹味，有景霖的特色，但卻不是我杯茶了。如果為了吃米線，也是不錯的地方，但若如門前招牌所說，正宗四川麻辣？嘿...

米線味道不俗，魚腐則始終係魚米家的好些．麻辣和香草燒雞翼很好，尤以麻辣味道佳．價錢相宜，服務ｏｋ，繁忙時間很多人排隊呢！

平時見到大家對景霖嘅食評都幾好﹐於是就走嚟試吓。。去到叫咗個豬潤米線(中辣)﹐點知嚟咗碗唔辣嘅﹐同佢講佢就另外比咗碗細嘅辣湯我﹐其實咁樣我唔多滿意﹐不個算啦﹗於是我將d米線浸落碗辣湯到食﹐中辣對我嚟講岩岩好﹐之後發覺咁樣食都幾好﹐因為食到個口麻晒嗰時可以唔浸落碗辣湯度﹐食一兩啖後又食返辣﹐個感覺都唔錯﹐haha..

對, 我同個朋友放膽咁叫o左個勁辣, 叫做可以啦! 都有少少麻o既感覺. 坦白講, 呢個辣度係我expect o既中辣. 我個friend話長沙灣果d激d喎. 話時話, 一眾食得辣o既友好, 你o地有冇試過超力果隻麻辣牛肉味即食米粉呢? 都幾得手gar. 如果你落得唔多水煮, 絕對拍得住呢個勁辣version!

我最近食過幾次都開始覺得麻辣度減低左﹐自己的選擇已經由最初的中辣改為大辣。唔知係唔係順應民意呢﹐我以前食的時候都見過唔少人向店員反映小辣都太辣。不過﹐對於好食得辣的人黎講﹐景霖的中辣一向都只係小兒科﹐如果自問真係食得辣的﹐下次不妨叫勁辣試試。但係除左辣度下降左少少以外﹐其它如米線﹐配料﹐湯底等等都仲KEEP 到﹐亦無加價﹐照舊係食得過的。

我同朋友都係嗜辣之人, 我o地叫o左個中辣o既米線, 好一般啦. 店員見到我o地再加辣油, 就主動提議加d辣湯俾我o地, 但係都唔見得太有幫助. 我諗我o地下次會試勁辣. 食送料方面, 豬潤真係幾ok, 薄身同爽. 水餃係新鮮做. 其他就有咩特別. 我朋友話長沙灣果幾間麻辣米線店仲得喎. 我自己係旺角先達附近食過一間雲南米線, 仲麻仲辣. umm... 我諗我會再俾多一次機會試呢間舖頭!

上次試左譚仔,今次試呢間.叫左魚腐米線,擔擔麵,香草雞翼同串燒豬肉.淨計米線既話好似譚仔有咬口少少,但其他食物就景霖好D(雞翼打和).少辣都已經幾辣,勁辣真係唔知點食.擔擔麵就有D似大家食既手攪麵,午市叫就幾抵因為送豆槳(15蚊碗).

同男友試左個過穚米線套餐(勁辣)+雞翼相併,先講米線,湯底,炸醬,酸菜做得幾好,不過其他料就唔多得啦,好普通而且d生菜好吸油!雞翼好細隻,可能而家SARS無咩雞供應掛,味道OK既,食左麻辣米線,都係食唔出麻辣雞翼既味道,反而香草味出D!如果貪平,都叫食得過既,但係如果一心諗住食好野既話,就可能會失望啦!