景霖正宗四川麻辣米線 (白加士街)

營業中

休息中

次次黎食都覺得唔係咁好食,唔信邪,再食!!如是者食o左好多次...依然覺得湯底係鹽油水+出前一丁香辣味...愈叫得辣就愈咸...小咸就小咸...大辣就大咸........

昨天和女友來佐頓，因上次在土瓜灣吃過，覺得不錯，這次encore.要了過橋套餐，小辣（下次要中辣的），料很多，一個人吃真的有難度。（牛肉好吃）女友要了魚腐米綫，魚腐不錯，我覺得咸了點。下次兩個人一個過橋套餐夠了。還有他們雞翼都ok,也不貴。麻辣的好吃點。

見食評不錯，放工便來試一試．叫了炸醬豬潤米線，很大碗，不過米線太淋，豬潤很滑，但可能因為通宵工作後胃口不好，覺得味道普通．

第一次食係堂食叫左個竹笙雞肉米線中辣lunch hour個時會送杯豆漿幾抵食個米線唔會太淋唔錯至於竹笙吸左d中辣既湯好好味個雞肉我最初會以為係雞絲見到個時仲以為係d雞扒切絲但係冇雞皮and肥膏食落口仲幾爽口有冇雞味其實唔太食得出= =因為已經俾d辣湯麻到冇咩味覺...第二次係叫外賣叫左個大大碗過橋米線分開2個碗一個係米線入面有炸醬and酸葉另一個就係湯and'送' 真係好大碗...入面有好多料但係d魚蛋唔好食...好粉...都係最buy d雞肉男朋友都話正$33係好抵食既但係煮既時間好似要耐d...因為男朋友話豬肉好似唔熟....我冇食所以唔知

成日黎呢到食,次次都會食炸醬!!幾野味,配埋d米線食真係一流.下午茶好抵食,$18,又有豆漿送.同埋呢到d服務態度好過譚仔同尖沙咀個幾間米線鋪好多.

19/5(五)男朋友見完工之後陪我黎食,男朋友食左野,所以我只係叫左1個set炸醬+豬潤麻辣米線(小辣)+香草雞翼x2+1杯豆漿炸醬係每次黎食既必叫item,甜甜地辣辣地,野味得很豬潤又滑又無渣,不過切得薄左d米線彈牙爽口,唔會煮到過淋香草雞翼煎得香口,香草好味過麻辣,香草雞翼又係必叫item之一我成日都特登搭車過黎食既~

見d食評..整體都話唔錯~~~ 卒之早幾日同朋友去try..我知自己實食唔晒~~ 甘就叫左一碗大大碗既中辣米線~0~ ... 再加底$3..同朋友share 食... o個度有十幾款.......再加多一碟香草雞翼....好好食呢~~~呢個人食已經好飽.....不過d肉碎..未算好好食..反而d酸菜..我不停甘食呢~~~~ 佢好過譚仔好好多...譚仔勁小餸..又貴..會繼續幫襯. ^^

食過好多次，但上星期六再去食，味道差左，湯清而無味，米線好淋唔彈唔爽。

炎炎夏日沒啥食慾，特意來吃個麻棘，開開胃口!!是日點了"大大碗"米線$33，少辣再加米線底$3(炸醬另上)與大食友人share。材料相當豐富:炸醬(辣得過癮!!十分野味)，雞肉&豬潤(滑)，酸菜(爽口醒胃)，魚旦(過淋)，其他材料還有竹笙，芽菜，韭菜，豆pop...等。份量絕對足夠兩個人食到飽飽耶。少辣，個人覺得辣度剛好。適逢週六及日，14:00~18:00為下午茶時間，凡惠顧皆奉送香草/麻棘雞翼2隻，豆漿一杯。要了香草口味，弄不清是什麼香草，不過好味就是了。^_^

喱度o既過橋"大大碗"米線有兩款,普通同海鮮,我就叫左普通o既過橋"大大碗"米線,小辣,有成十二款"食送",包括牛肉,豬肉,腩肉,雞肉,豬潤,魚蛋,竹笙,冬菇,火腿,豆卜,酸菜,炸醬.加埋跟米線o既生菜,芽菜,苟菜,腐皮,總共有十六種"食送",每種都有三件以上,真係食"食送"多過食米線,而米線亦好爽口兼夾滑.$32,勁飽,極抵食.

17-11-2005我們要了小辣過橋海鮮米線大大碗(有蟹柳、帶子、鮑片、魚片、魚腐、韮菜、炸醬、芽菜、腐皮)每樣餸都有兩件啱啱好分，香草與麻辣雞翼各3隻。對我來說最喜歡他們的米線覺得很有咬口又烟韌與其他的好像有點不同，材料都幾豐富，湯方面幾好只可惜剩係覺得辣已欠缺了麻的感覺。至於雞翼香草很入味而麻辣就一般感覺不到麻辣呢! 價錢抵食。

番工~但係要去尖咀做O野緊係要蛇番陣LA~未食中午或者想食TEA~都可以試下E間米線,佢大大話話都開左幾年LA~我都幫襯左N咁多次~咁自然有番咁上下抵食或者好食LA~本來中午個到個代表係牛屋,但係唔想食扒既朋友就可以試下食清淡既米線~E間米線就同好多米線舖都好似車仔面一樣,比你間,配搭:豬肉,炸醬,豬潤(貢丸都OK)不過我比較喜歡頭三種飲品:罐裝可樂(+4蚊)辣度:中辣我平時都係鐘意中辣多~因為大辣就比D辣味蓋過左D麻辣味,而清湯就太淡LA~我唔係咁鐘意.餸方面我覺得直得推介係炸醬,佢D豬肉碎食落有D甜甜地幾好食,豬肉幾滑,而豬潤只係個人愛好,無話特別好食,不過都叫做OK.佢既湯底我就覺得比以前差左,尤其係佢收舖前,佢通常D湯底好淡,可能係加水LA~不過正常時間都OK GA.講到最後以$20-$25既價錢你都唔可以強求太多LA~食得飽,又有野飲~都OK LA

平時既雲南米線一碗閒閒地要$30, 呢間既下午茶就幾抵食, 味道未至於話非常好, 但係都不俗啦, 只需要$17就有米線+一樣+兩隻香草雞+一杯豆漿或細樽可樂, 加多樣就多$3, 可以一試啦!!

我係果頭做野,間唔中就會黎景霖食野,通常去食都係食下午茶,因為夠抵食,2點半後就有得食,只係需要$17,就有一一米線, 兩隻香草雞翼,加豆槳。味道都唔差, 好吃~值得推介~!!

今日下午同女友去完九公游完水, 有D餓, 五點幾又未到晚飯時間, 經過白加士街就係景霖醫肚。我都係第一次o黎景霖食o野, 女友要了個下午荼餐貢丸米線(小辣), 香草雞翼x2, 加豆槳, 都係$17。好抵食。我要了個鯊魚丸魚餃米線加底(小辣), 連麻辣雞翼x2, 還有豆槳送(當下午荼計), $23。味道OK啦~ 雞翼即叫即烤, 要等一陣先上檯, 不過幾好食! 小辣俾唔食得辣食o岩o岩好。星期日/公眾假期, 下午荼餐廷至19:00添o架~