景發食店

營業中

休息中

公眾假期到九龍灣沒有什麼選擇，附近的茶餐廳只有光榮和景發，平時多吃光榮，今日想吃炒粉麵，便試一試景發。餐廳門面貼上餐牌，客人可先行查看再決定是否入內。價錢大約$40多，算正常價錢。店鋪內是開放式廚房，大約有3-4個師傅在內煮食。我在門口的收銀處等待店員的時候，看到廚房的環境，很殘舊，有很多鐵兜盛著不同的食材，全部放在桌上，方便師傅直接使用。我叫了一個炒貴刁、雞全翼、凍鴛鴦。店員特意提我，雞全翼需要多等一會兒，最後等了十分鐘就有了。店員解釋，因為雞全翼是生炸的，所以需要等久一點，還提醒我小心熱。炒貴刁 $47實際顏色比照片中淺，整體味道偏淡，只有淡淡的咖喱醬味，不算有鑊氣，主要都是河粉，配料很少，整體一般。食到最後，整個底部都有一層約2mm的油，可見店家用了非常多油炒，女士要注意😖😖😖雞全翼 $10$10一隻來說，不算大隻。皮很脆，炸得透，肉不算「鞋口」，用鹽來調味，調味很夠。凍鴛鴦只喝到甜味⋯⋯ 沒有其他味道

響九龍灣食早餐同食晏，要計炒粉、炒麵金、炒飯平得黎又有嘢飲，最抵一定係景發，開咗二十幾年又唔會年年加，合理價格，收錢家姐亦都好有禮貌！早餐紅腸肉丁通加熱奶茶都係$30午餐肉絲炒麵都係$40幾蚊連罐汽水，又夠鑊氣又好味😋下午茶炸髀都好好味，所以呢間係外賣必食之選

早上忙到飛起，食完早餐後，3點幾才有空食嘢。平日九龍灣下午人多車多，週日除咗 Mega box 多人外，週圍都靜過鬼，好多餐廳都閂咗門。泊低架車係富通叉電，得大半個鐘食嘢，求其搵間近近地，唔洗排隊的地方食個快餐。行過大渣哥要排隊，呢間唔洗排，但都多人食，應該唔差。行入去老闆話有下午茶，就叫個雞脾飯，跟杯裝可樂。要等差不多10分鐘，原來雞脾係即炸，简直超值。雞髀個粉唔厚，個皮似紅燒(炸)乳鴿，薄薄地，my favourite. 雖然都有界開後面才炸，但係肉都幾 juicy，讚！👍飯就中中地，茄汁係中學時，學校門口飯盒嗰種漿糊茄汁，好有懷舊 feel😂最敗筆係杯汽水機出嘅可樂，好淡口🤦小店店主都友善，都好好傾，親力親為，努力吧，支持小店！

牛肉冇渣,嗱過就一定有但唔會有粉味,滑蛋汁好滑好味,又唔會太咸,之前食詔豉椒骨D 肉就太霉,今日呢個牛肉就好好仲有機出可樂,經典懷舊!有個叫外賣既落完單要改,比個水吧插到暈,小心D 諗清楚先好講 XDXD

九龍灣工業區其中一間店仔, 地方唔大, 有次經過就入左去食, 入面好多炒粉麵飯, 但吸引左我既係燒味飯, 即刻叫左個叉燒燒飲飯, 仲有個例湯送埋估唔到既係 佢俾料都幾多, 飯又多, 都幾抵食!! 仲緊要既係要落埋姜蓉撈飯 無得輸!!!

間舖地方細，堂食吾多座位，燒味一般，冇網上啲人講得咁好食，價錢都唔係平，飯底又濕又爍。最得意嘅就係，你諗住喺門口等外賣，阿姐會叫你自己行入去燒味部窗口攞飯，跟住叫你自己去水吧攞飲品/湯，連餐具同膠袋都係叫你自己去旁邊取，自己包。中午繁忙時間一般多人，呢間野啲服務態度麻麻，吾會再幫襯單。

#double_九龍灣-環境不太好 走廊好窄 而且服務態度很一般😡😡😡🔸沙嗲牛肉包（$24）最好食嘅竟然係呢個😣雖然沙嗲味唔算香濃 但係牛肉起碼唔難咬 印象中係好薄嘅牛肉🙁⭐️評分：6/10-🔸熱狗包（$24）有酸菜 蕃茄🍅生菜🥗沙律醬 還有主角熱狗腸🌭賣相跟想像中的很不一樣 不太開胃😟⭐️評分：3.5/10-🔸鹹牛肉蛋治 （$24）正常的味道 不過不失 可惜沒有烘底🥪⭐️評分：5.5/10-🔸乾炒牛河（$47）顏色看上去不太夠 很淺色 河粉都癡在一起 明明都已經下了很多油💩⭐️評分：2/10-🔸茶走（跟餐）正常味道 說不上很香濃⭐️評分：6/10-以上的是套餐價 包餐飲💩呢間鋪頭其實出名吃燒味的 下次都係食返啲人哋介紹嘅好了（不過應該都無下次）－－－－－－－－－

店內係好忙ge, 但我都係逐個字講，叉燒煎蛋飯變做餐蛋飯。開頭話加番兩蚊，我都攞銀包出黎，之後就轉軚問我煮好左會唔會照要。唉，我怕加料真係唔敢唔要，但真係好希望你地唔肯定就問多一次。餐蛋都係配治嫁姐，點配飯呀。

今日又處於十分肌餓condition所以拿拿林打電話叫景發外賣10分中5洗，有野食凍奶茶就一定會飲嫁la但頭先都頭痕，究竟食乜好，景發有燒味飯，有雞脾飯，有常餐，有午餐，價錢都差好多，午餐最貴5過40蚊，一向都食開燒味，燒肉同叉燒都多人order，不過早2日食完，廢時啦，有啲膩，最後諗左5分中，都係食雞脾飯。

尋日lunch叫外賣，見未食過又平平地於是試下。呢間嘢有送外賣服務，但等左差唔多35分鐘先到，已經不滿，早知等咁耐寜願食第二間。我叫左個北菇蒸滑雞飯，外賣來到已經唔係好熱，只係䁔暖地。份量不是太多，不過欣賞佢有幾條菜，雞肉有d鞋，味道有d䶢,d飯唔知係唔係落得太多水，好濕。呢個午餐雖然平，只係$29，但質素實在太差，唔會再食。

數年如一日，雙併燒味飯加例湯，保持高水準。燒肉切雞飯：切雞嫩滑不過火，有雞未。燒肉一層肥一層瘦，皮脆肉滑。例湯也有水準！一般下午兩點就清倉。其他抄嘢都好多人幫襯。睇埋價錢，九龍灣邊度有？

「對於食，我有一份執著!」燒味對香港人來說應該並不陌生，而我由細到大都鍾意食燒味，特別係燒腩同油雞，而我係九龍灣其中一間茶記入面就搵到我最鍾意食嘅燒味，係香港並唔係每間茶餐記都有燒味。既然九龍灣呢間茶記有，我當然要試一試啦。燒味的賣相唔錯，色澤均勻，而且價錢唔貴，所以我就叫左碗叉雞飯試下。師傅切嘅叉雞非常平均，食落口真係啖啖肉，再配搭埋滋味嘅醬汁，絕對一絕。我非常推介大家可以去呢間茶記試下佢地嘅燒味，我覺得係絕對一試難忘。

價格相宜，一目了然。入到去先點餐，跟住排隊拎飯，攞野飲。好蜜汁嘅叉燒飯薰蹄好爽口只係飯太多，唔夠汁。建議大家可以點少飯，又或者搵個盒裝起啲飯留返下次食。既方便又環保。

之前不時都會來吃茶餐又平又美味，開飯之選!!最常點的是雪菜肉絲米，五香肉丁麵，火腿奄列雪菜肉絲米價錢平，份量多，雪菜味濃!是吃過最美味的雪菜肉絲米五香肉丁麵同樣抵食肉丁香辣惹味，公仔麵亦很不錯!火腿奄列($16)的蛋夠鑊氣，火腿夠咸，份量也不少，還配有方包，加$1轉多士就是perfect茶餐十分推介!!!

燒味對我的印象通常是童年開飯時不夠餸媽媽就會買盒油雞或燒鵝來加餸.近年新聞雖常說吃得多燒味對身體不好, 不過燒味的魅力在港人心目中仍有著超重的地位.老實說早前我都少吃了燒味, 不過最近吃到了一家在公司附近的食店, 雖然這家不是專門的燒蠟店, 但做出來的燒味居然比很多酒樓都好吃.能令我差不多每天中午都動身前去買的是這家的燒鵝油雞米粉/瀨粉 (HKD$25)燒鵝永遠都是超多份量, 燒得皮脆肉厚, 名副其實的啖啖肉, 而油脂亦非常甘香可口. 絕對是不能錯過的!而油雞雖沒有燒鵝那麼出色, 但亦是肉質嫩滑又肥美.白切雞就不要點了, 因為吃過幾次都是失手, 雞肉瘦弱乾柴的.這家的質素當然比不上那些高級店如中環X記, 深井X記, 但以九龍灣工業區來說, 這樣的價格有這樣的質素算是十分不錯,所以每到午飯時間這裡一定有人龍來買燒味, 店內起碼7成食客也是食燒味的.但放工時間也都不用來, 因為師傅差不多收爐燒味水準也下降, 要吃好食的就只有中午時份.