普洱

營業中

休息中

上一次黎已經係三四年前，個時食焗飯同朱古力普洱覺得好正不過荃灣食飯有好多選擇，又開左好多新店，成日想試新餐廳嘅我就好耐無再黎啦。今日再黎，見裝修佈置都無點變，餐牌仲有我最愛嘅朱古力普洱(其實我只係黎飲過呢款)當然要encore 下叫一份焗飯，包一杯20蚊嘅飲品，真係好抵食咖哩薯仔雞扒焗飯，咖哩好香好濃，仲有焗/炸過嘅薯仔，雞扒夠滑，好欣賞茄汁雞扒蛋飯，醬汁都唔錯朱古力普洱仲keep到以前飲過嘅味道，另外仲試左杯芝麻咖啡，都好香濃特別呀。難得焗飯做得好之餘，飲品都有心思，特別啲

喺荃灣廣場附近工作嘅人，一定會嚟到呢條街搵嘢食，我前前後後都食過呢一間兩至三次，之前係食焗飯，或者醬汁撈飯，今次試咗新野，就係酸醋排骨配米線， 十分失望，排骨肉好難咬得開，啲肉質根本又鞋又濕，好似未解凍好咁，好明顯解凍嘅時間唔夠。所以成個米線我就覺得感覺麻麻，只係呢間舖頭出名係朱古力普洱好飲，所以都叫做打和啦。

早前去咗荃灣廣場逛逛，有啲餓當然去搵食，仲成日都在商場內食啲連鎖嘅食肆有點悶，而且要支持下啲小店，決定不在商場內搵食，轉移去附近大壩街食，聽聞這條街都有唔少食肆，的確係，有好幾間都要等位，最後因為太餓，唔想等而且佢有幾吸引嘅朱古力飲，就入咗這間。🍴茄汁焗雞扒蛋飯🍅🐔🍳：都不錯，汁夠多，但雞扒有小小燒焦咗。🍴芝士焗西蘭花肉醬意粉🧀🥦🍝：淡咗啲，但都ok，唔好食咁咸，不過肉醬變咗豬肉碎，奇怪咗啲。🍹朱古力荳奶：由於要預埋比亞女飲，所以叫荳奶，否則會叫朱古力普洱😅，朱古力味夠濃，I like it🥰🍹香芋奶茶：香芋夠濃，不過不咩奶茶味，好ok啦👌價錢方便都算抵食平均一個人$60-$70，有埋杯特飲，都係咁😊

叫左酸辣滇醬骨米線炒飯飲品係普洱朱古力聽落幾趣怪，食落瀨曬野入到去一眼睇曬，環境係迫既，唔係標準間隔都冇乜所謂之後落單就開始唔對路，個侍應可以行埋黎望第二到唔出聲得個寫，完全唔應人，咁好啦，等左7個字到，咪追一追，侍應態度唔憂做咁，問完佢都唔幫我追廚房，得閒又除下口罩最黎40分鐘到，遲上菜唔緊要，但黎到係唔熱既，成碟野得個咸字，食食下仲有條毛，而家抗疫既時勢，仲點食得落呀？不過講句公道說話，杯普洱朱古力係唔差，但簡單講，如果你想體驗貼錢買難受，可以去食

呢間野可一不可在，本身排隊係隔離嘅蘇媽。蘇媽食，點知太多人，無奈唔想兩老等，佢地好餓，見呢間裝修是正就入去。點知真係好「驚喜」。d飯，凍嘅，雞翼有毛未熟，四隻雞翼食左一隻後，就冇人敢郁，碟白汁魚柳有毛，唉其實冇乜胃口再食，最後得我一個後生食唔晒d飯，兩個老人家本住食得唔好嘥嘅態度，食晒成碗飯，埋單比錢後，我以為得我一個太主觀覺得難食所以有d唔舒服，想嘔。但冇耐兩老都話想去廁所嘔🤦🏻‍♀️ 之後我地都嘔晒。。一致認為d飯有問題，唔衛生。另外入面個侍應好冇禮貌果啲唔講啦，見有好多人都講過，但衛生問題做到咁差仲有邊個敢食。。。。

睇到好多人介紹朱古力普洱，所以今日特登黎食，我同朋友兩個人下午12點左右去入去食飯，因為疫情關係，入餐廳前要先度體溫，跟著就坐左張卡位。叫左杯朱古力普洱，鹵水雞翼，南瓜粑粑，黑椒牛扒飯。朱古力普洱幾特別，夠濃味，帶少少普洱香鹵水雞翼都ok入味，不過不失南瓜粑粑有少少油，都幾好咬口黑椒牛扒飯啲黑椒汁配飯一流，牛扒都夠大塊，食唔曬添，如果佢加少少菜配下就好啲！整體黎講食物質素不錯，但餐廳應要顧及下食客感受，疫情嚴重，我叫既食物剛到，就夾硬叫後面又係食物剛到既食客轉到我張枱！1. 門口冇講到要搭枱！2.疫情期間，我食食下我要同個陌生人打對坐，萬一佢有咩唔舒服向我咳點算？！重點係中間膠板都冇塊！3. 張枱好逼，空氣又焗開唔夠冷氣，坐到好辛苦！

呢間鋪頭係荃灣已經好多年 讀書既時候已經有食過～ 佢既招牌普洱朱古力的確好出色 我每次去都必點！ 淡淡的普洱茶香味又同香濃既朱古力出奇地非常之夾😆 仲有佢既焗飯焗意粉都好吸引都係次次食黎食去都係果幾款😂 佢係即叫即焗 所以好香 如果佢加埋芝士上面就更加加分🙈 不過好肥🤫 今次叫左咖喱薯仔雞扒意同咖喱茄子豬扒飯 個意粉係扁意粉幾特別 個咖喱又辣辣地幾惹味😋 薯仔又炸過外脆內軟👍🏻 不過豬扒無雞扒咁juice 但都唔會咬唔開既～ 整體都好好味 😋😋 晚餐價錢又唔算貴抵食👍🏻👍🏻

是咁的，話說今日我同女朋友去荃灣行街睇戲，開場之前見有少少肚餓就諗住去附近嘅餐廳食下飯傾下計咁，見到有間餐廳裝修都算唔錯就入咗去啦。餐牌上嘅選擇好多，米線同焗飯聽落都幾吸引（餐牌上面係冇相）。睇睇下見到有個幾有趣嘅叫做米線炒飯，第一次聽講過尼種食法，所以就想點黎試下啦。是咁的，話說今日我同女朋友去荃灣行街睇戲，開場之前見有少少肚餓就諗住去附近嘅餐廳食下飯傾下計咁，見到有間餐廳裝修都算唔錯就入咗去啦。碟野一上嚟，冇諗到真係照書面咁樣譯返出嚟，我同我女朋友都呆左下，個店員仲好似好奇怪咁望左我一眼。雖然睇落唔係好吸引，但係我哋諗住點都試吓先啦。點知食完仲驚。講真啦碟炒飯真係唔錯，但係加埋米線嘅口感，成碟野就變得非常之奇怪。個飯係硬嘅，個米線就淋嘅。仲有上面啲「辣子雞」就凍嘅，好似啲五香肉丁罐頭啱啱解凍咁，啲口感完全一樣。碟米線炒飯就當係踩雷啦。女朋友點左碗砂鍋米線，心諗呢個點都唔會伏啦掛。女朋友點嗰碗叫做燒豬軟骨．砂鍋米線，睇個樣正正常常咁，以為會好好食啦，點知啲豬軟骨又真係唔夠軟㗎喎，老實講食過咁多間嘅豬軟骨，點衰都好舊骨都要係軟淋淋㗎啦，點知呢間咁犀利啲骨係脆㗎！果然係「燒豬軟骨」，夠曬

一直好鍾意食米通粉同飲朱古力普洱。可惜今次經歷，減低再去嘅意欲。食物質素尚可豆腐腩肉米通辣子雞滇醬骨米通朱古力普洱 蜜桃綠茶簡單食完兩個套餐， 諗住嗌杯外賣朱古力普洱俾家人試下。嗌外賣後，等左一段時間都未有，咁諗住去埋單，順便問埋杯朱古力普洱到未啦。埋單後問店員，杯朱古力普洱喺邊呀？店員有啲火咁話俾咗我地，但我地根本無拎過。然後個水吧佬好大聲發晦氣話 語氣真係好差！ 我唔知佢發脾氣話緊個收銀定話我地啦。大佬你求其放喺一張枱，我點知杯嘢飲係我個杯。食客嗌完外賣，係咪要同人講聲呢。食物係唔錯， 服務態度實在要大大改善啦！

我同男朋友已經係e間餐廳長期食客，我地已經食左四五年，我好鐘意食佢個山珍雞絲小鍋通心米線或者佢個雞絲涼拌紅薯粉。我每次叫e個山珍雞絲小鍋米線，我男朋友都好鐘意偷我d湯飲，佢話個湯好香菌味，好濃郁，熱辣辣，好好飲。不得不說，佢每次比嘅餸都好多，只係有時候係會比平時比少d餸嘅。我鐘意佢個通心米線，煮得好林，個米線因為係通心，有時候會有d湯係入面，所以我鐘意揀e隻麵。其實佢仲可以揀普通米線或者紅薯粉架至於我男朋友，都係長期只叫佢個黑椒薯仔焗雞排飯或者涼拌紅薯粉。我見身邊嘅食客好多時候都叫焗飯焗意粉類，所以應該都唔錯嘅最後，一定要介紹佢杯招牌朱古力普洱，我通常都叫少冰少甜，我男朋友就叫正常。佢杯野真係真係好好飲架

某日午餐想不到食什麼，我同事就推薦去「普洱」這間餐廳吃飯，我便想起是否飲茶的地方🤔好奇地跟隨他一齊去品嘗美食！餐廳都幾多人光顧，都很快便有位子坐下來，應該都唔差的。於是拿起餐牌看起來都好多選擇，原來下午茶時間送飲料🥤價格覺得合理的~我點了一個辣子雞米線炒飯配薄河朱古力來試試看，上菜速度都很快⋯買相不錯👍香氣四溢！味道方面覺得辣味相當開胃令人胃口大開🤤炒飯炒得很好粒粒分明較乾身，值得一讚！加上一杯冰凍的薄河朱古力作飲料🥤令人感到非常滿足😋

廿年前讀學生年代已經食呢間果陣叫“滇園”，都仲未改名做“普洱”嚟到2020年嘅第三個星期六lunch時間，我同朋友再次光顧間舖大致滿座，但冇以前排哂長龍咁多人一入去，照嗌以前嘅兩餸通心米線同埋嗌一杯“芋香奶茶”有一個爆炸頭男人幫我落單嘢食黎到，“芋香奶茶”變左“茉香奶茶”同另一個職員講叫佢換跟住爆炸頭走埋黎態度極差聲稱已經double confirm咗我係嗌“茉香奶茶”而且佢哋只有“香芋奶茶”，冇“芋香奶茶”我問佢“咁點呢？”佢繼續極差嘅語氣話“呢杯係你嗌架”然後大力郁果杯“茉香奶茶”仲要疊住支筷子，爭d倒瀉從來未見過一間餐廳d態度如此惡劣我同朋友趕快食完呢杯“茉香奶茶”，我原封不動冇飲過走果陣我同其他職員投訴得知呢個爆炸頭係負責人然後爆炸頭再次走埋嚟再一次以極差態度話“呢杯係你嗌架喎”我再次平心靜氣交涉然後佢霉氣地話“得，換過俾你”之後極速轉身走左去水吧最後我同朋友快快埋單走人佢當然係冇換杯嘢比我20年回憶就咁結束冇下次

🥘香辣牛肉南瓜豆燜飯配 凍朱古力普洱 ($47)🐂嗌左個香辣牛肉南瓜豆燜飯本身仲諗住有咁多牛肉好抵食 點知一食發現咸到完全放唔落口🤯🤢已經用白飯整走啲汁 但啲鹽簡直就係同牛肉融為一體 要一舊仔牛肉一大啖南瓜加白飯咁食😵仲有說好的香辣呢？或者係已經咸到我feel唔到啲辣 同埋所謂嘅豆燜飯 就只係幾粒雜豆散落係啲白飯度🍫朱古力普洱係好飲嘅 上面有層朱古力奶泡 普洱茶底幾fresh唯有安慰自己係用$47買左杯朱古力普洱送焗飯🤮

今日難得平日放假同男朋友去完荃灣海之戀個新商場行之後就返過嚟呢邊食嘢☺️其實呢間普洱我幾年前已經好想試但係唔知點解都一直冇食到😂😂當日我哋去到已經係下晝三點，所以佢都有一啲茶餐嘅選擇。見到一個米線都係$30仲配一杯特飲，真係幾抵食👍🏻👍🏻亦都有各種小食嘅選擇，話多唔多話少唔少都有20幾種，好吸引呀!最後我哋叫咗一個五香腩肉砂鍋米線（$46），同一個芝士肉醬焗西蘭花飯（$47），嘢飲方面我就嗌咗朱古力普洱加珍珠（+$3），男朋友就嗌咗芝麻普洱。等左一陣之後嘢飲好快上枱，加咗普洱既朱古力真係好有特色，有茶香味得黎同朱古力有好match！😍😍之後個米線都到咗，見到佢除咗一啲蔥花之外，仲有娃娃菜腐皮木耳芽菜做配料，加埋幾件大大嚿嘅五香腩肉，真係見到都流口水呀🤤🤤飲咗佢個湯，冇想像中咁濃郁但係幾清甜配埋辣嘅腩肉加小小辣味就好正！另外男朋友嗌嘅焗飯我就覺得有少少普通啦，同其他茶餐廳嘅冇分別，下次可以試埋佢其他小食！

晚市二人套餐$138有咁多野食， 真係算平而且唔係好多地方仲有依個價，就算另加小食都係幾蚊， 真係想叫到成枱都係野食將豬頸肉放喺饅頭面感覺好古怪，如果係夾住，感覺會有誠意D， 再加上豬頸肉好靭，唔建議叫黎食估計已經返炸多次，個皮好硬豆腐表面唔算係脆， 但裏頭就十分細滑非一般咸道度嘅鹵水， 要用個米線嚟沖淡佢，先食得落魚塊外脆內嫩（岩岩炸起差D辣親個嘴），個sauce 好酸， 點小小係ok既，但浸住就會搞到酸得滯之餘仲令到魚塊冇咁脆，可能原味仲會好食D，或者叫佢另上個汁會好D