普洱

營業中

休息中

晚市二人套餐$138有咁多野食， 真係算平而且唔係好多地方仲有依個價，就算另加小食都係幾蚊， 真係想叫到成枱都係野食將豬頸肉放喺饅頭面感覺好古怪，如果係夾住，感覺會有誠意D， 再加上豬頸肉好靭，唔建議叫黎食估計已經返炸多次，個皮好硬豆腐表面唔算係脆， 但裏頭就十分細滑非一般咸道度嘅鹵水， 要用個米線嚟沖淡佢，先食得落魚塊外脆內嫩（岩岩炸起差D辣親個嘴），個sauce 好酸， 點小小係ok既，但浸住就會搞到酸得滯之餘仲令到魚塊冇咁脆，可能原味仲會好食D，或者叫佢另上個汁會好D

今日一個人午餐，就揀咗好耐無幫襯過啲普洱黎食，因為通常平日下午1點後，人多少少（即4人以上)基本有排等先有得入座，而一個人都要等5分鐘左右先有得入座一般黎到食晏咁多次，都好少見到人叫小吃。每次黎到都會叫焗飯，即叫即焗熱辣辣午餐包埋飲品，凍飲同樣不用加錢1. 芝士焗豆腐魚柳意粉($47)。普洱值得一讚係可自由配飯或扁意粉，另外醬汁亦可自由改配 。芝士味夠香濃，而魚柳份量多，外皮炸過香脆，而魚柳味正常，好怕食到一D魚柳會有種怪味。是日最出色當然係朱古力普洱，普洱茶味香濃，亦有朱古力味，再者配合得天衣無縫當然咁多人食嘅餐廳，都坐得迫少少，而咁多個職員都好有個性，無乜同食客交流，只是落單，上菜，收嘢，或者會叫你轉位黎配合入嚟嘅客人。

中意嘅請分享請點讚🍻----------😋朱古力普洱 🍫☕未飲就覺得有d奇怪，飲落又幾夾，好香濃既朱古力加淡淡普洱香。叫飯餐仲包特色飲品，唔洗加錢就飲到。-😋咖喱焗薯仔雞扒飯 (包特色飲品)$50焗飯係即叫即整，所以全部熱辣辣。雞扒有4大舊🐣，餸好多，大食嘅都好夠飽。咖喱汁夠濃夠多，每啖飯都有汁。----------呢度有焗飯、米線、小食、特色飲品，不過鋪頭唔大，座位比較窄，午市/晚市多人就可能要搭枱🥄。----------🚩普洱🔎荃灣大壩街59號地舖🔎荃灣荃華街16號荃薈地下30號舖

中午放lunch,間間都排曬隊，呢間米線算好食中比較少人，所以今日就食呢間，我叫左個曲靖辣子雞通心米線，辣子雞夠味，但又唔會太辣，簡直係食到少辣人既恩物，另外，通心米線唔係間間都有得食，呢度就有喇，一般米線係淋口，但通心米線係爽口，又唔漏，食一碗就已經好夠飽，個餐仲跟埋飲品，我叫左杯凍朱古力普洱，呢度最好係，凍野可以走冰，啱曬唔想飲熱飲又想飲凍飲既朋友，呢個餐算好抵，$40已經包埋杯特飲，如果加多個餸，都係$43，可算係同區黎講抵食既lunch

荃灣區都算多美食，朋友提過下有間叫"普洱"的餐廳既朱古力普洱好飲。听落好似幾特別，所以今日lunch 就黎試一試。"普洱"既lunch 選擇都多，有飯有粉面，但最吸引既就係套餐會送一杯等值二十蚊既飲品，有成個drink menu 比你揀，總有一款岩心水！主食方面我揀左"燒豬軟骨通心米線"($45). 豬軟骨都算軟淋入味，通心米綫市面上較為少見，一試之下比普通米線煙韌，所以我都幾喜歡。野飲今次嗌左"荔枝糯米香茶", 不算impressive 但至少比一般餐廳既凍檸茶之類既飲品吸引。

在荃灣廣場買好戲票後，就在側門出，見到到一排食肆，花多眼亂。之後見到呢間餐廳不是吃點心，卻改名字為普洱，好奇下就試試。餐廳主要食米線，也有一些茶餐廳常見飯餐和一些雲南小吃。飲品比較特別，有些茶味的特式飲品，冷熱同價。兩人點了手撕雞＆春城豆花通心米線 (加3蚊轉咗雜菌湯)，及咖喱焗茄子豬扒。餐飲是杏仁普洱和蜜桃冰汽。 香港比較少地方有通心米線食。這種米線比普通的粗一點，咬開見到中間有個小孔，個人覺得口感比米線更滑。 湯底我明明點了雜菌湯，一粒菇都無唔緊要，但又唔覺有菇味......咁我加錢黎做咩手撕雞份量算多，少少咸咸地，味道算不錯。春城豆花就是豆腐+辣豬肉，豆腐超級滑，不過豬肉味道好似碎咗既五香肉丁咁........咖喱焗茄子豬扒飯D汁勁勁多，差唔多浸著個飯咁濟!  我食咗一啖飯，咖喱唔算好辣，味道OK。不過飯就被咖喱浸到淋咗D啦~我無食上面D餸，不過睇落去會覺得茄子切得太薄，賣相就一般......豬扒睇落正常，應該有一大塊既。杏仁普洱飲第一啖時覺得杏仁味太搶，雖然係有茶味不過唔出。凍返少少飲就平衡返D，不過就兩種味都唔太濃，一般般。蜜桃冰汽其實就是蜜桃味汽水，不算好甜亦夠味，唔錯啦~

經常都去荃灣食嘢，去荃灣廣場都經過條食街，其實好多間都未試過，這間我見到經常都排晒隊，今日竟然見到入邊有位，咁就立即上去睇吓食評，見到食評都還好，價錢又唔係太貴，咁就立即去試下，佢嘅價錢就係茶餐廳，但我自己覺得佢嘅裝修都幾好睇，有啲感覺似西餐，俾大家睇咗個餐牌先，咁你見到價錢真係唔貴， $50左右仲可以配特飲，一杯特飲都成$20，咁我就叫咗個飯，我女友就叫咗個米線，我女友叫咗杯朱古力普洱，我就叫咗杯杏仁咖啡，仲加一碟雞翼，食物正正常常，不過杯嘢飲真係正，值得推介，份量都唔錯， 良心食店

午餐食咩好聽講荃灣有間麵館的飲料好特別所以今天就是為了朱古力普洱而來.山珍辣雞砂鍋米線🌶相當惹味 然後愈食愈辣 怕辣的我真的不行了但味道其實很好 雞都好滑好多 值得再食.滇醬骨+手撕雞 涼拌米線🍜自選雙併系列好抵食不過味道一般 冇乜特別呢間餐廳都係出名砂鍋/焗飯.朱古力普洱🍫出奇地夾普洱同朱古力味道偏濃 沖在一起都幾好飲薄荷奶茶🌿味道幾清新有種奶綠的味道 但薄荷味有點淡

Lunch諗唔到食咩好，經同事推薦下就響左呢間平平地既米線，估唔到呢間都幾出名，去到見到有人龍呢。等左一陣就入座，有個餐係米線會送特色飲品，計返係好抵。參考返openrice既熱門菜式，我就點左呢個滇池什錦砂鍋米線，原來即係肉碎米線，唔會太辣，份量十足，有d番茄、雲耳、椰菜、腐皮，材料豐富。飲品方面，我就點左朱古力普洱，佢既朱古力味係黑朱古力味（我自己就唔太好甜朱古力），帶住少少普洱茶香，味道好特別。值得一讚係餐廳效率好快，落單10分鐘左右就有得食

冒著這裡一杯名氣的特色凍飲而來 —— 普洱朱古力• $30有找的平價下午茶🥪🥤• 魚柳包的份量適中，作為小吃或下午茶就最好不過；• 麵包🥯有輕微烘過，邊位稍為香脆、中間仍然保持鬆軟，是典型港式餐包的質感；• 中間夾著一片唐生菜🥬，表面没有多餘的水份，配了一點黑醋(?)，只是醋的份量太少嚐不出味道🤣；• 魚柳的口感偏向紥實，不是吉列的那種，體積也不小；• 主角普洱朱古力🥤兩種味道出奇地配搭，朱古力跟普洱口感比例是6:4，嘗到甜味過後便是一股普洱香、十分特別，值得一試。

未夠鐘係荃灣廣場睇戲，先去普洱回味一下朱古力普洱餐廳冷氣開得唔夠，比較熱，而且空氣有一陣發霉的味道反正快食，就馬上點餐朱古力普洱從前朱古力味比較濃，今次比較水，普洱味欠奉米線比較硬，湯底味道淡最好食是滷水雞翼，肉質嫩滑

荃灣普洱餐廳，最出名莫過於他的招牌「朱古力普洱」有少少的茶味加入濃濃的朱古力，令人飲落去唔覺得太甜太膩！個人更喜歡加上粒粒珍珠，更有咬口👍🏻👍🏻👍🏻在這裡食一個餐連野飲都係$43-$48，仲包埋特色野飲，單叫都要$20一杯，所以真係物超所值Lunch時間經常滿坐，甚至要排晒長龍！1.焗蕃茄雞扒扁意粉雞扒大大件，而且皮脆肉嫩，連埋蕃茄汁，好開胃2.豬頸肉南瓜飯南瓜好甜，豬頸肉好爽口，有少少甜豉油，配埋飯食，有意想不到既效果，唔錯3.咖哩牛扒意粉呢款就一般般，牛扒有啲韌，薯仔還可以，咖哩汁就徧重黑椒味。不過真係各人口味唔同，我朋友好鍾意食呢度既咖哩😂🙈

#黑椒煎雞排飯 $48 (跟一杯$20飲品)可能依間餐廳好多人都聽過 不過都講下啦😂今次小編係為咗佢杯朱古力普洱而食嘅不過今次杯野普洱味淡咗啲😢而個飯就其實普通茶餐廳質素個雞扒都幾大塊 唔會孤寒汁都多 夠曬撈飯😂嚟得依到都係為咗佢啲特色飲品🤣評分:6/10

荃灣廣場附近都有唔少餐廳揀既，呢間成日都有人排隊去食既咁岩今次沒人排所以就黎食下啦。白汁雞扒飯，白汁都算多汁而且幾滑，唔算太稀所以撈埋飯係唔錯既選擇。雞扒方面，都算大塊既，而且幾香口脆脆地，口感唔錯，成個配搭當然沒有問題啦。而且飯既份量都算唔少，一個午餐咁既size當然都會食得飽啦。杯飲品就沒咩特別所以唔多講了，普通不過不失啦。環境方面，都算可以既，坐得算舒服，咁岩我地兩個人可以坐四人枱又無人搭枱，如果有人搭枱感覺上就會覺得幾迫下。總結不過不失，間唔中會食下。

咖喱煎雞扒飯 $48/set包一杯$20特飲朱古力普洱😋普洱嘅味道都幾出 飲到好香茶味🍵茶味又唔會蓋過左朱古力🍫嘅味道雖然個味道冇話好驚艷或者好特別但都值得一試嘅👍🏻尤其中意飲茶又中意食朱古力嘅朋友必試🤣咖喱煎雞扒飯🍛個樣望落頹頹地😂但大大份 細食嘅朋友就未必食得曬啦🤭佢個咖喱汁並唔係日式嗰種甜甜辣辣嘅而係得個辣字🌶係幾好送飯 但係唔太夠香煎雞扒好大塊 唔會話煎到好乾所以食落唔會嚡口最好嘅係佢個皮仲煎到脆脆地添😋