時新車仔麵屋

營業中

休息中

第二次來食，估唔到就快結業，未試過一定要食，好食過深水埗排隊既車仔麵。午餐肉雖然得一塊，但厚切好食。牛腩軟硬適中，味道中上。蘿蔔夠稔算甜。雞翼有兩隻，夠大，滷味夠味。墨魚春卷香脆，中上。木耳正常。沙嗲汁同麻辣醬好惹味。食左個fd既叫既豬手，皮夠哂稔，唔錯。打呢篇食評時先發覺原來漏左豬皮，上次食過一次印象都ok, 未結業前應該會再去食多次。雖然營業時間寫到1930, 但我兩次都係1930先去到食，未關，仲有客人同外賣單。亦可以打電話去問下關門未，唔識路都可以問，個鋪位都幾難搵，上次亂行去到，今次行左兩圈都搵唔到，要打電話去問老板。見到snap 24/7 fitness, 留下有間7仔，對面有間聚興樓同百樂餅家，就係望住聚興樓既右邊有條L向上斜路，上去就到。希望快d出post, 等未試過既人去試下。

今日一返工居然就諗到下晝好想食車仔麵，於是就同同事去食，本身係食開另外一間，但原來有一間相對比較街坊嘅，於是就決定嚟試吓呢間車仔麵嘅鋪面就比較細啲，而入到去呢就發現都係比較街坊嘅裝修，一入到去都係一月以往take飛仔叫餸，今次叫咗豬紅，午餐肉，滷水雞翼，舖頭入面嘅店員相處模式會比較特別一啲，你唔好以為係嗌緊交，其實係一個深層嘅溝通。叫咗之後都要耐心等待，味道真係好好食，個湯底我自己加咗腩汁同埋加咗少少辣，佢個辣係會用一匙羹筆俾你，我自己一開始唔唔敢撈開佢，因為驚會好辣，但係直到最尾其實都唔會。最推介嘅餸係豬紅，因為完全冇聲嘅味道，而且質感好好。

時新係瀝源已經好多年，我估係附近讀書嘅學生或者邨內外嘅街坊好多都有食過，真係咁多年都保持到咁抵食，仲要好有良心加價都加得好手緊，當然做到咁抵舖頭人手永遠唔夠，所以時有甩漏哈哈但食慣食熟嘅大家都冇嘜所謂，出聲就得架喇好casual的最鍾意係有得揀淨餸，有時唔想太滯就會咁揀，尤其因為正常個麵底真係好大碗架🤣淨餸普遍啲餸會多一半份量咁最鍾意叫手撕雞肉、煎蛋、滷水豬手、蘿蔔等等蕃茄湯同咖喱汁都係至愛加埋生蒜仲滋味！

今時今日，食車仔麵絕對係高消費餐點去完寶福山，原打算去飲下午茶食點心，忘記咗佢哋會落場。一家大小失望而回。就係附近睇下有咩食係openrice見到附近有呢間小店，就行去試吓。門面係舊式屋村小店，地方淺窄。但成4:30都仲有好多街坊不停幫襯。心諗應該今次揀啱地方啦😂$40三餸一麵，著校服仲$34🙀再送飲品好耐未試過食車仔麵每個餸都有各自嘅味道。豬皮有咖喱汁味，豬腸有鹵水味酸齋煮到入晒味，淋度同酸甜味剛剛好梅菜扣肉飯$47包飲品餸同飯分開上，梅菜炆到入晒味，淨用梅菜撈飯都已經夠你清碟。扣肉仲要係肥瘦梅花間竹檸樂加$8，檸冰杯底滿晒冰，好耐未飲過咁涼浸浸嘅檸樂小店細細，但街坊溫情味滿瀉⋯⋯

$38 3餸車仔麵，真係好抵食必食推介 豬手，魷魚同酸齋豬手入味又夠淋魷魚係咖喱魷魚酸齋味道剛好，酸酸甜甜一碗車仔麵加枝可樂，真係好Perfect 叫外賣可以WhatsApp 落單，好方便👍🏼👍🏼

平時其實冇乜機會嚟瀝源，咁岩今日有事經過，又適逢食晏晝時間，就上OpenRice睇一睇附近有乜嘢好食。望到呢間舖，諗吓已經好耐冇食車仔麵喇，咁就試一試佢啦！可能係閑日，坐低食嘢嘅人唔多，反而外賣未停過。個舖位裏面約有六張枱，有冷氣，都叫做坐得係ok。我要咗金針菇、豬紅同埋柱候牛腩，飲方面要咗杯凍鴛鴦，仲加咗三蚊麻辣醬。因為舖頭細，所以樓面只有一個阿姐做嘢。只見佢一個人眼見四面，耳聽八方，堂食、外賣、收錢，都一個人搞定，真係辛苦晒佢。碗車仔麵的湯底一流，金針菇亦都俾得好多，牛腩煮得夠腍，非常之適合我嘅口味。OpenRice上嘅食評都讚呢間嘢平、靚、正。餐廳內貼上告示話因為來貨價錢上漲，所以要調整價錢。今餐埋單盛惠49蚊，今時今日香港地，可以以咁嘅價錢食到一頓飽肚又好味的午餐算係咁喇！

36蚊三餸車仔麵, 叫咗韭菜餃,蘿蔔及豬腸, 豬腸另加一蚊, 每碗車仔麵都送生菜👍湯底揀咗牛腩汁, 好香好味, 絕對係碗粉麵嘅靈魂🤩豬腸洗得非常乾淨, 鹵水汁屬於新鹵水汁嘅味道, 夠入味, 轉彎腸很爽口👍韭菜餃兩隻, 韭菜及豬肉比例 3:7 唔肥膩, 唔太乾, 餃皮淋咗少少, 味道OK, 好家庭嘅感覺🥰蘿蔔入味, 但唔太鹹👍河粉唔算滑溜🤪辣油正正常常冇咩特別整體味道可以, 如果係學生送埋嘢飲更加抵👍環境細得嚟都算乾淨企理

平民車仔麵 响沙田中心逛街 👧🏻👦🏻突然間想車仔麵即上網搵到呢間屋村麵屋舖頭細細 舊式茶餐廳feel傳統自己填食咩餸配咩麵落單今次我哋order咗魚蛋豬血柱侯牛腩幼麵-牛腩湯汁 芝士腸豆卜柱侯牛腩油麵-豬骨湯汁每碗麵都有加生菜🥬 湯汁夠濃厚最正係牛腩 都幾大舊又夠腍 😋3餸麵只係$37 加杯凍檸蜜都只係$6 真抵食 💛 值得支持小店 💪🏻

:: 時新車仔麵 ::呢間位於瀝源邨嘅車仔麵店算係沙田市中心極少數非連鎖店嘅餐廳（黃！）。五月幫襯過一次覺得又平又大碗又抵食，總括而言係非常值得支持嘅小店，所以今次相隔幾個月又再黎食。（個地磚非常懷舊，喺香港買少見少啦()；蘿蔔金菇雞翼尖番茄湯腩汁油麵 $34蘿蔔兩次都有叫兩次都咁好食；食車仔麵蘿蔔最怕有渣，呢度唔單止無，仲好軟好甜好入味，推薦！！雞翼尖同樣滷得非常入味，充滿鹵水嘅咸香，而且份量超多。番茄湯用料十足，啖啖湯都食到番茄肉，係甜咗少少，仲送埋幾條生菜，高興(╯3╰)！！

今日又係喺沙田返工✌🏻✌🏻突然之間好想食車仔麵😋😋😋於是搵咗瀝源同埋禾輋有啲咩車仔麵啦✌🏻✌🏻呢一間我上網都睇過 佢話呢間時新車仔麵又平又好食於是我就去咗試啦😋😋😋我今次係選擇叫外賣 一個面三個餸$35我就叫咗粟米豬肉餃 雞扒 生菜 豬肉粟米餃都OK嘅雞扒就冇味😂😂😂生菜就不過不失😂😂正常嘢😂😂而我就揀咗麻辣醬 小辣加一蚊中辣加兩蚊 大辣就加$3蚊✌🏻✌🏻等咗5分鐘左右外買就可以拎走佢嘅份量係多嘅 為咗飽肚就OK如果講味道佢真係完全唔得可以用難食黎形容😂😂😂冇下次了

唔好睇呢度細細間，裝修比較殘舊唔起眼咁，其實食物質素好有保證，師傅事頭婆都好親切好Friendly，好似嚟到都食得好開心🥳😃😃😃今日食嘅餸好滿意🤗🤗🤗生菜錄到半透明啱啱好👍🏻墨魚丸彈牙得來有少少鮮味唔錯👏🏻👏🏻野菜魚餅有我最鍾意嘅粟米做餡料嘻嘻🥳咬落口感夠豐富煎蛋燶邊有鑊氣超正🥰另一碗嘅柱候牛腩就炆得耐咗啲，食落比較靭，可改善💪豬皮爽口超級推薦呢度嘅蕃茄湯底，甜甜地好開胃，配埋米線超夾🔥🔥🔥

呢一頭除咗鴻仔記之外，就冇試過第二間車仔麵喇，有日去隔離榮發茶餐廳食飯嘅時候，發現原來呢度有間招牌比較隱蔽嘅車仔麵屋，唔怪得知嚟過幾次都唔發覺啦。一坐低就俾佢啲簡簡單單嘅海報文宣吸引到，老闆娘同廚師都好親切，雖然做到踢晒腳，但仍然超有禮貌好窩心。看來食餸多過食麵嘅我哋，當然嗌夠四個餸啦，三十幾蚊唔錯。其實可以嗌淨餸㗎哈哈蠢咗🙃送嘅選擇都算每樣有啲，種類嘅款式都好多，我揀咗嘅餸入面最滿意嘅係魚餅同雞扒，味道不錯，值得一嗌份量亦超足夠。

見到友人剛剛在大埔又吃了《三不管車仔麵》，又想起好像有一段時間沒吃車仔麵，走到瀝源這間時新車仔麵吃個午飯。發覺這間車仔麵與及旁邊的茶餐廳都相當多人坐在外邊。點了個米線，加配豬腩肉、豬大腸以及韭菜餃。由於餐廳外圍以及內裏都做了不少食客，因此等候時間比較久，米線的份量相當多，基本上一定夠飽；韭菜餃兩隻細細隻，外皮相當之薄，內裏的韭菜餡了不太多，不會太過濃味吃到口臭。豬大腸的份量也不少，彎彎曲曲的那些豬大腸，外皮夠彈牙煙韌，內裏又乾淨。豬腩肉就像譚仔米線那些腩肉，肥瘦均勻，不覺得太過肥膩，味道不錯。見他寫上麻辣汁要多麻辣的話要加多幾蚊，就是少少嘗一嘗，這個麻辣汁，麻而不會太過嗆，因此味道也相當好，用來作車手仔麵調味相當不錯，下次可以試一試沙嗲汁。凍檸茶的味道都不錯，茶底味道較濃香，檸檬有三四片，亦都提供新鮮檸味。不過就是由於她這麼忙碌，亦都令她顯得更加令人佩服。有時候，到外邊的餐廳，明明只有10來20名客人，幾個店員都好像應接不暇，這天去時新車仔麵，內裏應該都有10多人，外邊應該有接近20人，但是她一人店面在接單、落單、底單、送餐、收錢，都可以完成工作，而且，看見有食客坐着等候太久，她不用食

瀝源邨是沙田一個歷史悠久的公共屋邨，仍保留了上面是住宅，下面有地舖的環境。這間車仔麵就是在平台上，店裡店外也有座位。今次我是中午一個人去食，坐了在外面。叫了蕃茄湯底的米線，配韮菜餃（2件），雪菜肉絲和芽菜 ，三餸（有些餸要加錢）$34。加凍豆漿，共$40。（飲涼茶就平$1。）湯底鮮甜，食物不重味，有配菜，麵的份量很適中。負責送餐的姨姨態度有禮。除了車仔麵，也有飯供應。吃飽拿著點餸紙去埋單即成。飽足的午餐。

好想食車仔麵，本來想去新城市個邊既永年，但朋友話不如食返碗平版既車仔麵，又可以支持下小店，就黎左呢間。自選三餸車仔麵（$34)三餸$34蚊，每多一個餸再加$5 ，加野飲都係十蚊內既事，學生仲要$29蚊包埋汽水，真係物超所值啦。講返每個餸既份量都算係咁，叫左滷水雞翼尖，滷得好入味，雞扒好味，連腸仔都整到靚靚咁，然後每碗已經自動加左幾塊生菜，完美既車仔麵體驗。不過由於人手有限，都係得一個姐姐做曬傳菜收錢落單，所以去食既時候要倍加耐性，但都係一間非常值得支持既小店。