時新快餐店 (已結業)

時新出名既係雙層漢堡包, 就咁望落去就已經見到份量好巨型, 夾住好多豐富既材料。雖然等了好耐先有位, 但仍然覺得時新既魚柳包好好味。鬆軟既麵包夾住香煎魚柳, 好食。裡面仲有好多沙律醬汁。略嫌沙律醬汁有點稀, 但呢個魚扒包食落有別於用 tartar sauce 既魚柳包。 一黎唔係炸魚柳, 無咁熱氣, 仲帶有少少中式既味道。喺呢間小小店舖都食到佢自己既特色。

平日的晚上都要等位，幸好只是等了10分鐘就有位坐了~叫了芝士漢堡包 ($14) X2 & 炸薯條 ($12)芝士漢堡包配上招牌自家沙律汁，酸酸甜甜，幾開胃的，而且漢堡扒內裡有洋葱汁，令到塊扒幾juice，以十幾蚊有個即製包包，都唔錯丫~ 不過如果專程過來吃我又不會喎!!依度薯條就差d，雖然係我係鐘意食既波浪薯條，不過d薯條炸到索哂油，好唔健康，下次都係只叫個包好了p.s. 間店好舊式，好似幾廿年前咁，我還是鐘情於現代化裝條的店，我覺得咁舊既店鋪好似好污糟咁 (這是個人意見呀，我係有d潔癖架 haha)

成日都想試下食，但係成日都唔記得咗同埋住得又遠，所以一直冇機會食到。今日途經附近，終於食到啦兩個雙層芝士蛋漢堡+炸薯條雙層芝士蛋漢堡 - 牛肉好嫩口，完全唔似M記個D牛肉咁干巴巴，芝士半溶加上沙律醬，令到成個漢堡包好夾，而且食落口D醬都"咇"晒出黎，好juicy，好好味炸薯條 - 脆卜卜，份量都算多，不過味道普通。茄汁得兩包，如果要多包茄汁就要比錢。

第一次寫食評!!!之前知道時新出名好食又平~早兩日終於有機會去食!!!我同三個朋友一齊去~（鳴謝食麵的先生讓位俾我地 XD）總共叫左四個雙層芝士漢堡（每個$16）同兩碟薯條（$12碟）~聽朋友講揀沙律醬最好食所以都聽佢講揀沙律醬 =]我覺得個包都唔錯~漢堡內牛肉幾juicy~醬份量都適中~但係都幾多油下~ 一路食d 油一路滴出黎 *0*薯條方面用亨氏茄汁~每碟薯條會俾兩包~如果額外要既話要$1 包~ 我覺得係衛生既~ 但因為我同朋友share 一碟薯條~ 即係一人一包~ 我就覺得唔係好夠呀 =_=如果係我覺得用地們一枝枝個d 放係枱俾客人用會更加好=]仲有就係我地碟薯條比較燶~另外兩個朋友碟薯條就冇咁燶囉 =_=每人$22 當晚餐黎講係超平~（雖然之後仲有食甜品XD）之後一定會再黎=]

呢間時新快餐店係openrice實在太出名，於是特別抽時間黎試下。舖頭好有懷舊feel，而且裡面原來唔係好大，門面好大俾左個錯覺我收銀個呀姐好似唔憂做咁，服務麻麻買左個芝士蛋漢堡包。芝士蛋漢堡包($16) 漢堡扒夠正，好juicy，有肉汁芝士無溶，唔係好食得出有芝士味)蛋個邊好脆，同舊扒好夾，正。無芝士都唔係問題，舊漢堡扒已經可以縛住我個胃希望有下次

如果要選一種兒時最愛的食物，炸雞脾一定是其中之一。小時候最愛與家人到屋邨的快餐店吃炸雞脾紅豆冰作下午茶。時至今天，雖然人長大了，吃過好吃的食物多了，連鎖快餐店的炸雞脾也已經變成了豉油雞脾，小型的快餐店也買少見少，但那些年的回憶仍然不會忘記。今天下午要到紅磡觀賞電影的首映場，說起紅磡第一時間便想起這裏的漢堡包與炸雞脾。反正上午上課後距離下午的首映場有數小時的空閒時間，便預早一點時間來吃個漢堡包炸雞脾作午餐歇歇腳也不錯。回想一下，最少也有三年沒來過，餐牌上的價錢當然是加了些少，但仍然是超值的水平。漢堡要了最貴餡料最多的雙層芝士蛋包，也只不過是十八元，兩片厚身的漢堡扒再加上芝士及蛋把漢堡撐得又高又大。咬開漢堡扒肉汁隨之續少續少滲出來，仍然保持juicy的水準。芝士被熱辣辣的漢堡熱得半溶狀態粘在漢堡扒與包中間，還有相當合襯的醬汁，材料簡單卻相當美味。炸雞脾最怕吃到一些像柴皮一樣又乾又鞋口的，這個則相當得我歡心，單看金黃色的外表已經心知水準不會太低，外皮鬆脆帶油份，輕易的把一整片雞皮撕開。內裏肉質柔嫩，火喉控制得宜。吃到軟骨的位置更是我的最愛，半軟半硬的口感被一點脂肪所包著，吃起來充滿雞的香味。

先唔好理果D食時新錯亮點既負評...為佢地動氣真係浪費心機今日口痕經紅磡...想食下時新當下午茶行到去先發現原來冇下午茶餐架喎冇緊要~叫個包加罐野飲都係一個下午茶姐~Order芝士漢堡包雙層芝士蛋漢堡配default 既沙律汁我覺得係最好食芝士半溶..加隻蛋, 有少少脆邊仲有罐冰凍可樂(完全唔係佢地講既唔凍)...熱辣辣既天氣底下都唔錯!

之前已經聽過呢間餐廳好多次。但因為住得遠，一直無機會試。今日約左個朋友係九龍，就順便試下。。。真係吾知係咪人紅自然囂，個收銀都有性格過人。十問九吾應。點都好，最後點左個炸薯條和雞脾。排隊排左大約六分鐘到我。哇，炸薯條同雞脾點可以無茄汁。問出餐位阿姐，成為＄1一包。小妹自問孤陋寡聞，從來未試過食快餐茄汁要錢。不過薯條無茄汁我真係食吾落。 好，豪俾佢。D食物點？只雞脾又乾又鹹。。。吾知之前D師兄師姐係咪食同一樣野。自問對雞脾無要求的我，呢只可算得上幾難食的一只。至於炸薯條無特別。。。特別在茄汁要俾錢。呢間野無下次。

因為去開黃埔就上 openrice 睇下有咩好食, 排頭位就見到呢間時新, 於是都特登行落去試下, 店子細細, 2點店內都坐滿人,可能由於食快餐, 都好快等到位.雙層漢堡包 $15 (配沙律汁) : 包幾軟熟, 2層漢堡都好厚身, 肉淋但係無乜牛肉味, 好多沙律汁, 少少酸又甜甜地, 個汁幾好味牛扒包 $14 (配咖哩汁) : 個包一樣, 但係塊牛扒幾鞋口又un, 雖質感未至於好似牛肉乾咁, 但係個味確係似, 咖哩汁唔似上面個沙律汁咁豐盛, 只係食落有咖哩味, 個包一點汁都唔見有, 唔好食 炸雞脾 $13 : 見食評寫得咁好食, 又叫隻試下, 皮係脆, 咸咸地, 但係肉呢係一D味都無, 要自己一路食一路洒D鹽先叫做有D味, 而且肉質都幾鞋, 一D都唔juicy, 好多地方好食過佢 可樂 $6/罐, 要左2罐都係唔夠凍 , 只係有少少微涼, 無晒飲可樂嘅暢快感 總括我地覺得麻麻地, 3樣野得個漢堡好些D, 唔值得專登去, 就算下次經過都應該唔會再食了 ~

見E間睇落普普通通既快餐店咁多好評今日就專程黎一試!入到去地方真係幾窄雖然唔多人但都感覺冇乜位 -_-由於我個口都幾細所以只要左個芝士蛋漢堡包 ($16)叫完號拎完個包先發現原來有得揀汁(咖哩汁/茄汁/黑椒汁/沙律汁)但係個收銀冇問我比左沙律汁我作為茶餐廳之作算係唔錯惟一美中不足係塊漢堡雖然幾厚但係就唔夠大塊搞到頭兩淡食落去都冇漢堡同埋D油都幾多下怕肥既我只好等佢滴D油落隻碟度...整體黎講都值得一試但應該唔會再專程黎食

時新快餐有一段時間幾乎日日都有食評出賣點係港式老快餐 , 香港首間賣漢堡包等等久而久之 , 無特別興趣都難免會心郁郁 ,呢一日我地由紅磡一直殺入去黃埔 , 搵出紅磡最聞名不如見面o既人氣食店tea time 多人到不得了 , 門外有滿座摺枱 另外膠椅亦坐無虛席 , 佢地係等緊外賣 ,而店入就更加唔使講啦 , 客人坐得密麻麻我地等左兩個幾字 , 入去坐低 , 買野食 ... 之後再等左兩個幾字先叫到我地 no , 認真旺場1. 雙層芝士漢堡包~ 叫左沙律汁 , 不過同無汁無乜分別 ... 得好少而且味道無乜特別 , 芝士唔溶 , 唔好食 ... 牛肉係幾厚身幾香o既 , 不過乾身左少少2. 雙層芝士蛋漢堡包~ 因為有煎蛋o既關係 , d 芝士溶身 d 跟黑椒汁, 幾濃幾惹味 , 不過略為過咸 , 煎蛋有燶邊 , 蛋黃未係全熟 , 新鮮煎起熱辣辣咁樣食幾特別 , 個包太細 , 食到成手都係 =p3. 炸薯條~ 粗身波浪紋薯條 , 好香脆 , 唔鞋口 , 好味4. 炸雞脾~ 新鮮炸起 ! 超熱 ! 外表金黃色 , 睇都知又脆又油膩味道唔錯 , 無過份醃到無晒雞味 , 外脆內嫩 , 成餐最正

時新快餐店呢間名店聽就聽得多, 電視都有介紹過, 但一直都未有機會去品嚐.今晚同百厭仔去黃埔嘅冒險樂園玩, 搭西鐵由屯門出發到紅磡. 睇地圖應該係會路經時新呢間名店, 先會到黃埔. 好! 就決定去試下, 食飽先去玩. 18:30入到去, 嘩! 原來間舖咁細嘅, 仲要好多人喎. 咁一場嚟到就等一下啦. 好在等了十分鐘已有一張小圓枱供我哋一家三口. 芝士漢堡包 $14.00--係for百厭仔嘅"細口"而設, 走汁係費事個論盡豬食到周身都污污糟糟. 對於小朋友嚟講味道濃咗啲. 雙層芝士漢堡包 $16.00--一望兩塊厚肉已飽了一半. 漢堡牛肉有別於坊間食開嘅. 雙層芝士蛋漢堡包 $18.00--貪心嘅老公不聽勸告, 係要食雙層芝士蛋漢堡. 試問個包那麼"高", 又怎能一口咬到呢. 最終咪要分開上下兩邊食囉, 炸薯條$12.00--炸得夠乾身又夠脆, 正!炸雞脾 $13.00--皮脆肉嫩, 稍為淡口, 啱晒百厭仔. 紅豆冰 $13.00--紅豆夠林, 略嫌甜咗少許.總共$86.00

久仰時新快餐店好耐~終於一試我同另一名友人，total食左三個包M記既價錢，但係有咁既質素。(老麥你要檢討下)雙層芝士蛋漢堡 堪稱一絕，夠厚，麵包又脆，咬落去不單有咬感，仲有唔錯既味道！可惜地點都幾偏遠，唔會專登入去

時新，時新此店名意思是時常變新，每一刻都要革新，是嗎? 但諷刺的是他家賣的漢堡包，多年來味道不變，包還是這副樣子我想，所謂新是店子的基本建設，這店歷史悠久，一桌一椅要好好保存要是很不容易的事但依我所見，店內快餐店格局仍十分懷舊，甫入店，就如回到六十年代，我爸我媽成長的年代到時新快餐店，當然會先做資料搜集，在食評網一直處於榜首，好評如貫 所以預料會出現等位，排隊的情況，然而，我拿準時間，當天無須排隊其實大概是平日的兩至三點，人比較少，坐得比較悠閒一入到店，右邊是收銀處位置，老闆娘坐在這裏，每一位食客點餐都必須先到收銀處買票點了當然是招牌菜-雙層芝士蛋漢堡(地鐵站廣告,老闆是拿這個的嘛)加炸雞脾一隻，如果要漢堡包冇講要咩汁，就係秘製沙律醬然後就是找位子，老實說，椅子有點殘舊，念在來這裡是為食物和懷舊，沒有很介懷因為始終是快餐店，什麼都是自己來，票上標了號碼，取餐處旁有電子牌，見到自己號碼就去取餐lu，跟美心，大快活，大家樂沒兩樣，食慣便餐的我沒感新奇了反而我坐在廚房對出的位子，剛好看到老闆和他的員工在煎漢堡扒，荷包蛋，炒飯，身水身汗，十分勞碌等約3分鐘，新鮮即製的漢堡包上桌了，一放下餐盤，

同事們說起了一些童年往事現在已經很少可以吃到童年味道了卻有一間大家異口同聲說不單有童年味道而且是好吃的漢堡就在紅磡火車站過橋後橋下的神秘地方就見到一間香港八幾既餐廳嘩!真係好耐無見依D餐廳了以為這類型的餐廳已在香港全軍覆沒本來朋友話起碼要等半個鍾但可能我地夠早只6點9左右一到就有位....不過都幾FULL了去到先知原來是open rice超過800個好評的店其實茶餐廳的有的常餐類東西這裡都有不過當然要試試burger!雙層芝士漢堡包 - burger 比我想像中細,好可愛,但落在芝士上的油,讓減肥的我有點卻步,可是既然都來了,死就死 牛肉應該是手打的,很JUICY不過牛肉裡有根,真的很有小時候的味道漢堡蛋漢堡包 - 應該這個比我那個更好吃,因為蛋+牛肉+沙律汁真係好夾曲曲薯條 - 本來無諗到叫薯條,但見到隔離枱的薯條,嘩!真係千年無食過自家製曲薯了,一定要叫,好好味,可能童年的味道真係好好味