春城銅鍋米線

營業中

休息中

旺角朗豪坊附近新開咗間新米線，主打銅鍋米線，我地就急不及待要去試試😛。舖頭名都已經叫做銅鍋米線，無理由唔試試㗎，所以就叫咗碗招牌春城銅鍋米線，基本已經有肉碎、芽菜、腐皮、酸菜、木耳絲、甜酸菜，我再加咗新鮮豬潤、肥牛同唔係成日見到嘅新鮮肉眼筋。因為我唔係好食得辣🫣，所以嗌咗個微辣，雖然呢款湯底可以揀唔辣但食米線總係要有啲辣先食得過癮嘅😙😙。米線上枱時係用銅鍋盛載，令到碗米線keep住熱焫焫🔥，配料分量多，酸酸辣辣好開胃。另外我地仲叫咗兩個小食🦐🦐炸脆脆蝦膠豆卜，豆卜炸到脆卜卜，蝦膠爽口彈牙，再配埋泰式辣醬一齊食，好好味！😋爆漿紅糖糍粑都好味！外脆內軟，一咬入面啲紅糖漿就咇晒出嚟😚，香香甜甜，配合一齊食好好味！兩款小食味道都幾出色，反而米線就略嫌有啲失色，除咗用銅鍋比較特別之外，味道同其他米線舖差別不大。所以都唔需要特別出旺角食，但如果咁啱係附近都可以試試，呢間都算係性價比唔錯嘅米線。

🍜招牌春城銅鍋米線 $36本身已跟肉碎 木耳絲 甜酸菜 酸菜 腐皮 芽菜配料份量十足 米線口感煙韌彈牙+$9 竹笙：湯底點了小小辣 竹笙全索透了湯汁 😋+$16 海蝦寶：蝦控的我 覺得很好吃 內裡真的有蝦肉 🍜酸酸辣辣銅鍋米線 $36跟鍋配料與招牌一樣 份量也十足 雖然酸菜份量已很多 但可能甜酸菜比重稍高 故酸味略嫌未夠 😋+$9 新鮮豬潤：爽脆嫩滑 厚度適中😋+$16 香炸豬扒：豬扒很大塊 骨肉易離 容易咬 非常香口😋🍤炸脆脆蝦膠豆卜 $35對啊 又是蝦啊～即叫即炸 大大粒蝦膠釀在豆卜裡炸 香脆可口 搭上甜酸醬 一口接一口

「雲南昆明 四季如春 又名春城」🌺呢一間米線嘅特別之處就係用銅鍋保持熱度🍲💗酸酸辣辣銅鍋米線+香炸豬扒+炸海蝦寶+ 腩肉 ($77)米線軟硬適中，配上酸爽微辣嘅湯底，基本米線已經有肉碎、芽菜、腐皮、酸菜、木耳碎、甜酸菜🍜今次額外咗加香炸豬扒、炸海蝦寶、腩肉。腩肉肥瘦相間，滷得非常腍🐖；炸海蝦寶爽口彈牙🦐；香炸豬扒大大塊，超級嫩滑Juicy，不過略為較油膩🐷💗爆漿紅糖糍粑 ($30)紅糖糍粑炸得外面香脆，內裡香甜軟糯，中間爆出流心黑糖漿超滋味！🍡💗炸脆脆蝦膠豆卜 ($35)豆卜釀入蝦膠後炸至金黃鬆脆，內𥚃爽口彈牙🦐沾上泰式甜辣醬，開胃惹味🌶️

最近見到好多人去咗呢間 我都係比佢個銅鍋吸引😂晏就去到比想像中多人 好多放飯嘅人嚟食米線湯底選擇都幾特別 除咗常見嘅酸麻辣仲有番茄泡椒湯 椰子雞湯底咁 仲有好多平時啲米線舖冇賣嘅特色小食🤍豬扒酸酸辣辣銅鍋米線($52) | Rating: 7.5/10銅鍋上到枱好夠熱 望落勁多 但其實還好老實講味道一般 個湯底冇咩記憶點會話同嗰啲雲桂X嘅味道幾似米線入口幼滑嘅 口感可以 另外幾鍾意配菜有木耳絲米線其實7分 但個大大塊豬扒加0.5分真係大塊到一個人食唔曬lol 重點係香口又唔乾!🤍炸脆脆蝦膠豆卜($35) | Rating: 8.5/10蝦膠釀入豆卜再拎去炸 每粒都幾飽滿豆卜炸到超鬆化超香口 但又乾身!完全冇放耐咗有啲位會過硬嘅口感有附埋泰式辣醬 雖然同米線舖好唔夾😂🤍爆漿紅糖糍粑($30) | Rating: 8.5/10平時食開都係淋上去or比你點住嚟食呢個整成流心我覺得先夠味🥹🥹真係爆漿 佢冇呃人 紅糖比得好足糍粑香甜軟糯 但梗係覺得差啲嘢咁原來係黃豆粉!如果有埋佢我會比9分🥹雖然以米線舖嚟講佢嘅米線冇咩過人之處但小食確實係有自己特色同幾好食^^會為啲小食再encore 同嘗試下其

旺角一間新開嘅米線同朋友行街行到好鬼死肚餓入去坐低嗌咗春城麻辣銅鍋米線🍜值得一讚佢哋個銅鍋夠保溫又夠份量我揀咗小麻辣啱晒我口味裏面配菜又多有肉碎芽菜木耳絲等等………..另外自選配料我揀台灣貢丸新鮮又夠彈牙仲有手打鯪魚肉好食夠入味再配小食試咗炸脆脆蝦🦐膠豆卜超正脆卜卜夠哂香口裏面勁多🦐再試多樣頭抽雞翼醃得夠入味雞肉滑嘟嘟飽到捧住個肚😄都要叫埋飯後甜品爆漿紅糖糍粑真係夠驚喜甜甜地好煙韌真係好耐未食過咁高質素嘅米線。價錢唔貴又好食真心讚

朝早去買外賣，入到去佢淨係識叫人scan QR code落單，問題係成日都load唔到個網。 好聲好氣同佢道歉講上唔到佢個網，可唔可以人手幫我落，即刻黑我面態度勁惡。受完氣之後等緊拎外賣，睇住佢哋間鋪發一枱客脾氣。個堂食客同佢哋講有d嘢無嚟到姐，人哋都唔洗佢哋補返送嚟，淨係要求佢哋取消返無送嚟嘅items, 佢哋班員工就發人哋脾氣講唔識做，仲大叫：點減呀其實呢間嘢本身都算係好食，但經過今次之後，絕對唔會有下次再幫襯。

最近新開的米線小店，因對銅鍋Gimmick產生了興趣而走進去試試看。晚上約8:30pm 仍然是滿座，用餐體驗可以分為兩方面：價錢方面搭配好的米線大約在$60頭不等；自選米線需要選取最少兩款配菜，湯底base為$36，加上最便宜的兩款配菜大約為$50 (一碗米線超過$50，對它的期望相對也會比較高)招牌三鮮銅鍋米線 $61配菜包括腩肉、豬膶、裙帶菜/海帶芽、酸菜、少量肉碎及生菜份量方面但看份量，絕對需要稱讚，特別是豬膶絕不手軟。不談味道，物有所值味道方面三鮮湯底比較淡，點了小小辣，辣度是夠的，可能加入了裙帶菜一起煮以致於湯底多了一種似鹼水的味道，比較影響整體味道。如果調味再重些大概可以淡化這個問題

《春城銅鍋米線》旺角新開特色昆明風味米線🥘🥘🥘🥘🥘。招牌三鮮銅鍋米線 ($61) 。紫菜蠔仔肉碎米線 ($60) 。香炸豬扒 ($20)。炸脆脆蝦膠豆卜 ($35) 。涼拌芥末魚皮 ($38)。凍檸檬茶/凍檸檬利賓納 (+$6)↪️第一次黎當然要點下招牌三鮮銅鍋米線，材料有腩肉、豬膶、螺旋藻，份量豐富，又夠入味，點了小辣，食落更滋味。最特別係用個銅鍋裝住，夠哂得意。紫菜蠔仔肉碎米線蠔仔漲卜卜，湯底夠哂鮮甜。炸豬扒大大塊，外脆內嫩，涼拌芥末魚皮爽口彈牙，必點推介之一炸脆脆蝦膠豆卜，非常酥脆，不會油冧冧，蝦膠彈牙，入面仲有原隻蝦肉，非常推薦。

好耐無約朋友出黎旺角揾食，之前佢睇到介紹呢間新開的米線舖用銅鍋裝米線，聽起黎都幾特別想試下。我們大約晚市岩岩開始一黎到呢間餐廳，已經有人排隊入去呢間餐廳預備用餐，人氣都好似唔錯。招牌使用紅色燈箱係眾多餐廳中份外醒目，在街中特別顯眼非常容易揾到，地理位置都算方便。入門時待應姐姐都好好招呼，又會開玩笑，用餐氣氛都幾好。坐位裡面都幾多人用餐，所以坐左係其中一組圓枱用餐。餐廳有好多選擇，米線可以選擇指定的招牌菜或自己揀想食的餸菜，任君選擇。辣度都分左好多種辣，歡迎唔同朋友黎以身試辣另外小食類都幾吸引，有啲小食係呢間米線舖獨家創新，有甜有鹹可以試下。我點左份招牌三鮮銅鍋米線(腩肉，豬膶，螺旋藻)小辣，先唔講味道，由個銅鍋上菜個陣個容器仲係冒緊煙，銅鍋係一個非常好的導熱體，所以米線食到底都係熱辣辣的。銅鍋食具都幾特別，除左食韓國菜會用到，所以都幾驚喜。米線內容物都幾豐富，除左腩肉，豬膶，螺旋藻之外，仲有好多餐廳自己調制的鹹酸菜，甜甜酸酸非常可口。米線份量都十足，辣度小辣都幾辣，唔食得辣的朋友可以點清湯或微辣。米線的肉都幾多，全部都係曬碗米線底度。湯底都鮮甜，配埋上面啲芫茜同唐芹都幾夾。食米線一定要

鐘意食米線的黃怪獸今次去左一間旺角都少少🤏隱蔽的米線🍜店-春城銅鍋米線其實我哋係比佢銅鍋吸引左入去，真係影相一流😉食物的味道都唔錯，都算幾驚喜👌特別係蝦膠豆卜1.招牌春城鍋鍋米線我哋叫左唔辣，仲諗緊會唔會好怪，但酸酸地都幾好食，特別佢的酸菜係幾好食，加分位！朋友叫左肉眼筋，其實係豬肉嚟，都有幾香的豬味，都唔錯👍2.酸酸辣辣銅鍋米線呢個如名所示，酸酸辣辣，味道都唔錯，湯底再濃啲應該仲正😀叫左竹笙，吸晒啲湯底，都唔錯😍另外我哋叫左秘製雞翼，其他係瑞士雞翼，都幾入味同幾淋☺️3.炸脆卜卜蝦膠豆卜最好食的小食之一，見到每台都一定必點！我哋都叫左一碟，豆卜入面好多蝦，有炸的香口兼有蝦的鮮味，唔錯😊推薦！4.涼拌芥末魚皮呢個真心特別，魚皮第一次見咁厚身，都幾有咬口😆鍾意食魚皮可以試下另外就叫左2杯飲品，配埋酸酸辣辣味道一流☺️整體而言呢間米線新開左冇幾耐，人流咁多都可以反映到味道唔錯，而員工的服務態度都好好，下次可以再試埋其他湯底☺️#春城銅鍋米線 #黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy

黎到旺角，試下呢間春城銅鍋米線，來到既時候，已經見到門口爆多人，不過都唔算等左好耐就入座！我哋點了「蟲草花椰子雞米線」個湯好濃椰子味，雞很亂嫩滑 真係好好食，個湯好足料。另外可以推介「炸脆脆蝦膠豆卜」外脆內軟，而且個蝦很新鮮，超級爽口。聽聞是老闆娘早上親自自己包的！最後試了甜品「爆漿紅糖糍粑」這個一定必點，不單止不油膩，好煙韌嘅糯米糍口感，裹面包著流心紅糖餡，正到不得了！👍🏻而且服務一流🫰🏻我會再來食的！

香港地食米線主要都係嗰兩大間，有時都會食到厭！今日就嚟試一間近期大熱嘅米線新星 "春城銅鍋米線"。本身冇抱住好大期望，諗住都係用個銅鍋搞下Gimmick咁，點知食落有驚喜！農鄉蕃茄泡椒銅窩 $56先嚟叫咗個自選米線，農鄉蕃茄泡椒銅窩(小小辣)蕃茄湯頭鮮甜，辣味由３種椒煮成(泡椒 + 剁椒 + 指天椒)，呢個酸辣好過癮！再加左兩款配料：比較特別嘅新解肉眼筋同埋竹笙肉眼筋嫩滑有咬口，竹笙吸晒個湯底，惹味豬扒酸酸辣辣銅窩 $59湯底就係一般酸辣米線嘅湯底咁，豬扒另上呢下都幾貼心，唔怕浸到淋晒，如果豬扒可以碎上就更好！豬扒鬆軟唔係死實，炸得好香！所有米線都可以另加配料，呢個就加左豆卜，豆卜又係索晒D湯，好Juicy炸脆脆蝦膠豆卜  $35呢個小食不得了，一坐低已經被佢吸引住！上枱熱辣辣，炸得香噴噴，咬落脆卜卜，食到唔停口呀，超讚去到千祈唔好錯過呀!!提一提，米線+$3配熱飲，凍飲+$6，罐裝飲品+$8，特飲+$11

叫咗個酸辣豬扒米線，我講明要走芫荽，冇走到都算，我同佢講冇走到芫荽，連張單都寫明走芫荽，之後佢話攞第二碗俾我，點知拎咗去廚房門口拎筷子夾走啲芫荽，仲要夾得唔乾淨，希望有人明好多人鍾意食芫荽，但唔識芫荽嘅人係超級頂唔順芫荽嗰陣味，之後我食嘢已經算慢，個米線就嚟食晒，個豬扒都未到，之後叫咗個荷葉包，我叫佢俾碟煉奶我，我叫咗四次，每次話好，最後都冇俾我，要同佢講我叫咗四次之後佢先拎俾我，食物好一般無驚喜，絕對絕對絕對冇下次🙅🏻🌚

晚上跟朋友經過旺角，看見這間新開的米線店「春城銅鍋米線」，裝修十分光猛，走中國風，場地光鮮，環境舒式，決定一試！餐牌款式有很多選擇，主打銅鍋米線，有自選湯底及各種小食加配，每一樣都很吸引！必試當然是招牌的豬扒酸酸辣辣銅鍋米線，小小辣不會過辣，微微的酸辣夠香，賣相吸引，銅鍋十分傳熱有保溫作用，豬扒份量很多，炸得香脆，肉質大塊爽口，配菜夠多，米線軟硬適中煙韌又彈牙，惹味開胃！另點了兩杯凍檸茶解去油膩，茶味清澈，香濃回甘，冷涼又清爽。蟲草花椰子雞米線+竹笙，湯底很有誠意，椰子雞湯夠鮮甜，香濃厚實很重椰香味但不會感到油膩，雞件大件，肉質軟滑，加入蟲草花口感更分豐富，我額外加了配料竹笙，盡吸精華，十分暖胃！炸脆脆蝦膠豆卜很有特色，有五大粒，油炸皮脆而蝦肉彈牙，外爆脆內軟熟的口感，十分好吃，香脆不油膩！爆漿紅糖糍粑，每一塊是一口的份量，擺碟精美，口感煙韌，紅糖濃郁，甜度剛好。即灼清湯菜心很爽脆鮮甜，翠綠幼嫩，湯底味道帶淡淡的鮮味，菜軟硬度剛好，份量同樣大碟。下次再帶家人一起品嚐這間新米線，食物質素高，湯頭夠鮮不會令人口渴，證明沒有添加味精，真材實料！加上交通地點方便，相信家人會讚不絕口。

旺角好多米線店 呢間春城好似係新開 之前經過都唔係好覺眼🤔原來店名春城都有典故 「雲南昆明 四季如春 又名春城」即係雲南米線嘅意思☺️店內用QRcode落單 米線可選套餐 有湯有撈 有辣有唔辣 亦可自由配搭 主打嘅銅銅米線顧名思義就係用銅鍋盛載嘅米線🍜🍜豬扒酸酸辣辣銅鍋米線 💰52酸辣湯有分辣度 初次食呢間唔知佢個辣有幾辣 所以叫咗少少辣🌶️有辣又唔會好辣 平時唔食辣嘅朋友都食到 仲要覺得幾好味 豬扒另上 煎得好香 啲肉都唔會嚡 配料有腐皮酸菜 味道豐富🍜紫菜蠔仔肉碎米線 💰60好少見米線有得揀蠔仔肉碎 所以見到就即叫👍🏻同樣可選辣度 呢個揀咗唔辣 蠔仔同肉碎份量都唔少 粒粒蠔仔都好飽滿脹卜卜 味道鮮甜唔腥 肉碎唔韌 湯底都幾清甜 加咗紫菜好香 🍡炸脆脆蝦膠豆卜 💰35第一次食蝦膠豆卜 好似好特別咁 外面係脆脆嘅豆腐皮 入面係彈牙嘅蝦膠 即炸熱騰騰 配上泰式辣醬更好味🍡爆漿紅糖糍粑 💰30超好味嘅糍粑🤤口感軟糯 加上流心爆漿嘅紅糖餡料 甜度恰到好處 一份五件我就食咗三件🍹龍鳳可樂 💰+11🍹咸檸七 💰+11