星河餐廳

營業中

休息中

11-5-2013(六）♭♪〜星河，有一串星際流火。。。〜 ♭♪是日，一個人又在深水埗一帶逛遊，探訪完露宿者後，便在 星河餐廳 吃個晚飯。久聞其焗豬扒飯大名多時，還未看過其真身！好！是日就快快現身在我眼前吧！點叫後要等 15 分鐘才上桌，應是即叫即製吧！當它端上桌子時，看見其賣相對辦；豬扒件數應有兩塊，是切件而上的，吃下一口，肉質鬆軟，肉汁豐盈；最讚的是那個茨汁，濃郁的蕃茄味，且不肥膩；飯也炒得乾身，粒粒分明；唯蛋加入炒飯內的份量則較小，若加多一點，味道更可口呢！隨餐附送的羅宋湯，料子多得很，味道濃郁；炸物亦很香脆可口，正！凍飲需另加 2 元，吃完整個餐後，很飽肚呢！

想揾星河餐廳, 以差館為記認啦 差館對面條街就係大南街, 今日星期六, 大南街嘅車房、回收店都已經關門休息, 幸好是這樣我們才可以輕易地把星河餐廳找出來；不過, 就算平日應該都不難把星河餐廳找出來, 因為在大廈的外牆上掛有一個霓虹大招牌。室內面積不大但燈光明亮, 有4套四人卡座也有幾排藤椅餐檯, 侍應生們辦事手腳快, 主動兼親切！餐廳賣的食品很多元化, 中、西美食不在話下, 還見到餐牌有日本美食及越南美食, 希望日後有機會來試吧~叫了兩個餐, 同樣選羅宋湯驟眼看會覺得湯好濃郁, 蔬菜料亦煲到軟腍, 而且有新鮮牛腩助陣, 不過飲落卻是出奇的清新！焗豬扒飯 $52包餐湯及餐飲, 份量是比下午茶那$3X的餐為之大份(女侍應生說的), 下午茶餐也不會包餐湯呢! 蕃茄汁是好小朋友款的酸酸甜甜, 除了豬扒外還有用糖煮過的蕃茄角及紅蘿蔔、洋蔥片；飯有用雞蛋炒過, 可是落得少, 因為所見的蛋絲的確是幼而且包不到飯粒, 蛋黃顏色也偏淡。豬扒是有被鬆肉粉過但拿揑的時間夠準, 至少肉纖維是吃到的, 豬扒經過基本調味的洗禮後再有沾上蛋去煎一趟才全鋪滿飯面再淋茄汁並拿去焗, 焗到碟邊的飯粒變脆身, 尤如脆米

今(6-4-2013 Sat)朝同男友起身後,佢要返深水埗攞返o野,咁就同佢順便拎o野過去兼食早餐啦.攪掂晒後沿路我o地都過唔到馬路,到差館至過到欽州街,過完就即求祈閃入橫街搵o野食,第一間就係見到呢間,我問男友食過呢間未?佢答夜晚食過,普通啦.既然有緣見到呢間,不如試吓啦,入到去o岩o岩有卡位,男友同我都要$24.00o既西式早餐,男友要魚柳腸仔配牛油方包,加$2.00要凍華田,我要牛扒炒蛋配牛油方包,加$2.00要凍好立克.一陣後,兩杯飲品到o黎,我杯凍好立克味道適中,OK.之後係男友o既早餐,腸仔明顯係炸,魚柳唔算細件亦唔鯹,外層都炸得脆口,千島醬酸度唔多夠,不過勝在夠多.等o左都幾耐吓,我o既牛扒炒蛋配牛油方包至到o黎,薄牛扒唔大件,肉質唔o鞋,不過牛肉味道欠奉,而全熟炒蛋竟然都唔o鞋,算有啲驚喜.至於牛油方包,可能件方包放o係粉蛋面,攪到有少少濕,牛油塗得唔多,不過都算夠.環境:坐得幾舒服.服務:唔知係咪人手唔夠,我o地坐低幾耐吓都冇人執o野同抺枱.衛生:我嗅到疑似尿味,而且都有蚊滋飛o黎飛去.

人在深水步，找吃就不是什麼困難事，畢竟我也是在這頭長大的。沒有吃豬潤麵，也不是品嚐竹昇麵，更非蛋牛治，因為是日，我想吃飯。走來了星河，是麻甩地方，跟我的身份很貼切。就吃焗豬，跟餐會有湯飲，這裡的羅宋湯好鬼足料，夠酸，很醒胃，合我心水的。至於焗豬扒飯，是炒飯底，可是飯炒得不很透，蛋絲份量也少，好在茄汁味道得宜，加上蘿蔔和洋蔥，未嚐不可，而豬扒質感腍身，外面帶點微脆，也是可以的。奶茶並不是這裡的強項，比較薄身。

小弟第一次寫食評@V@ 琴晚上網睇左咁多c兄ge 關於星河ge食評 咁岩今日又要去深水埗走轉去拎野就特登下午去食一食我同2位朋友(1男2女) 11點半到,入去都唔駛等位 不過到12點d 人就開始多 我見到個menu其實都40幾-50幾蚊不等今次,我地就叫左3樣野咖哩牛腩飯(沒叫到炒底) 蒜香排骨炒飯 同埋焗豬排飯total 就239蚊我記得咖哩牛腩飯都係蒜香排骨炒飯四十幾蚊(因為係單叫飯 但係都送野飲)焗豬排飯就52蚊 因為要叫套餐 (套餐入面有多士,餐湯同野飲)我自己就叫左杯茶走, 茶走幾好飲, 幾滑 不過小弟仲細 其實唔太識分咩先叫一杯好ge茶走,但係我都覺得唔錯咖哩牛腩飯: 我爬左唔少文, 見到好多師兄都介紹, 咁唔汁輸都叫番個試下, 但係我反而覺得一般般。咖哩牛腩真係滿晒一碗但係又唔係覺得好似唔少師兄咁講 咁香咁好味 可能小弟唔識食, 辣就真係唔係好辣, 但係小弟唔會再叫焗豬排飯: 好大碟, 真係好大碟, 食唔晒>.<" d豬板幾好味 不過都幾淋 唔駛用刀都可以將佢分開幾舊。不過幾足料, 幾好味,d蕃茄好好食蒜香排骨炒飯:我覺得最好食 佢係蒜香排骨 + 炒飯.

一向喜歡捐窿捐罅四圍去尋找草根美食。看開小弟的食評的人都知道，茶餐廳是自己最喜歡光臨的地方....對能夠找到一所自己從未試過但又有出色水準的茶記，這份喜悅確是非筆墨所能形容的....最近很幸運又給小弟找到了一間這樣的店子了....這一間位於深水埗大南街的茶記，位置身處於一堆車房、舊樓以及收賣店之間，稍一不慎便會走漏眼....但料想不到一推入門進店，便發現人聲沸騰尤如趁墟一般，是好不容易殺出重圍才能搶得到一個位子....也是預先看到眾食友的評論，收晒風這裡有甚麼店自慢之物，之後一坐低便馬上自動波般像如數家珍的念出來，餐牌於我末講自然亦是無用武之地了.....例牌動作，先呷一杯茶走。味是頗滑溜香濃的，嗒落有茶之回甘之餘甜度也道中，是十分的有水準...平常吃咖喱牛腩飯的機會實在是多的是，不過若然飯是經過炒底處理的話那又另作別論。由於飯要經多一重手續去做之關係，故此等待的時候亦較長。這兒的咖喱汁是屬於帶甜而不太辣，椰香味夠重的貨色，入口甚是濃稠惹味；牛腩雖不算淰得一咬即斷但也不至於如橡膠般的韌，算是中規中矩的，反而搭單的那幾小件牛筋就軟淰起膠的甚是出色；薯仔雖只有兩件但全都十分粉糯....加了

jan 30, 13...........嚟食個dinner先返屋企.........食咗 :1) 焗豬扒飯餐 (hk$52)i) 蒜蓉包-鬆脆,不過蒜蓉味1般ii) 羅宋湯-料都用得好足,裡面搵到紅蘿蔔條,菜,牛肉等-少濃味添iii) 炸蝦丸-估唔到跟晚餐,仲會有小食包埋-嗰晚嘅小食喺炸蝦丸-吉列表皮有點微厚,所以咬落硬咗少少-不過裡面嘅蝦丸帶彈-蘸埋沙律醬同食,開胃iv) 焗豬扒飯-聽講呢度出名喺焗豬扒飯,所以叫嚟試吓-上枱時,熱到吱吱聲響,個飯扣底,幾香,乾身,沒被汁蓋過同貼住個兜嘅飯就會帶點焦硬-除咗豬扒外,仲有番茄,紅蘿蔔粒,洋蔥,磨菇等-味道喺豐富,豬扒肉質都okv) 餐飲-叫了慣常嘅熱檸水

又忙了一輪，想想自己都有一段長時間沒有寫食評，希望自己的手腳沒有生疏，能夠寫多一些食評和大家分享。很多非集團式的食肆在今年受到很大的衝擊，因為今年的租金升到嚇死人，不是幾個%去上升，而是每一次都是幾倍的加上去，家的附近有多間的食肆已經結業，有些更是做了多年的老店，失去這一些的老店令人更加感慨，新開的店子差不多全部都是藥房，有時我心中都在想，”我們的街坊真是這樣多病?都唔洗一條街八至十間藥房。”看到這裡都令人心痛，都是算了吧，講多了又說我反對中港融合了，所以現在多數都是去一些老店去幫襯，一來真是賣少見少，兩來真是現在唔去就很大機會無得再去了，好像是得如酒樓，自己心中講了多次要去試多一次的，但講講下忘記了，現在想去都無機會了。唉……………我太多廢話了，今次都是介紹一間舊區的餐廳，就是在深水埗的星河餐廳，地點是在大南街在深水埗這一邊的街頭，這一些不像基隆街和汝洲街一邊這樣多人，因為這一段大南街多數的店子是回收店，而餐廳對面的樓宇好像還等候重建一樣，所有的窗門已經拆去，白天去問題不大，當天去進餐是晚上，整條街都黑沉沉的，行去時都有少少的心驚，不過也是因為這一個原因，所以很容易就找到了，因為就是

星河，未必有一串星際流火，但會否蹉跎歲月，留在銀河躺臥，或者，闖進了人馬座？。數年前，友人Dragon Fire還未回歸加拿大，他曾經推介過位於深水埗大南街，近欽州街一邊的星河餐廳，他說其焗豬扒飯的水準甚佳。多年後，他未必記得此事，但我一早記錄在案，記低在口袋裡多年，日前終於起程前往。剛好是下午茶時段，焗豬扒飯特價＄32，包一杯飲品，假如是正價的話，要多付＄20，不過會加多一個餐湯。不安於Ready-to made，即叫即製才是皇道，等大約十五分鐘左右，如果等不到，到連鎖快餐店吧。我不知道正價的焗豬扒飯份量有多少，但此＄32的下午茶（凍飲加＄2），也挺具睇頭。很多人對該焗豬扒飯讚不絕口，此豬扒切成一件件，鬆化兼爽口，但面頭上的茄醬，好像未盡融入豬扒內，而且炒飯底我嫌不夠乾身，濕了一點。不過這個蕃茄醬，味道真的不錯，或許，這天是一時失手。連一杯凍檸茶，只是＄34，的確大件夾抵食也。除了焗豬扒飯，聽說炸蝦餅，咖哩牛腩也是水準之作，只是獨力難支，還是要拉朋友們來一一品嚐了。

早幾日報紙的副刊刊登了深水埗的平民食店, 其中一間就是星河.看到內文的焗豬扒飯及炸蝦餅, 已經流口水, 所以決定來一試.入到店後, 侍應招呼敫勤, 出乎意料之外, 原以為呢D老店唔休做.睇完餐牌, 諗都唔諗就點了焗豬扒飯套餐($52), 套餐包括中湯/西湯, 蒜蓉包, 焗飯, 餐飲.老實講, 真係超值, 以呢個價錢, 出去食快餐都未乜落到樓.上枱了, 原先以為冇汁蓋住, 邊位的飯, 係焗過火, 帶點趙口, 點知食落口, 撈少少汁, 又幾好食喎.汁下舖了兩塊厚切的吉列豬扒, 帶點JUICY, 與汁混和, 簡直恰到好處.可能本人喜歡甜多於咸, 而這個飯的汁, 就是甜甜地, 所以本人十分喜愛, 超正.另外還點了個椒鹽豬扒飯, 及炸蝦餅($18/2件)可能有對比, 本人覺得椒鹽豬扒比較失色, 但炸蝦餅真係超值及超好食. 完全無將價就貨既情況出現.總括來說, 短期內會再去幫襯, 完全想像唔到舊區會有呢D隠世食肆. 多謝報紙的推介!

嫁左入深水步之後, 成日想試下 傳說中深水步隱世餐廳-----------星河, 終於早排去試左地點: 深水埗大南街, 有大量收賣舖頭 及一眾南亞裔男士人氣: 大收旺場, 舖外最少有3-5人等位環境: 一般舊式餐廳, 播著杜德偉, 葉倩文等陳年歌曲, 食物: 多數以套餐為主, 跟餐湯, 餐包, 餐茶, 特別套餐甚且有前菜小食:**老公叫左欖菜辣肉碎炒反, 等左一陣, 就黎:餐湯: 老公唔要餐茶, 改為中湯, 個湯係赤小豆鱆魚, 好夠火喉, 炒飯: 好乾身, 粒粒分明, 每粉飯都沾上欖茶及肉碎, 好咸香好野味**我叫左焗豬反套餐, 焗飯需時, 等了幾個字先黎:餐包: 先係半片厚多士餐湯: 紅湯, 勁多料, 食哂都半飽焗飯: 未食已聞到茄汁香, 醬汁收到濃倜0岩哂撈飯, 切件豬件好多有成7-8條而且好鬆軟, 個飯底炒到好乾身粒粒分明總括:1) 邊食邊看其他食客, 碟碟都夠份量, 真係物超所值2) 地點偏僻及不見眼, 但食客不絕, 相信食物質量確實有保証3) 去深水步覓食之餘, 都不妨去星河試試吧

這是我在深水埗食過數一數二好味的餐廳！無相機所以無相share比大家。午餐日日有不同的款式，都試過多種，味道都很好，其中繪牛脷食更是我的最愛，牛脷不是薄薄一片那種，是厚厚的，外表煎得香香，配合埋酸酸甜甜的醬汁！好食到無朋友。記得飲佢跟餐個中湯，我一般去食lunch都吾要湯架，但係這間例外，因為又係日日吾同所以介紹吾到。至於晚餐，我有一次與朋友(四個大男孩)叫了一個好像叫"三五知己餐"的套餐，內裡有蝦餅、越南燒蔗蝦、咖哩牛腩、波羅抄飯還有一些小食我忘記了。味道非常之好，份量也足夠令我們四個人吃得很飽。最後糖水也是我的推介。當晚糖水是紫米露，很香的椰汁及花奶味，再加上煮得淋淋的紫米，真係忍吾住口請事頭婆醒多碗比我。這餐廳因位處深水埗較偏僻的大南街內，而這條街又有大量二手電器的賣買店舖，路上經常有很多內地及外地勞工在流連，所以吸引不到太多人的註意。尤其是女士。但真的很值得推介給大家。有機會去試試。

閒話不說了，這次直接了當說一下食物吧~ 嘿今天是女友請客，因為她想吃炸蝦餅，所以點了一個二人套餐($88)，另外我再點了一客焗豬扒飯($48)。焗豬扒飯也是一個套餐來的，包括了餐湯和飲品。上次沒有餐湯，所以沒有跟大家介紹一下。其實這裡的羅宋湯做得頗出色，濃郁的蕃茄味和材料十足，令到一個很一般的湯頓時變得美味多了。隨餐奉送的炸蝦餅跟泰國鳳瓜不久便來了，蝦餅雖然是用一般的蝦膠，不過做出來仍很彈牙，蝦味仍然有著。至於鳳瓜不太入味，未知是否跟不夠時間調製有沒有關係﹖再來的是二人套餐的主菜:原隻菠蘿炒飯大家先不要誤會跟泰式菠蘿炒飯混為一談。炒飯的飯粉很乾身，材料除了新鮮菠蘿，還有火腿、小蝦仁和切碎了雞肉。從照片中可以看到，份量十足。味道方面合格，很明顯這隻菠蘿是新鮮貨，能夠聞到陣陣的菠蘿氣味。隨著炒菜之後，便是我點的焗豬扒飯。在我還沒開動前，一陣陣的鮮茄味道已經撲向我們，賣相亦很吸引。醬汁很濃郁，感覺上好像加了點紅酒但不確定。豬扒經調味後變得很嫩滑，表層點上了一點點的蛋漿，經略煎後才拿去焗的。在這裡吃飯，侍應(老問娘?)通常會問客人要不要糖水和啫喱(免費)，不過今天的糖水實在是太甜了~ ^^"

其實早想介紹此餐廳給大家的了(因為我家就在這店旁邊)，只是常常去吃飯時都忘了帶DC，正所還沒圖沒真相，有圖就最能夠讓各位看到實物如何~我一向都喜愛光顧這店的原因，是因為坐在店內令我感到很舒服。而店內的侍應(老闆娘)，待人頗親切，有空時更會跟顧客談話，打成一片。這店的客人都是熟客為主，大家一邊進食，一邊說笑，氣氛甚是不錯~回到正題，今天我點的就是很多人吃後都感到不俗的-焗咖哩牛腩飯炒底。點菜後一直在等，直到上菜時一共花了十五分鐘，但該段時間仍算是尚早(五時半)，店內只有幾位人客，可見這個焗飯不是因為現在入單太多而慢，反而是因為製作認真才要需時久一點。從外表看上去，外層已經被焗至有點乾，飯很明顯是即炒的。不過以我的食量很算，份量可能有點不足....既然咖哩的香味不斷地從下而上湧地上來，我當然是第一時間"起筷"了~吃嘗牛腩，咖哩味道不但進入了牛腩內，肉質亦處理得當然淋，而牛筋亦淋而入味。再來就是薯仔，事先微炸的處理方式令到薯仔仍保留自己本身的味道，加上外層吸收了咖哩的味道，一物兩味，實在是很配合。至於咖哩的味道，沒有了那一份辛辣(或者是因我吃得辣而感覺不到...)但帶著陣陣的椰香和香料味道，