明興石磨腸粉

營業中

休息中

石磨腸粉 有原味腸粉 窩蛋鮮豬潤腸粉 粟米肉粒腸粉 窩蛋鮮牛肉腸粉 $28今次我揀咗窩蛋鮮牛肉腸粉裏面有牛肉蛋芫荽芹菜平時吃的是原條腸粉，第一次吃石磨腸粉，腸粉皺皮，雖然沒有原條腸粉滑，但配料好多汁味濃，味道很搭呢🥰。佢係一間好細嘅店 但係裏面有好多唔同類型嘅腸粉 同平時嘅腸粉好唔同 佢係皺皮嘅腸粉加上好多醬汁 好惹味本身我唔記得講我唔要芫荽 跟住中途同佢講返佢好好人仲特登整多份新嘅俾我 蛋可以揀流心蛋或者全熟蛋 新式嘅小店真係要幫襯多啲💛

今日冇咩胃口，於是買咗份石磨腸粉當午餐。話時話，原來我係第一次親眼見到成個整腸粉嘅程序，睇住叔叔由倒粉漿，整平，落配料，落蛋，放入蒸櫃，攞出嚟再切同刮，最後變成一條條皺紋腸粉，成個過程好有趣😬。叫咗份招牌腸粉，要少辣，配料有肉碎，蛋，蔥同菜脯同生菜。腸粉整得幾靚仔，配料份量比例亦算恰當，唔會太多或太寡，雖然腸粉質感唔算好滑，米漿味亦唔算好突出，不過由於個醬汁調味相當唔錯，所以整體嚟講，呢個腸粉都幾好食👍。

今日天氣好好。帶住阿媽行街食下野。石磨腸粉已經不起眼也不合時宜。但對老友記來說。懷舊年代必食。所有帶老人家懷念一下。地方細細。不算太多人。價錢合理。即叫即做。保証新鮮。呢個腸粉不算是小時候的菜式味道。是加入新口味的新配合。味道上有新鮮感。做法跟以前一樣。口味上加佐菜甫爽口。醬汁也不是單一豉油味。可以一試

因為附近返工，本身諗住搵間茶餐廳快快地食早餐就算，經過腸粉鋪又標榜係石磨腸粉就試試，細細個係大陸食過石磨腸粉真係好懷念，到宜家都好想搵返個種味道...兩個人叫左兩個腸粉一個粥。粥我冇影到相，佢得一款粥就係皮蛋瘦肉粥，我只能說不夠綿不夠味不香不滑，有好大的進步空間。腸粉方面，我一直都搵緊我小時候的味道，食石磨腸粉不需要花巧，最原本原味就知道合唔合格，叫左招牌腸粉，佢有肉碎，菜，菜甫，佢即叫即整，熱辣辣，賣相同香味夠，最緊要是腸粉本身同豉油，但是...腸粉太冧太散，我夾到後面要用到匙羹去"不"黎食☹️,豉油我相信有煮過，但唔係我喜歡的，真係好睇個人口味。另外，我叫了窩蛋豬潤腸粉，窩蛋做得好靚好成功，將蛋黃撈在腸粉會更加滑同有蛋香味，但似終都係腸粉本身的問題，又滑又散我用筷子吃不了😥豬潤不過不失，唔算老個人口味就睇下自己接唔接受到佢的缺點

滑嘟嘟齋腸☺$12是日到長沙灣覆診😚所以去到附近食早餐😎店鋪比較細小😌勝在即叫即整👍夠香夠滑👌醬汁味道好香🤝非常惹味😝抵食✌明興石磨腸粉 (長沙灣)長沙灣青山道443-445號祥利大廈8B&C號地舖

最近石磨腸粉店愈開愈多，好似梗有一間係左近！依間明興腸粉大大話話幫襯左三四次，次次黎都見到老闆一腳踢，所以有時等耐少少都無所謂。如果午市時段黎既話，炒麵同粥通常都會賣哂，見佢岩岩新出左個翡翠黃金蝦腸，決定嗌黎試下，睇見老闆一份腸粉都落左好多隻蝦，仲有好多翠玉瓜同生菜，因為個人口味喜好就叫老闆走芹菜同芫茜！雞蛋我揀左流心蛋而唔係蛋底，食落去腸粉算滑同有少少彈性，蝦就好細粒但無雪味，口感爽脆，加埋秘製辣醬同醬汁，成件事即刻昇華哂！不過要比較既話都係招牌腸粉出色D，因為豬肉腸比起蝦腸，更加夾佢個秘製醬汁！

經蘇屋邨街坊推介，所以今朝早特登嚟試下呢間，自稱係石磨既腸粉店。依間店開係小巷門口，唔大間，有一張店內單邊台&2張擺係巷內既摺台。因為朝早黎食，所以唔熱，有風扇都仲可以，但如果大家係中午黎食，就建議外賣取回家食會好D。我因為大餓啦，所以叫左兩款腸粉黎食。招牌腸：碟腸粉份量都ok，而且係即叫即蒸，蒸出黎既腸粉都幾有米香。有驚喜既係佢除左有少量豬肉同青菜外，佢仲加左菜圃。食落口軟滑得黎帶有D爽脆。窩蛋鮮豬潤腸：豬潤好新鮮，好濃豬潤味，而且個味同腸粉好夾。而且佢個蛋可以選流心蛋或全熟蛋底。原本想加$4飲杯豆漿，點知佢話今日未有豆漿，所以唯有食完再走另一間飲。

皺皮腸粉好好味，可以選辣度，好香口，仲有菜脯同生菜，營養均衡，肉方面，我唔食豬潤，但牛同豬都冇得輸，重點係，勁搶手，好早就賣晒收舖。即叫即造都唔洗點等。真係正！招牌廿蚊+炒面或粥都只需30蚊！抵食！環境方面係最輸蝕，土地問題嘛，佢嘅位置係行過左都唔覺眼嘅，位於小巷角落，但都唔覺得太大問題（遲啲易啲就唔知啦）但係佢嘅味道絕對可以彌補環境嘅不足。不過唔好意思，今次冇擺相，因為食親都覺得太吸引，唔記得影相