明珠海景

營業中

休息中

尋日嚟北角探friend，跟住佢搵到間叫「明珠海景」嘅粵菜酒樓，一入到去，嘩～裝潢好豪華，金色為主，好有氣派，仲可以望到好靚嘅海景，景觀好開闊，食飯都開心啲～今次啲餸真系好正啊，點佐個明珠二小弄套餐，仲單點咗幾個點心，講真，套餐入面嘅餸都好有料到，連收尾嘅楊枝甘露都好出色，成個套餐好豐富。重點講下呢几个餸：豉油皇大虎蝦：只虎蝦好大好新鮮，肉質彈牙，豉油皇調味好香，食落勁惹味，口感超豐富。陳皮蒸四頭鮑魚：鮑魚厚肉，陳皮味好香，微甘嘅味道提升咗鮑魚嘅鮮味，食出傳統粵菜嘅精髓啊。蒜香黃金生蠔：生蠔肥美，蒜香味好濃郁，又唔會蓋過生蠔本身嘅鮮，正啊。呢個套餐兩百幾就可以食到咁多靚餸，仲有咁正嘅環境同海景，真系好抵啊！服務員態度又好，下次嚟北角一定再撐呢間，試晒其他套餐先得～

作為一名食評家，我對這間店的體驗感到相當失望。環境中彌漫著刺鼻的臭味，讓人一進門就感到不適。經理的態度冷漠，似乎對客人毫不在意，整體服務質素有待提升。菜品評價1. 龍蝦湯鮮竹卷 這道菜的湯底用龍蝦粉調製，味道單薄且過於依賴鹽，缺乏真正的海鮮鮮味，讓人難以享受。2. 棉花雞 令人驚訝的是，這道菜竟然帶有酸味，完全破壞了本應柔軟滑嫩的口感，讓人失望。3. 腸粉 此菜的腸粉皮厚且多，肉餡幾乎無味，完全靠豉油來提味，缺乏應有的風味層次。4. 火鴨絲炆米 火鴨絲的味道淡薄，湯汁卻又過鹹，無法讓人享受到應有的滋味，令人不禁搖頭。總的來說，這間店的食物質量與服務水準都令人失望。若想尋找美味佳餚，建議大家尋找其他更值得信賴的選擇。希望未來能有所改善。

咁耐以來第一次食完飯令我忍唔住寫一個食評。今日和家人一齊去食晚飯，坐低已經冇人serve，然後我哋叫咗一個普通四人餐，包括前菜兩個餸一條魚同埋半隻雞。叫完之後先發現原來又做緊一啲限時推廣，冇人介紹都算。每次加滾水或者想叫個白飯都要三催四請先會有人過嚟，最令人氣憤嘅係谷住導氣差唔多食晒諗住埋單，先發現有一個前菜冇黎，總共叫咗三個唔同職員先請到佢送呢碟前菜出嚟。結果我哋係食晒所有飯同埋餸之後再食一個開胃前菜，諗住問佢有冇甜品，佢話乜都冇得返杏仁茶，強烈建議任何聚會或者慶祝節目都唔好搵呢間，除非你同佢有仇。

成家人想飲茶，見評價唔錯, book 左晏晝飲茶，當日朝頭早都有係WhatsApp度confirm咗Booking本來諗住一邊食一邊望下海景，放鬆心情，點知竟然會係咁嘅體驗… 一去到就同職員講姓xx, book左幾多位,個職員就將我帶到去坐滿人嘅枱，嗰下已經o左… 再同個職員確認… 點知原來佢哋搞錯咗d booking, 冇幫我地安排好位置… 心諗我book完之後，再confirm個Booking有咩意義🙄… 正常嚟講安排出錯咗都會道個歉，再重新安排吓…個職員好似冇將我個booking當回事，繼續走serve其他客，喺我三番四次催促之下先搵個位安置咗我哋，個位仲要見完全睇唔到海，都幾失望下… 食物方面就正正常常…菠蘿叉燒包，個包好軟熟，叉燒餡都頗多嘅炒腸粉，味道正常，美中不足之處冇乜鑊氣椒鹽魷魚鬚，都幾大碟同幾好味，推介金莎粟米，好少見，值得一試魚湯烏冬，份量好大，好足料，味道係幾好嘅其他點心正常發揮其實點心種類好多，同埋都幾多出邊比較少食到嘅款式，如果淨係計食物係值得推介，但服務方面就麻麻地…希望可以改進下…

服務態度好有禮，坐窗邊有海景睇，環境乾淨👍上菜時間都算快，食物味道ok,不過片皮鴨兩味，苦瓜俾得少，可以加多去炒平均D鴨肉，影相一流，價錢合理，可以介紹比朋友，有下次🥰

食物材料新鮮、美味，富有特色。餐枱距離合適。服務員有禮貌和笑容可掬。地方光猛舒適。還有海景露台可供拍照！值得一提的是，食肆提供不銹鋼夾以方便清洗碗筷，很是窩心☺️！

今日朋友生日去了北角明珠海景酒家享用晚餐，朋友吃完非常滿足，😋😋**燒汁薯仔牛柳粒**：這道燒汁薯仔牛柳粒真係無得頂！牛柳粒煮得啱啱好，肉質嫩滑，加埋燒汁嘅香味，真係好出色。配上薯仔，外脆內軟，每一啖都充滿滋味。整個菜色非常豐富，有牛肉嘅嫩，有薯仔嘅香，絕對係一道令人回味無窮嘅好菜。🍖🥔**黃金脆皮燒雞**：黃金脆皮燒雞睇落已經好吸引，金黃酥脆嘅雞皮包住嫩滑多汁嘅雞肉，真係口感一流。每一啖都感受到香料嘅味道滲入雞肉裡面，食到停唔到口。而且有一碟豉油醬汁，可以沾埋一齊食，味道更加豐富。🍗🍴**豉汁帶子蒸豆腐**：豉汁帶子蒸豆腐真係好清爽，帶子新鮮嫩滑，同豆腐嘅滑溜口感形成完美嘅配合。豉汁嘅味道唔會太濃，剛剛好帶出豆腐同帶子嘅鮮味，非常好味。🥢🍥**西蘭花炒斑球**：呢個西蘭花炒斑球清新健康，斑球煮得非常嫩滑，西蘭花亦都煮得啱啱好，爽脆可口。每一啖都感受到食材嘅鮮甜味，再加上少少蒜香，同埋調味料，真係好滋味。🥦🍲

點心質素種類正常好味，衛生也ok，枱與枱之間有一定距離不會覺得太擠擁人聲太大，可以舒服傾下偈。出面陽台影相一流，非常適合朋友家庭聚會。網上睇倒嘅評價都係話服務好差，尤其是門口姐姐喎⋯⋯但係因為要就大家個location，見佢又有靚海景，咪大膽一試咯（因為去慣樓上酒店Cruise餐廳食嘢，知道個view冇得輸）。去到覺得服務正常，也不算人手非常短缺，門口迎賓帶位嘅姐姐也正常。後來坐到午市結束，叔叔仍然好好口話要收碗碟不過可以隨便繼續坐。

同屋企人共10個人第一次去呢間試下食晚飯, 訂左間房最底消費需要$6000, 所以就問個經理有咩套餐介紹，之後佢介紹左3個價位，我選擇左中間$8388既套餐。套餐入面隨左個菜，燒雞，伊面同燒乳豬係正常味道(可以接受) 其他貴價既菜式..係呢個價錢入面係我人生中食過最差既。極品菜式如下：其一，雞絲翅仲慘過我去街邊食$20既碗仔翅。其二，佢既六頭鮑魚...仲慘過去日本城買既罐頭鮑，仲要係冇汁...我問個職員點解你個鮑魚玉掌難食就算啦，點解連汁都冇？佢話因為煮乾左..我真係人身中第一次食冇汁既鮑魚。其三，海星班...我能夠話完全冇魚味..其四，炸蟹鉗...我估唔到連一些蟹肉都冇..環境是可以的。服務：侍應態度可以的，但經理至少由頭到尾都冇一個入過黎，最後係我忍不住去投訴個鮑魚果陣，佢地話無理由冇汁架，佢地睇完 竟然答我因為驚你地覺得咸 所以就唔落太多汁你地..我心諗佢地真係當我地第一次食？ 反正因為呢間野 我以後都唔會去北角匯食中餐...實在太過伏，呢次都係我第一次係openrice俾評價。

我特意邀請從英國回來的妹妹，到這家著名的高級酒樓飲茶。結果，這裡的點心絕對沒有讓我們失望。雖然菜品都是一些傳統的粵式點心,但廚師明顯下足功夫，做工精細，分量也很豐厚。我建議大家在點菜時不要一次性點太多，以免浪費。我最喜歡的是菠蘿叉燒包，外皮酥脆，叉燒肉與汁比例恰到好處，令人意猶未盡。椒鹽魷魚鬚,脆皮厚薄均勻，入口即化。不過，燒汁牛柳粒的份量略顯不足，但牛肉還鮮嫩多汁的。蜜汁叉燒則是這餐的焦點，梅頭肉的肥瘦層次恰到好處，外表帶有燶燶燋香味，味道適中， 令人齒頰留香。雖然價錢略貴，但下次還想嘗試其他不同的款式。

我們是晚市14位堂食整來想用open rice訂座，因為open rice訂座人數只有12位上限，所以我們致電酒樓訂位，後來結賬時一名女職員告知要經open rice訂座才有晚市75折等優惠，而電話訂座會以原價收費，我地感到非常驚訝，而職員在電話中亦沒有特別提及電話訂座沒有此優惠，結賬時才知道要付原價的收費。這次晚市的體驗感非常差，酒樓完全將責任推卸給我們，對於酒樓這次做法大感失望，之後都不會再來這間酒樓！！！！

老人家擺壽宴，訂咗幾圍，要咗一間廳房。食佢六千幾蚊嘅圍餐。當中蒸龍躉最好，大條兼肉嫩。其他菜式正正常常。去飲嗰陣正直奧運,想睇直播點知成間房唯一一部電視都係壞既xox其中一圍畀多咗錢加一個位，點知分第一個送嗰陣時竟然唔夠分！！啲樓面又話經理冇同佢講要分多個餸！（最尾喺每一圍嗰度攞少少先夠湊多一碟）侍應度縮數，每圍淨開一壺茶，當中有老人家唔飲得太濃嘅茶，嗌佢哋開過一壺鐵觀音都喺度黑口黑面。又唔係冇畀貼士，利是都畀齊，啲態度仲差過屋邨酒樓！ 最尾個經理仲要好厚面皮問我哋攞多啲貼士, 不知所謂，離曬大譜！！！想貼錢買難受，唔會再去！

今年的父親節比較特別，特別得要過海慶祝，一行八人已經早早預約，但也要等大約半小時才能入座。。。假日午市套餐$788 .其實每一碟份量都足夠，包括有燒雞，燒雞確實賣相真係好得，食落口還有脆皮的感覺，調味亦不過重，私心推介如果（單點）亦都相當給力⭐️⭐️⭐️⭐️粟米羹由於是套餐，所以份量只可以供給四位，正正常常的一道菜式⭐️⭐️⭐️乾燒伊麵份量也足，而且炒得乾身，味道亦都不過鹹胡椒豬肚湯材料豐富，不過自己就略嫌體積較為少一點⭐️⭐️⭐️小食包括脆炸雞翼，這一份自己沒有事，所以不作評論我只是記得這麼多。。。之後的都以單點計算.....蟲草花鮮竹卷$54 這一份也怪不能評論，因為沒有吃竹炭流沙包$52 外表賣相都不錯，可惜流心力度不足⭐️⭐️⭐️竹笙金魚餃$72 這款內涵其實我都食不出，不過外表真是吸睛，加多點分數給師傅⭐️⭐️⭐️牛肉球$52 算是席間之中較為出色一度，牛肉球打得鬆軟，肉質豐滿，味道恰好⭐️⭐️⭐️⭐️韭黃鮮蝦腸粉$70 腸粉皮夠滑，要有的應有，可惜$70一碟蝦腸是否叫價較高⭐️⭐️⭐️鮮奶布丁$48 ，這一款真的很有牛奶味，甜度個人自己就覺得輕輕略為甜了一點，但不作準則，因為我不喜歡較為甜的⭐️⭐️⭐️蛋白杏仁茶$48 也做

不嬲都有黎開呢度飲茶首先明明入面有位個帶位話要等結果佢比經理話牛柳粒好食，所以必點知今日黎到一望，牛柳粒變配菜？問下經理。佢理所當然話呢個係有啲姑但牛柳粒少到你都睇唔到喎佢條友聽完走左去不是吧？你是經理嗎？不如你再上下training/退休啦係味廚房叫唔夠貨？咁不如話售罄啦無得食都無咁嬲

入咗明珠海景，首先嗰一抹海景真係正翻天，席開窗邊，吹吓海風，咪講咗！特色點心放係眼前，光聽名都流晒口水。竹炭流沙包，黑滑滑嘅外表下，夾著濃濃嘅蛋黃流沙，咬落去嘅感覺簡直係正到爆！嘩，溢出嚟嘅沙味，簡直係亂噏！🥢黑松露燒賣，肉粒彈牙，松露味嚟得夠晒自然，香氣襯托埋燒賣嘅鮮美，一試難忘。講到鮮蝦豆苗餃同魚翅餃，賣相得意，食落去仲得意，咸蛋黃係豆苗餃嘅噱頭，層次感豐富。腸粉部分，黃沙豬潤同韮黃腸粉，滑潤又細膩，每條腸粉就好似微編嘅絲巾咁軟滑，鮮蝦彈牙，配合得宜。另外，百味豆腐粒就係外酥內軟，啖啖豐富口感，揀得唔錯。腦海中仲揮之不去嘅，係嗰碗魚湯魚滑米線，皮蛋點綴增加咗想像，湯底一流，令人回味無窮。最後，個蛋白櫻花蝦炒飯嘅顆粒飽滿，香氣撲鼻，整餐飯都算係無懈可擊。食完喺度講，我都覺得過癮，值得再黎！喺呢度食飯，真係滿足咗味覺嘅同時，仲有眼福，真係一流！✨🍽🌊