昌發泰國粉麵屋

營業中

休息中

隔了大半年，今晚餐飯好掃興。我哋二人叫左豬頸肉，沙嗲，香葉炒牛河，木瓜沙律。Order 不夠5分鐘，第一道系豬頸肉，食落只有少少暖，感覺攤左好耐只是叮熱少少，同時切得分不開，豬頸肉汁似開水，很淡冇酸辣味。隔一分鐘系沙嗲，出奇地快，沒有炭燒味，似叮熱少少，沙嗲汁咸又不香。再過三分鈡系干炒牛河，沒有即炒的香葉味，又係暖暖地，又係叮翻熱少少。點解全部要時間煮嘅就很快出嚟？反而最後的是木瓜沙律，可是不夠酸，咸，辣味，欠缺應有的泰式味道。坐位，環境一向都麻麻，只是之前食過的食物味道還可以才會再光顧。還有令人不明白成班待應好似在歺廳嬉戲，有個女待應遞菜給我之後卻被他另一個女同事做了不雅動作。為何眾目葵葵可以這樣？成餐飯食得不舒服，食物質素下降不止，沒有服務，環境又不乾淨，但價錢又貴了。不會有下次啦！

趁泰國新年期間，想同fd入九龍城食個泰國嘢。1點幾到，見到好多人排隊，以為入唔到去食，但好好彩又入到去。樓下無位，所以上咗樓上坐。提提大家樓上係網路沙漠，無上網訊號，個餐廳wifi我哋又用唔到，唯有專心食飯。我就叫咗個香葉肉碎飯，好正宗味道濃郁，譚仔5小辣辣度，份量超足夠。再點杯椰汁冰沙，慢慢椰奶味，天時熱辣辣最適合不過。椰汁冰沙，解渴又清涼。沙爹燒烤串，雞牛豬都有叫到，個人覺得🐔最好食，最入味。同行友人叫咗船河，偷飲咗個湯，不得了要下次嚟食過。總括嚟講，如果掛住泰國嘢食，推薦入九龍城，食翻餐。

有人建議小編黎九龍城食完野時可買個芒果糯米飯做飯後甜品，小編就揀左之前睇開既YouTube 介紹既昌發泰國粉麵屋買左盒返屋企試下！😋😋【芒果糯米飯做飯】$58 （外賣+$2）原來盒飯係即叫即整，落order 後等左大約10-15分鐘新鮮熱辣出爐，好大盒😋，我諗其實應該當正餐唔可以當甜品。芒果大大個，唔算好甜。椰漿亦唔係好甜，鐘唔鐘意就視乎你係嗜甜與否。😆💥 昌發泰國粉麵屋 📍 九龍城城南道25-27號地下

男朋友住喺九龍城，佢話呢間係食咗好多年所以就帶我去咗食。但我真係唔太鐘意呢間餐廳，環境真係麻麻。而且問店員嘢都好冇禮貌仲要好唔耐煩😥食物都係一般般好食特別係冬陰海鮮濃湯河超辣🌶椰青仲要係酸嘅😩

前幾日同屋企人去九龍城食晚飯，去咗一間外表唔起眼，但係原來好好味嘅泰國菜。 鋪面裝修好一般，啲位比較窄，但係啲嘢食就好好味😋首先食咗個炸蝦餅， 啲蝦餅好彈牙，好爽口，又唔會好油膩🤤之後飲咗個海鮮冬陰功湯，我叫嘅係大size，份量真係好足，個湯酸甜度適中，真係啱啱好，好耐未飲過咁好味嘅冬陰公湯🤩另外，仲有個肉碎炒飯同埋飛天通菜，呢兩個就正常無驚喜嘅菜式。如果個肉碎炒飯可以再乾身少少就 👍同埋呢間嘢嘅價錢唔貴，性價比高

這家泰國餐廳真的能夠呈現出地道的泰國口味和食材。無論是從餐牌上的選擇，還是味道的表現，都可以感受到餐廳對於料理的認真態度。我們在復活節假期下午光顧此店，對於店內的座位和裝潢感到滿意。即使店面較小，但是店內的裝飾和氛圍卻非常舒適和溫馨。此外，餐牌有提供泰文、中文和英文，方便各種族群的顧客點餐。我們點了船麵，味道非常棒。這道菜的湯頭非常香濃，配料也非常豐富。此外，我們還點了鳳爪沙律和一個椰青，都非常美味。價格方面，我們點了兩碗麵、鳳爪沙律和一個椰青，花費約200元，價格非常合理。然而，我們對於餐廳的服務卻不十分滿意。服務員工並不是很熱情，且下單時需要自行填寫點餐單。此外，店內後面的座位沒有網絡，如果需要上網的話，需要坐在前面的座位。總體而言，這家泰國餐廳的味道和價格都非常不錯，是一個值得推薦的餐廳。但是，店內的服務和後面座位的網絡設施可能需要改進。

如果唔係朋友話要食呢間我絕對唔會入去食🥲睇見舖頭門口已經覺得係唔舒適嘅環境😩而且坐得好唔舒服，舖頭好細又污糟。食物都係只係還好，叫做好食啲係鮮蝦炒金邊粉同酸辣鳳爪沙律🥗但都是可以接受

在九龍醫院探望完朋友，冒雨走到九龍城，天氣濕濕冷冷，想吃些湯麵暖身。入座之後先得知係ViuTV真人騷入面其中一個男主角的家族生意，還見到阿傑真人，感覺有趣！蠔仔煎蛋 $98點餐其間見鄰座所點，不敵香氣都來一客。煎蛋上桌時超級熱，蠔仔份量多，肥美不腥，以海量芽菜墊底，有吃鐵板燒的感覺。沙嗲(雞牛豬) $69雞牛豬各三串，豬肉串是以免治肉所組成，重點是要蘸上有花生香的沙嗲汁，錯不了。遊船河 $48湯頭濃郁，闊身河粉較平日的煙韌，配料款式豐富，適合心多多人士。

1. 個蝦醬通菜ok ge, 炒得幾有鑊氣2. 冬陰功好辣，不過味道都ok，份量就少左啲，好似$70左右，唔太抵，蝦肉有啲梅😥菇都唔多3. 個肉碎香葉炒飯唔得，好淋又冇肉碎，冇特色😓服務態度: 😓😓2個人食，拎飛店員帶位嘅。本身入座安排咗張闊身少少嘅2人枱，側邊放咗張圓櫈。係落單之際，個店員話呢張係3人枱，要求我搬去另一張枱。咁嗰張枱係近走廊邊，燈光好暗，又當風，又窄又迫嘅位。望住其他人坐得好鬆動食緊，諗住算啦屈就坐住先啦，就下人哋3個人。結果轉枱冇耐，店員竟然安排剛入黎一對couple坐咗張3人枱，最好笑係張圓櫈都收走埋，佢哋由始至終都係得2個人，都冇坐3人。😓勁無奈另外，野食等勁耐，出面係咁接food panda外賣🫣Overall: 野食係正常嘅, 不過不失，但用餐體驗不太愉快，九龍城同價錢有其他更好的選擇🫡

呢間🇹🇭泰國餐館都多人熟悉，viutv 姊妹們的國際市場，都係呢度上演太子爺👩🏼‍❤️‍👨🏼痴心追女真人show😁 講返野食，最欣賞係🥬生菜包，肉肉係辣又野味，🧅😈紫洋蔥係加分！唔想成條洋蔥放落口，但又不失已滲入肉碎既濃烈香辣味！一個人，基本上可以成碟車晒～生蝦🍤黎講，肉厚但就無乜味，個汁幫助唔少，係，係食個汁！都滿意既～柚子🥗沙律，係最最最最驚喜！聽個名夠晒清優，真身驚喜萬分！外表一睇野火辣味，仲要醒多幾舊大蝦比你！辣既柚子，新鮮感100%🥰 🥭芒果糯米飯，正宗無乜comment, 唯一即叫即食軟熟.椰青，都係撞手神啦！上次黎食，椰肉輕易就𢳂到！今次呢個稍為政肉左dd!#泰國生蝦好厚肉 #生菜包泰式料理 #柚子沙律係辣嘅仲有大大隻蝦 #姊妹的國際市場 #平價泰菜推介 #九龍城泰菜平靚正 #食評憑良心 #foodtour365

【九龍城】昌發泰國粉麵屋 眾所周知九龍城出名食泰國菜，今次介紹呢間昌發位於城南道，共有兩個舖位而且仲坐埋閣樓，星期六夜晚嚟食坐滿晒，非常熱鬧。😳以價錢來講未算最平，但勝在選擇夠多，而且座位都多，等起位上嚟都唔使咁耐。✌🏻✨冬蔭公（大）$128酸味非常開胃，辣味令人上癮。湯入面有3隻開邊中蝦同好多草菇，我哋三個人嚟食每人分到兩碗多啲。（覺得都頗辣🔥，我平時食到四小辣）✨生蝦刺身 $98生蝦肥美，蝦肉爽口。我個人食法係蘸啲辣醬再加粒蒜一齊食，刺激味蕾再提升鮮味。✨鮮蝦炒金邊粉 $59正宗泰式街頭風味，有獲氣，唯一美中不足係蝦有啲少，得三粒。✨咖喱軟殼蟹 $198黃咖喱配炸軟殼蟹，兩樣係分開上碟嘅，同想像中有啲出入🫠。軟殼蟹酥脆，偏細隻。黃咖喱可以再杰身啲，撈埋軟殼蟹一齊食就會掛汁啲。味道不過不失，應該唔會食第二次。👉🏻好多人話侍應姐姐態度唔好，我自己覺得還好，可能因為佢哋真係太忙，而且仲要上落樓梯送餐，我去當日係爆曬場。👉🏻想簡簡單單食泰國菜都幾推薦，價錢合理而且唔使等點位。聽講佢個麵係最出名，下次再試一試佢！✨昌發泰國粉麵屋 📍九龍城城南道25-27號地下

之前睇到谷德昭介紹一直好想黎，但次次都好多人，所以冇等，今日星期六下午2:30左右去碰下運氣，終於唔使等今次點咗一個遊船河、一個豬手湯河最先係豬手湯碗。我同事食左一半，我個碗仲未到，一問先知留咗單，再等多5分鐘我終於有得食啦，兩碗河粉都俾廣東粉麵嘅粗，質地好滑嘅，但D河粉會成疊痴埋一齊，煮麵師傅嗰冇撩散就上，有D求其，唯有自己用筷子逐層撕開，如果唔係夾係中間嗰啲河粉會冇味，兩碗粉嘅份量唔多，餸亦好少，豬手湯河得一件豬手加一件蘿蔔，遊船河就兩片瘦肉、兩粒肉丸加兩片好細嘅豬膶，我哋兩個女士食完都唔夠飽，由於當日返工得1小時食lunch, 冇再叫其他野食

A little cozy diner in Kowloon City. Never thought I can taste such authentic Thai cuisine here. The stir-fired noodles was the best I have ever eaten in HK. I can taste the “wok-hey” the second I put them in my mouth.The chicken rice was filled with the aroma of chicken oil and the chicken was so tender!

同屋企人喺附近整小小野，整完咁岩想食個late lunch, 屋企人話不如試下，好丫，間間都試下先知邊間好食架麻👍💙香葉肉碎飯$59蠢左，應該同佢加隻煎蛋，口感同味道更加match🤔💙豬雜湯河$48我阿媽話味道偏甜，河粉都幾特別因為好闊嘅，不過我就冇影到相💙滷水豬手$69味道都係偏甜，加埋啲酸菜有幾好食喎，我個人口味係接受到偏甜嘅，不過我阿媽就鍾意鹹香味道多啲。💙炸蝦餅拼魚餅$69味道正常發揮～💙夏威夷梳打$35呢樣係我最驚喜嘅，我真係講唔出佢係乜嘢味！但係酸酸甜甜咁又幾好飲喎，不過要留意佢啲藍色係色素嚟嘅，飲完條脷會變藍色。💙珍多冰$33味道正常，不過珍多冰會越飲越口渴，下次我都會跟我仔一樣嗌夏威夷梳打

好耐冇食昌發又去食下，以前都覺得佢幾好食，尤其是遊船河！今日都唔知食咗啲乜遊船河金邊粉嚟到唔係金邊粉，礙於唔想浪費食物！所以冇換照食，口味完全變晒，不過唔係叫做難食炒金邊粉我淨係食到好多油+大啦啦兩隻蝦+花生碎之後好似冇乜嘢料問佢有冇無糖嘅飲品！.無佢叫我咁你自己飲水係咪因為做到出名左啲人啲態度真係好差味道已經差咗態度又繼續差！分手💔